Скопски сообраќај (општо)

ЗА САМО ЕДЕН МЕСЕЦ ОБНОВЕНА УЛИЦАТА БЛАГОЈА СТЕФКОВСКИ, ВО ГАЗИ БАБА









Со ноќното бележење на улицата Благоја Стефковски во Општина Гази Баба цел месец пред предвидениот рок завршија градежни работи за обнова на нејзиниот коловоз. Втората фаза од реконструкцијата на улицата Благоја Стефковски го опфати потегот од свртувањето кон улицата Перо Наков до Кино „Маџари“, во должина од околу 850 метри

Минатата година беше реконструиран потегот од Триангла до свртувањето кон улицата Перо Наков, а во третата фаза од реконструкцијата на оваа улица е предвидено да биде опфатен потегот од Кино „Маџари“ до пругата Скопје - Белград, со што целосно ќе биде реконструирана главната улица што ги поврзува населбите Маџари и Ченто.

https://www.facebook.com/CityofSkopje

Edited by stef4o - 26-Sep-2020 at 12:51

Зошто Бутелска не ви е приоритет?
Улицата буквално е каратер до кратер, возиш слалом за да ги избегнеш дупките.
Срамота!

Originally posted by Staro Skopje Originally posted by stef4o Чија идеја се ваквите лежечки полицајци? Многу се непрактични, цела кола неретко не може да помине врз нив, а сите полвично ги одбегнуваат по средина. Зошто не се преку цела улица?

Ако имам добро разбрано, идеата со овие лежечки е да имаат таква ширина за да и сметаат на обична кола, но да не се не прешироки па така што комбе на брза помош или пожарна да можат непречено да ги земат "меѓу ноѕе", без застанување

Од реконструкција на ул.Салвадор Аљенде-Центар







https://www.facebook.com/sasha.bogdanovikj

Дај боже да е така,барем да се исплати застојот и колоните што се создаваат и конечно да се воспостават повисоки стандарди на изведба. Овој булевар е секако многу оптеретен и треба одлична изведба...ме нервира што не ги санираат оние бреговите(вдлабнатини) на потегот околу Транспортен многу се незгодни и плус се собира многу вода при секој помал дожд. Можеби во некоја следна тура,следно лето...

Целосен ремонт на 13 километри сообраќајници

Пандемијата од Ковид-19 сè уште трае, но животот барем засега полека се враќа во нормала. Речиси сите граѓани се враќаат на своите работни места, а дел од учениците повторно ќе седнат во училишните клупи. Новото нормално веќе е забележливо меѓу луѓето, но старите навики останаа, а со тоа и вечниот проблем што го има градот Скопје со сообраќајниот метеж.

Пред почетокот на есента половина град е раскопан со реконструкција на улици. Речиси и да нема дел од градот каде во текот на целиот ден не се прави сообраќаен метеж затоа што дел од улиците и булеварите се затворени заради реконструкција. Во оваа офанзива ќе се направи ремонт на 13 километри сообраќајници. Градските власти за тоа апелираат граѓаните да имаат трпение додека траат градежните работи на сообраќајниците, за зимата да ја дочекаме со реконструирани улици во сите општини, а сега да користат алтернативни улици за движење.

РАСКОПАНО ОД БУТЕЛ ДО КАРПОШ

Шест поголеми улици во неколку општини се зафатени со реконструкција. Се реконструира улицата „Никола Карев“, кај Железничка станица, втората делница од улицата „Лазар Личеноски“, улицата „Македонско-косовска бригада“ и „Џон Кенеди“ во Чаир, како и „Боца Иванова“ во Бутел и уште една делница од улицата „Благоја Стефковски“, во Гази Баба.

И дел од булеварите се зафатени со реконструкција и со градежната сообраќајна офанзива која ја најавуваа властите. Па така реконструкција се прави на булеварот „8 Септември“ каде ќе се градат и велосипедски патеки. За прв пат велосипедистите ќе може безбедно да го користат и булеварот „Александар Македонски“ во Автокоманда откако и тој ќе биде реконструиран и ќе се направат велосипедски патеки. Во Општина Аеродром се реконструира булеварот „Видое Смилевски-Бато“.

ЗА РЕКОНСТРУКЦИЈА ЌЕ СЕ ПОТРОШАТ 6,4 МИЛИОНИ ЕВРА

За реконструкција на сите овие булевари и улици градот ќе потроши вкупно 393,5 милиони денари или речиси 6,4 милиони евра. Од овие средства 272,3 милиони денари или 4,4 милиони евра се за реконструкција на булеварите, а на улиците ќе се потрошат останатите 121,2 милиони денари или нешто помалку од два милиони евра.

Кај булеварите најмногу пари ќе се потрошат за реконструкција на булеварот „Александар Македонски“. Реконструкцијата тука се одвива на потегот од крстосницата со улица „16-та Македонска бригада“ до пешачкиот мост пред клучката кај Хиподром, која го поврзува овој булевар со автопатот. Реконструкцијата се реализира фазно, а на терен истовремено се работат три од вкупно четири фази на реконструкцијата. Булеварот ќе се реконструира во должина од 5.300 метри, што претставува најдолга делница на која Град Скопје работи во моментов. Трите фази од реконструкцијата истовремено ги реализираат три различни градежни компании, а вкупната вредност на трите договори изнесува околу 202 милиони денари со вклучен ДДВ. Реконструкцијата ќе се искористи и за поставување или замена на подземните инфраструктурни инсталации, а исто така ќе се изврши и експропријација на земјиште за да се изгради велосипедска патека.

На потегот од булеварот „Илинден“ до улицата „Скупи“ ќе се реконструира булеварот „8 Септември“. Во текот на градежните работи ќе се изврши комплетна реконструкција на коловозот, обнова на тротоарите со замена на оштетените рабници и нивелација на постојните шахти и сливници, во двете насоки, во должина од 980 метри. Станува збор за релација која претставува главна артерија што ги поврзува населбите Карпош 2, 3 и 4 со Злокуќани, Бардовци, Момин Поток и другите населби во северниот дел од градот. Исто така ќе се изведе и нова велосипедска патека со што ќе се заврши таканаречениот Конектор број 5 и ќе се поврзат населбите Карпош, Злокуќани и Бардовци со велосипедската патека на кејот на Вардар. Планирано е да се формира и нов дрворед од околу 100 дрвја, а ќе се уреди и средишна жардиниера.

За реконструкција на булеварот „8 Септември“ ќе се вложат 43 милиони денари со вклучен ДДВ.

На булеварот „Видое Смилевски-Бато“ предвидено е да се направи целосна реконструкција во двете насоки, да се заменат оштетените рабници и да се направи нивелација на постојните шахти и сливници во должина од 700 метри. Вредноста на овој проект е 27,3 милиони денари.

Најмногу пари за реконструкција ќе се потрошат на улицата „Македонско-косовска бригада“ и тоа околу 56 милиони денари. На делницата од крстосницата со булеварот „Никола Карев“ (Пластичарска) до крстосницата со „Втора македонска бригада“ ќе се изврши целосна реконструкција на коловозот во должина од 1.700 метри, реконструкција на постојните тротоари, замена на оштетените рабници, нивелација на шахтите и сливниците, а ќе се постават и нова атмосферска и фекална канализација. Градските власти велат дека оваа фаза всушност е изведба на едниот крак од идниот булевар „Македонско-косовска бригада“. Во текот на наредната година се очекува да почне постапката на експропријација на земјиштето, со цел да се изведе и вториот крак и со тоа овој дел ќе се поврзе со булеварите „Босна и Херцеговина“ и „Словенија“, а перспективно ќе имаме влез на тунелите под Кале.

За реконструкција на булеварот „8 Септември“ ќе се вложат 43 милиони денари со вклучен ДДВ.

На булеварот „Видое Смилевски-Бато“ предвидено е да се направи целосна реконструкција во двете насоки, да се заменат оштетените рабници и да се направи нивелација на постојните шахти и сливници во должина од 700 метри. Вредноста на овој проект е 27,3 милиони денари.

Најмногу пари за реконструкција ќе се потрошат на улицата „Македонско-косовска бригада“ и тоа околу 56 милиони денари. На делницата од крстосницата со булеварот „Никола Карев“ (Пластичарска) до крстосницата со „Втора македонска бригада“ ќе се изврши целосна реконструкција на коловозот во должина од 1.700 метри, реконструкција на постојните тротоари, замена на оштетените рабници, нивелација на шахтите и сливниците, а ќе се постават и нова атмосферска и фекална канализација. Градските власти велат дека оваа фаза всушност е изведба на едниот крак од идниот булевар „Македонско-косовска бригада“. Во текот на наредната година се очекува да почне постапката на експропријација на земјиштето, со цел да се изведе и вториот крак и со тоа овој дел ќе се поврзе со булеварите „Босна и Херцеговина“ и „Словенија“, а перспективно ќе имаме влез на тунелите под Кале.

Улицата „Лазар Личеноски“, се реконструира на потегот од СРЦ „Кале“ до крстосницата со булеварот „Никола Карев“, што претставува втора фаза од обновата на оваа значајна сообраќајница. На оваа делница ќе се изврши целосна реконструкција на коловозот во должина од 1.300 метри, реконструкција и проширување на постојните тротоари, како и замена на оштетените рабници

Градежни екипи работат и на реконструкција на улицата „Никола Карев“ на потегот од крстосницата со улицата „Трета македонска бригада“ до булеварот „Кузман Јосифовски- Питу“, на должина од 510 метри. Од Градот велат дека по изградбата на улицата „Есенинова“ која веќе е почната и со реконструкцијата на улицата „Никола Карев“ жителите на општините Центар, Аеродром, Кисела Вода и Гази Баба побрзо и полесно ќе стигнуваат до саканата дестинација. На тој начин, движењето од Кисела Вода до Гази Баба ќе биде скратено за нешто повеќе од 10 минути. Дополнително, на улицата „Никола Карев“ се предвидени и велосипедски патеки од двете страни, со што ќе се поврзат двете главни велосипедски рути на булеварот „Кузман Јосифовски-Питу“ и булеварот „Трета македонска бригада“, кои ги поврзуваат општините Центар и Аеродром

Улицата „Боца Иванова“, во општина Бутел, се реконструира во должина од 800 метри и тоа на потегот од кружниот тек до улицата „Лазар Трповски“.

Втората фаза од реконструкцијата на улицата „Благоја Стефковски“ ќе го опфати потегот од свртувањето кон улицата „Перо Наков“ до Кино „Маџари“, во должина од околу 850 метри.

По завршувањето на втората фаза планирано е да се почне со реализација и на третата фаза од реконструкцијата на оваа улица која е предвидено да биде на потегот од Кино „Маџари“ до пругата Скопје – Белград, со што главната улица која ги поврзува населбите Маџари и Ченто ќе биде целосно реконструирана.

Се гради и ново, не се поправа само старото

Освен реконструкција на постоечките, Град Скопје го гради и новиот булевар „Босна и Херцеговина“. Реализацијата на овој капитален проект се одвива во две фази. Првиот дел од новопроектираниот булевар „Босна и Херцеговина“ е на потегот од крстосницата на булеварот „Словенија“ и улицата „Македонско-косовска бригада“ до крстосницата со улиците „Бутелска“ и „Кемал Сејфула“. Булеварот ќе биде долг околу 1.400 метри и широк 40 метри и ќе има по три коловозни ленти во двата правца, пет метри зелен појас во средината, странично зеленило, како и пешачки и велосипедски патеки од двете страни.

Втората фаза од изградбата на новопроектираниот булевар „Босна и Херцеговина“ е на потегот од крстосницата со булеварот „Христијан Тодоровски-Карпош“ до крстосницата со улиците „Ќемал Сејфула“ и „Бутелска“. Булеварот на овој потег ќе биде долг околу 500 метри, широк 40 метри, со шест коловозни ленти, две велосипедски и две пешачки патеки и централно и странично зеленило.

Со изградбата на новиот булевар, граѓаните на Бутел, Чаир, Шуто Оризари и на Железара ќе имаат целосно булеварско решение со кое се спојуваат булеварот „Словенија“, „Босна и Херцеговина“ и „Христијан Тодоровски-Карпош“.

https://www.porta3.mk/celosen-remont-na-13-kilometri-soobrakjajnici/

Од мојата тура по дел од ул.Никола Карев,се спремаат за асфалтирање на десната страна













тротоарите се раскопани поради преместување некакви инсталации

Во слепа улица од возила врвулица – вози кој како стигне!




На некои им текнало, па ставиле земја за полесно да се искачат со возилата на тротоарот и потоа десно по булеварот. Но што е уште поопасно, некои ги пресекуваат двете средишни ленти и се приклучуваат на левата страна на булеварот што води кон центарот на градот. Сега новиот булевар е многу фреквентен и не дај боже, може да дојде до несреќа го големи последици, вели жител на Бутел 1. – Веднаш ќе ги известам од Градот за случајот и ќе наредам до крајот на неделава да се тргне земјата, песокот или што и да е. Заштитни столпчиња мора да се постават заради безбедност. Инаку, имаше опција улицата „Марко Крале“ да не биде слепа улица, туку да оди паралелно со булеварот, за што требаше да се урне една куќа. Но, тогаш 80 проценти од жителите го побараа првото решение. Сепак, повторно ќе направиме анкета со жителите да видиме какво е сега нивното размислување околу тоа – изјави Смилевски



Жители на улицата „Марко Крале“ во Бутел 1 се жалат дека со пробивањето и изградбата на булеварот „Христијан Тодоровски Карпош“ останале како слепо црево во тој дел на градот. Велат дека по изградбата на булеварот нивната улица останала затворена за излез со возила кон центарот на градот, па општинските власти им кажале да ја користат улицата „Хо Ши Мин“, или пак, да одат до последна автобуска постојка на „57“ и да возат преку надвозникот за да се приклучат на булеварот „Х.Т. Карпош“.

Еден жител, кој се јави во редакцијата на весникот ВЕЧЕР, вели дека не се против што нивната улица „Марко Крале“ сега е слепа, туку се мошне загрижени што некои не го почитуваат новиот режим, па за да не вртат по другите улици, направиле пристап до булеварот и диво се приклучуваат, со тоа доведувајќи се во ситуација да предизвикаат сообраќајна незгода.



– На некои им текнало, па ставиле земја за полесно да се искачат со возилата на тротоарот и потоа десно по булеварот. Но што е уште поопасно, некои ги пресекуваат двете средишни ленти и се приклучуваат на левата страна на булеварот што води кон центарот на градот. Сега новиот булевар е многу фреквентен и не дај боже, може да дојде до несреќа го големи последици, вели жител на Бутел 1.

Бараат надлежните да постават заштитни столпчиња или ограда на тој дел за да се спречи дивото приклучување од „Марко Крале“ на булеварот, како и да се постави вертикална сигнализација која ќе покажува дека улицата е слепа. Бараат и одговор зошто не е поставена звучна бариера со оглед дека куќите им се до булеварот, а станува збор за многу фреквентна сообраќајница.

Булеварот „Х.Т. Карпош“ го градеше градот и оттаму ни одговорија дека согласно Генералниот урбанистички план на Град скопје, како и Деталниот урбанистички план за Бутел 1, посочената сообраќајница „Марко Крале“ не се приклучува на новоизградениот булевар.



– Булеварот од наша страна е соодветно обележан. На оваа позиција, како што може да се види на самите фотографии е изграден соодветен тротоар и на оваа локација не е предвиден сообраќаен приклучок на булеварот – кусо одговорија од Градот.

Градоначалникот на општина Бутел, Велимир Смилевски ни рече дека никој досега не го известил за овој проблем со дивото приклучување од „Марко Крале“ на булеварот.

– Веднаш ќе ги известам од Градот за случајот и ќе наредам до крајот на неделава да се тргне земјата, песокот или што и да е. Заштитни столпчиња мора да се постават заради безбедност. Инаку, имаше опција улицата „Марко Крале“ да не биде слепа улица, туку да оди паралелно со булеварот, за што требаше да се урне една куќа. Но, тогаш 80 проценти од жителите го побараа првото решение. Сепак, повторно ќе направиме анкета со жителите да видиме какво е сега нивното размислување околу тоа – изјави Смилевски.

Тој истакна дека низ општината досега се направени само пет сообраќајни решенија на улиците и приоритет е даден на оние кои водат до училиштата и градинките. Постепено ќе се изготвуваат сообраќајни решенија и за другите улици, вклучително и за „Марко Крале“.

(С.Бл.)   

https://www.vecer.press/во-слепа-улица-од-возила-врвулица-вози/

не мораа буквално во исто време да го раскопаат цел град
вакви работи се прават плански со контрола на сообраќај... нема еден граѓанин на Скопје што не е видно исфрустритран од целиов поход

ИСТОВРЕМЕНО СО УЛИЦАТА 11 ОКТОМВРИ КАЈ ЗЕЛЕН ПАЗАР ШИЛЕГОВ ПОЧНА ДА ЈА ПОПРАВА И ВАСИЛ ЃОРГОВ ВО КАПИШТЕЦ

Град Скопје денеска почна со реконструкција на улицата Васил Ѓоргов во населбата Капиштец, на потегот од крстосницата со Рузвелтова до Водњанска. Градежните работи на оваа фреквентна сообраќајница во центарот на градот се одвиваат истовремено со оние на улицата 11 Октомври кај Зелен пазар, која почна да се реконструира вчера, што предизвика метеж и колони возила од Црвен крст до Рекорд.

Градоначалникот Петре Шилегов на прашањето на САКАМДАКАЖАМ.МК зошто истовремено се прават овие две фреквентни улици во градот и зошто не се почека 10 дена да се заврши 11 Октомври па да се почне да се работи овој потег, кажа дека станувало збор за различни делови од градот.

„Улицата 11 Октомври се наоѓа во источниот дел од градот, Васил Ѓогов во западниот, па луѓето кои гравитираат се различни. Јас немам чувство дека кај граѓаните има револт за тоа што реконструираме улици, можеби имаа моментално поради гужвите, но не постои начин да се направи улица без метеж. Поради тоа што сме брзи сметам дека има разбирање кај граѓаните“, рече Шилегов и најави дека улицата ќе биде готова за 20 дена.

На овој потег, покрај нов коловозот на должина од околу 1.000 метри, ќе се обноват оштетените делови од тротоарите, ќе се заменат оштетените рабници, а ќе има и корекција на крстосницата со улицата Франклин Рузвелт.

За реконструкција на улицата Васил Ѓоргов ќе се вложат околу 20 милиони денари (околу 330.000 евра) со вклучен ДДВ.

https://sdk.mk/index.php/dopisna-mrezha/istovremeno-so-ulitsata-11-oktomvri-kaj-zelen-pazar-shilegov-pochna-da-ja-poprava-i-vasil-gorgov-vo-kapishtets/