build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Квалитет на воздухот во Скопје

Bookmark and Share
 Post Reply Post Reply Page  <1 89101112 42>
Author
Message Reverse Sort Order
  Topic Search Topic Search  Topic Options Topic Options
Dexter26 View Drop Down
Senior Member
Senior Member
Avatar

Joined: 19-Nov-2010
Online Status: Offline
Posts: 2035
  Quote Dexter26 Quote  Post ReplyReply #181 Posted: 27-Aug-2018 at 04:51
Previous
 
Па за почеток веќе постои гасовод кој поминува низ Скопје, а домаќинствата и онака не го користат бидејќи никој не се позанимавал сериозно со гасификацијата на градот.
 
Не би било проблем да се изврши надградба на тој постоечки гасовод, која би одела кон Тетово, а од таму и кон Гостивар. И онака низ градов врие од багери и градежни активности кои си траат со години, па раскопаните улици и пешачки патеки нема да бидат некоја новост.
 
А дали воопшто размислуваш на долгорочните последици од сечењето на шуми на Водно, без разлика дали се 2 хектари, 4 хектари или било колку хектари ?
 
Навистина мислиш дека плавите жолтици се нешто поарни од пвеводбениците, само бидејќи не лупаат споменици и административни згради каде ќе им текне ?
 
Друго што се смени ?
 

 
Сите ветуваат брда и долини кога се во опозиција, а кога ќе се закачат за власт, ветувањата си летаат низ прозор.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #182 Posted: 27-Aug-2018 at 01:21

Originally posted by ehrlich

Од целиов твој текст погоре, ова е клучното, нешто што не се случува во реалноста.
Проблемот со неизградбата на дистрибутивните мрежи е наследен и е настанат поради тоа што претходната власт беше незаинтересирана да се реализираат такви проекти. Не може да ги стопираме магистралните гасоводи со претпоставка дека секоја наредна гарнитура ќе продолжи да се однесува идентично, тоа е надвор од паметот. Всушност ако се блокира и одолговлекува изградбата на магистралните гасоводи, тогаш тек сигурно нема да се градат ни дистрибутивни мрежи. Време за губење нема, веќе имаме изгубено многу повеќе отколку што смееше.



Originally posted by ehrlich

Не знам колку чест посетител си на Водно, но токму реонот каде што е планирана сечата е една од најдивите страни на Водно, со целосно густа шума, единствено со една козја патека која тргнува од селото Нерези и се поврзува на поголемата патека Водно-срт Водно-Матка.
Доволно често одам на Водно и сум го поминал патот по сртот (од врвот до Матка). Добар дел за жал е шума (мада далеку од тоа дека тоа е „најдивиот“ дел на Водно). Но не треба да се сече целата шума, туку појас широк 10 метри, а исто така нема да се сече надолу према Нерези, туку трасата продолжува кон запад по сртот (голем дел е непошумен камењар) се до оваа точка:

41°57'37.96"N  21°19'51.25"E  .

Во секој случај не знам зошто субјективното доживување на некоја козја патека ја прави оваа шума повредна од шумата на 50 метри од неа која ќе остане, или повредна од реализација на толку значаен проект како гасоводот.



Originally posted by ehrlich

Овој гасовод ќе остави траен белег на оваа наша локална планина, поголем од патот кон Сончев Град.
Не е точно, за тој пат е уништено многу повеќе шума за многу понезначаен проект, и проект без еколошки бенефити туку напротив. Но далеку поважно од тоа, шумата беше уништена иако тоа можеше да се избегне со пробивање на еден тунел (како што беше и првично планирано). Особено кога ќе се земе во предвид фрапантната цена на патот без тунел.



Originally posted by ehrlich

Не е вкусно да релативизираш дека се работи за „безмалку два хектари“ шума, кога еве една проста математика: ако се работи за 10 метри должина на трасата (по која би се придржувале по ново), а треба да помине најмалку 4 километри во ваква шума, тогаш се работи за точно 4 хектари.
Ништо не релативизирам туку го земам официјалниот податок што го соопштија пред цела јавност. Дури и да се 4 хектари не менува нешто клучно во сметката за проектот, но би било важно за да се побара одговорност за евентуалното лажење на јавноста. Доколку навистина површината е поголема од 2 хектари, јас би бил среќен некој од активистите што располага со детална мапа на новата траса тоа да го пресмета и јасно да го докаже, па со полно право да бараме оставки.



Originally posted by ehrlich


Да, гасот се користи од некои топлани и некои индустриски капацитети, но каде е мрежата до домаќинствата, која сигурно ќе се гради со години, како што и истото ќе се случува во Тетово и Гостивар, со што не дава гаранции дека сечата на Водно ќе го намали загадувањето во овие градови и во Скопје
Кога збориме за квлаитет на воздухот, ефектот од гасификацијата на топланите (еве воопшто да не одиме понатака), сам по себе е неспоредливо поголем од тоа што го имаат 2 или макар 4 хектари шума на Водно.

А зошто доцни дистрибутивната мрежа и зошто би било вон памет да се блокира изградбата на магистралните гасоводи поради тоа, пишав погоре.



Originally posted by ehrlich

туку напротив ние ќе си останеме со искасапена шума и можност за ерозии.
Ова се хиперболи. Ниту станува збор за некакво неразумно касапење, ниту ќе има ерозии. Не треба човек да е експерт, за да знае дека коридор од 10 метри кој е опкружен од шума не може да предизвика ерозии. Впрочем на Водно веќе има неколку далноводи и има жичара, па не гледам дека таму се јавила ерозија, а појасот на исечена шума долж нивните траси е сличен или поширок.



Originally posted by ehrlich

И секогаш ме нервира моментот кога се зборува дека нешто ќе се надокнади, никој не прашува каде тоа ќе се надокнадува, во градското подрачје или на Ајватовски Рид, или пак Соње, или пак, дали новозасадено дрво е исто како децениско.
Еве и мене ме нервира моментот кога некој се фаќа за еден детал, а ја игнорира големата слика. Нејсе, обврската за пошумување е на Водно, а околу трасата на гасоводот секако има голи површини на претек, па може да се изврши неколкукратно поголемо пошумување отколку шумата што ќе се изгуби. Младо дрво не е исто како децениско, но што да правиме таков е животот, нема идеални решенија, а и работите не стојат во место, па за 20 години сегашното младо дрво ќе е зрело, а некои од сегашните децениски дрвја ќе се исушат.

Она на што навистина треба да се сконцентрираме е ветеното пошумување за компензација да се оствари најобемно што може, најбрзо што може, и сето тоа да биде квалитетно направено. Ова е една од клучните точки каде сега треба да им се виси над глава и да се врши притисок.



Originally posted by ehrlich

Не сум јас најпаметен, но еколошките групи понудија алтернативи во нивните последни изјави за печат и можеше да се најде заедничко можно решение ако се сака.
Кои се тие алтернативи? Дај нешто конкретно од тие предлози.

Има ли некаква дефинирана алтернативна траса? Има ли сериозна проценка на трошоци? Има ли сериозна проценка на дополнително време што ќе се потроши во планирање, подготовка на техничка документација, експропријација и изградба по некоја таква траса? Има ли, на крајот на краиштата, алтернативна траса со сериозна проценка на негативните ефекти по животната средина?

Ајде да видиме некоја конкретна алтернатива, па да дискутираме која опција е подобра. Значи не само приказни, туку сериозна алтернатива, поткрепена со аргументи и бројки.




Edited by Cloverstack - 27-Aug-2018 at 01:31
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #183 Posted: 26-Aug-2018 at 21:43
...што гасоводот може да го има.

Од целиов твој текст погоре, ова е клучното, нешто што не се случува во реалноста.

Не знам колку чест посетител си на Водно, но токму реонот каде што е планирана сечата е една од најдивите страни на Водно, со целосно густа шума, единствено со една козја патека која тргнува од селото Нерези и се поврзува на поголемата патека Водно-срт Водно-Матка. Овој гасовод ќе остави траен белег на оваа наша локална планина, поголем од патот кон Сончев Град. Не е вкусно да релативизираш дека се работи за „безмалку два хектари“ шума, кога еве една проста математика: ако се работи за 10 метри должина на трасата (по која би се придржувале по ново), а треба да помине најмалку 4 километри во ваква шума, тогаш се работи за точно 4 хектари.

Да, гасот се користи од некои топлани и некои индустриски капацитети, но каде е мрежата до домаќинствата, која сигурно ќе се гради со години, како што и истото ќе се случува во Тетово и Гостивар, со што не дава гаранции дека сечата на Водно ќе го намали загадувањето во овие градови и во Скопје (по твојава логика) во следните 3-4 години, туку напротив ние ќе си останеме со искасапена шума и можност за ерозии.

И секогаш ме нервира моментот кога се зборува дека нешто ќе се надокнади, никој не прашува каде тоа ќе се надокнадува, во градското подрачје или на Ајватовски Рид, или пак Соње, или пак, дали новозасадено дрво е исто како децениско.

Не сум јас најпаметен, но еколошките групи понудија алтернативи во нивните последни изјави за печат и можеше да се најде заедничко можно решение ако се сака.

Едните го почнаа копањето, другите ќе го доуништат, па така следен пат Водно не само кај Рамстор, ќе ни дојде во двор на сите.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #184 Posted: 26-Aug-2018 at 19:28
Originally posted by ehrlich



Коментарот беше насочен кон вчерашното продолжување на касапењето на Водно кон остварување на целта магистрален гасовод за Тетово и Гостивар, кој е наречен „најеколошкиот проект“. Особено кон лагите дека гасоводот ќе го намалел загадувањето во Скопје. Имено, Скопје има магистрален гасовод со години, па нема никаков удел гасот како енергенс, но затоа е потребно да искасапиме шуми и да му дадат уште еден белег на Водно со цел да имаме гасовод кој не се користи ниту таму каде што го има.

Текстот на дечкото кој бил на состанокот кажува се, колку нашите моментални власти се неспособни за било што во државава, а сигурно во зима ќе излезат и со изјави, дека во време на режимот било полошо.


Овде се измешани лончињата. Коментарот на дечкото што бил на состанокот за квалитетот на воздухот е отрезнувачки и кажува многу работи, ама нема апсолутно никаква врска со гасоводот. Исто така и сечењето на одредена количина шума долж трасата на гасоводот воопшто не го минимизира огромниот позитивен еколошки ефект што гасоводот може да го има.

„Касапење на Водно“ не воопшто соодветен збор со оглед дека станува збор за помалку од два хектари шума, а од друга страна имаме неспоредливо поголеми позитивни ефекти. Во секој случај шумата може и треба да се надокнади и тоа повеќекратно! Она на што треба да се внимава е дали на терен изведувачите доследно ќе се придржуваат до новата максимална ширина на коридорот од 10 метри (значи да се осигураме дека сечата ќе биде ограничена во рамки на тоа што е соопштено) и да се бара веднаш да објават обврзувачки документ и план за пошумувањето што го ветија (да видиме за колку хектари се работи и кои се локациите) и да се врши притисок тоа пошумување да почне веднаш при првата прилика кога климатските и другите природни услови се поволни за негово спроведување.

Во однос на тврдењето дека гасот ионака досега не се користел во Скопје, иако постоел гасовод, тоа не е точно. Таму кадешто имаше можност за воведување на гасот веќе значително се користи (топланите кои инаку порано користеа мазут, како и повеќе поголеми индустриски субјекти, веројатно и помали индустриски капацитети но за нив не знам конкретни информации). Понатамошна гасификација долго време не беше можна во поголем обем затоа што претходната власт освен неколку глупости, не направи ништо друго во правец на изградба на дистрибутивна гасоводна мрежа во Скопје. Без дистрибутивна мрежа не може да има гасификација.

Тврдењето дека изградбата на гасовод кон Тетово, Гостивар и Кичево немало да го намали загадувањето во Скопје (не дека два хектари шума што може да се надокнади треба бидат пречка за гасификација на региони со над 300 илјади жители) исто така не е точно. Географијата е таква што загадениот воздух од овие градови сигурно во голема мерка го наоѓа патот и до скопската котлина. Ако таму се намалат изворите на загадување, тоа ќе има позитивен ефект не само таму, туку и во Скопје и во други градови.


Цело време се зборува за негативните страни од изградбата на гасоводот (мада тоа во реалност се сведува на сечење на релативно мала површина шума), но алтернатива не се кажува. Значи која е алтернативата? Гасоводот воопшто да не се гради? Или гасоводот да се гради по друга траса, за што ќе треба многу повеќе време и многу повеќе пари, а сигурно и по друга траса ќе треба да се сече шума и да има некакви други негативни еколошки ефекти. Значи има ли подобро решение од сегашното? Тоа е прашањето.




Edited by Cloverstack - 26-Aug-2018 at 19:33
Back to Top
Dexter26 View Drop Down
Senior Member
Senior Member
Avatar

Joined: 19-Nov-2010
Online Status: Offline
Posts: 2035
  Quote Dexter26 Quote  Post ReplyReply #185 Posted: 26-Aug-2018 at 13:38
Originally posted by alexsend

Прва мерка: Сите кое се исклучиле од парно да МОРА да бидат на мрежата!

За другото се потребни години...ширење на топловодна мрежа, гасификација, пелети...

 
Originally posted by alexsend

Да не сакаш и храна да ви купувам!?
Живеење во централни градски подрачја е привилегија. Власта мора да ги заштити младите!
Парно задолжително секаде каде има мрежа!
Инвестирање во гасификација.
ЕУРО 4 за автомобили задолжително веднаш и ЕУРО 5 до 2020та.
Немора секој да живее во урбани населби и да има автомобил.
Но мора децата да живеат во здрави услови.

Сакате промени? Промените се тешки!

 
Привилегија е` и твоето членство на форумов, но тоа не значи дека твоите аргументи ќе бидат прифатени.
 
Велиш промените се тешки ?
 
Па што велиш за една друга промена, како на пример дислокација на депониите на Охис, на велешката топилница и други загадувачи од тешката индустрија, а потоа и целосна дислокација на Макстил, Охис, Југохром, велешката топилница и сите останати загадувачи од тешката индустрија ?
 
Бидејќи велиш промените се тешки, ај да започнеме од тешката индустрија наместо од домаќинствата - кои секогаш се први на мета на поскапувањата на струјата, водата, парно греењето и нафтените деривати.
 
И кога сме кај промените, што велиш за оваа промена: финансиско и здравствено осигурително обештетување на сите семејства кои живеле повеќе од 10 години во радиус од 2 километри околу Макстил, Југохром и сите останати загадувачи од тешката индустрија ?
 
На крајот на краиштата, станува збор за десетици илјадници жители кои со децении го голтаат тој загаден воздух, додека ти раскажуваш приказни и бајки за деца од типот на задолжително парно греење за сите кои живеат во централното градско подрачје.
 
Дај пример за урбани подрачја во кои парно греењето е` задолжително за сите жители на централното градско подрачје, и кои се просечните нето примања секој месец на тие жители, чисто за да видиме како стојат со пари за да ги покријат таквите трошоци.
 
А кога сме кај храната, ако сакаш да бидеш хуманитарец, повели купувај храна и нахрани ги гладните, никој не ти забранува.


Edited by Dexter26 - 26-Aug-2018 at 14:27
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #186 Posted: 26-Aug-2018 at 12:53
Originally posted by Cloverstack



Originally posted by ehrlich


И да не го заборавиме моментот за „квази“ еколошкиот проект гасификација
Зошто гасификцијата би била „квази“ еколошки проект ??



Коментарот беше насочен кон вчерашното продолжување на касапењето на Водно кон остварување на целта магистрален гасовод за Тетово и Гостивар, кој е наречен „најеколошкиот проект“. Особено кон лагите дека гасоводот ќе го намалел загадувањето во Скопје. Имено, Скопје има магистрален гасовод со години, па нема никаков удел гасот како енергенс, но затоа е потребно да искасапиме шуми и да му дадат уште еден белег на Водно со цел да имаме гасовод кој не се користи ниту таму каде што го има.

Текстот на дечкото кој бил на состанокот кажува се, колку нашите моментални власти се неспособни за било што во државава, а сигурно во зима ќе излезат и со изјави, дека во време на режимот било полошо.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #187 Posted: 26-Aug-2018 at 12:32
Originally posted by ehrlich


И да не го заборавиме моментот за „квази“ еколошкиот проект гасификација


Зошто гасификцијата би била „квази“ еколошки проект ??





Edited by Cloverstack - 26-Aug-2018 at 12:32
Back to Top
kiriOK View Drop Down
Senior Member
Senior Member
Avatar

Joined: 11-Apr-2012
Location: Tamworth,UK
Online Status: Offline
Posts: 1023
  Quote kiriOK Quote  Post ReplyReply #188 Posted: 26-Aug-2018 at 11:53
На дрва се грејат Ѓорче,Чаир,Лисиче,Железара,Средно Нерези,Сарај,Драчево...во Аеродром,Центар или по Партизанска на пример сигурно не ложат шпорети,така да тоа за парното ти е безсмислена идеа.

А дури и да има гасификација,дрвата,гумите и што уште не што ставаат ќе останат главен извор за огрев,бидејќи едноставно се најевтин извор.
Се додека животниот стандарт е таков каков што е,загадувањето ќе остане.
Софија е гасифицирана со децении,па е најзагаден главен град во ЕУ и еден од најзагадените градови во ЕУ воопшто.
Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2086
  Quote alexsend Quote  Post ReplyReply #189 Posted: 26-Aug-2018 at 10:25
Да не сакаш и храна да ви купувам!?

Живеење во централни градски подрачја е привилегија. Власта мора да ги заштити младите!
Парно задолжително секаде каде има мрежа!
Инвестирање во гасификација.
ЕУРО 4 за автомобили задолжително веднаш и ЕУРО 5 до 2020та.
Немора секој да живее во урбани населби и да има автомобил.
Но мора децата да живеат во здрави услови.

Сакате промени? Промените се тешки!

Edited by alexsend - 26-Aug-2018 at 10:26
Јас Скопје никогаш не сум го замислувал вака.
Back to Top
kiriOK View Drop Down
Senior Member
Senior Member
Avatar

Joined: 11-Apr-2012
Location: Tamworth,UK
Online Status: Offline
Posts: 1023
  Quote kiriOK Quote  Post ReplyReply #190 Posted: 25-Aug-2018 at 23:00
Originally posted by alexsend

Прва мерка: Сите кое се исклучиле од парно да МОРА да бидат на мрежата!
Ти ќе им ја плаќаш сметката?
Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2086
  Quote alexsend Quote  Post ReplyReply #191 Posted: 25-Aug-2018 at 18:46
Прва мерка: Сите кое се исклучиле од парно да МОРА да бидат на мрежата!

За другото се потребни години...ширење на топловодна мрежа, гасификација, пелети...
Јас Скопје никогаш не сум го замислувал вака.
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #192 Posted: 25-Aug-2018 at 17:37

И да не го заборавиме моментот за „квази“ еколошкиот проект гасификација со што се уништува целото Водно повторно и повторно.
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #193 Posted: 25-Aug-2018 at 14:56
Боже колку се само неспособни. Коментарот е превземен од Фејсбук

Лазар Ѓуров

КВАЗИ БОРБА ЗА ЧИСТ ВОЗДУХ - ОД ЗИМА ДО ЗИМА. ИЗМЕЃУ ВО ПРОЛЕТНО ЛЕТЕН СОН
Вчера бев на состанок во интерсекторска група.
Таа што ја формираше Владата, за да се справи со загадениот воздух.
Ја води Јани Макрадули како заменик министер за екологија.
Бев официјално пријавен на нивниот емаил како претставник од @О2 Коалиција за чист воздух. Да, таму има делегирано два претставници со Име и Презиме, но тие поради други обврски не можеа, па интерно се договоривме и отидов јас. Ме примија на состанокот без проблем т.е никој не реагираше кога се претставив дека е проблем што од О2 има член а ние конкретните две лица. Плус имаше и други кои се од други институции и невладини а не се лично тие кои се именувани како претставници. (Не случајно влегувам во детали на овој сегмент, ќе видите што се случи подоцна).
ПРВО И КЛУЧНО Е ДА ИСТАКНЕ (А ТАМУ ЈАСНО И ГЛАСНО КАЖАВ) ДЕКА Е ФРАПАНТНО ШТО НАЈВИСОКОТО ТЕЛО ЗА БОРБА ЗА ЗАГАДУВАЊЕТО ПОСЛЕДНИОТ СОСТАНОК ГО ИМАЛО ПРЕД СКОРО 7 (СО БУКВИ СЕДУМ) МЕСЕЦИ!!!
Претходниот состанок бил на 1-ви февруари!!!
Ало!!!
Zoran Zaev како претпоставен на телото свесни ли сте дека телото не е свикано 7 месеци? Седум месеци???
Наместо цела пролет и лето да се работи деноноќно за да на есен и во зима има помала загаденост, ЦЕЛИ СЕДУМ МЕСЕЦИ НЕМА СОСТАНОК!!!
Катастрофа од неодговорност!
Затоа тоа беше првата работа што јасно ја кажав на таа комична средба.
Зошто комична?
Состанокот е свикан со следниот дневен ред:
1. Тековни активности.
Толку!
:/
Тековни активности???
Кој црни тековни активности, кога нема состанок од 1-ви февруари. Кои тековни активности?
Сега да ви раскажам што се се случуваше таму.
Кога влегов дискутираа за актуелната ситуација со чадот од Железара. Некој господин од Град Скопје дискутираше дека околу Железара имало куќи и дека тие може да влијаат на тоа што го покажува инструментот.
Јас се шокирав!
Побарав збор.
Кажав: Дали вие пред малку се обидовте да направите релативизирање на снимката во која се гледа чад низ цела населба кој излегува од фабриката??
Куќите тоа го направиле? Сега на 40 степени се греат и чадат?!?!
Кажав, ова е паушален и несериозен пристап. Целосно недозволив за тело како вакво.
Наместо смешни релативизирања потребен е институционален и системски пристап.
Прашав, излегле ли инспекциските тела?
Господинот објаснуваше дека во кругот имало различни погончиња со различна надлежност (Град Скопје, Општина Гази Баба и Државен инспекторат за животна средина (тој во кој го тргнаа квалитетниот директор кој правеше надзор со дрнови и објавуваше јавно и ставија човек од ДУИ)).
Јас прашав уште еднаш дали излегле сите потребни инспекции?
Макрадули рече да.
Прашав кај си извештаите?
Рече се чекаат.
Прашав кога ќе бидат?
Рече не знам.
Одговорив па зошто е свикана средбата без извештаи? За да релативизираме? Да покажеме квази грижа?
Потребно е прво извештаи после стручни и комкретни дискусии. Се друго е паушалност и џабе трошење време.
Заборавив да напоменам дека од старт дадов предлог министерството да обезбеди директен пренос или снимање на состаноците. Граѓаните се многу заинтересирани да следат како се решава овој проблем кој им засега животот и здравјето. Ако можат некој мали општини да обезбедат видео пренос на седниците зошто и вакво сериозно тело да не може да го направи тоа? Дури понудив ние да обезбедиме волонтери кои ќе дадат и опрема и ќе снимаат. Макрадули рече дека и он сакал да се снима...па додаде дека така ќе се видело дека граѓанските организации едно зборуваат на средбите друго во јавноста. Јас го пресеков и почнав да барам да конкретизира точно за што не наклевети. Што сме збореле внатре а што надвор?. Тој почна да се вади дека не рекол така, дека он го водел состанокот и дека немал да дозволи да поставувам секакви прашања.
Ок, не притискав до крај. Ај да не го реметам редот. Се повлеков.
Но останува да провериме дали ќе си го одржи зборот дека ќе се снима или пренесува во живо.
О2 ќе го стави тоа како предлог и на хартија.
Потоа кога заврши фарсата со Железара, оти немаше друга тема земав збор да ги поставам сите барања и прашања кои О2 ги имаше спремно за состанокот
Ќе ги објавиме детално на нашата фб страна скоро, но сумирано беше прашано:
- До каде е објавувањето на Приоритетниот акциски план за справување со загадувањето на воздухот за 2018 година по кој треба да работи оваа група? На 1.2.2018 даден е заклучок да се постави на сајт. Не е поставен.
- Требаше да се свика тематска седница на Влада. Свикана ли е? Ако не, зошто? И кога ќе се свика?
- До каде е измената на законот со кој се воведуваат налепници за категоризација на возилата според степенот на загадување? Во јули рекоа за 10 дена ќе влезе во постапка. До каде е? Зима дојде ќе се исклучуваат ли возилата кои загадуваат?
Исто прашав до каде е имплементацијата на 40 заклучоци на
Владата од 40 седница дури од 28.11.2017? Зошто тука не се брифира по однос на нив?
И уште неколку прашања кои ќе ги објавиме на страната О2 Коалицијата за чист воздух.
На сите прашања не добив одговор туку ми рекоа да ги доставам писмено.
Јас реков ок.
До кога ќе одговорите?
Он вика во разумен рок.
Поучени од тоа што за едни забелешки и мерки што им дадовме на писмено сеуште ни немаат одговорено, инсистирав да каже за колку дена. Повуци потегни кажа за 15 дена од сега.
Ок. Ќе ги пратиме на емаил.
Идеме понатаму со средбата.
Во единствената точка на дневен ред :/ некако се отвори тема за краткорочните мерки. Прашав има ли мерка набавка на маски по стандард за децата? Рекоа нема. Реков ајде да предложиме. Вика пишете на писмено. Викам еве сега предлагам. Вика не може така. А пред 2 минути запиша заклучок по усмен предлог на член на групата и дискусија. Чудни двојни аршини :/
Потоа се отвара тема информација од Влада за нивни препораки. Донесена вчера или завчера.
Реагирам дека материјалите не треба да се даваат на седница туку пред неа. За да се прочитаат и завземе став. Тоа е основна професионална култура.
И тука почна расправија.
Нели, јас првично реков сега ние како О2 немаме став и треба да ги разгледаме и ќе пишеме. Ама, после од муабетот сфатив дека зборуваат за мерки дел од школите и еден студетски дом од мазут да премине на гас.
Се јавив за збор.
Реков дека од дискусијата сфаќам дека станува збор за задоцнети мерки. На крај на август не се прави префрлање од мазут на гас. Зошто не е почнато од пролет? Па тендети, печки, инсталација, набавки на гас....исто зошто само во неколку школи?
За да има за сликање?
Зошто се чекало до сега???
Предложив групата да донесе заклучок и реакција кон Влада дека мерките се задоцнети.
И оп Макрадули рече состанокот е завршен.
Што?!?!?!
Вика ние немаме право да даваме реакции.
Јас му викам ајде прво да подискутираме тука.
Он вика не, заврши состанокот и стана.
Како заврши? Кога има уште 45 минути до крај т.е до терминот кој го дадоа во поканата. (Никогаш не траел пократко од 2 часа а сега на саат и петнаесет минути го прекинува. Не е завршено, сега јас сакав да се дискутира. Има време).
Ама стана. Станаа и тие колегите од институциите. Јас прашувам зошто се прекинува? Он вика готово е нема дискусија. Јас го водам состанокот (тука го повтори едно десет пати на состанокот...небаре јас не знам кој го води ама сака да каже он контролира....ама не знае дека јас држам обуки за водење состаноци и дека прекинување на состанок по даден предлог за дискусија е злоупотреба да позиција на водач/фасилитатор на состанок). Му викам не може да го прекинете јас дадов предлог за дискусија. И почнаа (заедно со уште неколку, веројатно од неговото министердтво) да кажуваат дека јас не сум ни член на групата. Една вика цела група е заложник на твоите прашања. Јас реагирам г-ѓо граѓаните се загрижени. О2 е дел од телото, јас сум претставник, ми дадоа збор поставувам прашања. Легитимни. Зошто 7 месеци нема состанок? Она продолжи да повторува дека биле заложници и заминаа.
Фактички ја прекина седницата.
И пред излегување од салата дојде Макрадули да ми објаснува дека јас не сум требало да сум таму оти имало други две лица т.е. почна да се вади на формалности за да не ја отвори дискусијата која ја иницирам. Проба да испегла ама јас не попуштив.
Таму имаше и други лица од организации, институции и тела кои не беа баш тие именуваните и никому не му пречеше, ама кога почнав да реагирам и да барам одговори и да предлагам да ја искараме Владата за доцната реакција, Оп! Заврши состанокот!
Да не е трагично ќе е комично!
Тоа ли е пристапот кој треба да го изчисти воздухот и да ги спаси нашите деца?!
Наместо отвори планот. Ти до кај си? Рокот до кога беше? Зошто се доцни? Одма информација до Влада, да има корективни мерки и санкции за тие кои доцнат...они "Тековни активности" и трт мрт за да се изглуми дека имало средба.
ТАКВА Е СОСТОЈБАТА СО БОРБАТА ЗА ЧИСТ ВОЗДУХ ДРАГИ МОИ СИРОТИ ГРАЃАНИ!
Жално! Тромо! Проформа! Административно! И од есен на есен, за да личи дека се клацка возот.
БЕДА!!!
КУТРИ НАШИ ДЕЦА!!!


Back to Top
Dexter26 View Drop Down
Senior Member
Senior Member
Avatar

Joined: 19-Nov-2010
Online Status: Offline
Posts: 2035
  Quote Dexter26 Quote  Post ReplyReply #194 Posted: 20-Aug-2018 at 17:04
Некој се грее на дрва среде лето.
 
Домаќинствата загадуваат, нема друго објаснување. Bash
 
 

Скопје ДИШЕ / Skopje is breathing / Üsküp nefes alıyor / Shkupi merr frymë

 
 
20.08.2018 16:54
 
Ова се случува во "Железара"!!
Препраќајте го ова видео за да се дознае вистината!
 
Daniel Bushava Azbuka Dimitrovski

20.08.2018 15:51
 
Eve ja Zelezara. Ova se pravi. Ova e snimeno vo dvor . Sto nee jasno. Drzava skapana pa sekoj za pari, dali firma dali sam moze da true bez oko da mu trepne. Pa cela nedela kukame I nikoj nisto.
 

Back to Top
Dexter26 View Drop Down
Senior Member
Senior Member
Avatar

Joined: 19-Nov-2010
Online Status: Offline
Posts: 2035
  Quote Dexter26 Quote  Post ReplyReply #195 Posted: 14-Aug-2018 at 00:56
Најверојатно филтрите во Макстил се невидливи, слично како што и авионите за прскање против комарци воопшто не произведуваа звук.
 
А тек па Југохром кога ќе го рестартираат, Бог знае колку (не)видливи ќе бидат неговите филтри.
 
 
13.08.2018 18:40
 
Se molat nadleznite da prezemat merki za ovoj haos i vozduh sto site nie go disime, kade se tie specijalni filtri so evropski standardi...!!!!! Sramota sred bel den, bez nikakov sram ni perde,koga decata si igraat nadvor,majkite gi setaat svoite bebinja na "CIST" vozduh, zalno....
Ve molam spodeluvajte da se znae kako zelezara gi koristi specijalnite filtri so evropski standardi!!!!!! I dali voopsto gi koristi da vidat nadleznite i da prevzemat strogi merki i kazni...

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #196 Posted: 05-Aug-2018 at 14:44


Кога ја прочитав веста ми звучеше чудно, но денеска рано наутро околу 4-5 часот самиот почувствував силна смрдеа на изгорена пластика низ Аеродром, веројатно била и пошироко низ Скопје.

Преку глава ми е од теории за изворот, ваљда можат наделжните конечно вистински да откријат што и каде е тоа што во летен период се гори низ градов, што во толкав обем го труе воздухот. Загадувањето од греење на домовите и од сообраќајот нема наеднаш да се реши, ама загадување од горење на гуми, пластики и којзнае какви други материјали на сред лето, може и мора да се реши ВЕДНАШ!




Edited by Cloverstack - 05-Aug-2018 at 14:44
Back to Top
Dexter26 View Drop Down
Senior Member
Senior Member
Avatar

Joined: 19-Nov-2010
Online Status: Offline
Posts: 2035
  Quote Dexter26 Quote  Post ReplyReply #197 Posted: 04-Aug-2018 at 23:26
https://www.facebook.com/SkopjeDishe/posts/921278208056038

Скопје ДИШЕ / Skopje is breathing / Üsküp nefes alıyor / Shkupi merr frymë

04.08.2018 01:15

Почитувани сограѓани,

Скопје изминативе денови повторно неподносливо смрди на топена пластика и други екстремно отровни материи кои се согоруваат во градот. Ова се случува од доцна вечер па до раните утрински часови.
Бидејки оваа власт, исто како и сите претходни, нема воља да преземе буквално ништо во наша заштита, уште од сега најавуваме дека од крајот на Август па се до средување на оваа очајна состојба со нашиот воздух, ќе се организираме и ќе ги блокираме сите главни сообраќајници во градот, но и ќе отпочнеме со сеопфатна критичка кампања.

P.s.

Не е во прашање никакво загревање на домовите (Август е). Тоа е лага за да се прикријат најголемите загадувачи, а во којашто лага ниту еден момент не поверувавме. Во прашање се дивите депонии и дивите и регистрирани индустриски капацитети. Ќе бараме поддршка и помош од сите вас кои сте свесни за оваа долгогодишна состојба, која од ден во ден станува се полоша, а воедно е и кобна за нашите животи.
Поздрав и се гледаме за “кратко” на улица!


Edited by Dexter26 - 04-Aug-2018 at 23:27
Back to Top
kiriOK View Drop Down
Senior Member
Senior Member
Avatar

Joined: 11-Apr-2012
Location: Tamworth,UK
Online Status: Offline
Posts: 1023
  Quote kiriOK Quote  Post ReplyReply #198 Posted: 01-Jul-2018 at 02:37
Воздухот загаден и на крај на Јуни месец,замислите што ќе биде зимава

Back to Top
Dexter26 View Drop Down
Senior Member
Senior Member
Avatar

Joined: 19-Nov-2010
Online Status: Offline
Posts: 2035
  Quote Dexter26 Quote  Post ReplyReply #199 Posted: 24-Apr-2018 at 01:19
Снимено вчера, понеделник, 23 април 2018.
 
Не верувам дека она што се гледа од Аеродром накај Лисиче, Кисела Вода и Драчево беа духови.
 
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15368
  Quote Џоле Quote  Post ReplyReply #200 Posted: 14-Feb-2018 at 09:20
Сепак, „Урбани прашања“ ми е посоодветна секција одошто „Останати теми“ бидејќи сите сме засегнати од овој проблем.
За сè има вторпат
Back to Top
 Post Reply Post Reply Page  <1 89101112 42>

Forum Jump Forum Permissions View Drop Down



This page was generated in 0.348 seconds.

Copyright ©2007 - 2025  build.mk

Коментарите на форумот претставуваат лично мислење на нивните автори и не претставуваат официјален став на build.mk.