Градење куќа во Македонија - услови и комбинации

Originally posted by sorabotnik Сепак, за оние кои подоцна се вклучија да не добијат погрешна слика за мене.

Постовите ти беа на место, секако нема луѓето да добијат погрешна слика Чисто ја развивме дискусијата во тој правец бидејќи е јавен форум и убаво беше да го издискутираме и тој аспект на целата работа. Сепак заобиколување на законот кај нас е правило а не исклучок и тој проблем треба да се адресира.

BTW. Не ни кажа кај ти е плацот, кај ќе ја правиме скарата и пивото (ако не е тајна секако).

Edited by Max - 03-Aug-2009 at 13:39

@sorabotnik

принципиелно медо е апсолутно во право и јас исто се водам со неговата методологија за мирен сон. Примерите кои ги кажуваш се точни, се земаат огромни пари од нас (само преку ДДВ и придонеси просечниот македонец дава речиси 250ЕУР на државата сметајќи ја просечната бруто плата од 30.000 денари или 50% од она што го заработуваме) и наместо да добиеме заштита и  услуга за дадените пари добиваме потсмев од јавната администрација, особено во случај кога се обидуваме да ги почитуваме законите. Без воопшто да бидам политички коректен и со должна почит кон чесните исклучоци, со душа го чекам денот кога тоа паразитско дувло наречено јавна администрација ќе се пролуфтира и кога сите тие луѓе кои се научени да живеат на нашиот грб без да мрднат со прст ќе бидат принудени навистина да поработат малку за земените пари. Мислам дека крајно време е јавната администрација да престане да се користи како некаков социјален амортизер. Доколку тие луѓе не се способни да работат заслужуваат да останат на просјачки стап и никој не треба ним да им е должен за ништо.

Но тоа не значи дека во меѓувреме ни останатите треба да дигнеме раце и да ги отфрлиме сите цивилизациски норми и да немаме никаков систем на вредности (иако не сме воопшто далеку од тотална анархија на тоа поле). Секој мора да почне од себе и да направи што може. Да плаќа патарина, да не фрла ѓубре од тераса... да обезбедува документација за она што го гради.

Мене ми е лично апсурдно да треба да барам дозвола за поставување мобилен објект на свој плац. Што е следно ќе треба да барам и дозвола да си ја паркирам колата во двор? Сепак ако законски тоа е обврзувачки се надевам дека ќе имаш живци да ја истераш работата до крај.

Се сложувам дека нашиот "систем" не функционира како што треба и дека има проблеми. Но, системот го прават луѓето, никој друг. Доколку сите сакаат да ги заобиколуваат правилата, нормално дека тој нема да функционира.
Но, не се сложувам дека системот те моли да ги заобиколиш законските обврски. Напротив. Досега лично не сум имал проблеми со организираните системи, па конкретно немам искуство, но ако секој игра по правилата и си ги подмирува обврските, каде се тука услугите што нема да ги добиеш или пак обештетувањето?
Сепак, сметам доколку треба дозвола за градба за таков вид објекти, тогаш треба да си ја обезбедиш. Впрочем јас ја обезбедив за градење објект без многу проблеми или врски по најлегален пат. Е, да траеше подолго од очекуваното, но сепак...се исплатеше. Сега мирно спијам )

sorabotnik, знам дека ова е размислување на многу луѓе, околу "малите" објекти, што веднаш се прогласуваат за неважни. Но, до кога вака?
До кога во сите сфери на животот ќе гледаме да ги заобиколуваме законите? Од ова пати нашиот народ, затоа не одиме напред, напротив се враќаме.
Немој погрешно да ме разбереш, но гледајќи што се случува надвор и како сето тоа функционира (моментално сум надвор) си викаш да ти е мерак, зошто и кај нас не е вака. Па, причините секогаш ги наоѓам во луѓето... Ова само ме поттикна да го кажам ова тука,  без никаква лоша намера кон тебе и твојот проблем.

@ соработник

Дојде ли до информации за цените на транспорт на контињерите?

Па читајќи го твоево дообјаснување дефинитивно ти се исплати контејнерската опција доколку сметаш дека врзување премногу пари во викендица е непродуктивно.

Немам искуство со тоа дали треба дозвола или не, но не ми се верува на приватен плац да има потреба од дозвола за монтажен/мобилен објект.

Ако ти боде очи естетиката веројатно од ко ќе ги тупнеш контејнерите на плац веројатно можеш и да ги облагородиш па да личат и на некое монтажно баракиче.

За цената што ја наведе во секој случај мислам дека вреди да се проба (секако од кога ќе се информираш околу дозволите за да си сигурен дека нема да има никакви компликации) па ако не ти се прави ќејфот можеш и да ги продадеш, зијанот неможе да биде голем.

Викендица е многу убава работа и голем мерак но мислам дека се исплати само доколку човек навистина има време да отепа барем 2 месеци годишно во нејзе (кумулативно). Во секој друг случај веројатно е фрлање пари. Дополнителен минус на викендица е што на некој начин те врзува да идеш повторно и повторно само на едно место. Ако не заради друго, заради инерција...

Фала UrbanFreak за одговорот. Искрено очекувам повеќе одговор и размислувања зашто сметам дека секој може да допринесе колку толку за разгледување на оваа опција. Имајќи во предвид колкав е бројот на луѓе во светот кои Живеат во времени или монтажни објекти, првично не мислам дека тоа е лоша инвестиција за мојата замисла. Сепак се се сведува само на неколкудневен претстој во таков објект и тоа неколку пати во текот на годината, најчесто од пролет до есен кога нема да биде потребно греење. Првичната одлука за купување на тој плац беше да уживаме, одмараме и да ја користиме  недопрената природа во тој крај. Тоа значи дека не мислиме да поминуваме време затворени внатре во куќа или контејнер, туку да шетаме и дишеме чист воздух. Значи, самиот објект ќе биде најмалку искористен. Токму така како што поминувавме по 15-20 дена непрекинато сместени во приколка во некој автокамп а користевме заеднички санитарен чвор. Вака со контејнериве дури ќе имаме и поголем луксуз .
Она што цело време ми се врти низ глава е добивање дозвола за градба или за поставување на времен монтажен објект. За изградба на куќа, постапката за дозвола е добро позната. Воедно, најдов дека во Хрватска за поставување на монтажни објекти на сопствен плац (контејнери, готови монтажни куќи, приколки и сл.) до 12м2 нема потреба за барање дозвола. Дали кај нас е тоа некако регулирано и како? Освен тоа, утринава на кафе имам еден пријател кој даде уште еден предлог. Наместо како што велиш ти да спојам два контејнера за да добијам 6х4 (а што е неизводливо со овој тип контејнери кои ми ги понудија), сам да направам монтажен објект од челична конструкција-профили на претходно поставен постамент. Нешто како монтажните објекти-хали кои се почесто се прават. Така ке можам лично јас да ја дефинирам квадратурата и распоредот на просториите. Малку разгледавме по нет и еве нешто слично на тоа што наидовме

http://www.anatus.hr/web/index.php?option=com_content&task=view&id=20&Itemid=35 (прегледајте ја цела нивна страница ако тоа ве интересира)

Само околу дозволите за градба на вакви објекти ако некој знае повеќе да каже. Еве тоа би било тоа па да слушнеме размислување.

Здраво,
Можеби се сеќавате на мојот претходен пост каде барав општи информации или совети околу изградба на викенд куќа. Откако направивме консултации и пресметки со компетентни лица, одлучивме на неопределено време да го одложиме почетокот на градбата од финансиски причини. Многу било ефтино гледано од страна како комшиите градат, ама кога требаше ние да се брцнеме во џебот, јбг нема доволно.
Така, уште еднаш си потврдив едно од своите животни реченици - кој сака наоѓа начин, а кој не сака наоѓа изговор. Искрено, мене ми беше полесно овој пат  да си најдам изговор и тоа не еден него неколку - економска криза е сега остај за понатаму, што ќе ти е викенд куќа кога со тие пари што ќе ги "заѕидаш" у некоја вукојебина можеш да одиш барем 20 години на одмор каде сакаш низ нашава ни Македонија, што ќе ти е викендица кога можда само 2 пати месечно ке отидеш таму, итн итн итн.
Па така, за да не биде дека само барам изговори, почнав да размислувам на алтернативни начини. Прво им се тупнав на едни роднини кој имаат плац во близина на Скопје и на него имаат паркирано една поголема камп приколка со тоалет и кујна и неа ја сместиле на постамент кој претходно го направиле. Правиме муабет 2 саата и јас нормално слушам се што ми се допаѓа, а игнорирам можеби еден куп клучни работи. Роднините презадоволни од тоа што го направиле зашто со вкупно 2500 еур имаат место во кое десетина пати годишно проаѓаат по неколку дена фамилијарно.
Единствена грешка била што наместо камп приколка можеле да купат од оние стамбени контејнери па да имаат "поцврсто" семејно катче. Ама сепак, колку пари толку музика.
Потоа јас право со мој пријател кај негов пријател да прашаме за стамбени контејнери. Има, половни од унпрофорците што останале, 3 комада ми ги нуди за 1600 еур. Двата се стандардни а третиот е со две врати поделен на пола со водоводна инсталација демек санитарен. Сите се по 12м2 односно 6х2. Мене ми фаќа око. Само треба да правам постамент за нив и да обезбедам превоз. Некако ке го решам и тоа. Ама што уствари сум решил. Вреди ли да ги бапнам и тие 1600 еур кој се скоро 15 пати помалку од планот за викендица и пропорционално на тоа ќе добијам ли 15 пати полоша опција? Разликата во квалитет немојте да ја коментирате. Иако во ваши очи  можеби сум дудук, кампер сум долги години и знам што значи спиење и мочање во времен монтажен објект а што во цврста градба. Но сепак сакам да слушнам размислување и можни искуства. Ајде да измериме на кантар инвестиција и придобивки. Потребите се јасни, времено сместување за 2-3 пати месечно по неколку дена (викенд). Дали постои кај нас некаква законска одредба која дава можност за поставување монтажни објекти без потреба за дозвола за градба? Ај да почнеме од негде со времениве монтажни објекти, па ке видиме каде ке не однесе патот. Фала и извинете за долгиов пост ама ми беше досадно па викам ај да поднапишам нешто за ова што ме мачи. Поздрав.

Уште не сум стигнал до градежни дозволи, претпоставувам дека ќе биде малтретирање.
Инаку сега гледам да соберам некои генерални информации.
Правам некои математики дали ке можам да реализирам околу 480 м2 корисна површина (нормално вклучувајки го и подкровјето), и буџет до кај 200.000 Е максимум ...
Според тебе реалистично е сценариово ?