Не е многу поврзано со воздухот, но поради непостоење соодветна тема, го објавувам тука:

Темпирана бомба во Охис

Еве што дишиме секој ден, а особено во зима во отсуство на ветар.
 
https://off.net.mk/lokalno/makedonshtina/mislite-eu-i-nato-ova-kje-ni-go-ischistat
 

Мислите ЕУ и Нато ова ќе ни го исчистат?

 

1 Февруари 2018 - 13:09

Наводно деновиве е изгасена печката во Дрисла, а во Усје менувале филтри и не работела фабриката, па затоа загаденоста била намалена. Ова го слушнав во муабет, значи не е официјално потврдено.

Edited by Џоле - 17-Jan-2018 at 23:36

Originally posted by <Fresno> Џабе објаснуваш... Кај нас секој си има избрано свој „омилен“ извор на загадување и кога ќе го соочиш со научен факт или студија, едноставно ги прогласуваат за нерелевантни или ги игнорираат. Трагично е што политичарите наместо да почнат веднаш да применуваат тешки и скапи мерки, се занимаваат со теми како бесплатен автобус, миење улици и „дебати“.

Ок, прифаќам толку...

*Модератори би било добро ако можете да ја преместите дикусијава од пост број 15, па наваму во Урбани прашања->Квалитет на воздухот во Скопје

ЕДИТ:
Фала


Edited by Blagh - 11-Jan-2018 at 16:00

Originally posted by Dexter26  Е па токму тоа и јас го спомнав - дека недостатокот на ветер е главен фактор за загадувањето, никогаш не реков дека е извор на загадувањето.  Воопшто не го оправдувам греењето на дрва, но воопшто не ни планирам да го посочам како главен причинител за загадувањето - бидејќи не е.  Од друга страна, нови објекти како овие "ексклузивни комплекси" на ама баш никаков начин нема да му одмогнат на загадувањето.

Како не е? Ете според оваа студија е 32%. Очигледно пробуваш на мала врата да ја протнеш теоријата дека зградите го блокираат ветерот и затоа е загадено (не викам дека нема влијание, но ми се чини дека е минимално), но те молам поткрепи го тоа со некое истражување. А тоа што ти не планираш да го посочиш греењето како главен причинител е ирелевантно. Институциите треба да делуваат според податоците и веднаш да почнат со мерки за целосно префрлање кон поеколошки начини на затоплување.

 
Е па токму тоа и јас го спомнав - дека недостатокот на ветер е главен фактор за загадувањето, никогаш не реков дека е извор на загадувањето.
 
Воопшто не го оправдувам греењето на дрва, но воопшто не ни планирам да го посочам како главен причинител за загадувањето - бидејќи не е.
 
Од друга страна, нови објекти како овие "ексклузивни комплекси" на ама баш никаков начин нема да му одмогнат на загадувањето.


Edited by Dexter26 - 11-Jan-2018 at 13:22

 
Тоа кажи им го на политичарите, тие земаат пари за да продаваат магла, бидејќи ете и ветрот го снема.
 
Јас од друга страна само го кажувам моето лично мислење.

Originally posted by Blagh @Dexter26 ајде уште една реплика по методот rebuttal & refutation, па после може да излеземе со заклучоци Секако дека мерките кои се предложени повикуваат на ставање крај на греењето со дрва. Погледнете ги првите две мерки што се посочени на инфографикот погоре: гасификација и пелети, се директно насочени кон заменување на постојниот начин на греење. Се согласувам дека градењето има влијание на микроклимата во градот, но струењето кое е подспречено на ниво на улица едноставно не е доволно за да го прочистува градот. Но еве и доколку тој поветарец е спречен на ниво на улица, тогаш би требало да струи без проблем на повисоките точки од градот. Голема е разликата кога има воздушно струење таму горе или го нема и таму. Многу едноставен опит е со јарболите со знамиња на кулите на Кале (издигнати на некои 100 метри над околината, без никакви препреки околу, на сам брег на речното корито). Кога и тие не мрдаат всушност се оние шпицови на најзагадени денови. Воздухот во тие денови во котлинава стои и тоа е тоа. Не може да тврдиме дека недостатокот на ветер е причина за загадување. Причина за загадување се изворите на загадување, неодстатокот на ветер ја прави само ситуацијата полоша. Таквото тврдење би било исто како да некој ученик да тврди дека имал кецови затоа што не му дозволиле да препишува на тестовите, а не дека не седнал да прави домашна и не го совладал материјалот. Затоа треба да седнеме и сите да ја сработиме домашната да го решиме овој проблем.

 
Ти благодарам бидејќи индиректно сепак го потврди тоа што и јас го тврдам - дека недостатокот на ветар е главен фактор за загадувањето, а не греењето на дрва.
 
И претходно спомна дека заситувањето во еко-системите ги прави неодржливи и излегуваат надвор од баланс.
 
Јас ти спомнав добри примери за ваквото тврдење - Шуто Оризари, Чаир и Топаана. Точно, речиси сите куќи таму (Чаир е исклучок до некаде) набутани една до друга се грејат на дрва и да, таму има заситување, односно преголема концентрација на чад од оган на дрва, но тоа не е случајот и со други населби низ Скопјево, што говори дека проблемот сепак лежи во урбаното НЕпланирање.


Edited by Dexter26 - 11-Jan-2018 at 13:01

@alexsend Во однос на загадувањето зиме/лете најпрво веројатно треба да се даде одговор дали системот е линеарен, односно дали 35% повеќе загадувачи значи 35% повеќе загаден воздух. Многу системи не се такви, пример сообраќајот. Кај него постои точка околу која 20% повеќе или помалку коли на улиците е разликата меѓу нормален проток или тотален собраќаен метеж. Таквите разлики не соодветствуваат со очекуваните 20% подолго/пократко време на патување туку се многу поголеми.

Втора прична е што во зиме нема вертикална вентилација на градов, т.е. кревање на топлиот воздух нагоре. Ова се случува поради појавата на температурна инверзија во котлинава која дејствува како тенџере со капаче и се се така убаво сакухтува и го заробува токсичниот воздух заедно со нас.


Повеќе за темепратурната инверзија прочитајте тука:
http://kanal77.mk/%D1%88%D1%82%D0%BE-%D0%B5-%D0%B0%D0%B5%D1%80%D0%BE%D0%B7%D0%B0%D0%B3%D0%B0%D0%B4%D1%83%D0%B2%D0%B0%D1%9A%D0%B5-%D0%B8-%D0%BA%D0%BE%D0%B8-%D1%81%D0%B5-%D0%BD%D0%B0%D1%98%D0%B3%D0%BE%D0%BB%D0%B5%D0%BC/





Edited by Blagh - 11-Jan-2018 at 16:09

Во однос на студијата:
Епа како само во зима толку многу е загаден градот?
Индустријата и сообраќајот функционираат цела година, дуги голем дел од градежниот сектор не работи со полн капацитет зимно време.
Главен проблем е загревањето на домакинствата.

Ако загревање на домакинствата е само 32% дали тоа значи дека од ноември до март в Скопје е за само 32% по загадено во однос на периодот од април до октомври?

Проблемот со загадувањето е во греењето со дрва, или поточно кажано, тој е најголемиот од неколкуте проблеми кои го причинуваат загадувањето. И ве молам да ги расчистиме еднаш за секогаш тие заблуди.

Аргументите од типот: „Огнот е стар колку човештвото и од секогаш бил користен како средство за греење. Како тек сега го причинува загадувањето?“, се апсолутно не валидни. Во секој систем, па така и во еко-системите постои точка на заситување по што тој постанува неодржлив и излегува надвор од баланс. Така е и со загадувањето од горење дрва. Во мала мера не смета воопшто, но доколку е тоа скалирано во магнитуди да загрева четвртина милион жители кои заедно со останатите свои сограѓани живеаат во малата Скопска Котлина, тогаш станува проблем.

И фекалиите на човекот се природно ѓубриво, но доколку се присутни во магнитуди од 2 милиони луѓе на површина колку Македонија, тогаш стануваат опасност и се отровни по животната средина. Не за џабе Европјаните се загрижија дека мора да се третираат отпадните води со пречистителни станици. И лук да јадеш е здраво, ама ако претераш можеш да се отруеш од арсен...

Масовноста на користење на огнот сега и во минатото е неспоредлива во однос на крајната апсолутна вредност на жители. Па така можеби во 1930 година 99% од жителите се грееле на дрва, ама тогаш Скопје броел 80 000 жители. Денес Скопје е преку 600 000 жители и околу 50% од жителите користат огрев за затоплување, тоа се 300 000 жители. Бројкиве не се од ракав, туку од неодамнешнo достапни информации од веб страната:
https://skopjesezagreva.mk/




Во однос на тоа дали дрвото загадува или не доволно е следново истражување од Американската Агенција за Заштита на Животната средина (анг. United States Environmental Protection Agency) на кое се покажани различни видови на извори на топлинска енергија и количеството на „фини честички“ (ПМ) кое тие го емитираат:


Тоа значи дека камин на дрва/едноставен уред за греење (какви што се голем број на уредите во Скопје, види информации во изворот горе), произведува 57 пати повеќе загадување со ПМ честички од печка на пелети, или 3373 пати повеќе ПМ честички од печка на гас!!

И додека секој од нас е експерт за екологија, струење на ветрови, географско-климатски влијанија итн. вистинските експерти излегоа со нивна анализа за причинителите, па видете дали греењето со дрва има удел или не во загадувањето.





*Знам дека темава е веројатно за некоја друга нишка, но следува како директен одговор на претходниот пост, па затоа ја ставив тука. Доколку има форумов соодветна нишка на која може да се премести или да отвориме нова која би ја обработувала неа.


Edited by Blagh - 18-Jan-2018 at 11:46