Копуци има секаде, не е тоа ендемски балкански вид. Ни во Австралија ништо не е совршено. Не значи дека ако го има таму, па сега е нормална појава. Безбедноста мора да се зголеми. Не би дошло лошо по некоја камера да се постави ни зоолошката.

Не гледам ама баш ништо смешно во видеово, напротив.. животново поима нема што е цигара и мисли дека вообичаено као и се друго што обично му фрлаат - се јаде..

Epten smesno! Do tolku oset da se nemalo za zivotni.....lugevo placat, molat za stap

Сите отфрлаат одговорност за умрените елени

Директорот на скопската ЗОО бара вина кај превозникот кој вршел транспорт со неклиматизиран камион

Деспина Трајковска

Неадекватен транспорт, пропуст на ангажираниот превозник или можеби на скопската ЗОО која го најмила, тропските горештини, виша сила... Допрва ќе се утврдува која е причината што била пресудна на патот од Загреб кон Скопје да умрат два елена, кои беа дел од деветте животни што ни ги подари загрепската Зоолошка.

Од нашата ЗОО ќе дадат отчет за случајот дури по десетина дена. Директорот Дане Кузмановски, кој е на годишен одмор, завчера во кусиот телефонски разговор со „Утрински“ отфрли каква било одговорност. Истото тоа го направија и Хрватите. Без оглед на тоа што нашата ЗОО го организирала превозот, го ангажирала хрватскиот превозник „Беро“ од Вробвци и за тоа платила 3.000 евра, Кузмановски не чувствува вина за случајот. Се сомнева дека елените умреле поради несоодветните кафези во кои биле сместени и бидејќи камионот со кој се превезувале не бил климатизиран.

„Превозот го плативме 3.000 евра, а животните ги возеле без клима. Да ни беше потребен обичен камион ќе платевме 1.500 евра, а не двојно повеќе“, изјавил Кузмановски за „Вечерњи лист“.

Хрватскиот превозник и од загрепската ЗОО вчера не беа достапни да зборуваат за случајот. Во изјава за „Вечерњи лист“ завчера превозникот едвај го прокоментирал немилиот настан. Сопственикот на „Беро“, Берислав Јокиќ, одбил да им обезбеди контакт на новинарите со возачот на камионот во кој се превезувале животните.

„И животните умираат како луѓето. Не е прв пат животни да умрат по пат, тоа често се случува“, прокоментирал кусо Јокиќ, кој за хрватскиот медиум рекол оти, наводно, се' уште не бил информиран за деталите, но имал сознанија дека во транспортните сандаци немало доволно воздух.

Директорката на Зоолошката градина од Загреб, Даворка Маљковиќ, посочила дека транспортот го организирале нејзините колеги од Скопје. Демантирала дека боксовите во кои во Загреб биле сместени животните не ги исполнувале соодветните стандарди.

„Наша одговорност беше единствено да ги подготвиме и натовариме животните. Предложивме на пат со нив да испратиме и некој од нашите негуватели, но од кај превозникот ‘Беро‘ не' одбија со образложение дека нема потреба од такво нешто“, објаснила Маљковиќ за „Вечерњи“.

И додека сите инволвирани во случајот се оградуваат од каква било одговорност за пцовисувањето на двата елена, од друштвата за заштита на животните инсистираат на што побрзо утврдување на виновникот и бараат да се санкционира.

Инаку, освен двата елена што пцовисаа, најверојатно, поради високите температури и немање воздух во кафезите во кои се превезувале, во скопската ЗОО на подарок од Загреб беа испратени вкупно девет животни. Уште четири елени и три антилопи гнуу. Каква судбина ги снајде нив, дали се стасани во Скопје или можеби се некаде „заглавени“ поради утврдување на случајот, никој од одговорните не сака да одговори. Животните како подарок од Загреб тргнаа на пат кон Скопје изминатиот викенд. Живи и здрави ја минале хрватско-српската граница, а двата умрени елена биле „откриени“ од страна на нашите граничари.

Е ова ти е балканска работа, дебили невидени. []

Подарени елени од Загреб умреа на патот кон Скопје

Две од девет животни не го издржале патот долг речиси 1.000 километри. Се возеле во неклиматизиран камион и несоодветни кафези

Наместо да стасаат како подарок на адресата на нашата Зоолошка градина, два елена од ЗОО во Загреб ќе завршат на депонија. Поради неподносливи услови за транспорт во камионот, кој изминатиот викенд тргнал од Хрватска, двата елена се задушиле. За среќа, преживеал останатиот дел од подарокот, уште четири елени и две антилопи гнуу.

Најверојатно патот долг речиси 1.000 километри во неклиматизиран камион со несоодветни кафези за транспорт, биле пресудни елените да не го преживеат патувањето. Неофицијално, тие пцовисале по преминување на хрватско-српската граница, на патот низ Србија, а немилиот настан го констатирале нашите граничари.

Случајот вчера го потврди и директорот на скопската Зоолошка градина, Дане Кузмановски. Иако е на годишен одмор, а детали најави по 20 август, во кусиот телефонски разговор, оградувајќи се од каква било одговорност, тој изјави за „Утрински“: „За жал, точно е тоа што се случило. Животните биле испратени на 1 или на 2 август. Пцовисувањето, најверојатно, се должи на несоодветен транспорт, но, сепак, допрва ќе се утврди кај кого е вината. Во случајов, немаме никаква одговорност, бидејќи животните веќе биле мртви кога стасале на македонската граница, а живи и здрави ја минале српската граница“, накусо ни изјави вчера Кузмановски.

Немилата случка вчера ја потврдиле и надлежните од загрепската зоолошка. Колегите од „Вечерњи лист“ не' информираа оти имале сознанија дека животните биле транспортирани со камион без соодветни услови за ваков вид пратки, иако за него се исплатиле дури 3.000 евра.

Инаку, животните на адреса на нашата ЗОО требаше да стасаат како подарок од Загреб, во знак на соработка на двете градини. Елените и антилопите во Загреб биле вишок, па надлежните договориле, всушност, размена на животни. Од Скопје за Загреб, најверојатно, наскоро ќе бидат испратени белоглави орли.

http://www.utrinski.com.mk/default.asp?ItemID=DF005EAFD861A54A98B32B259FE739EB

Fиатот е од табако видов на нивниот сајт они го дадоа како донација за потребите на зоо скопје =)

Пик ап Зебра од Канал5 за Зоолошката градина Канал 5 се придружува на напорите за модернизирање и заживување на Зоолошката градина во Скопје.Телевизијата донираше Пикап со шарите на Зебра за скопската Зоолошка градина. Возилото е наменето за доставување храна за животните. Во надеж дека ќе продолжи тенденцијата на унапредување на ова омилено место за децата,како и грижата за животните и условите во кои тие живеат,и ние направивме мал гест на поддршка. Директорот на скопската зоолошка градина Дане Кузмановски се заблагодари на подарокот изјавувајќи дека само совесните компании би направиле ваков потег. Симпатичниот Пикап-Зебра утрово беше предаден на користење. http://kanal5.com.mk/default.aspx?mId=101&egId=18&eventId=62789

И питон се довлечка до Зоолошка Скопската зоолошката градина од неодамна, покрај двете зебри доби и змија-питон, од белградската зоолошката градина. Но, наместо питон од видот албино, каков што бил порачан, испратен е бурмански. Иако директорот на скопската зоолошка Дане Кузмановски вети дека грешката ќе биде исправена, се' уште не е сторено тоа. При првата голема нова размена на животни со Зоолошката градина во Белград, грешката ќе биде поправена.

http://dnevnik.com.mk/?ItemID=07D3F52ADAE4BE44A64E40D15E95130A

Конечно скопјани и во живо ќе можат да видат зебри. Од викендов, после десетици години, во Зоолошката градина се вселија овие атрактивни животни.

Како компензација за два белоглави орла, скопската ЗОО од градината од Белград доби пар зебри но и триесетина птици и бела змија. Новите жители се сместени во комплетно нови живеалишта.



Денешното зголемување на животинскиот фонд во ЗОО е речиси десето по ред за кус период од неколкудецениското постоење на градината. Новото раководството досега обезбеди и десетината мајмуни лемури, попознати како мајмуните од цртаниот филм „Мадагаскар“, ретки видови пони кончиња а од неодамна (за прв пат во градината) посетителите можат да се „дружат“ и со кенгури.

Оптимистички се најавува и пристигнување на крокодили, жирафа и слон дури од Индија!



Дотогаш сигурно во Зоолошката ќе профункционира и мини-хиподром, а деновиве во дворот на ЗОО ќе бидат отворени и неколку шанкови кои дополнително ќе создадат атмосфера за се почестите организирани детски забави и родендени во ЗОО.

Сето ова е сосема доволен доказ дека конечно и Скопје полека но сигурно добива Зоолошка градина со достоинствен лик. Уште само посетителите да ја зголемат самодисциплината и совеста при прошетките во неа, се чини дури тогаш ќе има поголем фитбек од напорите на надлежните за разубавување на градината и тоа на општо задоволство...





http://www.zdravo.com.mk/vesti/makedonija/3066-konecno-zebri-i-vo-skopskata-zooloska-gradina.html

Се согласувам. Камен и дрво е единствена можна опција за материјали во зоолошкава. Се што е бетон би требало да се искорени и да се избегнува.