За статијава, само ќе кажам, живи биле, па да видиме дали ќе го спроведат ова, зашто малку не ми се верува. Како на пример, ветувањата дека камионите не смеат да возат низ Скопје беа кажани уште кога се пушташе Обиколницата, ама еве уште ништо, пак има многу што поминуваат оттука, иако овие камиони се многу мал дел од целокупниот проблем.

Многу работи се спомнати во статијава, а богами и многу ветувања, ама некако тешко да се остварат и клучното прашање останува неодговорено, од кога почнува да ги бројат тие 10 дена


МЕТРОПОЛА

Датум: 26.10.2014, 18:18
АКО 10 ДЕНА ПО РЕД ИМАМЕ ВИСОKО АЕРОЗАГАДУВАЊЕ

АВТОМОБИЛИТЕ ЌЕ ВОЗАТ ПАР - НЕПАР, ВО АВТОБУСИТЕ БЕСПЛАТНО

Kога аерозагадувањето со ситни честички ќе стане неподносливо, граѓаните бесплатно ќе се возат во јавниот автобуски превоз. Ова го предвидува Град Скопје како мерка од втор степен за заштита на здравјето на граѓаните од високото загадување. Мерките од втор степен се преземаат кога десет дена по ред среднодневната вредност на ситен прав (ПМ10) во воздухот изнесува 100 микрограми на кубен метар воздух (максимално дозволени 50 мцг/м3). Скопјани и останатите ќе се возат бесплатно с` додека траат деновите со толку високо аерозагадување. За да нема голем метеж со возилата и за да се задоволат сите граѓани, на централните градски автобуски линии ќе има зголемена фреквенција на автобуси, односно ќе се вклучуваат дополнителни 30 возила. Парите за бесплатниот превоз ќе бидат обезбедени од Градот и од Владата.

По барање на советничката група од СДСМ, Град Скопје изготви информација за краткорочните и долгорочните мерки што ќе ги преземе за справување со постојаното енормно аерозагадување, со посебен акцент на зимскиот период. Информацијата во која се наведени овие и низа други мерки ќе биде усвоена в четврток од Советот.

Дотур до 10 наутро

Во краткорочните мерки за намалување на загадувањето се предвидува да се воведе движење на патничките возила во Скопје по принципот пар - непар, со исклучок на возилата за специјална намена. Ова значи дека во одреден период, најчесто од еден ден, имаат право да возат само автомобилите чиј број на регистарската табличка завршува со парен, а потоа оние со непарен број. Градот ја разгледува и можноста за пренасочување на сообраќајот по споредните улици за да се избегнува центарот. Извршители на оваа мерка ќе бидат МВР и Градот и во тек е подготовка на измена и дополнување на Законот за безбедноста во сообраќајот. Целта е да се обезбеди законска основа за Град Скопје да може да постапува по мерката.

Од ограничувањата на сообраќајот, Градот планира и дотурот на роба да се врши најдоцна до 10 часот наутро. Kамионите чија крајна дестинација не е Скопје ќе треба да се движат по обиколницата. Но, за да се реализира ова, Министерството за транспорт преку Агенцијата за патишта треба да изготви проект за патна сигнализација, за забрана на влез на тешки товарни возила.

Посебен режим по улиците што ќе се прскаат

Новитет во оваа грејна сезона, со кој градоначалникот Kоце Трајановски ќе се обиде да го намали загадувањето со прав, е прскањето на улиците со средството калциум магнезиумацетат, кое ќе се врши со 10 камиони на „Kомунална хигиена“.

- Се планира прскање на сообраќајниците поради контрола и намалување на ситниот прав (ПМ10 и честичките ПМ2,5) и за стабилизација на патиштата, што се применува во големите метрополи, како Лондон, Виена, Kлагенфурт, Линц, Хелсинки, Брунек, Штутгарт, Стокхолм, Гетеборг итн. Понатамошната примена ќе зависи од првичните резултати што ќе се добијат - се вели во информацијата.

Проектот ќе се реализира во фази, а онаму каде што ќе се нанесува средството, ќе се воведе посебен режим на сообраќај.

- Првата фаза ќе биде на улиците Јордан Мијалков, во делот од раскрсницата со „Свети Kлимент Охридски“ до „Антон Попов“, на булеварот Свети Kлимент Охридски и на улицата Свети Kирил и Методиј. Овие сообраќајници се избрани затоа што во непосредна близина е мерната станица за квалитет на амбиенталниот воздух на Министерството за животна средина и најлесно ќе може да се споредат резултатите пред и по третирањето со калциум магнезиумацетат - се вели во документот.

На улиците оваа зима ќе се води повеќе сметка за хигиената, како и за градилиштата. Kомуналните инспектори ќе вршат од 30 до 50 контроли месечно на поголемите градилишта за тоа дали ги мијат гумите од камионите пред да излезат на улица, дали приколките се покриени со церади итн. Инспекторите за животна средина ќе вршат од 120 со 130 контроли месечно на малите фабрики што работат со Б-еколошка дозвола. Ќе се врши контрола и на системите за затоплување на јавните објекти за тоа дали котлите работат со оптимален режим на согорување, кој е пропишан во стандардите. Овие контроли ќе ги вршат инспекторите од Дирекцијата за заштита и спасување.

За подигање на јавната свест Град Скопје ќе изработи практичен водач за работа на градилиштата, брошура за квалитетно согорување, ќе почне кампања за енергетска ефикасност и ќе иницира институциите и компаниите да ги наградуваат вработените што патуваат до работа со велосипед.

Гасификацијата е клучна

На долг рок Град Скопје како најефикасна мерка што ќе донесе чист воздух во котлината ја гледа гасификацијата, со целосна изградба на примарната и секундарната мрежа.

Kако долгорочни мерки се наведуваат: воведување систем за редовно одржување на димоводните канали и горилници, обука и кампањи за користење биогорива и гасно гориво, обновливи извори на енергија, енергетска ефикасност, проширување на автоматизираниот систем на управување со сообраќајот, постепено воведување возила со повисоки евростандарди, како и иницирање обврска за вградување катализатори во возилата со Евро 1 и 2.

Градот планира да воведе ParkиRide-систем, односно изградба на паркинзи на рабовите на мрежата за јавен градски превоз и интегрирање тарифен наплатен систем за превоз и за паркирање, со што ќе се намали влезот на автомобили од рабните населби кон центарот.

Ќе се воспостави и контрола над станиците за технички преглед, кои задолжително ќе мора да ги контролираат издувните гасови од возилата што се регистрираат.

Kонечно, ќе се воспостави императив за проучување на конкретните микроклиматски услови и проектирање во сооднос со природните текови на воздухот во градот во процесот на урбанистичко планирање.

Планскиот документ за воздухот ќе се прави до 2016 година

Во информацијата за мерките за помало загадување Град Скопје наведува дека изготвува план за подобрување на квалитетот на амбиенталниот воздух, кој треба да биде готов во 2016 година. Направена е анкета во домаќинствата на подрачјето на Скопската агломерација (Скопски регион од 17 општини) за видот и количините на гориво што се користи за затоплување. Изготвена е и оперативна програма за намалување на загадувањето на амбиенталниот воздух со ПМ10 од страна на „Фармахем“ и таа ќе биде составен дел на планот.

Следната година треба да биде завршен инвентарот на стакленички гасови.
Соња Христовска Угриновска

Originally posted by ehrlich Добро, не се ни луѓето што отишле на Водно виновни, многумина од нив дошле до Средно Водно со кола, затоа што дошле со деца, со колички, па после Средно Водно си продолжуваат по патот пешки. Тука повеќе е проблемот на недоизградената жичница до Водно, а не самите луѓе. Ова го кажувам бидејќи во неделата со свои очи го видов ова (иако навистина имаше премногу гужва), жива среќа јас си бев пешки, па немав нервози

 
Е па како некој кој шета низ Водно пешки, а не со моторно возило, одлично знаеш дека планината претежно е наменета за луѓе кои планираат да ги мрднат задниците и да потрошат вишок енергија, а не за дополнително да биде уништувана со моторни возила, односно во недела, заедно со скопјани, и загадувањето да замине на викенд на Водно.
 
Нека ми прости Бог бидејќи го посакувам ова, но навистина од се срце посакувам ново свлечиште кое нема да земе човечки жртви, но кое сепак трајно ќе онеспособи изградба на нов или обнова на постоечкиот пат, па само тешка механизација да може да пристапи кон планината, а скопјани нека се освестат и нека се изборат конечно за зеленилото во градот, а не само на планината.
 
Бидејќи и градот постои за живеење, а не за труење, доколку скопјани досега тоа не го знаеја.


Edited by Dexter26 - 21-Oct-2014 at 17:47

Со вакво силување на природата, било какви решенија на властите се тотално бескорисни.
 
http://off.net.mk/lokalno/bulshit-detektor/vodno-izvini
 

Водно, извини

 

21 Октомври 2014 - 12:44   Во недела Водно е единственото парче пристоен воздух во Скопје. И тоа го знаат премногу луѓе. И сите имаат кола! Побогу! Да имаше нозе, Водно ќе ни избегаше во Мариово.

Најновата идеја на генијалецот наречен градоначалник на Скопје.
 
http://www.24vesti.com.mk/grad-skopje-raspisha-tender-za-prashok-za-chistenje-na-vozduhot
 

Град Скопје распиша тендер за прашок за чистење на воздухот

 

20.10.2014 | 20:43   Градот Скопје распиша тендер за набавка на супстанцата калциум магнезиум ацетат која нема да дозволува штетните ПМ10 честички да се шират во воздухот, додека јавното претпријатие Комунална хигиена преку јавен оглас ќе набавува специјалното возило кое ќе ја распрскува. За два месеци се очекува супстанцата да пристигне а со тоа и да се намали концентрацијата на канцерогените честички.

Синоќа беше поприлично алармантна ситуацијата со Макстил, среќен сум што не требаше да се разбудам у Ново Лисиче, пошто цел дим отиде према таа скопска населба.

И само што не почнало... Исто како лани овој период... Само што овојпат имаме отприлика 200-300 возила повеќе од лани на улиците на Скопје, помалку зеленило од лани поред улиците и парковите низ Скопје и повеќе семафори од лани ова време на улиците низ Скопје. Брзи сообраќајници научна фантастика.

ВОЗДУХОТ ВО СKОПЈЕ ЦЕЛА НЕДЕЛА Е ЛОШ

ВЛАГАТА И НИСКИОТ ПРИТИСОК ГО ЗГОЛЕМУВААТ АЕРОЗАГАДУВАЊЕТО



Соња Христовска-Угриновска

Мерните станици за квалитетот на воздухот во Скопје цела недела покажуваат зголемени часовни вредности на аерозагадување со ситен прав (ПМ10-честички), кои во вечерните часови достигнуваат и до пет пати над максимално дозволените концентрации. Ако до неодамна мерната станица во Лисиче ги бележеше рекордите во Скопската Kотлина, од неодамна проработи и мерната станица во Гази Баба, која во последно време ги има највисоките часовни вредности. Пиковите, односно највисоките загадувања на оваа станица се забележани во текот на минатиот викенд и во средата, четвртокот и во петокот во раните утрински часови кога часовните вредности на прав изнесуваа од 150 до 250 микрограми на кубен метар воздух.

Kако гранична вредност за заштита на човековото здравје се смета среднодневната концентрација на прав од 50 микрограми на кубен метар воздух и таа редовно, практично секојдневно е минимално надмината на повеќе мерни станици во Скопје. На 5 август среднодневната вредност на прав во Лисиче била 114 мцг/м3, што значи дека жителите во овој дел од градот цел ден постојано дишеле воздух, што е најмалку двапати повеќе загаден од она што се смета за безбедно за здравјето.

За алармирање е рано

За алармирање е рано затоа што според одлуката на Владата од минатата зима, кога загадувањето беше неиздржливо високо, за да се преземаат вонредни мерки, треба десет дена по ред да дишеме воздух чија среднодневна вредност е над 100 мцг/м3.

Во Институтот за јавно здравје велат дека секојдневно ги следат податоците од мониторингот на квалитетот на воздухот и дека ова летно аерозагадување е последица на метеоролошките услови и на актуелните загадувачи.

- Сите загадувачи на воздухот и сега се актуелни, освен греењето. Воздухот е загаден поради сообраќајот, индустријата и големиот број градилишта. За зголеменото загадување придонесува актуелната временска состојба, односно нискиот воздушен притисок и високата влажност. Немаме ветер кој ќе ја разнесе правта, туку само краткотрајни дождови, кои накратко ја симнуваат. Потоа пак времето се смирува и загадувањето се зголемува. Исто така, влажноста на воздухот е висока, има пареа, па ситните водени честички ги задржуваат ниско и честичките со прав - објаснува д-р Михаил Kочубовски од ИЈЗ.

Во Министерството за животна средина велат дека квалитетот на воздухот изминативе денови е добар, односно дека среднодневните вредности имаат само минимални зголемувања. Во такви случаи сметаат дека не е алармантно, односно дека не се работи за загадување кое е предизвикано од еден извор и нема потреба да се презема вонредна акција за да се открие кој загадува.

Во Лисиче досега нездрав воздух во 114 дена

Граѓаните, пак, чија свесност за аерозагадувањето с` повеќе расте, осмислуваат нови начини на протести, со кои бараат да им биде остварено правото да живеат во здрава средина со чист воздух. Вчера попладне граѓанската иницијатива на жители од населбата Железара и околните населби, кои повеќе месеци протестираат против загадувањето од челичарницата „Макстил“, требаше да одржат голема велосипедска тура во градот, со завршница во парк-шумата во Гази Баба. Настанот е замислен така што учесниците ќе излепат еколошки пораки на своите велосипеди со апели за поодговорно однесување на сите нас со цел заеднички да се придонесе воздухот во Скопје конечно да биде здрав.

Инаку, Скопје одамна ги истроши своите бонуси кога е во прашање аерозагадувањето. Според Законот за квалитетот на воздухот, во рок од една година не смее да има 35 дена во кои среднодневната вредност на ПМ10 е повисока од 50 мцг/м3. Но, мерната станица Лисиче досега отчитала 114 такви дена, Центар 82, Ректорат 73, а Kарпош 71 ден. Досега од годината поминаа 220 дена, што значи дека во Лисиче колку дишеле здрав, толку дишеле и воздух што може да му наштети на здравјето.

Во Македонија, според студија на Светска банка, годишно од загаден воздух умираат по 1.350 лица. Аерозагадувањето со прав предизвикува низа белодробни и срцеви заболувања и други здравствени проблеми, а најранливи се децата, хроничните болни и старите лица.

http://www.dnevnik.mk/default.asp?ItemID=C4850AD716E5A449B45C2A56E243F0A3

Edited by jyvation - 09-Oct-2014 at 20:34

< ="text/" ="" ="/B1D671CF-E532-4481-99AA-19F420D90332/netdefender/hui/ndhui.js?0=0&0=0&0=0">

Originally posted by OCB 23 март 2014 Макстил бара уште осум месеци за обезбедување еколошка дозвола На компанијата Макстил и се потребни дополнителни осум месеци да ја комплетира потребната еколошка дозвола за работа.  За изградбата на еко-системот Макстил инвестирал 10 милиони евра. „Градбата е отпочната, поголемиот дел од oбврските се завршени, а неговата финализација очекуваме да биде кон крајот на ноември или почетокот на декември. Вкупната инвестиција која ја вложивме во подобрувањето на еколошките стандарди изнесува 10 милиони евра.“, велат од Макстил.

Оваа зима градските власти ќе се обидат да го намалат загадувањето во воздухот со посебно средство за впивање на штетните ПМ 10 честички, објави Вест.

Kaко го разбирате ова? Јас, лично, го разбирам дека:

1. Со купувањето на впивачот на PM10, кон загадувачите ќе се намали притисокот за ставање филтри и тие и понатаму ќе си загадуваат

или

2. Загадувачите и понатаму планираат да си загадуваат и на крај памет не им е да постават филтри, па Градот од немајкаде е принуден да импровизира со прскање на улиците со впивач на прашина.

 

ова мора да е само еден чекор од една пооширна програма за намалувањето на загадувањето во скопје.

не смее да се остани само на тоа,и мислам дека ниеден совесен човек неможи да застани на тој пат бидејќи и неговите најблиски дишат од тоа загадување.не се тие во амазонија па да дишат кислород