Продажба на автомобили во МК

Неможев да најдам покомпатибилна нишка...

ПРЕМОЛЧАН ДОГОВОР СО ОСИГУРИТЕЛНИТЕ КОМПАНИИ Да помине летово, зелениот картон ќе поевтини од септември!? Од транспортните фирми оценуваат дека се чека да мине летниот сообраќаен шпиц, а конечниот збор за поевтинувањето ќе го имаат анализите, што веќе подолго време се прават во Министерството за финансии Зелениот картон за возилата летово нема да поевтини, но тоа најверојатно ќе се случи веќе од септември. Ваква можност навестуваат претставници од осигурителниот бизнис, од владини кругови, како и од транспортните компании. Министерството за финансии го разгледува повеќе од една година ова многу важно прашање за дополнителна давачка за зелениот картон, која, евидентно е на тапет кај граѓаните, а посебно и кај транспортните и други фирми во земјава. Зошто Министерството за финансии досега не успеа да донесе одлука, како што оценуваат од транспортни фирми во земјава, се должи на еден вид премолчен договор со осигурителните компании за да ја искористат летната сезона, кога и обичните граѓани, но и бизнисот максимално ги користат зелените картони, по што може да уследи бараното намалување на нивната цена. Според информации од Националното биро за осигурување, годишно во просек се издаваат по 100.000 зелени картони. Од транспортниот сектор ова прашање се предлагаше како една од корпусот на најдобри економски антикризни мерки, кога станува збор за патниот сообраќај, сега е во рацете на вицепремиерот за економски прашања, Владимир Пешевски. Тој неодамна изјави дека намалувањето на дополнителното осигурување за зелениот картон не се очекува да се заврши летово, туку наесен, кога ќе се знае дали ќе има поевтинување, а врз основа на тоа што ќе покажат пресметките. -Во рамките на третата фаза од регулаторната гилотина е и прашањето за зелениот картон. Откако ќе ги видиме бројките, за тоа колку е наплатена премија, а колку е исплатена штета, како и тоа колку возила патуваат во странство, ќе донесеме одлука. Анализите на Министерството за финансии покажале дека сегашните цени на зелениот картон се добри. Ништо не кажувам однапред, додека не ги видам конкретно бројките. Ако постои простор, реално врз основа на анализите, ќе има намалување на зелениот картон - истакна тогаш Пешевски. Наспроти ваквите најави, осигурителните компании веќе подолго време се упорни во тврдењето дека високи цени на зелениот картон се наплатуваат поради големиот број нерегистрирани возила од над 30 проценти и затоа што мал број автомобили патуваат надвор од земјава. Анализите што тие ги испратиле до Националното биро за осигурување имаат негативни резултати, во однос на тоа колку исплатуваат за штети, а колку од тоа им покрива наплатата од премиите. Намалувањето на сегашната цена на зелениот картон, велат тие, би била погубна за рентабилноста на осигурителните компании. Сепак, и осигурителите сметаат дека не е така лоша идејата ако се оди на варијантата сите при регистрација на возилата да плаќаат плус 10 евра, односно тие се согласуваат да дојде до спојување на зелениот картон со премијата од автоодговорност. Тогаш сите граѓани при регистрацијата на своите автомобили ќе треба да плаќаат плус десет евра и ќе можат да излегуваат од земјава колку пати сакаат во текот на годината. Но, притоа, ќе мора да платат и оние што воопшто не патуваат во странство, а вакво решение имаат речиси сите земји во соседството, освен Албанија, Турција и Македонија. И додека кај останатите држави во регионот годишниот зелен картон е околу 10 евра, македонските граѓани го плаќаат 2.450 денари, со важење од еден месец, 3.670 - за три месеци, 5.500 - за половина година и 9.760 денари за цела година, а, кај товарните возила, на пример, за камион со приколка износот е и значително поголем, околу 650 евра. http://www.vecer.com.mk/default.asp?ItemID=BF756B1F5B955141AE035149DB7DEC15

Поголема глупост не постои од ситуација да можеш да возиш американско возило без никакво проблем, ама да се увезе...е тогаш неможе. Значи возилата или се компатибилни со нашите сообраќајни правила или не се. Неможе ни риба ни девојка ситуација. И веќе да почнеме малку да си гледаме што ни одговара, доста со тоа беспоговорно copy-paste европски закони па макар и биле со ваква вградена фабричка грешка. Ситуацијата е премногу црно-бела (или може или неможе) за да создаваме вакви сиви зони и широки дебати.

А кога веќе разгледуваме дали би требало да може или неможе, јас сум за комплетна либерализација. Па сообраќај е, возила се возила секаде во свет се исти што е проблем. А за боја на жмигавец, галони на резервоар се ситници што може да се решат за пет минути. Стварно не ни треба да глумиме лудило. На улиците имаме и стари крнтии веќе олдтајмери, запрежни возила, ама емриканско возило старо две три години неможе зашто имало црвен жмигавец. Британско возило со обратен волан што речиси и да нема прегледност во овој сообраќај без проблем ќе биде увезено, а американско со црвен жмигавец ќе биде проблем. Мислам стварно е .......нема зборови да се опише колку е глупаво. А незнам надлежниве дали е поради некој страв да не случајно се замерат со Европа за нешто, кој ги знае.

Народот навистина навали на стари коли

Заклучно со јули, во земјава се увезени 30.000 половни автомобили и само 4.000 нови, а буџетот инкасирал најмалку 20 млн. евра

Соња Маџовска

Народот навистина навали на половните автомобили. Не стивнува интересот за нив, напротив, постојано се зголемува, па дури ни увозниците не очекувале дека ќе имаат толку многу работа. А тие велат дека допрва ќе расте препродажбата, бидејќи во овој период на летните месеци се враќаат и голем број наши иселеници, кои доаѓаат со старите автомобили во земјава, а тие им ги продаваат најчесто на своите најблиски.

Податоците од Царинската управа се фрапантни. Од почетокот на годинава, па до 12 јули, во земјава се увезени 30.000 половни автомобили, а нови само 4.116 автомобили. Ако се земе периодот од 13 март, кога се намалија акцизите и царината, а и Владата ја зголеми границата за увоз на стари возила, па се' до 13 јули, во земјава влегле речиси 26.000 половни возила, и само 1.500 нови.
Врвот е достигнат во јуни и во јули, кога се влезени 10.000 стари возила. Лани за цела години биле увезени само 13.500 половни возила.

„Опел корса“ е убедливо на прво место како најбаран стар автомобил.

Според увозниците, помалите, но и постарите автомобили, кои имаат зафатнина до 2.000 кубни сантиметри, а за кои не се плаќа акциза, имаат најпримамливи цени. А ако е уште дизел, тогаш веднаш има купец, велат увозниците. „Најбарани половни автомобили се оние од 1995 година и 1996 година. За овие возила кои чинат во просек од 2.000 до 3.000 евра, има пари нашиот народ. На пример, ’опел корса‘ од 1995 година, во странство се купува по цена од 800 до 1.000 евра, а дополнителните трошоци што се плаќаат во земјава чинат уште 700 евра. За овој автомобил особено се заинтересирани и младите возачи, кои штотуку положиле. Има голем интерес и за „голф“ и за „фолксваген“, вели еден од увозниците на стари автомобили.

И граѓаните и увозниците тријат раце од раздвижувањето на пазарот со стари возила, но и Царината, односно буџетот се офајдил од наплатата на царина, ДДВ и акцизата, при што се инкасирани околу 20 милиони евра од почетокот на годинава. Ако се земе најнискиот просек на цена на еден автомобил до 3.000 кубици, за кој не се плаќа акциза, а царината е 1 отсто, и плус уште 18 отсто ДДВ, а бидејќи над 90 отсто од увезените автомобили се такви, Царината само во овие четири месеци наплатила околу 15 милиони евра, и тоа само од половните автомобили. Тоа значи дека просечните вкупни давачка по возило изнесуваат од 600 до 700 евра.

Навалицата за старите автомобили како да покажа и колку е низок стандардот на македонските граѓани, бидејќи очигледно е дека со плата од 200 до 300 евра малкумина се одлучуваат да купат нов автомобил. Увозниците велат дека оние што возат автомобили стари и по 15 години, ги продаваат, додаваат уште една-две илјади евра и го заменуваат за некоја година поново од она што го имале претходно.

Инаку, сепак, излегува дека пропадна главната цел на носењето на мерките за увоз на стари автомобили, бидејќи се покажа дека е многу мал интересот за пререгистрација на бугарските автомобили. Сопствениците на возилата со бугарски регистарски таблички ги враќаат најчесто при техничкиот преглед. Затоа, тие велат дека ќе продолжат да ги возат овие возила се' додека им дозволува Законот, а тоа е до септември годинава. По овој период, ќе мора да ја напуштат земјава, а до нивното следно влегување во Македонија ќе мора да поминат најмалку шест месеци.

За разлика од увозниците на стари коли, во убавите салони за нови автомобили никој не влегува. Автоувозниците велат дека е катастрофална состојбата на автомобилскиот пазар. „Се внесоа многу стари половни автомобили, кои воопшто не се еколошки. Кај нас се увезуваат со стандард Еуро 1, најевтините, а во Европа се воведува стандардот Еуро 5. Ситуацијата е многу тешка, продажбата на нови автомобили е падната за 35 отсто. Гледаме колку да помине годинава, а очекуваме да се стабилизира пазарот дури в година. Оваа состојба ја компензираме со тоа што работиме и хомологација и сервис за старите возила, а верувајте имаме многу работа во тој дел“, велат од „Аутомакедонија“. Оттаму објаснуваат дека има и намалување на цените, но не големо, туку повеќе автоувозниците на нови возила се ориентирани кон промотивни кампањи, акции, а нудат и пакети со различна дополнителна опрема, но во рамките на пакетите што ги даваат производителите. Увозниците велат дека годинава дополнително влијае и економската состојба во земјава врз намалувањето на продажбата на нови автомобили, како и тоа што банките многу тешко одобруваат кредити. (С.М.)

http://www.utrinski.com.mk/?ItemID=A9565BD72A5D4B4D804ECD2ED76EA243

Спласна еуфоријата за увоз на половни возила   Возила со бугарски регистарски таблички воопшто не се царинат, иако со намалувањето на акцизите една од намерите беше и нивна легализација       Интересот на граѓаните за увоз на половни возила деновиве е намален за околу 50 проценти. Во шпедитерските куќи велат дека за разлика од порано, кога дневно обработувале повеќе десетици документи, сега бројката е речиси двојно помала. И салоните за автомобили ја потврдуваат ваквата констатација. - Еуфоријата траеше еден месец. Во споредба со претходно, кога имаше енормно голем интерес за половни автомобили, сега состојбата е поинаква. Едноставно луѓето гледаат дека тоа што ќе го донесат е крш од кој европските земји сакаат да се ослободат - ни изјавија од секторот за продажба на „Автокуќа“. Намален интерес меѓу граѓаните забележале и од шпедицијата „Кватро шпед“. - Царинењето на возила трае ден-два. Еуфоријата од порано веќе ја нема. Возила со бугарски регистарски таблички воопшто не се царинат, барем не во Скопје - ни изјави Златко Богески од „Кватро шпед“. 15.920 нови автомобили се продадени за цела 2008 година Токму легализацијата на огромната бројка на бугарски автомобили во Македонија беше и една од причините за намалување на акцизите од страна на Владата за увоз на автомобили. Според законските одредби, возила со вакви таблички можат да се возат до септември годинава. По овој период тие ќе мора да ја напуштат земјава, а до нивното следно влегување во Македонија ќе мора да поминат најмалку шест месеци. Се проценува дека во земјава има повеќе десетици илјади возила со странски регистрации. Наспроти тврдењата за намалениот увоз бројките покажуваат дека во изминатиот период имало вистинска инвазија на олдтајмери во државава. Така, ако за цела 2008 година се продадени 15.921 нов автомобил, само за изминативе два и пол месеци се увезени 18.471 нов и стар автомобил. Во меѓувреме некои од граѓаните што увезле половни возила се жалат дека не можат да ги возат, бидејќи документацијата и по неколку месеци им заглавувала во МВР. Во Министерството за внатрешни работи потврдуваат дека кај нив процедурата се одолжува поради зголемениот наплив на возила од странство во изминатиот период. - Одолжувањето е поради постапките на проверка преку Интерпол за статусот на возилото, односно дали е украдено и слично. Колку ќе траат ваквите проверки варира од случај до случај и не зависи само од нас. Порано проверките траеја 2-3 недели, но сега се чека подолго - ни изјави Иво Котевски од МВР. Дистрибутерите на нови автомобили, пак, тврдат дека процените на власта за паѓање на цените и на новите автомобили, со одлуката за намалување на акцизите, се покажале како погрешни. - Кај новите автомобили има покачување на цените, што се должи на промената на механизмот за пресметка на акцизите. Во зависност од моделот и методологијата, цените на некои од новите автомобили се покачени - велат дистрибутерите. Според нив, увозот на половни автомобили не влијае во голема мера на продажбата на нови автомобили. Она што најмногу се одразува на падот на продажбата се неповолната економска состојба и намалената кредитоспособност на граѓаните. Владата пред неколку месеци одлучи да ги намали акцизите за увоз на стари возила и утврди нов модел за пресметка на оваа давачка, кој се базира на вредноста на возилата, наместо претходно според зафатнина на моторот. Според новиот модел за пресметка, возилата со фактурна вредност до 3.000 евра се целосно ослободени од плаќање акциза, додека за возила до 6.000 евра акцизата е 90 евра. За помалку од три месеци оцаринети 18.470 возила Од Царинската управа на Македонија ни изјавија дека од 13 март до 2 јуни е почната постапката за царинење вкупно 18.683 нови и употребувани возила, од кои конечно се оцаринети 18.470 возила. Најголем број завршени постапки за царинење возила има во царинарница Скопје - 8.376, по што следуваат Битола - 4.231, Штип - 2.171, Куманово - 1.925 и Гевгелија - 1.768 постапки. Во процедура за царинење се уште вкупно 212 постапки.

http://www.novamakedonija.com.mk/NewsDetal.asp?vest=64101040145&id=10&setIzdanie=21999

За три месеца увезени 16.000 стари возила Вкупно се увезени и оцаринети 18.256 возила, од кои само 1.675 се нови Маја Томиќ Се' поеуфоричен станува интересот кај македонските граѓани за увоз на стари возила. Податоците од Царинската управа запрепастуваат. Од 13 март, откога Владата ја зголеми старосната граница за увоз на половни возила до 15 години и ги коригираше акцизите и царините, па до 1 јуни, во земјава влегле вкупно 18.256 возила од странство. Од нив, дури 16.581 се половни, а само 1.674 нови. Притоа, половината и од новите и од старите коли се дизел. Од Царина велат дека од овој увоз се инкасирале во буџетот околу 10 милиони евра. Ако се земе дека во просек едно возило чини околу 3.000 евра, а на тоа се плаќаат (најчесто) еден отсто царина и плус 18 отсто ДДВ, просечните вкупни давачка по возило изнесуваат од 600 до 700 евра. „Заработувачката на државата е уште поголема. Не е така како што кажуваат надлежните во весниците, само еден отсто царина. Тоа важи само за оние коли со Еуро 1 стандард, односно постарите модели. А, такви речиси и не се увезуваат, туку се сите со повисоки стандарди, така што царината е поголема, 3, 4 или 5 отсто. Со сите давачки се собираат уште 27 отсто плус од цената“, вели еден увозник на половни возила. Тој додава дека најмногу се увезуваат автомобили „поло“, разни модели на „опел“, „голф“, „пунто“ и на „ауди 3“. Очигледно е дека се' помасовната определеност на граѓаните за стари возила е одраз на нискиот животен стандард. Бидејќи, кој може со плата од 200 до 300 евра да си дозволи нов просечен семеен автомобил, што чини 10.000 евра. Така, во последно време, повеќето кои веќе поседуваат стар автомобил го продаваат, додаваат уште пари или земаат кредит и си набавуваат од странство, во секој случај, подобро и поново возило од она што веќе го имале. Дали растечкиот тренд на увозни половни автомобили ќе ја сотре потрошувачката на новите возила? Дали домашните увозници ги фаќа паника? Тие јавно не го признаваат тоа. Но, бројките покажуваат лоши состојби. Погоре веќе се спомена дека од вкупниот увоз на возила за еден и пол месец, само 1.675 биле нови, или околу 10 отсто од вкупно увезените. Според податоците од Сојузот на стопански комори, пак, за четири месеци од годинава, од јануари до крајот на април, биле продадени 2.640 нови моторни возила, што е за 30 отсто помалку од истиот период лани, а за 54,72 отсто помалку од тој период во 2008 година. Продажбата на возила во првите четири месеци од годинава е на нивото од 2004 година, информираат од ССК. Увозниците, генерално, ценат дека увозот на половни возила е само една од причините за намалената продажба и додаваат дека старите коли не ги сметаат за рамноправна конкуренција, затоа што станувало збор за различна категорија клиенти. Намалениот интерес го поврзуваат и со ланската криза и со се' уште стегнатите, ригорозни услови на банките за кредити и на лизинг-компаниите. За да ја подобрат продажбата, увозниците од лани започнаа да ги намалуваат цените на одредени видови коли и до 1.500 евра. За некои луксузни автомобили, пак, по намалувањето на акцизите, снижувањето на цените беше во просек 500 евра. Досега напорите на увозниците очигледно не дадоа резултати, бидејќи продажбата паѓа во континуитет. „Воведовме некои новини во понудата и лани и од почетокот на годинава, имаше и извесни корекции во цените, затоа што мораме да ја следиме конкуренцијата. Но, и покрај тоа, генерално, продажбата на нови автомобили паѓа. Конкретно не сме погодени директно од увозот на старите возила, бидејќи нашите клиенти се поинакви. Кај нас се чувствува стагнација на услугата, замена на старо возило за ново. Веројатно луѓето чекаат некој поповолен период и пад на цените за да го сторат тоа“, вели Златко Калеников, претседател на Групацијата на увозници на моторни возила и застапник на „Сеат - Кадис“ Зоран Дојчиновски од „Авто Македонија“ посочува дека за да ја зголемат потрошувачката, малку ги намалиле цените на одредени видови повисоки класи возила. „И ние се сочуваме со намалена продажба. Не сме имале од скоро сериозно намалување на цените, освен на одредени модели за чиј увоз беше изразено намалена акцизата, како што е ’круз‘, кој поевтини за околу 500 евра“, вели Дојчиновски. Тој додава дека увозот на стари коли не е главна причина за падот на продажбата, туку имало и други фактори, меѓу кои и отежнатото давање кредити од банките. (М.Т.)

http://www.utrinski.com.mk/default.asp?ItemID=3CCBF0D4247A6F4DA48759CE083BF578


Edited by Cloverstack - 04-Jun-2010 at 18:21

Не е лошо да го погледнете каталогот Шваке, и да видите какви ненормално високи цени има тука! Повисоки се за барем €10.000-€15.000 од цените по кои навистина се продаваат овие коли во Германија, па и Бугарија. Мерцедес А-klasse од 1997 e €4000 во Бугарија, а во Шваке €19.000! А во каталогот пишува дека се базирани врз просечните цени од над 700000 дилери месечно. Глупости.

NOTE: Зошто е ова важно? Епа важно е бидејќи при царинењето, акцизата која се плаќа не се пресметува според фактурираната вредност на возилото, туку според Шваке, што е глупост невидена. За возило од €4.000 ќе платите акциза како да вреди €20.000! Ова важеше и кога акцизите беа ненормално високи, а 99% сум сигурен дека сè уште важи.

Wie kommen wir zu den Werten? Unsere Fahrzeug-Bewertung basiert auf einer bundesweit durchgeführten Marktbeobachtung. Diese Marktbeobachtung besteht im Wesentlichen aus vier Komponenten. Die wichtigste Komponente ist die Sammlung von Angebots- und Verkaufspreisen aus dem Handel. Pro Monat erheben wir ca. 700.000 solche Preisinformationen. Wir erhalten diese Informationen aus online Börsen wie z.B. Autoscout24 oder autoboerse.de, Herstellerbörsen, Herstellersystemen und aus Tageszeitungen.

Originally posted by ovaj_stariov Абе сите знаеме што е убаво,ново си е ново. Но за да објавиш вакво мислење што му одговара на не повеќе од сто луѓе во Македонија или треба да имаш некој интерес или сакаш да нападниш некого. Па дома имам кола 14 год. стара купена на старо пред 9 години,па уште не сум дал 2000 евра по неа,како што пишува горе. Ме убедуваат дека некој германец што си купил Ауди А6 после пет години возење не ја носи на овластен сервис туку оди на "Бит пазар" во Минхен и дома сам си сменува делови. Ако истава статија со истиов наслов беше објавена некаде во весникот како интервју со импортерот на Сеат кај нас немаше да ми е чудно,ама вака е малку претенциозно.

Се сложувам. Нека пишуваат и за тоа како имаме 20 посто повисоки цени на нови коли во однос на Србија и дури 40 / 50 посто во однос на Романија. Штитиме индустрија која ја немаме.

ovaj_stariov stvarno ne znam zosto si razocaran.pa toa e ziva vistina.dobro malku gi preuvelicuvaat rabotite ama ima i dosta vistina vo toa

24 % пад на продажба на новите автомобили- импортерите не се загрижени од увозот на половни возила За 24 % падната е продажбата на нови моторни возила за првите два месеци од годината. Продадени се вкупно 1118 автомобили. Импортерите за прв пат излегоа со свој став откако се дозволи увозот на поволни возила од странство. Новите пресметки со намалена акциза и царина велат дека не се одразиле многу во крајната цена на новите автомобили. Покачување има само кај луксузните и возилата до 1000 сантиметри кубни работа зафатнина на моторот. Според нивните пресметки од 800 до 1400 евра има намалување кај возилата до 2 илјади кубни сантиметри.  Златко Калеников, Претседател на групација на импортери на возила при ССКМ вели: Ние ги прилагодивме цените на новите пресметки, она што го забележавме дека кај некои возила цените не се променети, кај средната класа се намалени до 1400 евра и тие зафаќаат околу 80 % од пазарот.  Во последните шест години, продажбата на нови автомобили од почетокот на годината е посилна само од 2005 кога за првите два месеци продадени се само 1064 возила.  Ставот на групацијата е дека засега не се погодени со увозот на стари возила, но поедини импортери тврдат дека ударот од увоз на вакви половни автомобили ќе го почуствуваат наредните неколку месеци. Тогаш се очекува да се зголеми интересот за купување на половни возила. За само првите три месеци увезени се 3500 половни автомобили од странство.  01.04.2010, 15:59

http://kanal5.com.mk/default.aspx?mId=44&eventId=58983

Владата ги намали акцизите за увоз на автомобили   Со оваа мерка се очекува возилата драстично да поевтинат и да ги снема автомобилите со странски регистарски таблички       Од десетина до повеќе стотици евра ќе заштедат граѓаните доколку решат да се подноват со половен или нов автомобил. Владата реши да ги намали акцизите за сите старите возила и за 90 отсто од новите и утврди нов модел за пресметка на оваа давачка. Новиот модел се базира на вредноста на возилата, наместо како што беше досега според зафатнина на моторот, соопшти вицепремиерот и министер за финансии Зоран Ставрески. Според новиот модел за пресметка, возилата со вредност до 3.000 евра се целосно ослободени од плаќање акциза додека за возила до 6.000 евра ќе се плаќа акциза од 1,5 отсто или 90 евра. Намалувањето на акцизите се движи од 50 до 600 евра, во зависност од вредноста на возилата, додека зголемување на акцизите ќе има само за возилата што спаѓаат во најлуксузната категорија и чинат од 30.000 евра па нагоре. - Понуденото решение ќе овозможи во голема мера да се обнови возниот парк во Македонија со понови, побезбедни и поеколошки возила, и ќе го решиме прашањето на граѓаните што сега возат автомобили со странски регистарски таблички. Воедно ќе обезбедиме да нема посериозни нарушувања на пазарот на нови автомобили, а истовремено остануваме со фискално неутрален модел, односно ќе нема загуби во буџетот - рече Ставрески. Тој го посочи и примерот со увоз на „опел астра“ од 1.800 кубни сантиметри моторна зафатнина и набавна вредност од околу 4.000 евра за што досега се плаќало акциза од 1.800 евра или со сите давачки вкупно 6.500 евра. Со новиот модел на пресметка на акцизата за тоа возило се плаќа 20 евра акциза, односно вкупно 4.745 евра или 1.800 евра помалку, наведе Ставрески. Приливот од акцизи во буџетот годишно се движи од 8,5 милиони евра до 10 милиони евра и со новата владина мерка очекувањата се дека ќе се задржи ова ниво, а може и да се зголеми. Пред носењето на одлуката Владата ги консултирала увозниците и на стари и на нови возила, кои генерално изнеле позитивни реакции. Законските измени за намалување на акцизата ќе бидат доставени до Собранието следната недела и ќе стапат во сила за околу 20 дена. Во однос на зголемената акциза за луксузните автомобили Ставрески со објаснување дека акцизата е давачка на луксуз и ако некој е подготвен да плати 40.000 евра за автомобил логично е да плати и поголема акциза.  Акцизна основаво евра  висина на акциза  евра        до 3.000  0.00%  0  од 3.001 до 4.000  0.50 %  20  од 4.001 до 5.000  1.00%  50  од 5.001 до 6.000  1.50%  90  од 6.001 до 8.500  2.00 %  170  од 8.501 до 12.000  3.00%  360  од 12.001 до 14.000  4.00%  560  од 14.001 до 16.000  6.00%  960  од 16001 до 18.000  9.00 %  1.620  од 18.001 до 22.000  11,50%  2.530  од 22.001 до 25.000  13,50 %  3.375  од 25.001 до 30.000  15,50 %  4.650  над 30.000  18.00%  6.300

http://www.novamakedonija.com.mk/NewsDetal.asp?vest=213101010422&id=10&prilog=0&setIzdanie=21909

Edited by Cloverstack - 14-Feb-2010 at 00:01

Јасно е од приложеното дека вакви мерки (но само времени) би биле добра можност да се обнови колку толку возниот парк. Но во секој случај давачките се фрапантни од табелата на ЛСЛ. Мислам за целосен ефект на мерката и владата мора да се откаже од дел од колачот, па тие приходи да ги надокнади од акцизи за гориво, повеќе регистрирани возила, патарини и сл. Во секој случај ваквата комбинација од мерки не би требала да трае повеке од 2 години, да се внесат 100.000 стари автомобили во Македонија и веднаш да се регулира повторно увозот, бидејќи навистина е опасност да станеме отпад на 15 и повеќе години стари автомобили, кои за 2-3 години ќе бидат 18 години стари.