Од регионот (општо)

Meне ми беше! 

Сакам метро!
А чудно, Нирнберг е помал град од Скопје а сепак има метро...

Поради мојата пуста и огромна желба, мојот роден град Скопје да има метро (за кое што сум свесен дека нема ни потреба ни можности), решив да направам кратка репортажа за Метрото на Софија. Зошто Софија а не Москва на пример? Затоа што е најблизок град со свое метро, градот не е повеќе од 3-4 пати поголем од Скопје и да речеме дека нивните финансиски можности не се многу подобри од нашите.

МЕТРО СОФИЈА: Самото метро започнало да се гради во далечната 1979 година, но до 1990 година биле изградени две станици од Линија 1 и две станици од Линија 2. Поради недостиг на средства, градбата е запрена до 1995 година, кога почнува реалната градба на Метрото. Целиот систем опфаќа 3 линии, со 47 станици, долго треба да биде 52км. Притоа средното растојание меќу станиците ќе изнесува 1100м и ќе превезува околу 150 000 патници на час (во време на пик).



ЛИНИЈА 1:
Ги поврзува источниот и западниот дел на градот со преку самиот центар. Тргнува од ЖК Љуљин (населба со преку 200 000 жители) преку центарот до ЖК Младост (I - IV). Ова е најоптоварената линија. Во 1998 беше пуштен првиот сегмент од 10 км и 8 метростаници: ЖК Обелја---бул. Сливница---Љуљин---Западен Парк---бул. Вардар---Константин Величков---бул. Оп`лченска---Сердика (пл. Св. Недела).
Станица Вардар:

Станица Сердика:




Потоа продолжија со градба на истата линија во насока-исток кон ЖК Младост. Овој дел поминува под самиот центар на Софија и ги опфаќа следните 6 станици кои треба да се готови до Септември 2009 година: Сердика---СУ (Софијски Универзитет Св. Климент Охридски)(пресек со Линија 3)---Национален Стадион Басил Левски---Изток (Интерпред)---Студентски Град---Мусагеница---Младост 1. Цената на овој дел е околу 250 милиони евра.

Продолжување на Линија 1 во самиот центар на градот:


Станица Стадион Васил Левски (и подземниот паркинг):




Станица Интерпред (пред завршување):


Станица Студентски Град (пред завршување):


Станица Мусагеница (надземна и во градба):




Понатаму линијата се двои. Линија 1А продолжува кон Младост 4 и Софиа Бизнис Парк. Се состои од 4 метро станици, при што последната го завршува на Јужната Обиколница Софија, каде што има P+R паркинг за 2000+ возила. Планирано отпочнување на работите е кон 2013 година.
Линија 1Б продолжува кон Цариградско Шосе (каде што се гради огромен бизнис центар), ЖК Дружба и Аеродром Софија. Пари за 1Б се веќе обезбедени од ЕУ и ФАРЕ, така што пролетва се очекува почеток на работата. Сумата стои на 100 милиони евра за првите 3 станици.  Овој дел планирано е да се пушти кон 2012 година а ќе се состои од вкупно 6 станици, 3 од кои би се граделе кон 2013.


ЛИНИЈА 2: Линијата се протега север-југ. Започнува од квартот Илијанци ( верувам доста познат и кај нас), преку центарот, до јужните зони Лозенец и Хладилника. Градбата на многу важниот централен дел на линијата започна пред околу месец дена. Опфаќа 7 станици, со вкупна должина од 6.5 км. Поминува низ многу важни за градот објекти. Почнува од станицата Патен Јазол Надежда---Централна Жел. Ст.---пл. Лавов Мост---Сердика (пресек со Линија 1)---НДК (пресек со Линија 3)---Хемус---бул. Черни Врх. Парите во висина од 250 милиона евра се обезбедени и градбата треба да завши кон 2013 година.
План за градба на Линија 2:


Почеток на работите:


Линија 2А е крак кои опфаќа нови две станици и завршува на депото во ЖК Обелја (почетокот на Линија 1). Планирано е да започне со градба во 2010 година и да заврши 2-3 години по тоа.


ЛИНИЈА 3: Оваа линија е последна за градба. Почетокот на работите е планиран за во 2014. Линијата се простира од југо-запад (Кнјажево-Овча Купел-Хиподрума) преку Центарот, продолжувајќи северо-источно (Васил Левски-Подујане-Искар).
Моментално во Софија се градат 13 станици со вкупна должина од околу 14 км. До крајов на 2009 планирано е да се почне градбата и на уште 5 станици со должина од околу 6 км. Вкупната вредност на проектот за овие 18 станици на број е 750 милиони евра. Сите пари се обезбедени. Метрото се гради со брзина од 3.5 км тунели и 2.5 станици годишно. Кон септември 2009 се очекува да се пуштат во употреба станиците по Линија 1 до Младост 1, со што метрото ќе има 14 станици во употреба.

Моменталната состојба на системот:


Метрото има типично советски дизајн (3 метро линии кои се сечат во форма на триаголни во центарот и тоа на Сердика, НДК и СУ Цб. Климент Охридски). На 2 од станиците (Вардар и Искар) се изградени и станици на обичната железница, каде што застануваат локалните возови од предградијата и регионалните возови. На најмалку 10 станици (2 од нив се при крај со градба) се планираат подземни паркинзи со околу 8000 паркинг места. Целта на ова е да се намали дотокот на возила во централните делови на градот.

Метрото го оперираат 12 композиции возови со по 4 вагона (станиците се изградени за по 6 вагона но постепено ќе се додаваат со отворањто на новите сегменти). Исто така се купени 9 нови композиции марка Русич.

Метрото работи од 5 наутро до 1 навечер. Интервалот на движење е од 4 мин во време на гужви, до 9 минути пред крајот на операциите.

Се надевам дека некому ќе му биде интересна мојава репортажа.