Originally posted by гитардемон И исто така, генерираат ненормален девизен одлив. Руски сликари, италијански леарници, хрватски булдожери... Да не се фаќаме за духовната полза.

Стара приказна е дека своевремено Јапонците ја украле идејата за комерцијализација на радиотранзисторот, од Американците. Откако овие претходно, пак, „ја дрпнале” од Германците. И, иако не биле први, продале најмногу радија, па телевизори, па вокмени...
Нејсе, она што во моментов е извесно, е дека поголема група вработени од РЖ Институт се испратени во Италија, на обука, и заедно работат со вработените во италијанските леарници, на изработка на нарачаните споменици.
РЖ Институт (РЖИН), иначе е фирма која се бави со екстракција на ретки метали и легури и во чиј состав се наоѓа најдобрата македонска леарница од тој вид, во моментов.
Мнозинскиот сопственик на РЖИН, Минчо Јорданов (и на Бетон, Факом, Макстил, Стоби винарница, земјоделски комбинат Црвени Брегови, Ремедика болница...) веќе е во фаза на набавка на нова, софистицирана опрема за леење, од последната технолошка ЦНЦ генерација.
Она што недостасува РЖИН во иднина да извезува, меѓу останатото, и „споменици”, KNOW HOW, прилично ќе биде супституирано со гореспоменатата обука при леењето на овој сет споменици.
Следејќи ја генезата на „Јордановбизнисфеноменот”, нема да биде изненадување ако Бетон во блиска иднина во својата емпирија и референца ги додаде и монументалните и сложени фонтански системи. Човекот е мудар како Кинез, брз како Германец и итар како Италијан. А плаќа данок на Балканот!
Случајно познавам еден млад господин, кој наскоро ќе ги прошири своите знаења. И ќе стане првиот експерт за интериерна акустика во Македонија. Благодарение на тоа што е асистент на господинот Јорг Кумел. Врвен стручњак кој има изградено стотина концертни сали, опери, театри... во Светот. А ќе ја изгради, ќе ја „изакустира” и нашата нова Филхармонија. Следните, сигурен сум, ќе ги акустираат „домашни сили”...
Треба да се почитува потегот на кинезите, сервисирањето на нивните автобуси да го доверат на ЈСП. А, пак овој, на бивши вработени во нашиот, некогаш врвен, ФАС. Ќе се тргнат луѓе од Агенцијата за невработени, ќе се реструктуираат и дооформат во своето знаење. Колку само му требаат на нашиот брзорастечки автокластер...
Колку се радувам за еден Албанец, градежен бизнисмен од Западна Македонија. Кому му е доверена копродукцијата за водоскоците во Вардар. Први му се во кариерата, ама, убеден е, во тоа ме увери, не и последни. Колку е само интелигентен. Неколку месеци и веќе пологично и побрзо размислува од „жабарот” кој е дојден да му надзорникува.
Не е проблем ако еднаш отидеш до Солун и одлиеш 10,00 евра девизи, за, на пример, чаша, прекрасно Вирџин Мохито!
Проблем е ако, потоа не научиш сам да си го подготвуваш! Дома, со домашно нане. Не кипарско, увозно, ами од Инџиково. Екстра е!


Edited by OKA - 28-Oct-2010 at 09:25

Originally posted by OKA Под „мојот шлем” верувам, има доста „квалитетен материјал”, само, не знам дали овој Форум, ваков некултурен, затруен, вреѓачки насторен, воопшто го заслужува!?

Свесната апстиненција пак на оние кои имаат (или тврдат дека имаат) „квалитетен материјал“ е правопропорционална со нивото на некултура/затруеност.

На многу пошироко ниво (отколку нашево форумско), јас чуствувам дека мојата интелегенција и здрав разум се навредени особено во контекст на темата која ја третира нишкава. Дополнитено за малку бев и линчуван во една не така далечна а добро позната прилика поради тоа што имав свое мислење? Дали е тоа доволно алиби човек да се откаже или да си напише оправдание?

Форумот е само медиум а нивото го одредуваат неговите учесници со нивното учество но многу често и со нивното неучество. Дискусиите не се водат за форумот, се водат за доброто на нашиот град, земја итн... Изборот останува личен...

@OКА,

Originally posted by гитардемон Знам дека си од оваа бранша, те чекав да се вмешаш во дискусијата

Неверојатно. Како Мурињо си. Знаеш да го извлечеш најдоброто од човек.
Задоволство ќе ми биде да дебатирам со тебе. Се гледа битолска, „пијано” школа!


Edited by OKA - 27-Oct-2010 at 21:44

Originally posted by Andrej_LJ ...Навистина на сите ни е јасно дека не се тепаме, туку дискутираме со аргументи, а за таа цел не требаат шлемови, туку тоа што се наоѓа непосредно под шлемот!...

Андреј, драг мој, најискрено велам, дека повеќе би сакал да изедам ќотек, отколку навреда.
Андреј, миличок, ти веќе подолго време не дискутираш, ами навредуваш. Ете, мојот и резонот на уште 36 форумаши кои до денес позитивно гласале за Скопје2014, резон дека тој проект носи бенефити, го нарекуваш „просташтина”. А, нас, по таа логика, простаци!
Тоа е сепак непримерно ниво на дискусија, својствено за бракоразводна парница.
Андреј, пријателу драг, затоа „ставам шлем” - за да се спасам од жестокиот тон и латентниот лајт мотив во твоите постови, „да ги снема” сите што мислат поинаку!
Андреј, почитуван, затоа иронизирам и глумам Конфучие - сметам подобро на навреда со иронија, отколку со уште поголема навреда!
Под „мојот шлем” верувам, има доста „квалитетен материјал”, само, не знам дали овој Форум, ваков некултурен, затруен, вреѓачки насторен, воопшто го заслужува!?






Edited by OKA - 27-Oct-2010 at 22:40

Originally posted by OKA Гитарчо, пред да влеземе во понатамошна дебата. Ова со ММФ, БДП, фискална година, обврзници..., сигурен си дека го владееш добро!?

Знам дека си од оваа бранша, те чекав да се вмешаш во дискусијата

Originally posted by гитардемон Здраво LouReed! Бидејќи спомена некаква задолженост на земјата во минатото, ме интересира дали знаеш што се (евро)обврзници и како оди нивната емисија, и што се заеми од ММФ и Светската банка? Да не мислиш дека СК2014 се гради со кеш кој го чуваме во вреќи во трезорот на НБРМ карши Веро? Да ти појаснам: задолженоста е нормална кај секоја држава, и 5-10% од БДП е ОК сума на буџетски дефицит за фискалната година (дефицитот се надополнува со задолжување), и во зависност од целта на власта се толерира и поголем дефицит, и се прифаќа задолжување кое треба да донесе добро на народот. Е сега кога нашата држава го прави овој проект, а се задолжува кај ММФ и СБ (а не емитира записи), башка не гради инфраструктура туку споменици, се прашувам дали некој ќе има корист (освен авторите на спомениците, и тие што ќе исперат пари со набавките)...

Гитарчо, пред да влеземе во понатамошна дебата. Ова со ММФ, БДП, фискална година, обврзници..., сигурен си дека го владееш добро!?

Originally posted by Andrej_LJ ...Тоа значи дека ефектот на парите вложени во СК2014, по неговото завршување ќе го нема (и да не се осудува да ми мери некој духовна полза!)...

Еве, јас, ќе смогнам храброст, ќе ставам шлем на глава и ќе се осудам да мерам:
Скопје2014 проектите генерираат духовна полза!
Се разбира, според мојот резон. И не инсистирам сите да го споделат тој резон.
Слободно нека се осудат да си имаат свој.


Edited by OKA - 27-Oct-2010 at 20:46

Zdravo Andrej!

Se soglasuvam deka soobrakajnata infrastruktura e dosta vazna za ekonomskiot razvoj na zemjata, no sum sepak zadovolen sto Skopje se izgraduva.

Vsusnost nemoze da se ragovara za ova prasanje bes da se navleze vo eden politicki razgovor.

Iako Gradeznite prioriteti na ovaa vlada ne se soodvetni, mislam deka drskosta, prostastinata in omalovazuvanjeto bese dosta pogolema za vreme na minatata vlada, kade sto nisto nebese izgradeno vo Skopje a zemjata bese zadolzena so okolu 500 miliona evra.
Me interesira mene, kako Makedonec, kade site tie millioni evra otidoa za vreme na prethodnata vlada?

Osven Tetovo - Gostivar avtopatot i nekoi krpenja na ulici jas nevido nesto novo izgradeno ili napraveno (ve molam poravete me ako sum vo greska).

Pozdrav!

Седумдесетина нови споменици ќе никнат во центарот

За веќе поставените споменици заедно со триумфалната порта „Македонија“ се предвидени 19.995.000 еврапоставени споменици цена во евра
Питу Гули, Димитар Поп Георгиев-Беровски, Пјетер Богдани, албански писател од 17 век, Неџати Аголи, учесник во антифашистичката борба, а подоцна и министер и пратеник, Јосиф Багери, католички свештеник и еден од најистакнатите албански културни дејци од почетокот на 20 век, се некои од личностите чии паметници ќе се најдат на 90 локации во центарот на градот. За овие пет споменици, дел од проектот „Скопје 2014“, денеска ќе се решава на седница на советот на општината Центар. Во согласност со последните измени на Деталниот урбанистички план за Малиот ринг останува да се постават уште седумдесетина споменици. И тоа 18 споменици покрај подземниот паркинг во паркот „Жена-борец“. На релацијата од мостот „Гоце Делчев“ до хотелот „Холидеј ин“, на фамозното панорамско тркало друштво ќе му прават околу 25 скулптури и споменици, поставени на доста мало растојание. Во планот, од она што не е поставено, видно обележани се само споменикот на Јустинијан, кој ќе биде покрај коњаникот на Даме Груев пред Камени мост, споменикот на Цар Самуил, кој ќе стои пред ресторанот „Пелистер“, како и споменикот на Никола Карев на коњ пред Собранието. Околу осум маркици за споменици се предвидени и по должината на улицата Македонија. На подземниот паркинг зад Собранието, во ДУП за Малиот ринг се предвидени места за четири споменици, а во паркот пред Домот на армијата и спомен-куќата за Мајка Тереза уште пет. Две маркици се поставени спроти деловните простории на „МАТ ервејс“, една пред клубот „Матица на иселеници“ и една спроти „Мекдоналдс“. Колку ќе чини овој контингент паметници не се открива. Затоа постапно се дознаваат парите што се потрошени за 15 споменици, четирите лава, како и за 29-те споменици што треба да се поставуваат на пешачкиот мост „Око“. За веќе поставените споменици, заедно со триумфалната порта „Македонија“ се предвидени 19.995.000 евра. Последна обелоденета сума е онаа за триумфалната порта. Министерството за култура за изградбата, која сé уште не се знае кога ќе почне, на „Гранит“ ќе му плати 4,3 милиони евра. Надвор од познатите спомен-обележја се и двете фонтани во Вардар што чинат милион евра. „Скопје 2014“ се подготвува да го пречека и грандиозниот споменик на Александар Македонски што ќе дојава на фонтаната на плоштадот за 4,5 милиони евра, потоа скулптурата на основачите на македонската револуционерна организација вредни еден милион евра и спомениците на Петре Карпата-Карпош 540.000 евра, на АСНОМ 1,5 милион евра, на Јустинијан Први 1,2 милион евра, на Цар Самуил 800.000 евра. На плоштадот „Карпошово востание“, што допрва треба да се прави пред црквата „Свети Димитрија“, иако од општината Центар официјално не сакаат да соопштат, ќе стои воинот во бронза со ликот на Филип Втори. Од општината, исто така, не откриваат ни колку ќе чинат објектите што се или ќе се градат во рамките на „Скопје 2014“. Неофицијално, се калкулира дека за куполите и надградбата на Собранието ќе се потрошат 15 милиони евра. За новите фасади на зградите на и околу плоштадот „Македонија“ 10 милиони евра, за црквата „Свети Константин и Елена“ 22 милиони, мостот „Око“ ќе чини два милиони, додека зградата на Уставниот суд 25 милиони евра. Објектот во кој ќе се смести Агенцијата за електронски комуникации е вреден 10 милиони евра, оној на Обвинителството и финансиската полиција пет милиони, Филхармонијата осум милиони, Стариот театар 20 милиони и Музејот на македонската борба 24 милиони евра. Колонадата „Македонија“, што ќе се гради пред зградата на МОБ неофицијално ќе чини 11 милиони евра, а Мостот на уметноста 2,5 милиони евра.  поставени споменици цена во евра  Гемиџии  965.000  Методија Андонов-Ченто  780.000  АСНОМ  1,5 милиони  Свети Кирил и Методиј  500.000  Свети Климент и Наум  500.000  Гоце Делчев и Даме Груев  850.000  Лавови на мостот „Гоце Делчев“  2,3 милиони  Фонтана и споменик на Александар Македонски  8 милиони
Автор: Александра Денковска

http://www.novamakedonija.com.mk/NewsDetal.asp?vest=1027101027264&id=14&prilog=0&setIzdanie=22117