Скопје 2014

Originally posted by Andrej_LJ    Ааа гитаре јас не се давам толку лесно! Прво скулптурите и разните керефеки можат во иднина релативно лесно да бидат тргнати и преместени. Но, што ќе правиме со една црква на среде плоштад или со трите (е ова ако не е мегаломанија, мислам дека и дефиницијата може комплетно да се преименува) објекти пред МНТ. Не мислам дека треба да правиме компромиси со себе и своите потреби и нивните хирови! Не треба да се согласуваме на помало зло, односно само делумна реализација на проектов. Јас мислам дека место за компромис нема со оваа багра битанги и незналици (алудирам на надлежните, не на членовите на форумов), како што немаше и кога тие со сите сили, опструкции и покрај здрав разум го туркаа(т) ова.

Абе Сталин рушел па градел, па после него пак рушеле па одново граделе. Значи што и да е може да се сруши и да се премести, но поентата е воопшто да не се изгради in the first place за да не мора да се руши.

Не дека се дадов, ама гледаме и сами (колку што можеме да видиме) дека народот сака кич, па веројатно штом сака и треба да добие кич. Сепак и да нè заебава цел свет, државата е на народот, па како решил тој така треба да биде. Значи вкус е вкус, ако 90% од населението го сака, кој е тој што ќе каже дека не смее да го има? Не ми е мило, ама демократија е право на избор на народот (кога нема едногласие, тогаш се оди кон тоа што мора - желбата на мнозинството).

Проблемот со горекажаното е тоа што не знаеме дали навистина така решил народот, или една политичка личност решила во негово име и го истуркала цел проект без никаква адекватна консултација, па ајде сега сите бидејќи се овци го прифаќаат (се однесува на луѓето кои го поддржуваат проектот само затоа што нивната партија го предложила, се надевам немаме такви на форумот).

А тоа со компромисот е во рамките на разговорот за Скопје 2014 vs инфраструктурни зафати. Не е можно да не се ставаат на кантар едното со другото кога знаеме сите дека осумцифрени суми се трошат за непотребни глупости (цркви, споменици, триумфални порти, космодроми, шаолински храмови). Да беа три споменици прегрди со вредност од 200.000 евра, ајде на толку пари за мито и корупција секојдневно што губиме тоа е мачкина кашлица. Ама со > 20.000.000€ за споменици, мора да се каже дека е криминал.

Да сумирам, викам делумна реализација прифаќам бидејќи голем дел од тие згради се потребни (особено на министерствата кои плаќаат сега кирии, урбанизација на нивите на плоштадот и слично) а за тоа во каков стил ќе бидат - тоа иако не ни се допаѓа, народот тоа го посакува, тогаш тоа и го заслужува. Не прифаќам непродуктивни и противуставни трошења од стилот на порти, цркви, споменици и ти реков ми рече.

Верувам дека се согласуваш дека згради за министерствата требаат (иако не сум баш најубеден дека им е местото таму, па во каков стил сакаат нека ги градат), и дека нивите на плоштад треба да се урбанизираат. Тоа е единственото нешто што планов може да прави добро. Ама не го прави ни тоа добро.

Edited by гитардемон - 07-Feb-2010 at 03:32

и плус ова:

Originally posted by leonid23 Плоштад "Слобода " малку закаснила со протестот тоа требало да го направат уште во 2007   После свадба тапани

А во таков случај ти поинаку ќе гледаше на работите?
Инаку воопшто не ти е на место констатацијата. Уште од старт имаше лавина реакции и револт кон оваа манџа која сега ја сервираат под името „скопје 2014“. А имаше и вакви случаи:
http://www.build.com.mk/forum/forum_posts.asp?TID=171&PID=13257#13257
http://www.build.com.mk/forum/forum_posts.asp?TID=599

Ама кој да слушне и да стави прст на чело...

А тоа што сето тоа беше килаво и засегнатите дозволија да бидат маргинализирани, тоа е друг проблем. Но не мора да значи дека тоа ќе биде така и во иднина, а уште помалку е оправдување за проектот „Скопје 2014“.


Edited by Cloverstack - 07-Feb-2010 at 04:23

Originally posted by leonid23 Originally posted by pbanks Па не, но не гледам зошто би било жално што се дискутира... Спрема мене е жално што не се дискутира доволно и на време... нема врска...   @pbanks  Ако се дискутирало на време те уверувам дека немаше да дојде до ова дереџе , Скопје2014 е всушност само мал континуитет од програмата за преродба на ВМРО 2006-2010 , Проектите што всушност се градат беа во предизборната програма кога прв пат победија на изборите . Така да акао некому му сметало тоа требало на време да реагира , сега тоа доаѓа некако како да спиеле сето тоа време или не знам како би го компарирал уште . . .

ЛЕонид... од една страна апсолутно се сложувам. Луѓето си добија мандат, го имаа најавено ова, а што е уште побитно и покрај тоа што нема некое подетално истражување, факт е дека народото го подржува проектот.
Од друга страна, апсолутен факт е она што го наведе Андреј некаде на почетокот на дискусијата а тоа е дека за одредени работи, тој ги нарече елитите, јас едноставно би рекол професионалците треба да го имаат последниот збор.

Ако зборуваме за медицина тоа треба да биде докторски конзилиум, ако зборуваме за економија тоа треба да се врни економисти... логично во случајов тоа треба да се врвни архитекти.

Факт е дека во целава работа нема една широка дебата и советување со архитектите, туку работата процедурално се турка преку неколку стандардни играчи.

Доколку целата работа помине низ сите тие филтри, дури и да не ми се допаѓа проектот јас ќе го прифатам, но вака тој за жал ќе ми биде наметнат. А штета е во ова време и доба да си наметнуваме работи независно кој се нашол на која страна во врска со дадено прашање.

cekav da pomini prviov bran na komentari,no kako sto gledam se pretvorilo vo cunami

Ne znam dali pottiknati od emocii ima mnogu komentari vo krajnosti,deka se bilo katastrofa ili pak deka e prekrasno.

Spored mene ne moze se da odi vo isti kos.
Mislam deka najgolema katastrofa e triumfalnata porta i dvata objekta pomegu arhivot i MNR,za koi ne bi trebalo ni da ima markicki.

Spomenicite gore dolu mi se bendisuvaat,posebno mi e interesen obeliskot i lavovite.

Za dvata hoteli na plostad seuste ne sum izgradil mislenje.

Inaku sum protiv barokniov stil,no po princip sum optimist pa gledav da izvadam nesto pozitivno

I ve molam nemojte so licni navredi pomegu clenovite.Davajte argumenti,a ne komentari od tipot:ti si zaostanat,nisto ne vi e ubavo,pa ti razbiras li nesto...

Edited by ovaj_stariov - 07-Feb-2010 at 02:07

Originally posted by lslcrew Единствено што констатирав тука е дека пола од луѓето што зборуваат дека парите требало да идат за инфраструктиура ќе се заќутеа доколку Скопје 2014 беше модернистички проект и напротив ќе го форсираа и ќе му даваа на проектот приоритет пред многу болници лечења и школи што сега не ги вадат од уста.

Тука си во право и се пронаоѓам себе во таквите луѓе. Ама знаеш зошто? Ако проектот беше малку од малку модернистички, немаше да има Александар од 20 милиони евра, немаше да има 50 споменици околу него од уште 10 милиони евра, немаше да има лавови и глупости низ цел град. Освен што го сметам(е) Скопје 2014 за накичено, го сметаме и за наџиџано. Па не личи 20 споменици/статуи/скулптури на 200 m2. Веројатно ќе имаше 2-3 споменика од некаков вид кои би чинеле максимум 1.000.000 од бело злато да беа.

Да бидам уште појасен, ако се намали цената на проектот за некои 30 милиони евра (колку што чинат сите непотребни споменици таму), може и ќе го прифатам како идеја, и покрај тоа што стилот кој е наметнат воопшто не ми се допаѓа. Сепак признав, ако народот го сака, треба и да го добие. Бидејќи се согласивме сите дека е приоритет нивите на плоштад да исчезнат, јасно е дека би го ставиле како приоритет (плус штом кошта 30 милиончиња помалку, останува простор за 30 милиони во болници и училишта или било што од тоа што кажа ти).

Ама вака сè си мислам, зошто 30 милиони за споменици кога може да се изгради LRT и подземен тунел на Македонија со тие пари, па дури и аеродром во Струмица

Нека ги скинат спомениците, лавовите и глупостите од проектот одма потпишувам колку сака нека се грди зградите.

Edited by гитардемон - 07-Feb-2010 at 02:06

Не е демонстрација на сила , туку реалната слика , ако мислите дека моите постови се наметнување на ставови или докажување избришете ги

Originally posted by lslcrew Тука престанува всушност целата дебата што се финансира и како се распределуваат парите во една држава. Не џабе има толку ресори, а не само еден инфрструктура. По ниеден основ нема причина да оваа држава дава пари само за инфраструктура и ништо друго, како што сакаат некои да форсираат. И покрај тоа што ова се користи како аргумент за случувањата на градскиот плоштад во Скопје. Е сега кога и другата гарнитура е фатена со "смкнати гаќи" дека не се работи само за инфраструктура туку и култура одозгоре веќе нема фактор што може воопшто да дискутира на ова прашање. А исто така втора работа стилот не ги оправдува или неоправдува средствата. Неможе да се мати јавност со аргументи дека нешто "пацифистичко, нешто светско, европско а не во делот на антиквизација или словенизација" ги оправдувало средствата, а демек ако е во друг стил барок антика * е тогаш можеле да се напраат улици, фабрики (и тоа ни срам ни перде во капитализам), болници, школи итн. Такви двојни стандарди не. Што сакам да заклучам од ова. Пестанете да го користите веќе тој аргумент со финансирањето, (и сега и за црквата беше користен), воопшто не треба ова да биде дел од аргументацијата дали нешто треба да се направи или не. Нема држава без министерство за култура, таман да била најсиромашната у свет. Исто како што нема ни држава во со комплетирана иунфраструктура. Така да во инфраструктурата секогаш може подобро и секогаш може да се пренаменат парите за тука, ама ако е така тогаш ќе треба ние никогаш да не инвестираме во културата. Не признавам вакви форми на лицемерно користење на аргумент со парите за случаеви кога ни се свиѓа тогаш може и тогаш е убаво и оправдано, ама кога не ни се свиќа е тогаш можело болници. Така непоштено, не! Патем ова е една од причините зашто често ни расплинуваат дискусиите. п.с. Текстов првенствено се однесува на сите членови тука кои го користат непоштено вака овој аргумент, а дури потоа ако сакате прочитајте го како упатено кон некоја партија.

Страшно ги измеша работите по неколку основи. Очигледно е дека очајно бараш било какво алиби за „Скопје 2014“ и ред други ненормални работи.

Прво не сметам дека она што е најавено во Струмица има било каков негативен контекст како она што се случува во Скопје:
- Инвестицијата во Струмица е тотално неспоредливо поскромна од она што се турка во Скопје. Од сумите за Скопје веќе се добива вртоглавица, иако проектот „Скопје 2014“ штотуку зема замав.
- Проектот во Струмица во голем дел е инфраструктурен (тунелот), а проектот во Скопје воопшто не е - напротив скокнати се многу важни инфраструктурни решенија кои треба да се реализираат пред или барем паралелно со вакви зафати.
- Струмичани позитивно гледаат на најавената инвестиција, а владата со своето самоволие, силеџиство и пристап „со глава низ ѕид“, во Скопје и во целата држава направи уште една страотна поделба во општеството и не закрви максимално.
- Инвестицијата во Струмица е во рамки на реалноста и потребите, а проектот за Скопје е болна МЕГАЛОМАНИЈА и тоа во страшно лош вкус.

Но дури и да е негативно тоа што се случува во Струмица, пак не гледам зошто повлекуваш паралели... Ова е аргумент кажан милион пати до сега, но приморан сум да го повторам: зарем една грешка може да биде оправдување за правење на друга грешка?


Најважно од се, финансиските аспеткти се многу егзактна работа, а не работа на лабаво толкување. Никој овде не рекол дека треба да инвестираме само за инфраструктура и воопшто да не издвојуваме за култура (иако повторно имам голема забелешка на користењето на терминот „култура“ за проект како Скопје 2014). Моменталниот сооднос на продуктивните наспроти непродуктивни инвестиции е тотално изместен вон разумот. Солидно си информиран на тие теми и знаеш добро колку итни а продуктивни проекти не мрднале со реализација затоа што за нив не се ни помислува да се издвојат макар скромни средства. Тоа е просто уништувачки и цената ќе ја платиме со задолженост, економска потчинетост и пролонгирана сиромаштија. Тоа е злосторство од национални размери.


Edited by Cloverstack - 07-Feb-2010 at 01:22

Жално е што се уште некој луѓе овде не сватиле дека нема ни 0.01% шанса од тоа што се замислило да се гради да се спречи на било кој начин

Originally posted by leonid23 Originally posted by my Macedonia plostad sloboda protestirase deneska, sto navistina me raduva. Me raduva kakva arhitetska idnina go ceka makedonija! Da bev vo mkd sigurno ke bev vo skopje na protesti! Spored men referendum ili ponistuvanje na ovaa idea.Ovaj plan nisto ne pravi osven revoltiranje !!! Primer:Ti mislis deka e super,Jas mislam deka e katastrofa jas ke protestiram ,,protiv,, so mojata grupa, ti ke protestiras ,,za,, so tvojata grupa i ako sme vo istoto vreme vo istoto mesto= ne go siluvajte skopje incident, e zosto??Poradi bolni idei  na vladata. Da nemase taa vakvi idei nitu jas e nitu ti ke ne protestirave, i incident ke nemase!! Плоштад "Слобода " малку закаснила со протестот тоа требало да го направат уште во 2007   После свадба тапани

Ама па луѓе стварно ме зачудувате. Прво нема нешто во цел свет како стриктно држење на традициите! Тоа нешто се вика заостанување. Има нешто кое се вика КУЛТУРНО, БАЛАНСИРАНО И НЕПРИМЕТЛИВО вметнување на традициите во секој сегмент на живеењето и развојот, вклучително и архитектурата. Иако да речеме секако дека имаме достигнувања во полето на архитектурата, зарем луѓе вие очекувате да сме први или предводници во неа? Па зарем сме први по наука, откритија, развој, производство на иновации, умови продукти, та да мораме и да сме водечки во архитектурата! Секој со своите можности!