Квалитет на воздухот во Скопје

Информатичари создаваат независен систем за мерење на загадувањето во Скопје Posted on 22 November 2012 by admin Наскоро веќе нема да треба да се чека на институциите да објават информации за да знаеме каков воздух дишеме, туку тоа граѓаните ќе може да го дознаваат сами. Група информатичари од невладината организација „Слободен софтвер“ создаваат „метео сензор кутија“независен уред за мерење на загадувањето поврзан со компјутерска програма кој граѓаните ќе може сами да направат и да го постават пред своите домови или канцеларии и со тоа да добиваат информации за тоа колку е загадено нивното соседство. Во кутиите ќе може да се постават сензори по избор на самите корисници кои ќе мерат различни параметри од воздухот. Сите уреди ќе бидат поврзани на интернет и од своите локации постојано ќе испраќаат податоци до една база на податоци каде ќе се мапираат информациите и ќе се добива поцелосна слика за загадувањето во целиот град. Колку повеќе кутии се постават низ Скопје толку поточна и поцелосна ќе биде сликата за квалитетот на воздухот, а ќе може и многу прецизно да се лоцираат најзагадените реони и да се утврди причината и изворот на загадувањето. Трошоците за изработка на кутиите се различни во однос на тоа какви сензори корисниците ќе сакаат да постават во нив. Како што велат од „Слободен софтвер“, најевтината варијанта е кутија со можност за мерење на температурата, влажноста на воздухот и бучавата која ќе чини околу 3500 денари. Изработката на уредите ќе биде поскапа ако се постават сензори за мерење на концентрациите на загадувачки материи како јаглерод диоксид, озон, прашината ПМ10 и ПМ2,5 , сулфурните и азотните оксиди. Овие сензори кои се набавуваат од странство се поскапи и кутија која би ги содржела сите нив ќе чини околу 400 евра. „Метео сензор кутија“ на „Слободен софтвер“ денеска ја освои првата награда од 1500 евра на натпреварот „Подобри идеи за ЕУ фондови“ организиран од на Центарот за истражување и информирање „Еко-свест“. Со парите информатичарите на почетокот на идната година треба да ги изработат првите 4 кутии кои ќе мерат неколку параметри. Тие велат дека потоа ќе ги објават скиците за изработка на кутиите, постапката за поставување на сензорите и нивното приклучување во системот како и цените и локациите од каде може да се набават уредите за секој заинтересиран да може сам да го состави апаратот. Од организацијата веруваат дека на овој начин со употреба на новите технологии и обичните граѓани ќе добијат можност да бидат подобро и независно информирани за животната средина, но и можност врз основа на податоците кои ќе ги добиваат да вршат притисок за подобрување на состојбата. Од „Слободен софтвер“ потенцираат дека кутиите и системот воопшто не се ограничени само на Скопје, туку може да се постават и на било која друга локација. Гринбокс

Edited by FoSsiL - 22-Nov-2012 at 21:27

Во право си, но јас не ја упатив критиката кон новинарите, туку кон институциите кои ги прават овие испитувања и делуваат само статистички. Се разбира дека најголем кривец е владата за ова што се случува и дозволува. Инаку јас како единка не се чустувавам доволно моќен за да можам да изреагирам на било кој начин со што би ги спречил и стопирал загадувачите на воздухот и околината, но мислам дека има здруженија и организации за здрава околина и екологијата кои ги тангира оваа проблематика и можат да покренат некаква акција и иницијатива во која би можеле да се приклучиме и да го искажеме нашата загриженост за ситуацијата.

Edited by HugoGoulding - 16-Nov-2012 at 02:12

 
Додека им се потребни човечки работници, ќе продолжат да не трујат, кога роботската работна сила ќе ја замени човечката работна сила уште помалку ќе ги интересира здравјето на луѓето.
 
Единствено ако почнеме масовно да изумираме пред роботската работна сила да ја замени човечката работна сила, ќе размислат за селење на трујачите наречени производствени погони во други населени места, или ќе помислат на намалување на загадувањето, но дефинитивно нема да помислат на ставање крај на загадувањето.

И која е солуцијата за овој проблем? Никој не реагира, само информираат. Не ни требаат статистики и информации за смртни случаи туку да се реагира до сите надлежни институции и да се најде решение и излез од овој проблем кој од година во година е се поалармантен и посериозен а сите сме слепи за истиот. Нас привидно не не засега сега ова, но во блиска иднина последиците по здавјето може да бидат многу сериозни за голем дел од луѓето, вклучувајќи ги и оние кои се сосема здрави. Процесот на овие загадувачи убива бавно и тивко, сега не го гледаме но кога ќе стане перманентен и видлив ќе биде предоцна. Мината зима воздухот во Скопје беше страшен, не знам колку се сеќавате, но дури имаше и една чудна смрдеа во него од толку што беше загаден и оштетен. Стварно не ми е јасно како овој проблем се занемарува во континуитет а ситуацијата е тотално надвор од контрола и многу далеку од границите на нормалата.

Edited by HugoGoulding - 15-Nov-2012 at 14:33

Четворица дневно умираат од загаден воздух На секои шест и пол часа по еден наш сограѓанин умира како последица на загадениот воздух. Тоа се секој ден по речиси четири умирачки, или 1.350 случаи годишно, според најновата анализа на Kанцеларијата на Светската банка во Македонија.  Најголема закана за здравјето и за животот на граѓаните е загадувањето со ситни лебдечки честички со дијаметар помал од 10 и 2,5 микрони (ПМ10 и ПМ2,5), чија концентрација во градовите, особено во зима, ги надминува максимално дозволените дневни концентрации и по 15 пати.  Најголем проблем имаат високоурбанизираните и индустријализирани центри: Скопје, Битола, Kавадарци, каде што има термоелектрани, металургија и друга тешка индустрија со согорувачки процеси. Просечната годишна концентрација во некои градови повеќепати го надминува стандардот на ЕУ за годишна концентрација на ПМ10, кој е 40 микрограми на кубен метар воздух.  Лани највисока годишна концентрација покажала мерната станица во центарот на Скопје, 180 мг/м3. Во Kавадарци, Велес, Битола, Kуманово, Kочани и во Kичево годишните концентрации се нешто пониски, од 70 до 90 мг/м3, но, сепак, двојно повисоки од дозволените.  - Ситните честички се еден од најзначајните загадувачи поврзани со краткотрајните и хроничните респираторни болести. Најопасни се кога се мали зашто нивната големина определува до каде ќе стасаат во респираторниот тракт при вдишување. ПМ 2,5 ја зголемува смртноста примарно поради кардиопулмонални болести и рак на белите дробови, а ПМ10 го зголемува морбидитетот од хроничен бронхитис, болести на долните дишни патишта кај деца, респираторни симптоми итн. - се вели во анализата. Проф. д-р Драган Ѓорѓев од Институтот за јавно здравје вели дека во анализата на Светската банка се користени поширок пристап и построги стандарди, па затоа нивната бројка на смртни случаи е повисока од процената на Институтот, според која, во Македонија годишно 300 лица умираат поради лош воздух. - Тоа се загрижувачки податоци. Важно е дека загадениот воздух штети на здравјето и дека особено се чувствителни децата, старите лица и хроничните болни, односно сите со нарушен имунитет. Kога човек ќе почине од срцево-белодробна криза, не го заведуваме како починат од загаден воздух, но тоа е тоа - вели проф. Ѓорѓев. Соња Христовска Постојано задушени Почна сезоната на катастрофално лош зимски воздух. Според извештајот за октомври, објавен на страницата на Министерството за животна средина, скопјани цел месец биле под ризик, односно надминувањата на дневната граница на ПМ10 од 50 микрограми на кубик воздух се случиле во 20 дена од месецот. Според законите, дневни надминувања не смее да има повеќе од 35 пати годишно. l Најголемото загадување се случило на 13 октомври, сабота, кога концентрацијата на ПМ10 била четири пати над дозволеното l Kај Ректоратот годишна концентрација од 200 мг/м3 l Во Лисиче годишна концентрација од 169 мг/м3 l Во Kарпош годишна концентрација од 140 мг/м3 l За време на викендите минатиот месец скопјани дишеле до три пати позагаден воздух од дозволеното, а во останатите денови до два пати позагаден.   Луѓето губат животи, државата пари Според анализата на Светската банка, која ги вклучува износите за лекување и губитокот на продуктивноста, загадувањето на воздухот со ситни честички ја чини економијата 253 милиони евра годишно, или 3,2 проценти од БДП за 2011 година. - Ако Македонија ги намали концентрациите до граничните вредности на ЕУ, би се избегнале над 800 смртни случаи, илјадници дена на загубена продуктивност и тоа би резултирало со здравствени заштеди од 151 милион евра годишно. Намалување на амбиенталната концентрација на ПМ10 од само 1 микрограм на кубик би резултирало со потенцијални здравствени заштеди од 34 милиони евра. Трошоците за интервенциите што водат кон усогласеност со ЕУ би можеле да се оправдаат со овие заштеди - посочува Светска банка.

http://dnevnik.com.mk/?ItemID=EBC6037293DDC248A786A97F3C335771


Im tekna na dnevnik... koga pocnaa lugje da umiraat.

Meracot za kvalitet na vozduhot seuste e isklucen. Nekolku pati pominuvam vo Aerodrom i N.Lisice smrdi vozduhot na sulfur. Nasabajle koga se vozi vo toj pravec neboto e pomarandzesto. Seto ova se slucuva vo naselbi kade sto ima najmnogu ucilista i deca.

Edited by Cloverstack - 15-Nov-2012 at 00:46

http://www.dnevnik.com.mk/?ItemID=3BD0E3A99DF0D04387F156E3337EEDE6

ОБЛАЦИТЕ ЧАД ГИ ЗАГРИЖУВААТ ГРАЃАНИТЕ

Железарницата бара трпение

Од погоните на „Макстил“ летово се испуштаа црни облаци чад, високи со километри, реагираат скопјани. Оние што живеат во повисоките зони и жителите на населбата Железара опишуваат дека секојдневно ги гледаат столбовите чад, кои по некое време се претвораат во темни облаци над населбите Лисиче, Аеродором и Центар. Ситуацијата нема да се смени уште неколку години, затоа што „Макстил“ веќе побара од Владата одлагање на крајниот рок за спроведување на еколошките мерки до 2019 година.

Зимата носи ризик

Скопјани се с` посвесни за големите ризици од неквалитетната околина. Стравуваат од зимата што доаѓа затоа што поради котлинските услови и температурната инверзија загадувачките материи остануваат долго во воздухот, а концентрацијата на ситен прав се зголемува и над 150 пати од дозволеното.

- До кога ќе н` трујат? Глетката кон „Макстил“ додека испушта чад е страшна и не знам кој може да остане рамнодушен - велат скопјани.

Според оперативниот план на „Макстил“ за добивање А-интегрирана еколошка дозвола, овие емисии, кои се наречени фунгативни, односно не потекнуваат од оџаците, ќе бидат зафатени со изградба на т.н. хауба. За неа е предвидено да потрошат од 10 до 15 милиони евра, а како краен рок за инсталирање ја навеле 2014 година.

Фирус Мемет, директор на Државниот инспекторат за животна средина вели дека контролираат колку што можат.

- „Макстил“ има мониторинг-станици на оџаците и редовно испраќа информации за емисиите на сулфурен диоксид, натриумов диоксид, јаглероден моноксид итн. Тие се во рамките на дозволените граници затоа што се вградени вреќести филтри. Најголем проблем се нивните фунгативни, секундарни емисии, кои настануваат кога се врши шаржирање, односно топење на старото железо во печката на многу високи температури. Притоа се ослободуваат големи количества чад и прав во воздухот. За овие емисии немаме увид што содржат и колку се. Имаме мерна станица во Гази Баба, но таа не работи - вели Мемет.

Тој вели дека за пролонгирањето на рокот за воведување на еколошките мерки крајниот збор ќе го има Министерството, кое ќе одлучува за секоја фабрика одделно.

- Ситниот прав и редовните високи концентрации во Скопје не се само поради „Макстил“. Тука големо влијание имаат и сообраќајот и многубројните градилишта во градот. Зиме ќе биде уште полошо - вели Мемет.

Борба за преживување

Генералниот директор на „Макстил“, Александар Панов, вели дека се свесни за загадувањата, но дека поради економската криза, не се во состојба навреме да го исполнат оперативниот план и да ја изградат хаубата до 2014 година.
- Преговараме со Владата за одлагање. Ние имаме обврска тоа да го сториме и мора да го сториме, но засега не сме економски силни за таква инвестиција. Месецов практично не работиме и не загадуваме, односно неколку дена имаме работа, па немаме. Изградбата на хаубата со која треба да се зафатат секундарните емисии ќе не чини 18 милиони евра, а ние моментно не знаеме дали воопшто ќе преживееме. Ако се инсистира веднаш да се завршат еколошките стандарди, ние ќе треба да ја затвориме фабриката, што ќе се одрази на целокупната економија. Дали треба да затвориме или е подобро сите да бидеме стрпливи? Дозволете ни еден период за консолидирање - вели Панов.

Тој додава дека се свесни дека загадуваат, но додава дека тоа не го прави само „Макстил“.

- Апсолутно и јас сакам да се заштити околината и да се намали штетата - вели директорот Панов.

Во оперативниот план на „Макстил“, според нивните мерења сите вредности се во рамките на максимално дозволените, освен за правта на три мерни места, кога при шаржирање се отвора капакот на електропечката и затоа не функционира системот за отпрашување. Во такви околности, според „Макстил“ вредноста на правта е речиси двојно поголема од дозволената.

Соња Христовска

Ова слободно може да се прогласи за најлошата вест годинава. Додека развиениот свет субвенционира технологии за енергетска ефикасност и заштита на животната средина, ние ги субвенционираме најголемите загадувачи. Што е следно? Дозвола за топилницата во Велес!?

Во меѓувреме е објавен и извештајот за квалитетот на воздухот во Скопје. Очигледно, покрај ладното, и екстремно топлото време влијае на загадувањето. Компанијата која се наоѓа во криза, повторно шампион во нарушување на нашето здравје:

Среднодневни концентрации на суспендирани честички со големина до 2,5 и 10 микрограми и озон за месец јули 2012:


гранична вредност 50 µg/m3


гранична вредност 25 µg/m3


гранична вредност 120 µg/m3

Концентрациите на азотен диоксид, сулфур диоксид и јаглерод моноксид се во рамките на дозволеното, односно под граничната вредност.

http://www.moepp.gov.mk/WBStorage/Files/Mesecen%20izvestaj%20VOZDUH%20Juli%202012.pdf

Главниот мерач на улица Македонија сеуште е вон употреба. Веќе 2 месеци. Прво го скинаа оној на интернет сега дефинитивно и овој. Господ знае што несакаат да видиме и колку ли е само лошо, вистинска саботажа . Инаку за информација Макстил поради проблеми со гасот почнува со користење на дизел при процесот на жарење на печките.Па нека ни е на помош некоја сила кога со плин се гушевме со ова ке не истребат.

Edited by Oxygen - 17-Aug-2012 at 14:01

Среднодневни концентрации на суспендирани честички со големина до 2,5 и 10 микрограми и озон за месец јуни 2012:


гранична вредност 50 µg/m3


гранична вредност 25 µg/m3


гранична вредност 120 µg/m3

Концентрациите на азотен диоксид, сулфур диоксид и јаглерод моноксид се во рамките на дозволеното, односно под граничната вредност.

http://www.moepp.gov.mk/WBStorage/Files/Mesecen%20Vozduh%20Juni%202012.pdf

Заклучок: Во летниот период, Железара и Цементарница се главните загадувачи на воздухот во Скопје.

Во моментов... има некоја смрдеа... ко на нешто изгорено... во делот во кој што живеам... и прилично јака... не е првпат... се случувало многу пати... но сега мислам дека е неподносливо... 

Мајка ми вика дека палеле нешто во некоја депонија... која депонија е блиску тука... било дива... а да смрди толку многу... не се дише... па на овие горештини... морав да затварам врати... 

Како и да е... пријавувано е многу пати... и не само од нас... и пак нешто досега не е преземено...

Се прашувам... дали е можно ова да е од железара... случајно?

Но и да не е... и да е од друг извор... не е нешто што е ретко... зависно од периодот од годината се случува е секоја вечер да се осеќа овој чуден мирис... 

И мислам дека е редно време да се преземе нешто...

Легнав да спијам... и го почуствував... станав и се изнервирав... ма нека одат воо.......... да им ..... кој и да е........ Кретени.... А Кретени, Идиоти и што уште не друго се оние кои го дозволуваат ова... не трујат...