Плоштад Скендербег

Плоштадот „Скендер-бег“ контра „Скопје 2014“

Чаир до крајот на годинава ќе го прецизира проектот за плоштадот со површина од 5 до 24 илјади квадратни метри

Снежана Калабакова


Општина Чаир до крајов на годинава ќе го прецизира проектот за изградба на плоштадот „Скендер-бег“, кој ќе има површина од 5.000 до максимум 24.000 квадратни метри. Освен постојниот паркинг пред стоковната куќа „Илинден“, во плоштадската површина фазно ќе се вклучуваат и просторот до стоковната куќа „Мост“, а со премостување на булеварот „Гоце Делчев“ проширувањето ќе стигне до МНТ и Филхармонијата. Градоначалникот на Чаир, Изет Меџити, смета дека наспроти владиниот проект „Скопје 2014“, сосем наместо е Општината да го изгради големиот плоштад „Скендер-бег“, во кој од старт се знае дека нема да има споменици ниту од албанската историја ниту од која било друга. Сосем доволен е споменикот на Скендер-бег. За поплочување на плоштадот, би можела да се искористи коцката извадена од местото на кое се гради фонтаната и коњаникот на Александар Македонски.

Општина Чаир аплицирала за проектот кај Владата од каде што веќе и' се одобрени 10 милиони денари. Конкурсот за идејно решение на плоштадот заврши во вторникот и сега ќе треба да се избере проектант. Според Меџити, Општината нема преку ноќ да го реализира проектот, туку планира да отвори јавна дебата во која ќе ја вклучи целата јавност, од архитекти до медиуми и сите главни забелешки ќе ги прифати и ќе ги вклопи во главниот проект.

„Идејата да се гради плоштад од вакви димензии се прави од три причини. Најпрвин затоа што на Скопје ќе му биде потребен уште еден плоштад, бидејќи со поставувањето на споменикот на Александар, ќе се преполови вкупната површина од Градскиот плоштад, а се знае дека во Европа сите настани, како што се разни собири и концерти, се случуваат токму на такви места, како што се плоштадите. Втората причина е отворање на уште еден влез кон чаршијата, а третата со пробивање сообраќајница зад стоковната ’Илинден‘ да се овозможи сообраќаен пристап со што ќе се елиминира сегашната појава на влегување со автомобили во стариот дел од градот“, вели градоначалникот Меџити.

Плоштадот „Скендер-бег“ ќе биде централен плоштад опкружен со повеќе културни и образовни институции, како што се Тетовскиот универзитет, кој ќе биде сместен во стоковната куќа „Илинден“, потоа МНТ и Филхармонијата.

„Кај Даут-пашиниот амам планираме да се изгради мал амфитеатар. Паркирањето, како што е зацртано и во ДУП, ќе го решиме со подземен паркинг под сегашниов, кој ќе се гради со приватно јавно партнерство. Плоштадот ќе биде поплочен со коцка или траветнин, кој ќе се вклопи во амбиентот на чаршијата. Во втората фаза и доколку се согласат од Јавното станбено претпријатие, ќе ги урнеме дваесетината дуќани изградени од социјалистичка Југославија, а кои не се заштитени како споменици на културата. Ќе остане само ’Менада‘. Со тоа ќе се доближиме до стоковната ’Мост‘ и ќе добиеме 10.000 квадрати“, објаснува Меџити.

Општина Чаир веќе е во преговори и со Општина Центар за бришење или намалување на двете маркички за деловен простор помеѓу МНТ и Филхармонијата, со што плоштадска површина би се оформила на 24.000 квадратни метри. Идејата Чаир да има нивелиран плоштад е земена од неколкуте примери на плоштади во италијанските градови.

http://www.utrinski.com.mk/?ItemID=DC180BC484B9044DB97558A4D62B92A6

За хипотетичкиов мегаломански „плоштад“ за кој би требало да се бришат и згради од урбанистичките планови за реализација во таква мегаломанска форма, мислам дека нема баш некои шанси да дочека да се оствари, а со оглед на тоа дека уште во корен идејата е неумесна, нормално не ми е воопшто жал што е така. Малку ни беше еден проект СК2014, па сега уште Меџити да ни прави негова верзија.

Во секој случај, мислам дека не треба и ние ко политичарите да ги мешаме поимите. Плоштад е едно, а хетерогена пешачка зона е друго.

Originally posted by Swimmer џамијата позади филхармонија

Нема џамија, тоа е Даут-пашин Амам (турска бања)





Edited by Cloverstack - 11-Aug-2010 at 23:06

aj da gi cekame renderite pa kje zboruvame pak...za mene ideata bese ubava bidejkji kje bide kako tunel (zemi primer plostad strumica)!

Originally posted by alexgizh Originally posted by mitatos Јас би дал уште поубав предлог, паркингот да се изгради малку подлабоко 3-4 метри под земја на истото место, а горе би ги продолжил неколку продавници од стилот на стара мак архитектура, и така повеке ке личи на плоштад што ке ми наликува на старата чаршија. Ај дообјасни се, некако неможам да сфатам. Мислиш на некакви тезгиња или фул објекти?

Нешто во стил на стара чаршиска архитектура, зборот ми е за компленти објекти ,а не за тезгиња =)

Originally posted by mitatos Јас би дал уште поубав предлог, паркингот да се изгради малку подлабоко 3-4 метри под земја на истото место, а горе би ги продолжил неколку продавници од стилот на стара мак архитектура, и така повеке ке личи на плоштад што ке ми наликува на старата чаршија.

Ај дообјасни се, некако неможам да сфатам. Мислиш на некакви тезгиња или фул објекти?

Или како четврто решение би било да си изградат само паркинг и на сегашното место да остане плоштад нема потреба од радикален проект па уште поголем од плоштад Македонија.

@ Fossil

Edited by Swimmer - 10-Aug-2010 at 13:07

се слагам.. мислам дека покривање на булеварот е непотребно , особено заради хирови.. да, нека се направи плоштад со паркинг кај скендербег и нека се уреди делот кај џамијата позади филхармонија пошто сега е катастрофа.. нешто као мини плоштад, ама спојување заради правење мегаломански зафат со непотребни издатоци е нон сенс.. во случајов само тој дел ми е спорен.. ова ми е ко решиле да прават плоштад ама некој дофрлил и за џамијата, па друг рекол а што да не ги споиме.. и ете ти изјава на ТВ од која боли глава.. too much Discovery

wow, tamam ja imas napraveno!

СПОРЕД ГРАДОНАЧАЛНИКОТ МЕЏИТИ
Плоштад кај Скендербег најголем во Скопје

На површина од пет до 24 илјади квадратни метри, кај споменикот на Скендер Бег, треба да се изгради најголемиот плоштад во градот, тврди градоначалникот на Општина Чаир Изет Меџити. - За споредба со плоштадот Македонија, кој како слободен простор и без споменици изнесуваше 17 илјади квадратни метри, овој плоштад планираме да биде од пет до 24 илјади квадратни метри - изјави Меџити. Според него, паркинг-просторот пред „Илинден“ треба да прерасне во подземно паркиралиште, па дури потоа ќе може да се реализира проектот за плоштадот. - Плоштадот ќе биде опкружен со културни институции. Предвидено е во стоковната куќа „Илинден“ да се смести „Тетовскиот универзитет“, а во соработка со Градот ќе треба булеварот Гоце Делчев да стане подвозник, со цел плоштадот да се спои со Даутпашин амам, МНТ и Филхармонија - додаде тој. Како што информираше градоначалникот, на плоштадот не се планирани споменици, меѓутоа, сепак, се уште се чека на проектите кои треба да стигнат. Како што информираше тој, само за проектирање на плоштадот е планирано да се потрошат 10 милиони денари. Меџити не даде конкретен одговор кога ќе почне плоштадот да се гради.

Д. Т.