Турски театар

Објектов сега се користи како засолниште за бездомници....

Има што да бара ако го користиме тоа како што треба. Една од ретките држави е што континуирано има промакедонски став во споровите со Грција и Бугарија. Од свои причини секако, но сепак недовлно го искористивме тоа, особено последниве години.

Слободно нека реставрира објекти што се културно наследство, тоа е одлично за нас. Она на што треба да се внимава се универзитетите кои имаат проблематичен ефект.

Економските инвестиции се истотака позитивни, особено во отсуство на било што посериозно перидов. За жал оваа гарнитура не знае ништо политилки да искористи од Турција, туку само ја има оставено да си „шири влијание“.

Зборуваме за архитектура. Има преубави објекти од тој период кои секако треба да се реставрираат.

Не е само до Турците, до нашите дибеци е. Во Битола се реновираа џамии кои никој не знаеше ни дека постојат, додека пак амами и анови стојат непипнати со години. Да бев јас на местото на Двојче или Класнето (градоначалниците во последните 20 години) ќе ги условев од ТИКА - за секоја џамија ќе реновирате по еден амам кој ќе стане музеј.

Само мала обнова на рендерите кои чинам се имаат изгубено во претходните постови...инаку пршање е објектов дали некогаш ќе се доврши

МИНИСТЕРСТВОТО ЗА КУЛТУРА НЕМА ПЛАН ЗА ДОВРШУВАЊЕ НА ТУРСКИОТ ТЕАТАР, КАРАБИНАТА СТОИ ШЕСТ ГОДИНИ



Новиот објект на Турски театар шест години е карабина, а ако наскоро не се преземе нешто, ќе почне да пропаѓа, вели в. д. директорката Несрин Таир.

Театарот на локацијата во близина на Железничката станица во Скопје, почна да се гради во 2014, како еден од капиталните проекти на тогашната Влада со премиерот Никола Груевски и министерката за култура Елизабета Канческа-Милевска. Според тогашните најави, карабината на театарот ќе ја финансира Министерството за култура, а за втората фаза пари ќе даде Турција.

Таир, која е актерка, а на оваа функција е од јануари 2019, на неодамнешната прес-конференција за новата премиера, кажа дека уште кога дошла на фунцијата, прашала во Министерството за култура и во Владата до каде е процесот.

„Колку што ми дозволува надлежноста, праќав писма. Одговорија дека се прави сè за да продолжи изградбата на Турскиот театар и да може да се реши дупката од две и пол години што ништо не се правело поради потрошените средства дотогаш, затоа што во изградба работите се менуваат. Потрошени се средства за кои, веројатно, некој друг одлучува. Јас не одлучувам. Во тоа немам увид, но според моите сознанија, за следната фаза за изградба се потребни 115 милиони денари за фасада и за покрив. Очекувам државата тоа да го реши и Владата да одвои пари, барем за наредната фаза, затоа што во спротивно ќе почне да пропаѓа“, рече в. д. директорката. Таа додаде дека претходно имала средба со поранешниот министер за култура Асаф Адеми, но со актуелниот, Хусни Исмаили, немала можност за средба.

Редакцијата на САКАМДАКАЖАМ.МК испрати прашања до Министерството за тоа во која фаза е изградбата и кои се идните планови и активности на Министерството за Турскиот театар, а оттаму кусо ни одговорија: „Во врска со прашањата упатени до Министерството за култура околу проектот за изградба на Турскиот театар, ве информираме дека завршена е фазата карабина, а во наредниот период ќе се разгледуваат начините за поефиксно финанисирање за продолжување на проектот за изградба на Турскиот театар“.

повеќе на

https://sdk.mk/index.php/kultura/ministerstvoto-za-kultura-nema-plan-za-dovrshuvane-na-turskiot-teatar-karabinata-stoi-shest-godini/

Срамота.Објектов ќе стои вака со години пошто е заглавен во некаков си судски процес и којзнае дали некој ќе му го најде крајот.Но би било добро просторот некако да се огради со цел да се спречи вселување на бездомници кои во текот на денешниот ден предизвикале пожар од насобрано ѓубре и стар мебел.Патем ако некако не ја решат ситуацијава зимоска којзнае колку ќе се населат во објектот(ќе потсетува на бившата Југобанка која долги години стоеше недовршена и ги имаше сличните проблеми но таа барем се пренамени во нешто театаров според она што гледам како е граден незнам во што би можел да се пренамени освен да се почека да биде завршен)

Еве фотки од денешниот пожар превземени од долниот линк









https://a1on.mk/archives/961893

Карабината на Турскиот театар градена дилетантски и со пробиена финансиска конструкција и рок за градба

Наместо стаклена фасада, бетон и цигли. Вака изгледа карабината за новиот објект на Турскиот театар, петта година по почетокот на градежните зафати. Иако беше најавено од претходната власт дека ќе биде готова до крајот на 2015, карабината е завршена неодамна. Појава на подземни води поради кои морало да се менува проектната документација, а со тоа и цената на чинење од 4 на 5 милиони евра, но и политичката одлука на претходната власт, турската заедница да биде маргинализирана, се причините за оддолжување на изградбата на објектот, рече министерот за странски инвестиции, Аднан Ќахил.

„20 илјади метри квадратни со една катна гаража. Апсолутно, тоа кажува дека дилетантски е работена работата. И втора работа, дека тука има подземни води. Секој што испитувал геолошки знаел. И зошто баш тука се градело кај што има подземни води, да направат на овој начин? Мислам дека таквите работи се објаснети без објаснување“, кажа Аднан Ќахил- министер за странски инвестиции.

Според министерот за култура, сега се расплеткуваат заостанатите долгови околу изградбата на карабината.

„Дали се правилно исплатени одредени фактури, дали одредени барања, дадени на суд се исправни и објективни? Така што се надеваме дека во многу скоро време и тоа ќе го расчистиме. За да можеме во втората фаза да стартуваме со чиста ситуација“, кажа Роберт Алаѓозовски – Министер за култура.

Поради ваквата ситуација, македонската и турската страна на ново ќе постигнат договор за доградување на објектот, а финансиската конструкција ќе биде направена до крајот на јуни. Готовност за соработка, за довршување на новиот Турски театар, изрази директорот на генералниот директорот на Државни театри на Турција, Мустафа Курт. Тој рече дека едвај чекаат да соработуваат со Турскиот театар и на уметнички план.

https://telma.com.mk/karabinata-na-turskiot-teatar-gradena-diletantski-i-so-probiena-finansiska-konstruktsija-i-rok-za-gradba/

Inaku ovoj objekt slobodno moze da se oznaci kako stopiran. Prasanje e dali voopsto nekogas ke se zavrsi.

Сите тараби околу објектот се отстранети на градилиштето освен расчистување нема некои позначајни активности.Еве една денешна.