Споменик Филип II - Битола

На Магнолија во Битола се гради споменикот на Филип Втори. Предизвика разни реакции кај домашната јавноста. За владата на Македонија работата со проектот за споменици извадена била од контекст.

„ И сакавме да направиме многу споменици почнувајќи од споменикот на нашите илинденски дејци, па не знам на Александар Македонски, на одредени политичари, на Ченто, на Киро Глигоров и ткн. И никој не зборува за севкупноста на тој проектот, него од контекст се вади само еден збор антиквизација и тоа е лошо. Лоша порака им испраќаме на другите наши партнери и пријателски земји кои сакаат да не поддржат, викаат па кога опозицијата зборува дека вие правите антиквизација и ја искривувате историјата, тогаш како ние да ви помогнеме" вели Зоран Коњановски министер за одбрана на Република Македонија.

За некој да дојди во еден град потребна е некоја содржина. Во моментов и во Скопје го нема тоа. Затоа владата го подготви проектот за споменици. Но и дипломатите во Брисел се интересирале за овој владин проект. Пред неколку месеци кога министерот за одбаран Коњановски престојувал во седиштетот на Нато, го прашале дали навистина во Битола се гради споменик на Филип Втори.

„ Кажав да. И им го кажав следното. Како е можно во Битола да има споменик на Кондрат Аденауер или на некој друг лик од европската историја или шеталиштето не знам да се вика Џорџ Буш, а да не може да има споменик кој би го носел ликот и делото на Филип втори. Па им велам на само еден километар од градот постои антички град кој е направен и создаден од Филип. Зошто да нема сега еден споменик во градот кој ќе го носи ликот на Филип кој направи еден цел град на еден километар од Битола" вели министерот Коњановски.

Коњановски им кажал дека ние не присвојуваме нешто што е регионално и дека ние не сакавме, туку историјата сакаше Филип до денешна Битола своевремено да ја направи Хераклеа.

„ 4-от Век пред нашата ера исто Филип основал град и во Пловдив, таму се вика Филипопулос. Меѓутоа тие можат да ни се лутат ако ние говориме дека Филип бил битолчанец или ако во Пловдив говорат дека тој бил од Пловдив. Филип и Александар припаѓаат на цел еден регион, припаѓаат на европската историја, тука ние не спориме ништо" вели тој.

Го прашавме министерот што рекле тамошните дипломати на неговото објаснување.

„ Мислам дека немаам коментар на ова објаснување" изјави Коњановски.

Пред извесно време разговара со градоначалникот на Битола околу финализацијата на проектот.

„ Навистина сакаме целиот тој проект да биде перфекционистички направен, значи има детали кои треба да се доуредат, сигурен сум дека за брзо време ќе можат граѓаните на Битола да се радуваат на еден таков споменик" вели во интервју за ДИРЕКНТО на ТЕРА министерот Коњановски.

Владата на груевски преку проектот за споменици сака да ја подобри и економијата во земјата. Туристите за да дојдат преба да им се понуди она што го имаме од блиската и далечната историја.