Плоштад Пресвета Богородица

Фоткиве се од пред некој ден, ги сликав ама заборавив да ги постирам... Очигледно во меѓувреме го раскопале и тротоарот.

1


2

тоа ми беше и поентата-дали се вадат веќе новопоставени коцки и се заменуваат со уште понови или е печатна грешка

Originally posted by Џоле ПЛОШТАД ОД ПРЕСВЕТА БОГОРОДИЦА ДО ВАРДАР отстранети се дел од новите коцки, кои беа дотраени и уништени и тие ќе бидат сменети со нови. http://www.vest.mk/default.asp?ItemID=0B7A27AA35BABC4DBB40FB6C7F7763FA

кои се овде нови коцки??????

Сепак подземна улица е предвидено

А дали улицата целосно ќе се затвори т.е. дали по изградбата на плоштадот улицата ќе функционира за возила?

„Урбан инвест“ ќе го догради плоштадот „Пресвета Богородица“

Градот Скопје ќе ја реконструира левата страна на Кејот на Вардар, на потегот помеѓу булеварите „Филип Втори Македонски“ и „Крсте Петков Мисирков“. Со овој проект во наредните девет месеци ќе се проширува плоштадот „Пресвета Богородица“ кон реката Вардар и јавниот простор ќе се оформи како единствена целина. На неодамна завршениот тендер биле доставени осум понуди, а за најповолен понудувач е избрана фирмата „Урбан инвест“ од Кавадарци.



Во реконструкција на улицата „Димитар Влахов“ од градскиот буџет се предвидени 34.295.857 денари, односно околу 550 илјади евра. Вкупниот трошок за новиот плоштад пред црквата „Св. Богородица“ достигна 4,7 милиони евра, ако се земат во предвид и парите потрошени за изведба на самиот плоштад во периодот до август 2013 година. Покрај поплочување и осветлување на просторот, плоштадот „Пресвета Богородица“ тогаш доби и три фонтани со скулптури на Пресвета Богородица, на свети Никола и на свети Петар и Павле.

http://www.build.mk/?p=43827

Со оглед на значењето на Света Лидија за Македонија па и светот мислам дека овој споменик е сосема на место. Незнам каде точно е лоциран но добро е што на овој плоштад се оформи една целина на која има само Светци.

Edited by kultuzin - 10-Sep-2014 at 17:16

Originally posted by Џоле За пешачката атрактивност не се согласувам со тебе... Веднаш покрај црквата има автобуска постојка на која редовно се симнуваат луѓе кои одат накај Центар, па сакале-нејќеле мора да поминат низ плоштадчето. Е сега, тоа што нема друга содржина која би ги задржала таму (има црква, но тоа очигледно не е доволно) е друга приказна. Самото место е пријатно и тивко, иако се наоѓа во центарот на градот. Многу често кога има некој настан во МКЦ, со пријателите се чекаме токму тука (понекогаш и ќе испиеме по некое пиво). Можеби кога околината ќе се доизгради со други зданија (станбени, деловни, угостителски и слично) плоштадот ќе си ја добие својата улога. Вака можеби се чини недовршен, недоосмислен. Сепак, дење преку него транзитираат многу луѓе. Тоа ми беше зборот.

ок, транзитно е местото, ама има многу повеќе од тоа

мене лично ужасно ме нервира тенденцијата од секој празен простор кој не е намерачен за објект, да се направи плочник со обавезен „споменик“ и паушално да се нарече плоштад
како прво, не е јасна намената на тој простор
на пример ако црквата има право на просторот околу објектот и ако им треба простор за собири, нека го заградат, и тоа нека биде двор на црквата кој ќе си го уредат, онака како што доликува да изгледа двор на црква, и нека има збирно плато за празници и венчавки
а ако просторот нема никаква атрактивност на него да застанеш и да се одмориш и рекреираш, тогаш се прави да биде пријатен за поминување, а тоа се прави со хортикултура и сенка, а за тоа не ти треба коцка (најнеудобна површина за пешачење после калдрмата на нашите простори), ниту пак мегаломански споменици на столбови и фонтани кои повеќе го задушуваат просторот, отколку што го освежуваат
а за да земе титула плоштад, треба да биде раскрсница, централен чвор на поширок простор и барем објектите околу него да бидат јавни и секојдневни, а тука не игра улога простата близина на автобуска станица и една пешачка линија, ниту пак тоа дали „плоштадот“ ќе биде опкружен со објекти

да не го должам, основната поента е што кај нас не се планира намената на пешачкиот простор затоа што се прави без цел и не се зема во предвид карактерот на локацијата, ниту неговата форма која произлегува од неговата намена... затоа најголем дел од „парковите и плоштадите“ после пет минути слава, ни пропаѓаат најпрво од некористење и непопуларност, па потоа од фушерај и неодржување
поради таква недовршеност, недостиг од планирање и некреативност, во Скопје пропаднаа многу локации и мислев дека барем некој тука може да научи од грешките
...фактички се вадат на актуелизирање на неатрактивни простори и создавање нови, за повторно да ги направат неатрактивни

Не е проблем само тампонирањето. Конкретно за овој плоштад проблем е и тоа што кога има венчавка во црквата, сите гости доаѓаат со сопствени возила кои ги паркираат токму на плоштадот. Под тежината на толку возила нормално е дека ќе се појават вдлабнатини. Грешка е што им се дозволува тоа. Неколку пати досега сум бил на венчавка во црквата, и сум ја видел таа грда слика. Мора да се забрани влез за возила на плоштадот, по секоја цена.

За пешачката атрактивност не се согласувам со тебе... Веднаш покрај црквата има автобуска постојка на која редовно се симнуваат луѓе кои одат накај Центар, па сакале-нејќеле мора да поминат низ плоштадчето. Е сега, тоа што нема друга содржина која би ги задржала таму (има црква, но тоа очигледно не е доволно) е друга приказна. Самото место е пријатно и тивко, иако се наоѓа во центарот на градот. Многу често кога има некој настан во МКЦ, со пријателите се чекаме токму тука (понекогаш и ќе испиеме по некое пиво). Можеби кога околината ќе се доизгради со други зданија (станбени, деловни, угостителски и слично) плоштадот ќе си ја добие својата улога. Вака можеби се чини недовршен, недоосмислен. Сепак, дење преку него транзитираат многу луѓе. Тоа ми беше зборот.

Edited by Џоле - 26-Aug-2014 at 19:18