Плоштад ВМРО - Скопје

Зашто така наложува македонската верзија на логиката.

Прилично грозоморен контраст. Оваа инвестиција не е потполна сè додека Лотарија и Градот не придонесат преку нови фасади.

1.400.000 евра 

Браво за Коце. Знае човек што е приоритет за овој град.

Плоштадот ВМРО ќе добие своја улица

Плоштадот ВМРО ќе добие своја улица преку која возилата ќе имаат пристап до институциите и објектите кои се наоѓаат во непосредна близина. Овде претходно се наоѓаше седиштето на владејачката партија ВМРО-ДПМНЕ, а сега на истата парцела фирмата „Бетон – Скопје“ гради хотел, така што новата улица ќе го олесни движењето во овој дел, пренесува Плусинфо.



Директен пристап до своите канцеларии ќе има и партијата со оглед на тоа што ќе ѝ припадне дел од просториите на хотелот. Улицата ќе го обиколува плоштадот и ќе се движи на просторот кој претходно се користеше за паркирање, пред и околу „ТЦЦ Плаза“.

Како плоштадот, така и оваа улица ќе ја уредува Град Скопје, иако како сервисна треба да ѝ припадне на Општина Центар. Градот деновиве распиша оглас со кој бара фирма која ќе го подготви проектот за улица околу плоштадот. Во план е да се изврши реконструкција и проширување, а крајниот рок за поднесување на понудите истекува на крајот од месецов.

http://skopjeinfo.mk/gradot/309305/plostadot-bmro-ke-dobie-svoja-ulica

Edited by jyvation - 06-Nov-2014 at 14:28

Originally posted by phenomenon Јак ќе ми биде тој плоштад од сите страни опкружен со згради. Морав да го барам на Google Map. Оние што не се од Скопје нема ни да знаат кај се наоѓа.

тоа е, кога за некој, секоја поширока поплочена површина е плоштад...

Да имаме претстава каде ќе се наоѓа плоштад ВМРО. Судејќи по изградбата на зградата, на некој му се брза што порано да почне изведбата на плоштадов.

ОДЛОЖЕН ИЗБОРОТ НА ФИРМА ШТО ЌЕ ГО ГРАДИ ПЛОШТАДОТ ВМРО



Вчерашното јавно отворање на понудите беше пролонгирано за 25 март по барање на некои од учесниците на тендерот

Уште не се знае кој ќе го гради плоштадот „ВМРО“ кај новата зграда на владејачката партија. Иако вчера градските власти требаше јавно да ги отворат понудите на градежните компании подготвени да го уредат просторот, тоа не се случи.

„По барање на некои од учесниците, отворањето на понудите е одложено за 25 март“, информираа вчера од Градот.

Практично, ова е втор пат да биде одложен закажаниот краен рок за достава и за отворање на понудите. Тоа, како што велат од Градот, е законски дозволиво.

Градските власти проценија дека за изградба на плоштадот ќе потрошат 1,4 милиони евра. Предвидено е да се уреди просторот зад хотелот „ТЦЦ Плаза“ и новата зграда на ВМРО-ДПМНЕ, која се гради на местото на стариот објект. Плоштадот ќе биде со површина од 681 квадратни метри, предвидено е да се постават канделабри и клупи, е ќе има и фонтана со спомен-обележје.

Истовремено, како дел од акцијата на Градот за обнова на фасадите, стилски ќе се „преслечат“ и сите згради што гравитираат околу новиот објект на ВМРО-ДПМНЕ. Како точно ќе изгледаат и колку ќе чини нивната реконструкција, допрва ќе се одлучува. Се' уште е во тек јавниот повик за избор на идејните решенија за реконструкција на надворешниот лик на зградите. Но, извесно е дека тие ќе бидат во стилот на „Скопје 2014“.

http://www.utrinski.mk/?ItemID=87863891C0520041A3453999D1E8362E

Интересна локација. Веднаш до зградата која се гради со години и која сега претставува депонија и сврталиште за бездомници. Туку, јас се чудам, како досега не им текна да изградат некоја пирамида.

Трајановски не се откажува од изградба на плоштад на ВМРО-ДПМНЕ

Градот веќе бара фирма која ќе го осмисли утредувањето на просторот



Деспина Трајковска

Градските власти не се откажуваат од намерата да го уредат просторот помеѓу паркингот на ТЦЦ „Плаза“ и доскорешното седиште на ВМРО-ДПМНЕ, иако од Центар ги предупредија дека тоа е простор за кој е надлежна Општината. Од Градот веќе бараат фирма која ќе има обврска да го проектира посочениот реон за кој се шпекулира дека, всушност, ќе биде плоштад на ВМРО-ДПМНЕ со фонтана и споменик. Неодамна надлежна комисија веќе го отворила тендерот, поточно објавениот конкурс за проектирање.

Само две фирми се пријавиле да го осмислат просторот, а дали и која ќе биде ангажирана за таа цел ќе се знае најдоцна за еден месец.

„Надлежната комисија сега ќе ги разгледува понудите, па потоа ќе се одржи електронска аукција по која ќе се знае конечниот исход од постапката“, објаснуваат од Град Скопје од каде што информираат дека и двете заинтересирани фирми се домашни.

Инаку, од Град Скопје пред околу еден месец го распишаа огласот за основен проект за изградба на плоштадот и тогаш напоменаа дека за сите детали ќе информираат по завршување на постапката. По прозивките во јавноста дека тоа не е надлежност на градските власти, градоначалникот Коце Трајановски посочи дека Градот има обврска да го уреди просторот, бидејќи за потребите на подземната сообраќајница ќе го раскопува делот пред и зад ТЦЦ „Плаза“.

Од Општина Центар, пак, реагираа дека во случајов Град Скопје нема ингеренции, а истовремено укажаа дека постапката за уредување на парцелата ја почнала Општина Центар непосредно пред изборите, на истекот на мандатот на Тодоровиќ, што за нив е доказ дека Општината е таа која треба да го уреди просторот. Од Центар рекоа дека Општината распишала конкурс за идејно решение за тој реон. На конкурсот се пријавиле неколку заинтересирани со проект за изглед во барок и модерен стил. Прва награда не била доделена, а имало второнаграден труд со барокен изглед, како и трета награда и едно откупено решение.

http://www.utrinski.com.mk/default.asp?ItemID=54DF171D2056C94B8603436BE14E6AD3