Скопски сообраќај (општо)

Остај ти Коце, Даниела Арсовска највеќе го осакати градот до сега со тоа што ги стопираше сите инфраструктурни проекти и ги заглави истите во проблеми.

ул.Пролет,кога ја реновираа 2012-та имаа пилот проект двете раскрсници кај Феријален и кај Анхоч да ги поплочат со ситни гранитни коцки како замена за лежечки полицајци.Но за кратко време им се појавија проблеми,односно коцките за брзо време се разместија па во неколку наврати ја затвараа улицата за да ги санираат но еве и до ден денес безуспешно.

Деновиве кај Феријален има голема ударна дупка







Исто така има и големи вдлабнатини па цела раскрсница и при најмал дожд е полна со вода.

Целта со коцкиве воопшто не е постигната многу често се вози пребрзо,мачкините окца се искршени.

СО УЛИЦАТА ГИ АСФАЛТИРАЛЕ И ШАХТИТЕ, ГРАДОНАЧАЛНИКОТ НА ЦЕНТАР ГЕРАСИМОВСКИ ВЕТИ ДЕКА ВО ИДНИНА ЌЕ ГИ КАЗНУВА ИЗВЕДУВАЧИТЕ

Фирма ангажирана од Општина Центар заедно со улицата Козара ги асфалтирала и шахтите и решетките за канализација. Откако со месеци оваа улица во скопски Капиштец каде изминатиот период изникнаа куп згради стоеше раскопана, деновиве почна да се асфалтира. Како што раскажуваат жителите, заедно со улицата асфалт бил ставен и на шахтите.

„Откако се побунивме како тоа со асфалт ги затвораат шахтите, работниците го раскопаа и го фрлија во шахтите. Нека ни каже некој како се вади асфалт од шахти“, велат граѓани на улицата.

По реакциите на граѓаните, денеска на терен излезе градоначалникот Горан Герасимовски и општинските служби кои вршеа чистење на сливниците.

Герасимовски на револтираните граѓани им кажа дека Општината ќе биде строга и ригорозна со казнување доколку во иднина повторно се случат недоследности во работата на изведувачите како затрупувањето на шахтите во овој случај.

„Во моментов општинските служби ги чистат сливниците како превентива за евентуални можни поплавувања од обилни дождови. На улицата се изведуваат активности пред поставувањето на вториот и финален асфалтен слој. Со оглед на тоа дека во околината се градат неколку нови згради и мојата цел како градоначалник е да се стави крај на прекопувањето нов асфалт затоа сега екипи од јавните претпријатија работат на поставување на подземна инсталација, во моментов се прават приклучоци за водовод. Ова можеби одзема време и носи нервоза кај жителите но е решение во иднина улицата да не се раскопува при евентуални потреби и на околните згради во градба“, рече Герасимовски пред жителите на улица „Козара“.

Тој пред граѓаните апелираше за трпение за да се заврши целата работа. Исто така ги извести граѓаните дека веднаш штом екипите од Јавните претпријатија ја завршат работата во својот домен, Општина Центар најдоцна за една недела во зависност од временските прилики ќе го постави вториот и финален асфалтен слој. Во таа една недела општинските служби ќе направат подигање и нивелирање на сливниците, шахтите и капаците за водовод.

https://sdk.mk/index.php/dopisna-mrezha/so-ulitsata-gi-asfaltirale-shahtite-gradonachalnikot-na-tsentar-gerasimovski-veti-deka-vo-idnina-ke-gi-kaznuval-izveduvachite/

„Расипан телефон“ меѓу Град Скопје и Министерството за транспорт за булеварот „Киро Глигоров“

Градоначалничката на Град Скопје, Данела Арсовска, во однос на застојот на процесот на реконструкција на булеварот „Киро Глигоров“ вели дека она што било обврска на Град Скопје е целосно завршена и оти се очекува финализација од страна на Министерството за транспорт и врски за делот којшто е останат. Од Министерството за транспорт и врски, пак, изјавија дека очекуваат официјален допис од Град Скопје во најбрз можен рок за да се финализира проектот.

– Она кое што како проект Град Скопје го имаше кај „Бриколаж“ на булеварот „Кирo Глигоров“ од наша страна е целосно завршено. Секако во овој момент се очекува финалната фаза за реконструкција на делот што е останат од страна на Министерството за транспорт и врски, што е проект финансиран од Светска банка и се надевам дека наскоро ќе почне да се имплементира и верувам во краток период ќе биде завршено, истакна Арсовска на прашање за застојот на реконструкцијата на булеварот „Киро Глигоров.

Од Министерството за транспорт и врски, во пишана изјава за МИА, наведуваат дека не биле информирани од Град Скопје дека можат да започнат со реконструкцијата. Најавуават дека штом ќе добијат официјален допис од Град Скопје ќе се направи увид на терен и ќе се стартува со активностите.

– Министерството за транспорт и врски како инвеститор на реконструкцијата на булеварот „Киро Глигоров“ има избрано изведувач пред цели 13 месеци, односно уште во јули 2021 година, по што бевме информирани од Град Скопје дека не можеме да започнеме со реконструкција, поради извршување на други градежни работи во дел на подземната инсталација на истиот булевар. Очекуваме во најбрз можен рок да добиеме официјален допис со кој Град Скопје ќе не информира за моменталната состојба на терен, по што нашите инженери ќе извршат увид и доколку се создадени услови за почеток на реализација на проектот веднаш ќе се пристапи со механизација на терен, велат од Министерството за транспорт и врски.

Асфалтирањето на булеварот „Киро Глигоров“ на потегот од мостот Близнак до крстосницата со улица „Перо Наков“ започна во октомври 2021 година, по завршувањето на поставувањето на атмосферската и фекалната канализација што беше почнато во јули истата година.

https://nezavisen.mk/rasipan-telefon-megju-grad-skopje-i-ministerstvoto-za-transport-za-bulevarot-kiro-gligorov/

За двете улици ветија реконструкција немаат пипнато ништо. Не знам зошто го спомнуваш минатион градоначалник, минат е да бил добар ќе бил сегашен. Сегашнава нема да биде идна сигурно ќе е мината како тој пред неа.

Све е излажано во ова. Перо Наков нема мрднато со реконструкција иако беше ветено јули 2022 да се среди улицата.

Цела година дреме така улицата и сега во септ вратени сите од одмори ќе почнат да работат..

Не знам кој ја гласал кметицава ама можеби е најлош градоначалник до сега.

Започнуваме со реконструкција на улица „Козара“ во Капиштец.
На потегот од улицата „Антон Панов“ до улица „Васил Ѓоргов“, улица „Козара“ ќе биде поставен:
нов асфалт во должина од 1490 м2,

нови рабници со вкупна должина од 940 метри

и ќе бидат нивелирани 23 шахти.





https://www.facebook.com/photo?fbid=437347438405704&set=pcb.437350961738685

Originally posted by Phiko Се пробива улицата Партизанска 2 во Карпош 4:

Започнуваме со реконструкција на ул. Ристо Шишков. Следува гребење на стариот асфалт и поставување на 2286 м2 нов асфалтен слој. На улицата која е во должина од 380 метри ќе бидат поставени и нови ивичници на тротоарите.





https://www.facebook.com/gerasimovskig

Од Влада до Собрание, по пат со дупки – среде Скопје целосно уништена улица



https://mk.tv21.tv/od-vlada-do-sobranie-po-pat-so-dupki-srede-skopje-tselosno-unishtena-ulitsa/