Автобуски постојки и терминали

Заради изградба на маркет на Лидл, ќе се преполови бројот на пероните на Автобуската станица во Штип.

Современи смарт автобуски постојки поставени во Штип

30/09/2024

Три современи еко соларни смарт автобуски постојки беа поставени викендов во Штип. Директорот на ЈП „Стипион“, Панче Стефановски на денешната средба со новинарите изјави дека успешно е реализиран проект во соработка со УСАИД и здружението ЛАГ „Плачковица“, преку кој се овозможи поставување на еко-соларни смарт постојки на неколку локации во градот.



Овие постојки ќе се напојуваат со помош на вградени фотоволтаични панели и ќе бидат во функција на граѓаните кои го користат јавниот превоз, пред се како засолниште од временските неприлики, а покрај тоа ќе содржат информации за возните редови, усб полначи за смарт уреди, како и компресор за воздух за велосипеди, изјави Стефановски.



Постојките се со современ дизајн и на атрактивни позиции и ќе бидат одлична можност да се закупат како рекламна површина за брендирање, за компании кои сакаат да ги рекламираат своите производи. Проектот е вреден околу 1,5 милиони денари, а трите еко соларни смарт постојки се поставени кај Трговскиот центар, во населбата Ново Село и во приградската населба Караорман.



Според зборовите на директорот Стефановски, поради пројавениот интерес кај граѓаните за поставување на постојки од ваков тип и во наредниот период ЈП Стипион ќе работи на зголемување на бројот на истите на поголем број локации во градот.

https://mms.mk/373537/

не е поставена нова еко-постојка туку е нашлапана оригиналната со реклама и на стреата е ставена малце тревичка, што ќе се исуши во наредниот месец

Новите постојки се убави, ама тоа не го менува фактот дека автобуската станица во Охрид е на ниво на селска станица. Жив срам за најголемиот туристички бисер во Мк.

Нова автобуска станица и три катни гаражи ќе се градат во Охрид


Охридската локална самоуправа најави реализација на повеќе значајни инфраструктурни проекти од интерес на градот, како што е нова автобуска станица и повеќе катни гаражи низ градот.

9 ноември 2016| 16:35




   

379866-ohrid-nudi-bogata-ponuda-na-alternativen-turizam

Градоначалникот Никола Бакрачески, денеска пред медиумите појасни дека изградбата на автобуската станица била условена од обезбедувањето на протебната документација.

– Деновиве е издадено правосилно одобрение за градба на автобуски терминал со компатибилни класи на намени. Со издавањето на овој документ се исполнуваат сите потребни услови за отпочнување со изградба. Согласно одредбите од договорот и одобрението за градба рокот за изградба на Автобуската станица е четири години, за кој период Охрид конечно ќе добие современа автобуска станица, достојна за еден туристички центар, информираше тој.

Тој најави дека во тек е обезбедувањето и документација за изградба на три катни гаражи, што би се граделе зад хотелот „Ривиера“, кај Спортскиот центар „Билјанини извори“ и кај градскиот пазар.

Што се однесува на реализираните проекти, Бакрачески информира дека досега се инвестирани 179 милиони денари во разни инфраструктурни проекти кои опфаќаат реконструкција, санација и одржување на улици со вкупна површина од 130.860 метри квадратни и дополнително уште пет кружни токови. Изградени се нови линии за атмосферска и фекална канализација во должина од 12.570 метри во вредност од над 89 милиони денари, а поставени се водоводни линии во должина од осум километри, во вредност од 25 милиони денари.
http://kurir.mk/republika/opstini/nova-avtobuska-stanitsa-i-tri-katni-garazhi-ke-se-gradat-vo-ohrid/

Originally posted by ehrlich Јас навистина не знам што е ругањето на хартиените возни редови. Во Кајзерслаутерн, град од 100.000 жители (нешто поголем од Битола во наши рамки) имаше скромни автобуски станици со обичен хартиен автобуски ред, на кој ги пишува возните редови ......

Истите тие возни редови се уште постојат и се актуелни... во Битола.    
Сите градски автобуси во БТ се немачки, па откако им помина ЕУР стандардот за Германија, се рециклираат кај нас.


Патем, нема попрактична работа од возен ред залепен на постојката на кој си пишува кога поминува автобусот на таа постојка. Исто така на секоја постојка треба да има и мапа на сите линии... прегледна! Нема нешто покорисно кога си прв пат во некој град, не знаеш ни јазик, нити како се вика сајтот на јавното претпријатие, нити имињата на населбите во тој град.
А системот на ЈСП каде го пишува само времето на тргнување од терминал е најглупиот систем воопшто, кој никаде го немам сретнато друго место. Не би ме изненадило да е македонски бренд.

Edited by hcitrS - 03-Nov-2016 at 21:45

Јас навистина не знам што е ругањето на хартиените возни редови. Во Кајзерслаутерн, град од 100.000 жители (нешто поголем од Битола во наши рамки) имаше скромни автобуски станици со обичен хартиен автобуски ред, на кој ги пишува возните редови на ТАА станица со времето на ТАА станица, не како што ЈСП извади кога тргнувал автобусот од почетна станица, или како што пишува на интернет, или како што има на апликација.

Нас, патниците на ЈСП, не не интересира кога тргнал од почетна, туку кога ќе биде тука.

Во ерата на модерната технологија и се поголемиот број корисници на мобилен интернет, ние ќе се убедуваме да се вратат хартиените табли со возен ред
Добро би било да се вратиме уште стотина години па преку мегафон да поминува човек и да разгласува кога ќе пристигне следниот автобус.

Тешко дека ќе видиме современи дисплеи за возниот ред и пристигнувањата на автобусите наредниве години.Не би им дал ни три дена да опстојат во вакво "културно и цивилизирано" општество.
За нас доста се и се оние што ги поставија од пред една година, среќа ги поставија повисоко иначе

Edited by jyvation - 03-Nov-2016 at 15:09

Сега полека можат да ги тргнуваат билбордите.

Доста добар потег

М СТОП – нов медиум за креативно изразување низ скопските улици По примерот на големите светски метрополи отсега и Скопје конечно доби можност да биде разубавен со брендирани автобуски постојки. Деновиве тимот на Маркетинг365 имаше прилика да забележи повеќе автобуски постојки низ Градот “облечени во ново руво”, кое му дава блескав сјај и го разубавува просторот кој секојдневно претставува место каде се собираат и крај кое минуваат илјадници граѓани на метрополата. Можноста за брендирање на автобуските постојки несомнено ги израдува и креативците, огласувачите и маркетинг агенциите кои сега добија ново совршено место за крeативно изразување и супер ефикасен медиум за пренесување на рекламна порака до исклучително бројна публика. Според статистичките податоци на ЈСП Скопје, во текот на 2015 година превезени се вкупно 52 милиони патници, односно 4,3 милиони месечно. Во овие бројки не влегуваат патниците превезени со приватните превозници, а кои ги користат истите автобуските постојки. Исто така, оваа бројка значително се зголемува ако се земат предвид пешаците и сите други учесници во сообраќајот. Ова се аргументите заради кои цврсто веруваме дека „рекламните куќички“ ќе понудат засолниште, информации, забава и ќе ги стимулираат потрошувачките сетила на потенцијалните купувачи. Концесионер на овој рекламен простор е компанијата MARATON ADVERTISING GROUP, која од 2005 година го организира и рекламирањето на автобусите во Скопје. Минувајќи километри и километри заедно низ годините, Маратонци од 2016 година приказната ја продолжуваат со М СТОП односно со организирање рекламирање на новите автобуски постојки во Скопје. “Предизвикот да се биде концесионер на овој рекламен простор е голем и претставува исклучителна комбинација како продолжен или повеќе пропратен или дополнителен медиум кон bus brending- от. Тоа значи дека ако учествувате во маратонот, ќе можете да застанете и да се одморите или ако не сте во добра кондиција и не сте спремни за маратон, можете да се испробате во новата дисциплина – да стоите во место и да си одморате“ – велат во нивен стил од Маратон. Маратон го прифати предизвикот да гради уште еден нов медиум во градот, а први на овој медиум му веруваа брендовите Бимилк и Coca Cola.

http://marketing365.mk/mstop-nov-medium-za-kreativno-izrazuvanje-niz-skopskite-ulici/