Булевар Македонија

Ќе мрднат ли конечно работите: „Течат“ два тендера за булеварот Македонија, се бараат изведувачи за две фази

Во ниедна од јавните набавки не се спомнува поврзувањето со подземната улица, која ја градеше „Лимак“ и која на двата излеза треба да заврши со кружни текови, од кои оној кај поранешниот НИП треба да биде „турбо“ кружен тек.

Пред речиси една година Град Скопје најави дека почнува првата фаза од изградба на булеварот Македонија, еден од најголемите сообраќајни проекти со кој треба да се растовари сообраќајниот метеж во централното градско подрачје, особено на улиците Јордан Мијалков, Павел Шатев, Свети Кирил и Методиј и на булеварот Кочо Рацин.

Градското раководство започнува со изградба на сообраќајницата на потегот од Тутунски комбинат во Кисела Вода која завршува во централното градско подрачје, и во првата фаза опфатени се булеварот и три крстосници, првата меѓу булевар Крушевска Република и улица 11 октомври, втората меѓу булевар Борис Трајковски и булевар Македонија и третата на двата краци на булевар Македонија кон втората фаза од булеварот кои се поврзуваат со подземната сообраќајница кај „Лимак“ – информираа од Град Скопје.

Оттогаш досега од Градот нема информација како се одвиваат градежните активности и до каде е стигната најавената изградба, а на терен и нема што многу да се види. Но, на Електронскиот систем за јавни набавки во тек се два јавни огласи поврзани со булеварот Македонија и тоа за изградба на фаза 2 и фаза 4.

Како што е наведено во тендерската документација изградбата ќе се реализира врз база на Основниот проект за булевар Македонија, потег од раскрсница со улица Митрополит Теодосиј Гологанов со раскрсница со улица 11-ти Октомври и улица Борис Трајковски – Фаза 2, од раскрсница со булевар Кочо Рацин и улица Павел Шатев, проектиран од Друштво за инженеринг и консалтинг „Чакар-партнерс“ ДОО од Скопје.

Заинтересираните фирми понудите треба да ги достават во Град Скопје најдоцна до 31 јануари, до 10 часот, кога ќе се одржи јавно отворање на понудите, при што, како што е наведено, критериум за доделување на договор ќе биде најдобриот сооднос помеѓу цената и квалитетот.

Во тендерот се посочува дека носителот на набавката е должен да ги изведе работите што се предмет на набавка согласно техничката спецификација во рок од 940 календарски дена сметано од денот на доставен писмен налог за воведување во работа. Притоа, тој треба да гарантира за квалитетот на извршените градежни работи за период од најмалку три години сметано од техничкиот преглед. Во тој период изведувачот е должен на свој трошок да ги отстрани, поправи или замени неквалитетно изведените градежни работи.

Еден од условите за склучување на договор е и потенцијалните фирми и изведувачи да имаат остварено минимален годишен приход од 350 милиони денари во секоја од изминатите три години поединечно, односно во 2021, 2022 и 2023 година, но и да располагаат со потребната механизација и професионален кадар за успешно завршување на работата.

Тендерот за изградба Фаза 4 од булеварот, пак, трае до 16 јануари, кога ќе бидат јавно отворени пристигнатите понуди, а се однесува на изградба на потегот од раскрсница со булевар Кочо Рацин до раскрсница со улица Мајка Тереза и булевар Климент Охридски. Градежните работи, како што е наведено треба да завршат во рок од девет месеци, исто така со гаранција од три години.

Во ниедна од јавните набавки не се спомнува поврзувањето со подземната улица, која ја градеше „Лимак“ и која на двата излеза треба да заврши со кружни текови, од кои оној кај поранешниот НИП треба да е „турбо“ кружен тек.

Градоначалничката Данела Арсовска за ова последен пат попрецизно објасни на брифингот одржан пред две години, кога информира дека од едната страна кај Тутунски комбинат треба да има булеварско решение со еден кружен тек, а од страната на „Нова Македонија“ треба да има огромен турбо кружен тек, на нивоа, со чија изведба во централното градско подрачје сообраќајот ќе тече брзо и без застој.

Почнавме со решавање на првата и на втората фаза што е влезот во суштина, таму имаше експропријации, некои од институциите требаше да си извршат дислокации на нивна инфраструктура. Веќе успеавме со нив да се договориме, имаше имотноправни проблеми со три сериозни објекти, најдовме некој заеднички начин за да не одиме во судски постапки што долго траат и тука веќе почнуваме со првите две фази. А од другата страна, каде што е „Нова Македонија“, проблемот се бараките на компјутерскиот центар на Македонски железници. Самите бараки не се толку проблем, но тоа внатре што го имаат, опрема и инсталации, е нешто што не треба да прекине – рече тогаш Арсовска и додаде дека откако ќе се пресели компјутерскиот центар, следниот чекор ќе биде објавување тендер за изведувач, затоа што другото, како што нагласи, било завршено и биле обезбедени средства за првата и за втората фаза.

Кога ќе почне изградбата, Арсовска не кажа, но како што рече тогаш, откако ќе почне да се гради, ќе треба минимум две години за да се изгради, особено кружниот тек кај „Нова Македонија“, кој е проект голем како клучката кај Момин Поток, од аспект на инфраструктура, статика и друго.

Сега се чини работите малку се помрднаа од „мртва“ точка, иако според она што се случуваше во изминатите години никој не се осмелува да прогнозира кога сето тоа што е нацртано во проектот за булевар Македонија ќе се реализира на терен. Но, дека сепак нешто се планира говори и информацијата дека Град Скопје неколкупати не дава позитивно мислење на Општина Центар за изградба на уште една монтажна гаража во продолжение на постојната покрај улицата Народен фронт, со образложение дека ќе пречи на новиот булевар што треба да поминува токму тука.

Ексградоначалникот Петре Шилегов на крајот на својот мандат го најавуваше овој голем проект, со три поврзувања и три кружни текови. Според неговите очекувања, поврзувањата со подземната улица требаше да бидат готови минатата година.

Сите кружни текови за излез и влез во подземната сообраќајница се проектирани и догодина ќе ги распишеме тендерите за изведувачи. Очекувам паралелно со завршување на градежните работи за подземната улица, во 2023 година да бидат и тие готови. Според првичните процени, ќе чинат околу 22 милиони евра – изјави Шилегов во 2021 година.

https://www.slobodenpecat.mk/kje-mrdnat-li-konechno-rabotite-techat-dva-tendera-za-bulevarot-makedonija-se-baraat-izveduvachi-za-dve-fazi/

Originally posted by SkMk Градоначалничката на Град Скопје, Данела Арсовска, со екипи од секторите во градот и јавните претпријатија, извршија увид во градежните работи за започнување со реализација на прва фаза на еден од најтешките, најголемите и најзначајните проекти во Скопје, изградбата на булеварот Македонија кој ќе го реши деценискиот проблем со сообраќајниот метеж во централното градско подрачје. Овој булевар има за цел да го растерети сообраќајот во центарот на градот особено на улицата Јордан Мијалков, улицата Павел Шатев, улицата Св. Кирил и Методиј и булеварот Кочо Рацин. Градското раководство започнува со изградба на сообраќајницата на потегот од Тутунски комбинат во Кисела Вода која завршува во централното градско подрачје, и во првата фаза опфатени се булеварот и три крстосници, првата меѓу булевар Крушевска Република и улица 11 октомври, втората меѓу булевар Борис Трајковски и булевар Македонија и третата на двата краци на булевар Македонија кон втората фаза од булеварот кои се поврзуваат со подземната сообраќајница кај Лимак. Реализацијата на ваквите сообраќајни решенија е од особено значење за граѓаните на Град Скопје, а значително ќе го намалат сообраќајниот метеж во центарот на градот и ќе го олеснат движењето на граѓаните низ централното градско подрачје. Во првата фаза која се реализира на траса предвидени се и нова велосипедска патека по целата должина како и пешачка зона, а истовремено се реконструира целосно водоводната и канализационата мрежа. https://www.facebook.com/share/p/U51KHiMtrv3mCU2m/?mibextid=K8Wfd2

Денес,сеуште нема никакви активности освен што кенот

од тука



го преместиле овде


...

Го тргнаа и кенот што беше поставен по свеченото отпочнување со изградба...

Градоначалничката на Град Скопје, Данела Арсовска, со екипи од секторите во градот и јавните претпријатија, извршија увид во градежните работи за започнување со реализација на прва фаза на еден од најтешките, најголемите и најзначајните проекти во Скопје, изградбата на булеварот Македонија кој ќе го реши деценискиот проблем со сообраќајниот метеж во централното градско подрачје.

Овој булевар има за цел да го растерети сообраќајот во центарот на градот особено на улицата Јордан Мијалков, улицата Павел Шатев, улицата Св. Кирил и Методиј и булеварот Кочо Рацин.

Градското раководство започнува со изградба на сообраќајницата на потегот од Тутунски комбинат во Кисела Вода која завршува во централното градско подрачје, и во првата фаза опфатени се булеварот и три крстосници, првата меѓу булевар Крушевска Република и улица 11 октомври, втората меѓу булевар Борис Трајковски и булевар Македонија и третата на двата краци на булевар Македонија кон втората фаза од булеварот кои се поврзуваат со подземната сообраќајница кај Лимак.

Реализацијата на ваквите сообраќајни решенија е од особено значење за граѓаните на Град Скопје, а значително ќе го намалат сообраќајниот метеж во центарот на градот и ќе го олеснат движењето на граѓаните низ централното градско подрачје.

Во првата фаза која се реализира на траса предвидени се и нова велосипедска патека по целата должина како и пешачка зона, а истовремено се реконструира целосно водоводната и канализационата мрежа.

https://www.facebook.com/share/p/U51KHiMtrv3mCU2m/?mibextid=K8Wfd2

Дури и да мисли на овој дел, не е завршено. Комплет реконструкција (со нови ленти, островца, тротоари, раскрсници итн.) треба на цел триаголник.

Уште полошо ако мисли да пуштат еден отвор за тунелот кај што сега завршува „Јужен“ и почнува градежната зона, и да ги остават двата кружни тека и рушењето на надвозникот за подобри времиња.

Ова ми изгледа на најлошата изјава од почеток на проектов до сега. Во делот кај Водњанска изгледа врзани им се рацете, па ќе мора нешто да направат, ама на источниов ќе има импровизации. Се надевам дека грешам.

Edited by <Fresno> - 21-Nov-2022 at 08:07

Originally posted by stef4o Тој додаде дека среќни околности се што еден поголем дел е завршен кон Кисела Вода, но најпроблематичниот дел е како ќе се премине булеварот„Св. Климент Охридски“.

Што тоа е завршено према Кисела Вода?

Пенов ветува помош за подземниот тунел на Јужен булевар

Град Скопје се наоѓа во голема криза, но Владата има слух во поглед на решавање на актуелните проблеми во главниот град, истакна министерот за локална самоуправа Ристо Пенов во телевизиско гостување.

Тој најави помош за подземниот тунел на Јужен булевар.

– Се согласивме со градоначалничката на Град Скопје, Данела Арсовска, дека треба помош и можеме да се вклучиме. За подземниот тунел (кај „Лимак“) што треба да излезе кај зградата на „Нова Македонија“, пари нема, но ќе ги бараме и ќе го решаваме фаза по фаза – изјави министерот.

Тој додаде дека среќни околности се што еден поголем дел е завршен кон Кисела Вода, но најпроблематичниот дел е како ќе се премине булеварот„Св. Климент Охридски“.

– Не е само техничкиот проблем туку треба да се разреши и сообраќајот. „Водњанска“ треба да биде затворена неколку месеци, ќе има директна блокада и Владата треба да најде решение – нагласи Пенов.

Инаку, тој додаде дека веќе два месеца траат јавните препукувања, кои влијаат на атмосферата и на животот на граѓаните преку управувањето на системите и оти затоа интенцијата е да се вклучат во тој процес и да се спушти топката.

https://www.vecer.press/пенов-ветува-помош-за-подземниот-туне/

ПРИКЛУЧОЦИТЕ ЗА ПОДЗЕМНАТА УЛИЦА НА ЈУЖЕН БУЛЕВАР ЌЕ БИДАТ ПРИОРИТЕТЕН ПРОЕКТ НА СКОПЈЕ, НО ТРЕБА ВРЕМЕ ДА СЕ НАПРАВАТ, ВЕЛИ АРСОВСКА

Приклучоците или трите кружни текови кои Град Скопје треба да ги изгради за подземната сообраќајница на Јужен булевар ќе бидат проиритетен проект во мојот мандат, вели градоначалничката Данела Арсовска. Но, додава дека ќе биде потребно време за нивна реализација, бидејќи од минатото раководство наследила нерешени експропријации на трасата.

Вчера, од туската компанија „Лимак“ рекоа дека улицата ќе биде готова до крајот на наредната година, но таа нема да биде во функција односно нема да може да се вози по неа додека не се изградат влезовите и излезите, а тоа, според договорот потпишан уште во времето на ексградоначалникот Коце Трајановски, е обврска на Градот. Од „Лимак“ најавија дека напролет ќе бидат вселиви двете згради, трговскиот центар и пешачката улица со кафулиња. Тоа ќе предизвика поголем број жители, посетители и возила во овој дел на градот, а улицата која треба да го намали метежот нема да биде во функција.

САКАМДАКАЖАМ.МК ја праша Арсовска какви се плановите на Град Скопје за овој проект, со оглед на тоа дека работите за трите кружни текови не се ниту започнати, а за пола година овој дел ќе предизвикува сериозен сообраќаен метеж во градот. Арсовска сега, за разлика од пред неколку месеци кога само се жалеше дека никој ништо не сработил за овој проект и не може сега јавноста да очекува од неа да ги реши сите проблеми, вели дека Градот е силно фокусиран и се работи со засилено темпо да се започне со сите процеси.

„Жално е што изминатите години, како што се одвивал процесот на изградба на улицатата, не се початите постапките за приклучоцоте. Ние во изминатите неколку месеци работиme на тоа и го буџетитаме за наредната година, за да се почнат овие проекти. Сега се подготвува документацијата што е потребна за овој проект и да се започне со експропријациите, за да може да се почне со реализацијата. Станува збор за сериозни проекти за кои треба време. Ова се сообраќајници кои значително ќе го решат сообраќајниот метеж и ќе бидат меѓу приоритетните проекти на Градот“, вели Арсовска.

Градот треба да изгради три приклучоци за подземната улица, односно кружен тек кај „Нова Македонија“, на крстосницата на Железничка со Бихаќка и кај подвозникот кај крстосницата на булеварите Свети Кирил и Методиј и Кочо Рацин.

Договорот за Јужен булевар под земја со турскиот инвеститор „Лимак“ беше потпишан во 12 март 2012 од тогашниот градоначалникот Коце Трајановски и на тогашната прес-конференција беше најавено дека ќе се почне со градба за една година, прво инвеститорот треба да ја изгради улицата, а потоа објектите над неа. Но, повеќе од 6 години на терен ништо не се работеше, ниту пак од Град Скопје кажуваа зошто проектот не се реализира.

Со доаѓањето на градоначалничката функција на Петре Шилегов во 2017, од „Лимак“ рекоа дека ги надминале проблемите со добивањето на потребните дозволи и во септември 2018 почнаа градежните работи.

Сообраќајницата треба да биде долга 800 метри, 6 метри под земја и со 6 коловозни ленти. Комплексот ’Дајмонд Скопје‘ ќе има станбени и деловни објекти, трговски центар, простор за културни активности ресторани, кафулиња. Вкупната површина на комплексот ќе биде 325.000 метри квадратни.

https://sdk.mk/index.php/naslovna/prikluchotsite-za-podzemnata-ulitsa-na-juzhen-bulevar-ke-bidat-prioriteten-proekt-na-skopje-no-treba-vreme-da-se-napravat-veli-arsovska/

https://www.facebook.com/photo?fbid=396724222643240&set=pcb.396724399309889