Парк со четири езерца кај салата „Јане Сандански“

Парк со четири езерца, фонтани, мостови, скулптура и гејзери ќе се гради во Аеродром, на кејот на Вардар. Градоначалникот Ивица Коневски вчера информираше дека Општината Аеродром го распишала тендерот за избор на изведувач на паркот, кој е предвиден до спортската сала „Јане Сандански“, на местото познато како Паркот на пензионерите.

Ќе се простира на површина од 11.015 квадратни метри, од кои 1.800 квадрати ќе бидат водена површина, односно четири езерца со различна форма и големина. Во најголемото езерце ќе има две фонтани и метална модерна скулптура со форма на симболот на Општина Аеродром. Во останатите ќе бидат поставени украсно соларно дрво со светлечки ефекти, водопади, мост и гејзери. Останатиот дел од паркот ќе биде уреден со висока и ниска вегетација, а полевањето ќе се врши од три сопствени бунари.

Осветлувањето на просторот, езерата и фонтаните ќе биде приспособено за попријатен амбиент на граѓаните. Во паркот ќе има архитектонски, партерни и хортикултурно уредени површини, жардиниери со место за седење, шеесетина клупи, канти за отпадоци и друга урбана опрема.

- Граѓаните не само што ќе добијат ново зелено катче за рекреација и место на кое ќе можат да се разладуваат во топлите денови, туку ќе дадеме уште еден придонес за екологијата со облагородување на овој запуштен простор - изјави градоначалникот Коневски.

Овој воден парк, потенцираат општинарите, не е планираниот аквапарк кој треба да го гради поранешниот кошаркар Пеце Наумовски во непосредна близина.

Изградбата ќе почне штом ќе биде избран изведувачот, а се очекува да биде готов за неколку месеци.

ОПШТИНА АЕРОДРОМ БАРА ИНВЕСТИТОР ЗА УШТЕ ЕДЕН ГРАНДИОЗЕН ПРОЕКТ
Воден парк со езерца, водопади и гејзери ќе го красат Кејот на Вардар

Паркот на езерата ќе се простира на околу 11 илјади квадратни метри, од кои околу 1.800 квадрати ќе бидат водена површина со четири езерца. Во средината на централната фонтана ќе биде поставена метална модерна скулптура со форма на симболот на Општина Аеродром, а во најмалото езерце ќе има поставено украсно соларно дрво со светлечки ефекти, додека останатите две езерца ќе содржат по два водопади, мост и гејзери


Аеродромци ќе добијат уште едно зелено катче за рекреација и место на кое ќе можат да се разладуваат во топлите денови. Покрај Кејот на Вардар во непосредна близина на спортската сала "Јане Сандански" ќе се гради нов голем воден парк со езерца, водопади и гејзери.
Ова го соопшти градоначалникот Ивица Коневски кој рече дека деновиве е распишан тендер за инвеститор кој ќе има желба да вложи во облагородувањето на овој со години наназад запуштен простор.
- Паркот на езерата ќе се простира на околу 11 илјади квадратни метри, од кои околу 1.800 квадрати ќе бидат водена површина со четири езерца. Следејќи го падот на теренот во централниот простор на паркот на подигнато плато сместено е најголемото езерце, кое се простира на околу 900 квадратни метри, а ќе содржи две фонтани во централниот дел, кои ќе се прелеваат една во друга. Во средината на централната фонтана ќе биде поставена метална модерна скулптура со форма на симболот на Општина Аеродром, а во најмалото езерце ќе има поставено украсно соларно дрво со светлечки ефекти, додека останатите две езерца ќе содржат по два водопади, мост и гејзери. Исто така на околу 5.400 квадратни метри, ќе има тревни површини со висока и ниска вегетација и што е најважно паркот ќе има три сопствени бунари, кои ќе се користат за полнење на езерата, а за тревниците ќе има вграден автоматски систем за наводнување, изјави градоначалникот Коневски на вчерашаната промоција на проектот.
Тој додаде дека осветлувањето на паркот, кон кој ќе гравитираат 10 влезови, ќе биде со канделабри во централниот дел на паркот, како и ниско амбиентално светло низ целиот парк.
- Осветлени ќе бидат и езерата и фонтаните со амбиентално светло со ефекти со што ќе се добие сосема друг изглед на паркот ноќе. Паркот, ќе има архитектонски, партерни и хортикултурно уредени површини, збогатени со жардиниери со место за седење, шеесетина клупи, канти за отпадоци како и друга урбана опрема. Пешачките патеки со површина од 3.795 квадратни метри ќе бидат обработени со различни типови на гранит, базалтни коцки, кулир и бехатон, информираше Коневски.

(А.И.) Фото: Ѕ.ПЛАВЕВСКИ

Паркот со езерца доаѓа наместо сала за хокеј

Сондажните испитувања на општината Аеродром покажале дека поисплатлива инвестиција е изградба на парк со езерца отколку хокеарски објект, па додека се гради новата содржина, ќе се промени и урбанистичката документација за да се вметне таа
Паркот со езерца ќе се простира на 11.000 м2 Паркот со четири езерца што почна да се гради вчера во општината Аеродром се прави на место што во деталниот урбанистички план е предвидено за изградба на сала за хокеј. Според општинарите, сондажните испитувања што ги направиле покажале дека поисплатливо е да се направи парк отколку хокеарски објект. Иако таа беше бомбастично најавена со другите објекти предвидени на кејот на реката Вардар, сега ќе се прави измена во урбанистичкиот план за тој да се приспособи на новите проекти на општината. Со овие измени скопјани остануваат само со едно лизгалиште, каде што ќе може да се вежбаат хокеј или уметничко лизгање. Игралиштето за хокеј и другите придружни објекти во спортскиот центар „Борис Трајковски“ во овој период паузираат поради колективниот одмор на вработените. - Иако лизгалиштето, како и кугларницата, пингпонг-просториите и другите објекти се на пауза, бидејќи е период на годишни одмори, сепак веќе има интерес и за неа. Уште пред да почнат одморите се закажани редовните тренинзи за хокеј-клубот „Ипсилон“ и за Хокеарската федерација. Може да се пофалиме и со голем интерес од родители што сакаат нивните деца да учат хокеј или уметничко лизгање - објаснува Ивана Стојановска, портпаролка на спортскиот центар „Борис Трајковски“. Од септември заинтересираните и за овој вид спорт ќе можат да резервираат термин и да ја посетат салата за хокеј во спортскиот центар. Што се однесува, пак, до десниот брег на реката Вардар во делот од општината Аеродром, со последните измени на деталниот план беа предвидени аква-парк, тениски игралишта, хотели, а меѓу нив и салата за хокеј. Во меѓувреме во непосредна близина на спортската сала „Јане Сандански“ се изградени тениските и фудбалското игралиште. Паркот со четири езерца што завчера го најави градоначалникот Ивица Коневски треба да биде готов и достапен за граѓаните за осум месеци. Тој ќе зафати површина од над 11 илјади квадратни метри, од кои во водна површина ќе бидат 1.800 квадрати. Најголемото езеро ќе зафати половина од водната површина, а во средината ќе има и метална скулптура со симбол на општината. Исто така, предвидени се и водопади и гејзири и други скулптури. Сличен парк општината веќе изгради на спротивната страна од населбата Аеродром, на крстосницата меѓу булеварите Јане Сандански и Србија, каде што се постави и споменикот на Јане Сандански. Паркот што го носи името на македонскиот револуционер зафаќа 4.000 квадратни метри, има три вештачки езерца, фонтани, водопад, плоштад, а при крај е и изградбата на црквата „Свети Никола“. Последните планови за развој на општината Аеродром, градоначалникот ги презентираше пред крајот на минатата година, кога ја претстави општината како место за инвестиции. Тогаш беа најавени над 100 семејни згради, десетина деловни објекти, нови комерцијални комплекси, административни објекти, болница, хотели, како и спортско-рекреативен центар на кејот на Вардар, со спортска сала, сала за хокеј, олимписки базен, четири тениски и едно фудбалско игралиште.

Започнува изградбата на Паркот на езерата во Аеродром

Во недела градоначалникот на општина Аеродром Ивица Конески  официјално ќе го означи почетокот на изградба на паркот на езерата, чин на кој се очекува да присуствува и градоначалникот на Град Скопје, Коце Трајановски.

Паркот на езерата ќе се простира на околу 11.015 квадратни метри, од кои околу 1.800 квадратни метри ќе бидат водена површина со 4 езерца.

Аеродромци не само што ќе добијат ново зелено катче за рекреација и место на кое ќе можат да се разладуваат во топлите денови, туку ќе се даде и придонес за екологијата. Ќе се облагороди овој простор кој со години наназад е запуштен.

Во централниот простор на паркот на подигнато плато ќе биде најголемото езерце, кое  ќе се простира на околу 900 квадратни метри.

Ќе содржи две фонтани во централниот дел, кои ќе се прелеваат една во друга. Во средина на централната фонтана ќе биде поставена метална модерна скулптура со форма на симболот на општината Аеродром.

Во најмалото езерце ќе има поставено украсно соларно дрво со светлечки ефекти, додека останатите две езерца ќе содржат по два водопади, мост и гејзери.

Ќе има и тревни површини со висока и ниска вегетација на околу 5.420 квадратни метри и што е најважно паркот ќе има три сопствени бунари, кои ќе се користат за полнење на езерата, а за тревниците ќе има вграден автоматски систем за наводнување.

Осветлувањето на паркот, кон кој ќе гравитираат 10 влезови, ќе биде со канделабри во централниот дел на паркот, како и ниско амбиентално светло низ целиот парк. Осветлени ќе бидат и езерата и фонтаните со амбиентално светло со ефекти со што навечер ќе се добие сосема друг изглед на паркот.

Паркот, ќе има архитектонски, партерни и хортикултурно уредени површини, збогатени со жардиниери со место за седење, шеесетина клупи, канти за отпадоци и друга урбана опрема.

http://kurir.mk/republika/skopje/53885-Zapocnuva-izgradbata-na-Parkot-na-ezerata-vo-Aerodrom