Скопје 2014

тоа е проблемот всушност што јас сакам да ти го објаснам, за проекти кои биле должност на градските и повисоките власти и никој, па и тие кои веќе се на власт неколку години не ги решиле, а се минорни и секојдневни, сега треба да му се клањам и заблагодарувам на Ск2014, кој е најголемата катастрофа од план што му се има случено на градов
ти баш со вакви ставови всушност му се заблагодаруваш на планов, ништо друго, сам се поставуваш так во дискусијава и на поинаков начин не можам да те разберам...
а и премногу почна да забегуваш, не знам како го поврза Аеродромот со сето тоа
исто така, продолжуваш да ги гледаш работите само од временска дистанца и ништо друго
плус, самиот факт дека ни било потребно да изградиме мегаломански план, за да си средиме основни приоритети, не докажува ништо друго освен дека ние врска си немаме од планирање на нашиот развој со тоа што куќа од кров градиме и дека работите кај нас се иницирани од најразни причини, само не од развојни

баш тоа што ти го опишуваш како позитивен ефект од Ск2014 всушност е се, само не е позитивен...


Edited by zabegan - 25-Aug-2011 at 01:31

Читам (не само во нишкава туку и во разноразни медиуми) се прават некакви паралели помеѓу Ск2014 и зголемениот број на туристи во последнава година (а богами без усул се преувеличуваат и парите кои тие туристи ги оставаат во Скопје, но тоа е друга тема) и со тоа ваљда треба да се исперат сите други катастрофи од проектот...

Епа освен ако не се работи за некаков си „градежен“ туризам, мислам дека некои врз база на својата пристрасност ептен се истрчаа со заклучоците дека порастот во текот на оваа година е условен од Ск2014. Да потсетам сега е крај на август, а сеуште ниту еден објект не е завршен. Дали можеби туристите во изминатите 8 месеци доаѓаа да ги гледаат нашите градилишта, кранови, тараби, раскопани плоштади и раскопани тротоари? Нели има редица други фактори (на пример платената промоција, или генералниот тренд дека туристичката популарност на регионов расне) кои го објаснуваат бранот туристи?

Единствено Спомен-куќата на Мајка Тереза која често се спомнува како еден од примерите во ваквите „анализи“ е завршена (мада официјално не е дел од Ск2014 ама рака на срце реално може да ја земеме како дел од проектот). Ама не верувам дека некој турист дојде ради архитектурата на објектот и хистеричниот архитектонски израз на Вангел Божиновски. Луѓето ја посетуваат куќата ради личноста на Мајка Тереза. Да беше објектот навистина архитектонски маркантен во позитивна смисла, можеше да привлекува повеќе туристи отколку што привлекува вака со самиот факт дека е посветен на Мајка Тереза. Ама за жал, не е таков, така да едноставно не влегува во калапот во кој што некои сакаат да го пикнат.

Инаку да не оставам простор за да бидам погрешно разбран, мислам дека одредени сегменти на Ск2014 во наредниот период секако ќе бидат еден од факторите за пораст на бројот на посетители на градов. Но дека тој пораст ќе биде доволен за финансиски да го оправда проектот преку една темелна анализа на опортунитетниот трошок, тоа богами тешко. А уште потешко дека ќе биде доволен за да го оправда урбанистичкото и функционалното сакатење, кои не се субјективна категорија.




Edited by Cloverstack - 27-Aug-2011 at 08:48

Тешко на нашата историја и вековна борба за слобода доколку туристите доаѓале во Скопје да го видат проектот Скопје 2014. Пропагандни дејанија без никаква подлога, според мене. Освен зградата на стариот театар, сите останатите згради немаат никаква историска вредност, немаат никаква историја зад себе. Единствена туристичка вредност е нивната содржина во рамките на истите, односно поставките што ќе бидат поставени во музеите.


А не знам што би ги интересирало туристите во поглед на Агенцијата за електронски комуникации, МНР или барокните згради на плоштад? Конечно, со приказната дека Скопје 2014 ќе го направи градот туристичка атракција самите си ја рушиме приказната за Скопје како дестинација во која се родени Мајка Тереза и Јустинијан, за древните манастири, за старата чаршија, за османлиските анови, амами и вековни џамии, за Скупи, за Матка...


Сето тоа паѓа во втор план доколку Скопје 2014 се прикажува како врв на нашата историја, а не како уште еден потег кој ќе не направи поразвиен град. Конечно, ајде да ја побараме статистиката па да видиме кога последен пат сме влегле во музеите, ановите и амамите низ Скопје, колку влезници се продадени за туристичките локалитети во Скопје. Баш би сакал да ja запознаете Василка, археолог и автор на порталите Археолошки дневник, па да дознаете колку скопјани си ги знаат знаменитостите на сопствениот град од нејзиното искуство со турите што ги организира за разгледување на Скопје. Ќе бидете фрапирани колку самите себеси не се познаваме!

Originally posted by medlence А според мене, се разбира дека само од туристите не би можело да се покријат трошоците, но зборуваме и за заштеда на пари од кирии, плус мислам дека беше крајно време државата да има свои објекти а да не изнајмува и на крајот сето тоа ќе остане и за идните генерации како една инвестиција за подобра иднина...

Не верувам дека било кој на форумов и пошироко го смета за спорен овој дел.

Сепак имам и тука замерка. Факт е дека нашата јавна администрација е превработена. Многу е веројатно дека просторните потреби на некоја идна реформирана јавна администрација ќе бидат помали а јавните објекти кои сега се градат ќе испаднат предимензионирани.

porta makedonija

nesto interesno kako idea za 8mi

http://www.youtube.com/watch?v=Lo9XpnsLlmk&feature=share

http://www.youtube.com/watch?v=rPr0CgvmBM4&feature=share

И летниковецот ќе стаса за 8.Септември




Летниковецот што се гради пред зградата на „Телеком“, замислен како декоративен елемент на градскиот плоштад, ќе се вклучи во листата на завршени градби од проектот „Скопје 2014“, со кои свечено ќе се одбележи 20-годишнината од независноста на земјава.
Летниковецот е из­ра­бо­тен од армиранобетонска конструкција обложена со мермер, а власта ја чини околу 350.000 евра.

За свечената церемонија на 8. Септември беше предвидено и завршување на градбата на објектот што официјално се нарекува „Порта Македонија“, иако практично е визуелен еквивалент на светските триумфални порти, со релјефни сцени од македонската историја. Работата на фасадата не се одвива со брзо темпо.

И музејскиот комплекс „Македонска борба“ е најавен да се отвори за Денот на независноста. Работниците на овој објект работат со голем интензитет, но се чини дека сепак грандиозната зграда во која ќе биде сместен Музејот на ВМРО и Музејот на жртвите на комунизмот нема сосема да биде завршена до планираниот рок. Сé уште не е завршено уредувањето на предниот партер, влезот, но и задниот дел кој гледа кон плоштадот, а каде што се предвидени и фонтани кои во моментот се во почетна фаза на изработка.
Единствено што изгледа дека е завршена е илуминацијата на објектот, која пробно се пушта речиси секоја вечер изминативе десетина дена.
Единствено фонтаната со Александар Македонски на градскиот плоштад, за која што се потрошија околу 9,4 милиони евра, ќе биде целосно реализиран проект кој ќе има свечена промоција на Денот на независноста на земјава, 8. Септември.
http://www.plusinfo.mk/vest/13323/I-letnikovecot-kje-stasa-za-8Septemvri

I cannot recognize what historical event is in the 7th photo above, does anyone know?





Edited by macedonia - 31-Aug-2011 at 00:11

aaa супер е портава,баш ме изненади пријатно.. ама ќе биде ли до 8-ми готова ?

Originally posted by macedonia I cannot recognize what historical event is in the 7th photo above, does anyone know?

Yes I know, It represent 8th of Septermber 1991 when the independese was declarated.