Споменици и скулптури (општо)

ОНЛАЈН ВЕСТИ

13.03.2012, 15:39
Од петок АСНОМ ќе почне да заседава во „Жена парк“


Денеска почна монтирањето на спомен обележјето на Президиумот

ФОТО: Петр Стојановски

По бројните споменици и скулптури на истакнати личности од поблиската и далечна македонска историја, на ред дојде и спомен-обележјето кое ќе ги обековечи луѓето што се дел од раѓањето на македонската држава.

До петок се очекува спомен-обележјето на Првото заседание на АСНОМ во паркот „Жена-борец“ да биде целосно монтирано. До тогаш во предвидената положба треба да се најдат сите 10 скулптури на личностите кои учествувале на Президиумот. Скулптурите на Кирил Петрушев и Емануел Чучко од вчера се исправија, а останува да се монтираат Панко Брашнаров, офицерите Тихомир Милошевски и Тодор Стојанов - Ѕвездин, Киро Глигоров и Веселинка Малинска. Сите овие, како секретари, ќе бидат во исправена положба. Во седечка позиција, пак, ќе бидат претставени Бане Андреев, Методија Андонов - Ченто и Михајло Апостолски.

Слободан Милошески, автор на спомен обележјето, денеска лично беше да го надгледува монтирањето на своето дело.

„Многу сум задоволен од тоа како излегоа скулптурите. На нив работевме околу година ипол. Беше голем предизвик, но и голема одговорност да се прават вакви ликови кои биле значајни за македонската историја“, рече Милошески.

Авторот објасни дека постаментот на споменикот на АСНОМ ќе биде обложен со 10 релјефи во бронза со вкупна површина од 21.60 квадратни метри. На нив ќе бидат претставени сцени од времето на АСНОМ, релјефи од манастирот, случувањата во манастирот и околу него...

Спомен-обележјето е изработено во бронза, во италијанската леарница „Фернандо Маринели“ и само за леењето се потрошени околу 1,5 милион евра. Композицијата на спомен обележјето е составена од 10 скулптури од кои три се во седечка положба со димензии од 3,20 метри, а седум се во стоечка позиција и се високи 4 метри. Постаментот има правоаголна форма, обложен е со камен травертин, изработен од „Конструктор Инженеринг“ и висок 1,90 метри. (Дс.Т.)
http://www.utrinski.com.mk/default.asp?ItemID=8C3813FEF0CCBB4CA51FAC0542CA1C3D

ПС.мило ми е за авторот на овој споменик кој е од мојот град.дечкото заврши факултет за физичка култура,но поради големата љубов кон уметноста после дипломирањето на ДИФ се запиша на факултетот за ликовна уметност кој и го заврши(мислам дека и магистрира),а во меѓувреме црташе,правеше икони од дуборез, и што уште не.

во секој случај да небеше СК2014 сите овие луѓе никогаш немаше да го покажат својот талент,кои пак нивни дела ќе останат со векови(само што ние треба тоа да го плаќаме многу години)

Edited by gjoko - 13-Mar-2012 at 20:36

каква прекрасна композиција од споменици добивме таму, не знам дали ова треба воопшто сеуште да се коментира после сите глупости кои ги видовме...

И јас мислам дека е супер ова се што се гради во Жена Парк. Го подржувам целиот прокет Скопје 2014 во целост бидејќи според мене главен град треба да има повеќе вакви згради и споменици и музеи и се а не да буде пусто и да нема ништо во градот како до пред неколку години ! Сега е пожив.

Ѓоко фактот што овој споменик или композиција од споменици се гради во парк не го прави нападен до толку. Имено јас во германија многу често имам сретнувано многу споменици односно композиции од споменици кои се во паркови и точно ради тоа не делуваат како да го прават просторот......не можам да најдам соодветвен збор на македонски затоа ќе го употребам англискиот: overcrowded

Originally posted by mirakuliks Ѓоко фактот што овој споменик или композиција од споменици се гради во парк не го прави нападен до толку. Имено јас во германија многу често имам сретнувано многу споменици односно композиции од споменици кои се во паркови и точно ради тоа не делуваат како да го прават просторот......не можам да најдам соодветвен збор на македонски затоа ќе го употребам англискиот: overcrowded

ама тука не се работи за никаква композиција, туку за натрупана турлитава од споменици кои не се поврзани меѓу себе во композиција, и не одговараат на паркот ниту тематски, ниту пак просторно
да се спомене пак, простор кој порано беше отворена пешачка зона, со (иако застарена) фино средена фонтана која го освежува просторот, сега ќе биде бетонско-мермерно-бронзена џунгла...
да се работеше за осмислена целина, како нов парк или пешачка зона, заедно со зеленило, споменици и урбана опрема, ќе беше во ред, но ова што се прави не е воопшто озбилно и промислено


Edited by zabegan - 16-Mar-2012 at 19:32

добар осврт и фото сесија на споменикот. Немам суште развиено мислење за оваа спомнична композиција. Изгледа малце пренатрупано на прв поглед. Она што би укажал е најдобро комплетно да се сменат дрвјата во паркот во зимзелени, за да го амортизираат овој наплив од споменици таму. Преку есен зима во паркот премногу ќе доминираат споменцитие што мислам дека не е баш најдобра идеја

За 100-годишнина од смртта никна споменик на Пере Тошев во Прилеп Прилеп, 4 мај - По повод 100-годишнината од загинувањето на македонскиот револуционер Пере Тошев, денеска во неговиот роден град Прилеп е откриен споменик висок 2,40 метри лиен во бронза од авторот Емил Солески. Цвеќиња беа положени во дворот на црквата „Свето Благовештение“ каде се наоѓаат неговите мошти. На свечена седница на Советот на општина Прилеп за значењето и делото на Пере Тошев говореше вишиот советник Влатко Караџоски од Институтот за старословенска култура. Караџоски нагласи дека Тошев е еден од четворицата основачи на ТМОРО-Тајната македонско-одринска револуционерна организација, заедно со Делчев Петров и Груев, голем македонски револуционер и деец за самостојноста на Македонија. Пере Тошев загинал на 4 мај 1912 година во заседа кај селото Фаришка клисура, враќајќи се од Бугарија. Неговите мошти се пренесени во 90-ите години на минатиот век во Прилеп, во дворот на црквата.

http://zurnal.mk/content.asp?id=201254204139

не сум експерт, ама по 100 пат повторувам дека не ми е јасно зошто спомениците се прават во непотребно екстремно голем размер, несоодветен на просторот на кој се наоѓаат, и зошто ги има толку многу на толку мала квадратура?

Па зарем???



Според Фокус: Наводно, индиски бизнисмен сакал да гради 30 метарски споменик на Мајка Тереза, и тоа токму на Плоштад "Македонија", поголем од оној на Александар, бидејќи постојниот споменик кај споменик куќата бил премногу мал. Весникот тврди дека на Владата и се допаднала идејата и дека било одредено да се гради некаде кај Телеком (каде ли остана простор?), и дека веќе е во процедура промената на ДУП-от.

Се менува „Мал ринг“ за нов споменик на Мајка Тереза

На плоштадот наскоро може да никне нов голем споменик на познатата хуманитарка и нобеловка Мајка Тереза кој би можел дури и да го надвиси коњаникот на Александар Македонски. По неколкуте априлски најави дека приватници се заинтересирани да финансираат градба која би претставувала скулптурална композиција на најпознатата скопјанка, извори од Општина Центар за „Утрински“ информираа дека веќе забрзано се прават измени на Деталниот урбанистички план „Мал ринг“ токму за вметнување маркичка за споменик.
Дневниот весник „Фокус“ објави дека изработката на триесетметарската скулптура со ликот на Гонџа Бојаџиу ќе ја финансира индиски бизнисмен. Според весникот, споменикот би се наоѓал до плоштадот „Македонија“, некаде до објектот на „Телеком“. Измените на ДУП-от би претходеле на новиот Генерален урбанистички план, кој, пак, треба да биде донесен до октомври.
Официјалните власти од Општина Центар потврдуваат дека по нивна иницијатива се работи на нови измени на „Мал ринг“, но не прецизираат со што точно ќе се дополнува ДУП-от.
„Ќе бидете комплетно информирани од стручните служби на јавната презентација на планот, каде што ќе можете да го погледнете во текот на неделава“, соопшти Јовица Ацковски, портпарол на Општина Центар, додавајќи дека не располагаат со информации дали станува збор за маркичка за споменик на Мајка Тереза.
Стојан Тренчевски, пак, претседател на граѓанското здружение „Мајка Тереза“, вели дека не се работи за нов споменик со ликот на Мајка Тереза туку, за сосема различна градба.
„Уште пред три-четири години, кога се роди иницијативата Скопје да се збратими со Калкута, Индијците сакаа да ни подарат една фонтана која ќе ја симболизира чистотата, животот и љубовта на Агнеза Гонџа Бојаџиу. Значи, идејата датира уште одамна, но остана да се реализира... Ние го поддржуваме ваквото чествување на Мајка Тереза, иако моментално не сме запознаени со градежните планови и измени во ДУП-от“, вели Тренчевски, кој е и истражувач и хроничар на животот на хуманитарката. (Б.Ш.)

Утрински весник