Маџир Маало

Декс немам намера да навлегувам во филозофии и расправии... Единствено ќе ти го посочам ова...

 

Епа како што гледаш поголеми мангупи, фраери, шизици и инаетчии од Маџирмаалци нема...

А со такви, секако... радикално... 

Неможе некој цела иднина на еден град, генерални и детални урбанистички планови, воопшто план и развој на еден град да става на коцка и да ги попречува само поради... да цитирам: 

- Сакаат на местото на нашите куќи да изградат огромни зградишта со кои ќе ни се затвори целиот простор. Ако сакаме да си ја задржиме удобноста што ја имаме сега, би требало сите да се држиме заедно и да не потклекнуваме пред инвеститорите. Да живееш во центарот на метрополата, а сепак да имаш приватност и мир, како да си некаде настрана, тоа може само во нашето Маџир Маало - коментираат жителите на едно од најстарите и сѐ уште автентично градско маало.

Старите и дотраени куќички, тесните улички, пиење кафе со соседите во дворовите, довикување од куќа, разговорот на порти, едноставно речено, маалскиот живот од урбаните средини опстојува единствено кај нас, додаваат тие.

- Ние сме научени на друг живот.

КОИ БУДАЛАШТИНИ!!!

Им викам, ја згрешиле локацијата за таков живот, и уште на сето тоа дигаат галама... Разбирам дека таму живеат од порано... Но градот се развива и расте, неможе да ги скокне, неможе да остави таква дупка, такво село во самиот негов центар... Не е практично...

А еве како нивниот инает може да направи од проста и безбедна ситуација во комплицирана и опасна ситуација за останатите жители на овој град... 

Безбедноста кај тој мост за учесниците во сообраќајот е намалена, само поради инаетот на овој пример од Маџирмаалец... Сакам и да нагласам дека таму нема тротоар и луѓето одат по тоа едно тесно патче од едвај дали има 30-40 сантиметри... Што ако некој настрада... иако не е дозволено да се преминува пешки... но еве.. се случи... Нека му е на душа на сопственикот на куќата...

Edited by FoSsiL - 05-Apr-2012 at 22:26

Од Ново Маало, Маџир Маало, Керамидница и се до Крњево, 6 багери и одма празни површини. Не се ова радикални мерки, баш деновиве гледам и во многу хрватски, што јас ги мислев ептен урбанизирани градови као Осијек и Сплит, си имаат вакви муки од некои што инает вода и од цела урбана средина се наоѓаат фраери да чуваат кокошки, магариња, да садат полски цвеќиња и да шират непријатен "мирис".

Не може они да кажат да се дислоцира Крушевска, не може он да каже дека сака да пие кафе на раат у сред центар, очигледно ова се луѓе што подалеку од Скопје не прошетале. Кој центар у некој град го нуди ова? Никој. Зошто? Затоа што текот и брзината на градот не го дозволуваат тоа. Поради ова иаме Меги, Хипериум, Прокредит и СП спроти Бисер со деловни згради и сл објекти надвор од самиот центар. Кога веќе властите уништија добар дел од она што требаше да биде центарот, нема сеа граѓани да одредуваат каков живот у Центар ќе имаат. И претпоставувам многу им е убаво што си чуваат кокошки одма до НБРМ. Феноменална идила. Само и не се они до толку криви, кога гледаат под железничка што има, си викаат зашто и јас така да не живеам.

Кокошките се врвот....

За Маџир Маало... Само да не му фати око на тој со визиите, замислите, идеите, фантазиите за градов, па да се најде како точка на дневен ред на Влада... 

И така малку простор остана од Мал и Голем Ринг...

Edited by FoSsiL - 05-Apr-2012 at 23:11

Дури и да чекаат инвеститори со понуди од 3 или повеќе станови за да дозволат да се гради, сепак тоа останува нивно право и нивна одлука.

И да, не можеш да чуваш животни во урбана средина, без разлика дали е во Маџир Маало или во Козле, Лисиче, Пинтија, Црниче кои ти ги спомна, или во било која друга урбана средина или приградска населба, бидејќи тоа има краен ефект и врз готовиот сточарски/живинарски/млечен производ, општо познато е дека градовите се загадени и не се здрави, како за луѓето, така и за животните, така да, станува збор за двојна загуба, ем го трујат градот со изметот, вирусите (да не заборавиме дека птичјиот грип всушност е мутација на свинскиот грип пренесен од свиња на птица), бактериите, вошките и сите останати паразити кои ги носат нивните животни, ем готовиот сточарски/живинарски/млечен производ ќе биде со катастрофално низок квалитет и затоа најдобро е животните да се чуваат надвор од градовите.

А за норми, регулативи и правила не зборувај, барем додека не се воведе нормата/регулативата/правилото:

Забрането живеење во градот на луѓе кои доаѓаат од останатите населени места во државата.

Прво нека се воведе оваа/ова норма/регулатива/правило како задолжителен закон на ниво на град Скопје, па после ќе правиме муабет за норми/регулативи/правила од типот: "Не е дозволен мир во централното градско подрачје", "Не може градот да трпи ради единка" и слично.

Градот Скопје веќе од поодамна трпи не ради единка, туку поради илјадници луѓе кои ги напуштиле вековните огништа во источна и јужна Македонија во потрага по подобар живот во главниот град, а ние го трпиме тоа и не превземаме ништо околу фиксирање на бројот на жители на градот.

Општо познат е фактот дека Скопје е на најлоша местоположба за еден град во Македонија, а особено за главен град, но како да не ни е тоа доволно, дозволуваме бројот на жители да се зголемува како резултат на зголемена миграција на населението од помалите градови во главниот град, а не како резултат на некаков си бејби бум и зголемување на наталитетот по природен пат.

Свети Николе е македонски рекордер по заболени од рак, но не сум слушнал за таму да е планирана изградба на нова болница, но затоа слушаме за планирана обнова на веќе постоечки и изградба на нови клиники во Државниот Клинички Центар во Скопје, па дури најавена е и изградба на нов Државен Клинички Центар во Бардовци, а жителите на Свети Николе ги оставаме да милост и немилост на околностите, а да не заборавиме дека не можат сите да си дозволат превоз, сместување и лекување во Скопје, а квалитетот на македонското здравство е посебна тема, да не навлегувам и во тоа, доволно избегав од темава.

И како да не се преселуваат луѓето од останатите населени места во државата во главниот град, кога тука имаат можности какви што немаат во своите родни краеви и сето тоа само затоа што државата ни малку не им помага околу најосновните потреби, а нас во Скопјево ама ич не ни е гајле за нивните маки и потреби ?

Се согласувам со тебе, да, во главниот град на една држава, во една метропола МОРА ДА ИМА норми, регулативи и правила, но прво треба да се воспостават тие норми, регулативи и правила, а потоа да се спроведуваат, а не прво да го урбанизираме Маџир Маало, па после да воведуваме закон за забрана за живеење во градот на луѓе кои доаѓаат од останатите населени места во државата.

Треба прво да воведеме таков закон со кој ќе им биде забрането на луѓе кои доаѓаат од останатите населени места во државата да живеат во главниот град, па откако ќе се стабилизира бројот на жители на Скопје, ќе можеме да дебатираме околу урбанизирање на неурбанизираните населби во Скопје.

Edited by Dexter26 - 06-Apr-2012 at 00:54

potpolno se soglasuvam so pogore napisanoto

Se' toa trebalo da se rusi vednas po zemjotresot.Zosto e ostaveno kako cir,e vekje drugo prasanje.

7 katnici? ovoj del placese za oblakoderi! A istotaka strav mi e deka ke stanat "barokni" 7 katnici!

не е толку битна висината на објектите, колку што е битна нивната намена и начинот на кој што ќе се изведе целиот план
мене повеќе коса ми се крева од тоа што најголем дел од објектите ќе бидат станбени, што е далеку неадекватно за тој простор, не толку естетски, колку што е неадекватно од функционален и развоен аспект...

Еве како би требало да изгледа просторот според ДУП за Маџир Маало... Ги изоставив објектите предвидени за позади НБРМ... ме мрзеше...