Скопје 2014

Превод
За да си ја изгради историјата, Македонија станува барокна

Статуа на Олимпија, мајката на Александар Велики, која ја прикажува бремена со нејзиниот познат син. Дел е од споменик за Александар Велики во центарот на Скопје, македонскиот главен град

Мартин Пановски сакаше да излегува во центарот на неговиот роден град, Скопје, главниот град на РМ, мала балканска нација, која до 1991 беше дел од Југославија. Скопје е стар град, со сложени, мулти-етнички примеси на Римска, Византиска и Отоманска историја.

„Дури и комунизмот создаде интересна современа архитектура“, вели Пановски, архитект со хип очила.

Националистичката влада на министерот Никола Груевски не се согласува. „Главниот град не изгледаше европски“, вели Никола Жежов, историчар и поддржувач на Груевски. „Изгледаше досадно“.

Статуи на македонски историски личности кои се наредени како чувари на пешачки мост. Владата вели дека спомениците се добри за националната гордост, особено во област каде што историјата е толку дебатирана

Пред 6 години, Груевски започна масивен, скап редизајн на Скопје што го наполни градот со статуи, споменици и „барокна“ архитектура. Вети дека ќе ја зголеми националната гордост во земјата што постои само 24 години.

„Кога прв пат слушнав за проектот, мислев дека е шега“, вели Пановски. „И тогаш започна градењето“.

Скоро се сретнав со Пановски покрај огромна бронзена статуа на Александар Велики, кого мештаните го викаат „Александар Македонски“. Владата официјално ја крсти статуата „Воин на коњ“ за да избегне конфликт со Грција, која вели дека Александар е Грк и Македонците фалсификуваат историја. Грција, која има провинција со истото име, одбива да ја вика земјава Македонија.

Пановски разбира дека споров ја понижува и ја спречува земјата од зачленување во НАТО и ЕУ. „Но ова не е одговорот“, вели тој, свртен со грб кон статуата на Александар.

„Гледам дека не сакаш дури да се свртиш и да ја видиш“, реков јас.

„Не“, вели тој. „Немам зборови. Оф, кичозна е“.

Статуите, се всушност, насекаде - згужвани на плоштади, наредени како чувари на пешачки мостови над реката Вардар. Прикажуваат револуционери, религиски личности, учители, грчки богови, дури и Александровите родители: Филип Македонски и Олимпија. Еден прилично исмејуван споменик ја прикажува бремената Олимпија.

„Знам кој е Александар Велики“, вели Слаѓана Тасева. „Не ми требаат статуи од него во сите фази од неговиот живот - почнувајќи од стомакот на мајка му - да разберам зошто е важен за историјата“.

Тасева е претседател на македонската Transparency International. Таа вели дека градежната треска, наречена Скопје 2014, чини стотици милиони даночни долари - огромна сума пари за една од најсиромашните европски земји.

„Имаше многу реакции од луѓе кои се чудеа зошто толкава сума пари се одвојува за споменициве“, вели таа. „Најлошото е што не запреа. Продолжија да ги градат“.

Настрана од спомениците, Владата изгради комплицирани, коскено бели згради со грчки столбови. „Не знам што е тоа, но го нарекуваат барок“, вели Пановски. „Го нарекуваат „стара архитектура“. Всушност, ова е нешто направено од аматери“.

Вангел Божиноски, кој е исто така архитект, се ежи на описот. Огромен фан е на проектот, кого го нарекува „движење, глас на Македонците“. Божиноски се прослави со дизајнирањето на меморијалниот дом на Мајка Тереза (...)

Божиноски мисли дека градењето споменици може да ги донесе хероите дома, барем метафорички,

„Тука во Македонија, веруваме во ценотафот“, објаснува тој, мислејќи на грчки збор што значи „празен гроб“. Тоа е споменик изграден во нечија чест чии остатоци се насекаде, како значаен индивидуалец или војници убиени во битка. „Градите куќа“, вели тој, „во куќата ставате се' што е поврзано со личноста. И чекате нејзината душа да се врати назад“.
______________
Дури и градови кои немаат античка архитектура ја измислија. Прилично модерниот македонски главен град Скопје го редизајнира ценарот, преполнувајќи ги плоштадите со преголеми, сосема нови неокласични споменици.

А, забрането е за илјадниците странски туристи (кои многу ги милуваат) кои доаѓаат само за да видат згради какви што нема никаде на друго место? Или знаат дека тие не молчат?

Edited by Staro Skopje - 06-Jun-2015 at 16:04

turisti doagaat posto ima EFTINI letovi za prv pat vo istorijata na zemjava. taka da ne si praite filmovi vise aman, nikoj ne doaga da vidi lazna antika od stiropor

Edited by xnx - 08-Jun-2015 at 10:38

Sto ubavo devojcee od makedoncee 😁
Ama ovie mazite haha nikakvi muskuli kakvi anticki borci se tie?
Inace kolku za turisti ne znam ne sme konkurentni, ni treba nesto golemo nesto cudno. Da si odis vo istanbul ili barcelona kje vidis grandiozni objekti shopping se i seshto ama kaj nas ZARA bilo nesto golemo😂.

Edited by my Macedonia - 08-Jun-2015 at 10:55

Да може Скопје да се споредува со градови како Солун, Загреб и Братислава би бил пресреќен. Инаку овие "маскотите" воопшто не се за туристи туку за нашите ни гласачи. Демек еве и кај нас како во странство има туризам.

HOW TO BUILD A FAKE ANCIENT CITY IN JUST 5 YEARS, прилог на atlasobscura за Скопје 2014

Па господинот од егејско Крушоради намерно го изгради проектот „Скопје 2014“ за Македонија и Грција никогаш да не можат да го решат политичкиот конфликт поврзан со името на нашата земја. Во услови на ваква констелација на односите, тој си го оформи авторитарниот систем на владеење во кој удобно ќе си владееше уште со години да не беа објавените телефонски разговори, кои меѓу другото до збор потенцираа кој ја покренал идејата, кој е автор и воедно реализатор на „Скопје 2014“.

Originally posted by Navigator Originally posted by BOJAN Па господинот од егејско Крушоради намерно го изгради проектот „Скопје 2014“ за Македонија и Грција никогаш да не можат да го решат политичкиот конфликт поврзан со името на нашата земја. Во услови на ваква констелација на односите, тој си го оформи авторитарниот систем на владеење во кој удобно ќе си владееше уште со години да не беа објавените телефонски разговори, кои меѓу другото до збор потенцираа кој ја покренал идејата, кој е автор и воедно реализатор на „Скопје 2014“. Воопшто не сакам да дебатирам со залутани политиканти кои имаат толку тврди ставови, а притоа аргументите не им се базираат на факти, ама морам да искоментирам на ова затоа што намерата ми е искрена и позитивна. Може да ни се допаѓаат или одредени политичари, може да поддржуваме или да напаѓаме политички партии, да се убедуваме меѓусебно идеолошки или програмски, да дебатираме за лошите и добрите потези и проекти на сините, на црвените, на шарените. Ама едно не смееме да правиме: да си ја напаѓаме државата. Не смееме да сме патриоти само кога "нашите" се на власт. Да промовираш статија во која се вели "and even to officially call itself Macedonia" за мене е надвор од разумот. Не треба да сме политички сложни, ама мора да сме национално сложни.

7 милиони евра ќе се потрошат на нова „барокна“ зграда во Скопје

Уште едно „барокно“ здание наменето за државните институции треба да никне во центарот на Скопје. Акционерското друштво за стопанисување со станбен и деловен простор (АДСДП) бара изведувач на градежни работи за објект во паркот кај Македонската опера и балет, веднаш до планираната идна зграда на Народната банка. Градбата ќе има канцелариски простор од 10.179 метри квадратни и ќе го испочитува архитектонскиот стил од владиниот проект „Скопје 2014“. Од АДСДП првично процениле дека за објектот се потребни 7 милиони евра.



„Барокната“ зграда со приземје, седум ката и поткровје ќе се гради врз основа на идејно решение од авторот Жарко Чаушевски, а проектната документација ја изготви студиото „Архитектоника“ од Скопје. Планирано е градежните работи да се одвиваат во временски период од 24 месеци. Крајниот рок за доставување на понудите до АДСДП е 27 јули.

http://www.build.mk/?p=44804

Edited by Џоле - 11-Jun-2015 at 09:05

Текстов е поврзан со проектот Скопје 2014

Срамежливите тендер-шампиони во владината градежна офанзива

од Владо Апостолов, НОВА | објавено на: 11-06-2015



Во дворот на Владата со нова десетмилионска барокна фасада неодамна беа исечени неколку дрвја за да се направи место за оградата од 700.000 евра. Стотина метри од новата македонска Бела куќа, веднаш до стоковната куќа „Мост“ финишира изградбата на плоштадот Скендербег со надземен пешачки премин вреден близу 10 милиони евра. На раскрсницата кај популарната „Бихаќка“, пак, се познаваат контурите на новото неокласично здание во кое Владата инвестира седум милиони евра и каде ќе смести три државни институции.

Сите овие градби се дело на скопската компанија „Бауер БГ“ чија што механизација сѐ почесто ја гледаме по скопските улици. Еден поглед врз сајтот за јавни набавки, каде се објавуваат сумите на државните тендери, ќе ви открие дека во периодот од 2012 година па сѐ до денес, оваа веќе позната градежна компанија добила зделки чија вкупна вредност надминува 40 милиони евра.

Од нив, 27 милиони евра се резултат на само три тендери кои влегоа во листата на 100-те најголеми тендери од 2010 до 2014 година која ја изработи Центарот за граѓански комуникации. Тие ги истражија стоте најголеми договори за овие пет години, кои сочинуваат дури 22 проценти од вкупната потрошена сума за јавни набавки за овој период.



Иако фирмата има речиси идентично име како бугарска градежна компанија, која е дел од германскиот градежен гигант „Бауер АГ“, сепак станува збор за домашни градежници. Како нејзини сопственици се јавуваат 45-годишниот Благој Димитров и две години помладиот Горан Димитров, првиот со адреса во Злетово, а другиот во скопски Карпош.

Тие нa својот сајт велат дека „Бауер БГ“ ја формирале откако со сопствен капитал ја издвоиле фирмата од поранешната градежна оператива на скопската „Рудници и Железарница“. Главни дејности на фирмата се изградбата на станбени згради, внатрешно уредување, како и реконструкција и изградба на улици.

Од 2012 Димитрови се сопственици и на компанијата „Лабин плус“, која е концесионер на минерална суровина калцит-меремр на локалитетот Илино брдо кај Сопиште.

Подем со брзина на кариерата на Коце Трајановски

„Бауер БГ“ е формирана последниот месец од 2005 година, а за прв пат, барем според Бирото за јавни набавки, тендер од државна институција добила во 2008 од Општина Гази Баба, кога со локалната самоуправа раководел денешниот градоначалник на Скопје, Коце Трајановски.

Градежната оператива на Димитрови за нешто повеќе од 80.000 евра требала да санира и да реконструира објекти на територија на Гази Баба.

Нема податоци дека „Бауер БГ“ соработувала со Град Скопје додека на негово чело беше бизнисменот Трифун Костовски, ама затоа соработката на оваа фирма со администрацијата на Трајановски продолжува и се надградува во двата негови мандата како прв човек на Скопје.

Проширување и обновување асфалт на улици, кружни текови, пешачки мост, плоштад, канализации, нови фасади во центарот на метрополата (кај ресторанот „Пелистер“) и позлатената ограда на мостот „Гоце Делчев“ се само дел од градежните потфати кои Коце Трајановски им ги довери на браќата Димитрови, откако градот ги избра како најдобри понудувачи.

Иако на тендерите се најевтини, во неколку наврати „Бауер БГ“ добила дополнителни пари од Градот Скопје за да ја заврши започнатата работа и на крајот од најевтин тендерџија испаѓала најскап изведувач.

Градот Скопје со „Бауер БГ“ во мај 2011 година склучил договор за реконструкција на дел од „Митрополит Теодосиј Гологанов“, улицата која минува крај Католичката црква во центарот на Скопје. На овој тендер победила „Бауер ГГ“ со понуда од милион и 357.000 евра, наспорти единствените конкуренти коишто предложиле цена од милион и 373.000, што значи дека „Бауер БГ“ биле поевтини за некаде околу 16.000 евра.

Осум месеци подоцна, градот преку анекс на договорот ѝ исплатил уште 187.000 евра на оваа компанија за улицата „Митрополит Теодосиј Гологанов“, бидејќи и покрај другите непредвидени работи морало да се заменат канализациските цевки и да се менува трасата на водоводната мрежа.

При крајот на 2011 година, градот на тендер ја избрал „Бауер БГ” за да реконструира дел од улицата „Самоилова“ која поминува покрај Француските гробишта, сѐ до американската амбасада на Кале. Единствен критериум на тендерот била најниската цена и затоа „Бауер БГ” со понуда од 500.000 евра ја победил конкурентската понуда од 507.000.

Арно ама, откако овие градежници почнале да ја подновуваат улицата, забележале дека треба да вградат крупнозрнест чакал, зашто претходниот материјал немал задоволителна носивост. Башка, имало и дополнителни оштетувања на улицата бидејќи се поправала канализацијата.

Токму поради тоа, 2011 градот и „Бауер БГ” склучиле анекс-договор, со кој градежната компанија добива уште 66.000 евра за да ја финишира реконструкцијата. Подоцна пак, имало потреба за нова доработка за која градот одвоил уште 35.000 евра. Ако се собере основниот договор со анексите, излегува оти на крајот понудата на „Бауер БГ” излегла поскапа.

Во 2010 година Градот Скопје соработувал со „Бауер БГ” на реконструкција на дел од улица близу Камник. Повторно, од сите три понуди на тендерот најевтината ја имала оваа компанија, која понудила 298.000 евра, додека најскапата од сите понуди изнесувала 353.000.

Овојпат се увидело дека материјалот на природната постелка на улицата не го задоволувал важечкиот стандард и морало да се дополни материјал. За оваа операција администрацијата на Коце Трајановски на фирмата преку анекс-договор ѝ платила уште нешто над 84.000 евра со што повторно, по третпат „Бауер БГ”, иако победува како најповолен понудувач, на крајот излегува најскап градежник.

Успешни, ама таинствени

Со оглед дека јавноста ја интересира како „Бауер БГ“ од релативно мала и непозната градежна компанија формирана при крајот на 2005 година, стана градежен гигант на кој државава му доверува капитални објекти, побаравме средба со првите луѓе на компанијата да ни ја раскажат тајната на успехот.

Во нашата потрага по одговори успеавме да стигнеме само до луѓето кои одговараат на телефонските повици во оваа компанија и една од овие службенички нѐ поучи нашите прашања и дилеми да ги испратиме по имејл.

Се интересиравме кои се поголемите проекти коишто „Бауер БГ“ ги изработила, а се финансирани од приватни инвеститори, бидејќи општиот впечаток е дека растот на компанијата исклучиво се должи на нејзината соработка со државните и со локалните институции. На нивната веб страница, исто така, во портфолиото на проекти можете да најдете исклучиво проекти кои се правени со пари од државни тендери.

Прашавме и за редовната соработка со Град Скопје и со администрацијата на Коце Трајановски уште од времето кога градскиот татко ја водеше Гази Баба. Сакавме да знаеме дали има некоја посебна причина зошто „Бауер БГ“ е посебно успешна во соработката со Трајановски.

Како и во неколку претходни случаи обидите да се контактираат со овие градежници останаа неуспешни. Ниту се сретнавме со сопствениците Димитрови, ниту пак некој ни одговори на прашањата пратени по електронска пошта.

Анонимци донираа споменици, „Бауер БГ“ ги качи на постаменти

„Бауер БГ“ ги изработуваше постаментите на спомениците коишто минатата година буквално беа прошверцувани преку Здружението за духовно обединување на Сетинци, Попадинци и Крушодари од Лерин.

Градот Скопје ја префли топката кај здружението, тоа молчеше од каде му се парите за споменици, а згора на сѐ и „Бауер БГ“ не се одважи да објасни кој ја ангажирал фирмата за постаментите и за колку пари.

http://novatv.mk/index.php?navig=8&cat=2&vest=22911