Скопски сообраќај (општо)

Originally posted by phenomenon Cloverstalk, ти ако одиш по ветувањата на новиот градоначалник , далеку ќе стигнеш. Како што тој најави бесплатен превоз за следниот ден, па истиот утредента да го укине во 16 часот, а замисли, јас да сум отишол да планинарам на Јакупица, потоа слегувам до Горно Количани, и оп нема бесплатен превоз, а да викнам такси до Автобуска, ќе ми излезе околу 600 денари, нели? Што ако немам толку пари? Значи, јас однапред треба да мислам дека таткото на град Скопје може да ме измами, и да ми остане единствена опција да одам со такси од Горно Количани до дома во Кумановопо цена од 2000 денари? Затоа јас никогаш не одат по умот на политичар, а ти го советувам истото и тебе.

Без гајле, не сум толку наивен
Не верувам на ветувања, ќе верувам само на вистински градежни работи за изградба на внатрешниот прстен.

Но и без него состојбата на булевар Србија/Војводина е веќе критична. Затоа некаква источна трансферзална сообраќајница е веќе неопходна (а и поради други причини).

Попроточен сообраќај, пократки релации, денивелирани вкрстувања, помалку раскрсници и помалку застои, сето тоа ќе придонесе за помало аерозагадување од сообраќајот. Исто така Јужен булевар е важен предуслов за воведување на ефикасен шински јавен превоз во градот и како таков секогаш бил предвиден со простор за двоколосечна пруга со стандардна ширина од 1435mm.

Од друга страна, попроточен сообраќај речиси секогаш долгорочно стимулира повеќе автомобили на улиците и до некаде се поништува ефектот од првичното растоварување, но во контекст на загадувањето и на конгестијата мораме да ги земеме во предвид и новите технологии кои доаѓаат (електрични автомобили, автономни возила, иновации во јавниот превоз и слично) кои секако многу поефикасно ќе функционираат со дооформена примарна сообраќајна мрежа во градот. Јужен булевар и секако булеварот Крушевска република значително ќе го подобрат квалитетот на живеење во Скопје, а ќе имаат и многу позитивни економски ефекти.




Edited by Cloverstack - 31-Jan-2018 at 20:32

Тоа го имаше најавено Коце за годинава. Би било паметно Шилегов да реализира. Не е комплицирано да се стави трета лента на тој дел.

И мене многу ме интересира како планира да ја направи спојката...
Ама пак ќе кажам. Џабе е кога и сега има невидена гужва на бул.Србија во правец од Аеродром нагоре.

Точно е, мора. И едвај чекам да видам како.

А и колку професионално е ископано... диви копачи в шума појќе се трудат за организирање на шутот, кај се фрлило таму останало

Добро имаат ли абер на Партизанска и на Цветан Димов да стават завршен слој на асфалт ?

Ќе се изготвуваат проекти за нов булевар „Хрватска“ и продолжување на „Љубљанска“ кон Злокуќани

Градот Скопје денеска распиша два одвоени тендери за изработка на значајна проектна документација за нови сообраќајници, со кои би се извела паралелна транзитна рута на скопската обиколница од општина Гази Баба до општина Карпош. Ќе се изготвува инфраструктурен проект, основен градежен проект и сообраќаен проект за булеварот „Хрватска“, на потегот од булеварот „Босна и Херцеговина“ во Чаир до булеварот „Александар Македонски“ во Автокоманда, вклучувајќи ја и новопланираната собирна улица 3. Подготовката на проектната документација е проценето дека ќе чини околу 7,4 милиони денари, а заинтересираните фирми ќе имаат рок до 17 април за да ги достават своите понуди до Град Скопје.

Со вториот тендер се предвидува изработка на инфраструктурен проект, основен градежен проект и сообраќаен проект за продолжување на улицата „Љубљанска“ од крстосницата со булевар „Илинден“, со мост преку реката Вардар, во правец кон Злокуќани, и поврзување со булевар „Словенија“. За изготвување на оваа документација би се издвоиле околу 4,2 милиони денари од буџетот на Град Скопје. Проектантските бироа имаат рок до 16 април за да ги поднесат понудите за учество во тендерската постапка.

http://build.mk/ke-se-izgotvuvaat-proekti-za-nov-bulevar-hrvatska-i-prodolzhuvane-na-lublanska-kon-zlokukani/

Патот од Сопиште до Центар преку Водно во употреба до крајот на јуни

Регионалниот пат од Сопиште преку Водно до центар е комплетно завршен и се очекува да биде пуштен во употреба на крајот од првата половина на годинава, истакна министерот за транспорт и врски Горан Сугарески, одговарајќи на прашање од пратеникот Далибор Богдановски од СДСМ.

Во врска со рехабилитацијата на патните правци министерот рече дека во 2017 година таа е извршена на делниците Припор до Сопиште и Сопиште до Говрлево.

На делницата од Сопиште до Долно Соње не е извршена рехабилитација поради изградбата на водоводната мрежа, рече Сугарески и појасни дека по нејзиното завршување ЈП за државни патишта ќе предвиди средства за тој регионален пат.

– Во однос на изградбата на Сончев град проектот за изградбата на населбата е во надлежност на општината Сопиште – додаде министерот Сугарески.

https://plusinfo.mk/%D0%BF%D0%B0%D1%82%D0%BE%D1%82-%D0%BE%D0%B4-%D1%81%D0%BE%D0%BF%D0%B8%D1%88%D1%82%D0%B5-%D0%B4%D0%BE-%D1%86%D0%B5%D0%BD%D1%82%D0%B0%D1%80-%D0%BF%D1%80%D0%B5%D0%BA%D1%83-%D0%B2%D0%BE%D0%B4%D0%BD%D0%BE/

На улицава турбо работат-превземено од фејсбук