Јавен автобуски превоз (општо)

Originally posted by Zelenikovo само да не им се брза на шоферите кога ги ставаат олдскулерскиве за да не си криват глата постари сограѓани ...

Шофершајбната на Полјациве не им е под васер вага местена

може ако србите влезат во еу ќе се пишманат за ваква покриеност, нели опасно е навечер да се излегва а Полиција се однесува европски

инаку еден билет за сите возења треба мултимодално а не само за јавниот градски транспорт, т.е. треба можеби и за ЈСП но и вафла-карта од меѓуградски автобуски и железнички ем гратис ЈСП, оти да не е Железничка ниту ЈСП ќе имаат ценррален транспортен хаб, по која логика ако ти киднал воз би требало да можеш и со меѓуградскиот автобус да се докрцаш до метрополево ...

Се сеќавате на овие?





https://www.facebook.com/groups/logomak/

Јас ретко користам јавен превоз но од тоа што можам да видам е дека ЈСП имаат пуштено во употреба голем број стари автобуси особено откако почна учебната година.Под транспортен речиси секој трет авотбус е од старите,асфалтот е флекосан од моторно масло кое редовно си тече,којзнае колку губат масло годиншно.А уште полошо е тоа што и кинеските и украинските автобуси кои ги водиме за релативно нови(споредено со оние со по 20-30 години) се прилично уништени,речиси нема некој да не е со изгребан или нагмечен браник,кога кочат ствараат неподнослив звук итн.Единствено незнам како се двата нови што се на метан или што и да беше но како и да е во нив ретко има шанса некој да ги проба.

Еве во продолжение уште нешто околу ова


Старите автобуси на ЈСП им задаваат нови главоболки на скопјaни

Разочарувањето кај патниците на ЈСП „Скопје“ кога на нивната линија ќе се „појави“ стар, наместо некој од двокатните или нископодните автобуси кои што пред седум години беа набавени од Кина и од Украина, е секојдневна појава.
Старите и дотраени автобуси кои што ги превезувале скопјани пред 20 па и повеќе години, повторно се на скопските улици. Разочарувањето кај патниците на ЈСП „Скопје“ кога на нивната линија ќе се „појави“ стар, наместо некој од двокатните или нископодните автобуси кои што пред седум години беа набавени од Кина и од Украина, е секојдневна појава.

Кај ваквите автобуси од постарата генерација, проблемите се бројни. Така, кај некои од нив, дел од вратите не се отвараат, прозорците се заглавени и не се отвараат, па патниците додека се превезуваат со нив се принудени да „се гушат“ во прашина и мирис на чад, кој поради староста на возилото е неминовна појава. Лошата состојба на подот и оштетените столчиња, на старите автобуси се дополнителна причина за револтот кај патниците да биде уште поголем.

– Минатата недела на последната станица на автобусот со број 27 пристигна еден од постарите автобуси, но иако не е прв пат да се превезуваме со ваков автобус, овој се разликуваше од сите останати затоа што беше во очајна состојба. Која возачот проба да ги отвори вратите за да се качиме, забележавме дека, на предната врата се отвара само едниот дел, а средната и задната врата на автобусот не успеаа да се отворат. Најстрашно беше што тој ден пензионерите имаа бесплатен превоз, па настана вистинска турканица- раскажува жителка на Лисиче.

Таа објаснува дека, сите патници морале странично да влегуваат за да успеат да се протнат низ малиот просторот, поради тоа што предната врата само делумно се отварала.

– Кога конечно успеавме да се качиме „авантурите“ продолжија. Веќе на следната станица, се отвори и средната врата за излез од автобусот. Но, тука настана проблем. Истата подоцна не се затвараше па возачот стана и заедно со двајца други патници, со туркање некако ја затворија. До крај на возењето, сите патници моравме да слегуваме од предната врата, поради што се создаваше уште поголема мешаница – раскажува патничката од Лисиче.
И од Јавното Сообраќајно претпријатие “Скопје“, признаваат дека се почесто на линиите се пуштаат стари наместо нови автобуси.
Причината за пуштање во сообраќај постари возила се инцидентни дефекти. Подобро е во сообраќај да се пуштат функционални возила, макар и од постарата генерација, отколку одредена линија (поаѓања) да не се реализира. Сакаме да укажеме дека т.н. нови автобуси односно, кинеските двоспратни и украинските едноподни се далеку од нови, иако изминаа само 7 години од нивната набавка.Тие се расипуваат речиси секојдневно и покрај тоа што се платија премногу, се покажа дека се со многу лош квалитет – објаснуваат од ЈСП „Скопје“.

Од претпријатието, објаснуваат дека, автобусите набавени од Украина, односно нископодните автобуси, се во многу лоша состојба, со нив како што велат, едвај врзуваат крај со крај.

– Проблем постои и со кинеските пред се поради непостоење на нивен овластен застапник, па автоматски не постои можност за сервисна и техничка поддршка во секое време. Сепак, и покрај сите околности, ЈСП „Скопје“ со сите расположливи средства се труди да ги одржува возилата во возна состојба и редовно ги сервисира – информираат од претпријатието.
Инаку, постапката за набавка на нови автобуси е во тек.
Во моментов, ЈСП „ Скопје“ е во фаза на докомплетирање на документацијата за задолжување пред меѓународна кредитна институција.
Очекуваме, во последниот квартал од годинава да биде отпочната постапката за набавка на новите 30-40 автобуси (да се распише тендерот). Колку точно автобуси ќе се набават, ќе зависи од понудените цени на понудувачите – додаваат од ЈСП „Скопје“.

https://www.slobodenpecat.mk/metropola/starite-avtobusi-na-jsp-im-zadavaat-novi-glavobolki-na-skopjani/

Edited by stef4o - 24-Sep-2018 at 13:44

Originally posted by hcitrS За електрични тротинети е колку што разбрав јас...

ако ова е случај треба за нив да направат посебни стази, приметив електричните тротинети почнаа скопјани да ги возат ко скотјани та уште да се намножат и навистина движењето ќе ни биде скотски заглаено, прво се возат без кациги а брзи се ко веспа но стопати понебезбедни и за пешаците кога се на тротоар, и за велосипедистите кога се на вело-стаза, но и за автомобилите бидејќи онаму каде тротоари се ископани или ги нема ко што е случај во пола Скопје е-тротинетџиите влетуваат во макази брзо по улици и улички, уште по булевари што не скролаат

но не е страшно, и со еу-копи-пасте а сред индијанско-каубијски улични околности ќе не биде само треба да се навикнеме на повеќе амортизација стрес преку дофрлање и пцуење простор кој сеуште не е максимално искористен иако озбилно ко таков завозен ...

ЈСП ја редизајнираше „Скопска“



ЈСП Скопје информира дека пушти во продажба електронски картички „Скопска“ со нов дизајн. Нов дизајн имаат и двата вида картички, персонализирани и неперсонализирани.

Цената и функционалноста на новите „Скопска“, останува иста како и на старите картички. Новите „Скопска“ имаат и холограмска заштита, која овозможува поголем степен на безбедност од злоупотреба.



„Идејата и одлуката за новиот дизајн на „Скопска“ е симболично врзанa со планираните новини кои ЈСП Скопје ќе ги реализира во текот на годинава како набавка на нови автобуси и корекции во системот за наплата. ЈСП Скопје планира во текот на месец април да воведе и електронски билет за едно возење, а од месец јуни да се имплементира и напредна апликација за смарт уреди со кои на граѓаните ќе им се овозможи максимална флексибилност при користење и купување на нашите услуги. Паралено ќе биде извршена и надоградба на системот за електронска локација на возилата кој ќе овозможи попрецизно и визуелно иформирање на граѓаните со цел полесно планирање на патувањето. Раководството на претпријатието е уверено дека сите овие новини ќе придонесат за значително зголемување на квалитетот на јавниот превоз во секој поглед“, се наведува во соопштението на ЈСП.

https://www.slobodenpecat.mk/metropola/jsp-ja-redizajnirashe-skopska-foto/

Добар дизајн, ама нова козметика не го менува фактот дека ако не си од Скопје и ако си на при-пејд скоро е невозможно да користиш јавен транспорт (легално ).

Џабе дизајн, кога исто така не е решено, користењето на една картичка дење и ноќе.

Имено, ако имаш билет за 10 возења, а исто време сакаш да се возиш ноќно време, тоа е технички невозможно со истата картичка, па така мораш да извадиш втора само за тоа возење.

Лицата со хендикеп ќе можат да се возат со куче придружник во автобусите на ЈСП

Лицата со посебни потреби ќе можат да се возат со куче придружник во автобусите на ЈСП како и во кабините на Жичарницата на Водно. -ЈСП Скопје како општествено одговорно претпријатие одлучи да им излезе во пресрет на лицата со посебни потреби со куче придружник и да им дозволи непречено користење на нашите услуги, односно да дозволи влез на кучињата придружници во возилата на ЈСП и во кабините на Жичарницата. Одлуката е донесена со оглед на фактот дека кучињата придружници се од голема помош на посочената категорија лица, имајќи предвид дека тие им се од голема корист како дополнително помагало во извршување на секојдневните обврски и активности- соопштија од ЈСП. Од таму ги повикуваат сите патници да се воздржат од негативни реакции доколку се доведат во ситуација да се возат со лице со куче придружник имајќи во предвид дека кучињата се безопасни по околината, тие се специјално дресирани со намена за придружба и движење на посочената категорија лица. Претпријатието апелира и до останатите јавни институции, маркети, кина, театри, трговски центри, да донесат соодветна одлука, а со тоа автоматски да се вклучат во подигнување на јавната свест за отворени врати и слободен пристап на кучињата придружници на лицата со хендикеп.

https://www.novamakedonija.com.mk/makedonija/skopje/%D0%BB%D0%B8%D1%86%D0%B0%D1%82%D0%B0-%D1%81%D0%BE-%D1%85%D0%B5%D0%BD%D0%B4%D0%B8%D0%BA%D0%B5%D0%BF-%D1%9C%D0%B5-%D0%BC%D0%BE%D0%B6%D0%B0%D1%82-%D0%B4%D0%B0-%D1%81%D0%B5-%D0%B2%D0%BE%D0%B7%D0%B0%D1%82/