Од светот - New Administrative Capital - Египет

Каиро гради неколку градови/населби во пустините околу него, со цел градот да се шири на празен и неупотреблив простор и да се зачува многу важното обработливо земјиште околу Нил. Со растот на населението, Египет сѐ потешко и поскапо може да се нахрани, па Владата има мисија да го намали фертилитетот. Проблем создаваат и браните кои Етиопија ги гради на Нил.

Убаво е што Каиро прави плански и модерни населби, иако новиот главен град има и кичозни елементи. Конечно се нафатија и на решавање на проблемот со нефасадирани згради (во Египет има помал данок ако објектот не е довршен, па многумина ги оставаат така за да заштедат пари).

Градот 6 Октомври, започнат во 70-тите (запад) и новиот главен град (исток)


Ново Каиро








New Garden City




Трансформација на Tel El Aqarib slum



Преземено од SSC

Edited by Staro Skopje - 11-Aug-2020 at 13:36

Интересен проект. Египет има голем потенцијал, особено доколку успеат да ги искористат новите технологии во земјоделието, одсолувањето морска вода, населувањето на пустини и прозиведувањето енергија и го намалат фертилитетот на одржливо ниво (сега имаат 100 милиони жители, а се предвидува дека може да отидат и до 200). Локацијата му овозможува да биде важен културно-економски центар во три региона, Северна Африка, Источна Африка и Блиски Исток, како и логистички центар на троконтинентието. Глупавата религиска заслепеност и национализми тоа не му го дозволуваат; со нормални меѓучовечки односи ќе имаше пат и железница Истанбул-Тел Авив-Александрија-Тетуан-(брод)-Барселона-Бари-(брод)-Истанбул.

Тензичните односи со Етиопија не ги владеам, иако никому таму не може да му се верува. Авторитарната власт на Сиси е посекуларна, но за вистинска секуларност таму сѐ уште не може да се зборува. И Етиопија оди напред (особено со помирувањето со Еритреја), а премиерот, конкурент на нашиов и другарот од големиот пријател - јужен сосед им доби Нобелова за мир, мада годинава има некои проблеми со Оромо луѓето и беа убиени стотици демонстранти. Во Судан, пак, новата власт, која го прекина 30-годишното владеење на Башир, го забрани кастрирањето жени и го укина законот за јавен ред кој го регулираше однесувањето на жените (задолжителна шамија, бегање од мажи итн.), казнувањето конзумирачи на алкохол... сепак има надеж и за најзатуцаните земји.

Друга перспектива:


instagram video stealer

Edited by Џоле - 10-Feb-2022 at 20:06

Јас пак подржувам вакви проекти. Во овој случај на хаотично Каиро, каде не можеш многу да менуваш и да „средуваш“, во прилично сиромашна земја со висок наталитет т.е. народ кој мораш да го сместиш некаде, мислам дека ваква инвестиција е во ред и потребна за да го подобриш живеечиот стандард. На пример споредете ја Кина и Индија, да не беше тој градежен бум во Кина мала ќе беше разликата меѓу нив денес во тој поглед.
Факт е дека е пустина, но, верувам ќе најдат начин и ќе „довлечкаат“ вода од некаде. Од три страни имаат вода, од запад им е Нил, и подобро да градат во пустина отколку на плодна земја, секако друга алтернатива тешко ќе најдат.
За сонцето може да постават оние чадори на јавно место, како што има во Мека, Саудиска Арабија. Ќе се снајдат, голема земја се, и редно време да се „разбудат“ на економски план.