Споменици и скулптури (општо)

Originally posted by kiriOK Originally posted by <Fresno> Не си прошетал низ западна Македонија (а и Скопје) изгледа. Споменици, гробници, мегазнамиња, мурали и што уште не, на секој чекор. И не треба да има „ние“ и „тие“. Едно е кога држава решила да гради нешто (меѓу другото и споменици на Албанци), друго е кога сецесионистички криминогени структури го прават тоа. Они градат претежно со нивни средства, а и се е тоа од поредок на макс пар стотини илјади евра. Додека она што ти го викаш 'државата реши да гради'' се споменици од десетици милиони евра, 10 метарски споменици, пиедестали, споменици на кружни текови, гигантски крстови до булевари...

И, што е проблемот? Избрана власт решила да ги постави тие споменици, после друга власт исто легитимно реши еден споменик да тргне и плус да им стави таблички на неколку.

Е сега тоа го споредуваш со вакви антидржавни, големоалбански, сепаратистички обележја и церемонии. Само напред.

Јас освен фрустрации тука од некои челнови не слушнав решение. Дечки, чаре? Еве јас дадов решение! Направетете од македонскиот народ долгогодишен верен западен пријател, олеснете му на западот во владеењето на Македонија. Тргнете го еднаш за стално ризикот Македонија повторно да падне во рацете на нереформирано путинистичко дпмне, бидете кооперативни во решавањето на регионалниоте спорови, наместо да потпалувате со иредентизам и уште повеќе национализам крадејќи туѓа историја. И тогаш резултатот ќе дојде сам по себе! Па и на Америка и е полесно да се договара со обрзовани Македонци него ли со милитантни албанци.

Ама такво максималистичко понашање како што ова сега се промовира и се очекува од 90% македонци, никогаш нема да помине! Ем да ни ги признаат сите лажги на сметка на соседите и конфликтите кои тие лажги ги произведуваат, ама ем да имаме 100% контрола со 70% население, и плус да гледаме накај исток. Епа неможе така! Јас објаснив како може! Кој му се слуша и разбира, бујрум нека проголта кнедлата и нека владее со Македонија! Кој не му се слуша нека се фрустрира и даље додека груби, ахмети и такви необразовани ликови владеат и се поверни западни пријатели од македонците.

Другаров збори ко да не се 6 години на власт, му смета Путинизам и нуди решение да нема опозиција
Прво сдсм нека се реформи да им објасне на испраните мозоци дека удбашкото ловење на вештерки во вмро е прав стализинизам па после проповедај западни вредности. Не би се препуцавал на партиска основа, ама се што е од странски капитал западен и инвестиции дојде во едно друго време, а тоа во пракса спроведување на вестернизација на Македонија. Овие денес што би рекол еден лик само паламудат за запад а во пракса ловат вештерки во опозиција и нудат вечна власт како решение ко Сталин да им е идол.

Чаре ако сакаш, врати се и види каков устав и каква држава граделе нашите дедовци после 1945 година, нешто што копитава избришаа, за паричка и власт. Сакаш, спас ондак, менувај власт на 4 години да нема време канцерот ДУИ да навлезе во сдс или вмро во 8 годишни мандати и да праи пепел.

“Олеснете му на западот во владеењето на Македонија“ - за ковид се најде вакцина, но за комплексот од ниска вредност на „Македонецот“, кога?

Применување западни вредности и начин на живеење во поднебје како нашево, врз овој народ и менталитет ќе резултира или со некаква негативна мутација или замирање на нацијата. Ние треба да пронајдеме свој пат и свој начин на модернизација.

Не би се сложил дека Косово е позади нас. А најголема причина зашто сите не претркаа е фактот што сите имаат приоритет за својата држава и народ додека ние дома се караме дали приоритет ни е државата, интеграциите, интересите на големите сили или некоја неолиберлана модернизација. А во такво распрдено село профитираат криминалците кои си работат на својата агенда (фрчат маркици, дозволи за казина, кладилници и тн.) и така се ствара една непонослива национлана култура на живеење или не живеење.

ДАНЕЛА АРСОВСКА ПОЧНА ПОСТАПКА ЗА ДА ГО ВРАТИ СПОМЕНИКОТ НА ЌОСЕТО ПРЕД СУДОВИТЕ

Градоначалничката Данела Арсовска почнува со постапка за да го врати споменикот на Андон Лазов-Ќосето пред комплексот судови во Скопје. Споменикот во февруари 2018 беше отстранет по налог на тогашниот градоначлник Петре Шилегов, бидејќи бил дивоградба. Шилегов тогаш кажа дека градежниот инспекторат на Општина Центар извршил увид на фактичката состојба и утврдил дека инвеститорот Град Скопје нема решение за поставување на овој споменик.

Сега, градоначалничката Арсовска повторно сака да го врати споменикот на контроверзниот Андон Лазов-Ќосето (1855-1953) со кама в рака, познат во историјата како ликвидатор на ВМРО, кој си го убил и брата си. Таа доставила барање до Општина Центар да се даде согласност за почнување постапка согласно која би почнала процедурата за враќање на споменикот на истата локација од која беше тргнат.

Арсовска неколку месеци по стапување на функцијата кажа дека ќе го враќа споменикот на Ќосето и дека со нејзиниот тим го барале, но не можеле да го најдат

Откако беше тргнат, споменикот беше однесен во магацин на „Металски завод-Тито“ во Скопје. На неговото место беше засадено дрво гинко, посветено на човековите права со изгравирана плочка донирана од збратимениот град Нирнберг, на која е испишан текстот од членот 10 од Декларацијата за човекови права на Обединетите нации. Тој член гласи: „Секој има потполно еднакво право на праведно и јавно судење пред независен и непристрасен суд, при одредувањето на неговите права и обврски и во услови на какво и да е кривично обвинение против него“.

Споменикот на Ќосето е еден од петте споменици кои се издигнаа рано утрото на 7 септември 2014 на различни локации во Скопје, а кои Град Скопје ги доби како донација од Здружението за духовно обединување на Сетинци, Попадинци и Крушоради од Лерин. Спомениците беа поставени во времето на градоначалникот Коце Трајановски.

https://sdk.mk/index.php/naslovna/arsovska-bara-opshtina-tsentar-da-dade-soglasnost-za-da-go-vrati-spomenikot-na-koseto-pred-sudovite/

СОВЕТНИЦИТЕ НА ЛЕВИЦА И ВМРО-ДПМНЕ БАРААТ СПОМЕНИКОТ НА ЌОСЕТО ДА СЕ ПОСТАВИ ВО ОПШТИНА АЕРОДРОМ, ЌЕ ПОДНЕСАТ ИНИЦИЈАТИВА ДО СОБРАНИЕТО

Советниците на Левица бараат споменикот на Андон Лазов-Ќосето со кама в рака да се постави во Општина Аеродром. На вчерашната седница на Советот на Општина Аеродром, од советниците на Левица беше поднесена Иницијатива за поставување на споменикот на револуционерот Андон Лазов-Ќосето на територијата на општината, поточно во паркот во Горно Лисиче. Ова нивно барање беше поддржано и од советниците на ВМРО-ДПМНЕ и иницијативата се прифати.

„Тој споменик без разлика која власт го поставила е платен со народните пари и не заслужува фаќа прашина во некое депо на Градот Скопје и да биде камен на сопнување и играње пинг понг помеѓу институциите за дневно политички поени“, стои во образложението на Левица.

Иако Левица барала Ќосето да се стави во Аеродром само со одлуката на Советот, од службите на Општината им било објаснето дека тоа не е можно туку треба согласност од Собранието. Како што објаснуваат од Општината за САКАКМДАКАЖАМ.МК, Советот сега иницијативата ќе ја достави до Собранието и за неа ќе траба да одлучуваат пратениците.

Постапка за враќање на Ќосето прва почна градоначалничката на Скопје Данела Арсовска. Таа пред еден месец достави барање до Општина Центар да се даде согласност за почнување постапка согласно која би почнала процедурата за враќање на Ќосето на истата локација од која беше тргнат.

Градоначалникот Горан Герасимовски ѝ одговори дека барањето го доставила на погрешна адреса, односно дека треба согласнот да добие од Собранието бидејќи согласно Законот за меморијалните споменици и спомен-обележја, надлежностите за подигнување на споменици се наоѓаат во Собранието, додека Општините можат да подигнуваат спомен-обележја само за личности и настани од локално значење.

„Ќосето нема никаква врска со Општина Центар ниту пак е лик од локално значење и оттаму ова прашање не може да се третира на општинско ниво“, стои во одговорот на Герасимовски до Арсовска.

Споменикот на контроверзниот Андон Лазов-Ќосето (1855-1953), беше поставен пред судовите во 2014, кога градоначалникот беше Коце Трајановски. Ќосето е еден од петте споменици кои Град Скопје ги доби како донација од Здружението за духовно обединување на Сетинци, Попадинци и Крушоради од Лерин.

Со доаѓањето на функција на ексградоначалникот Петре Шилегов споменикот беше отстранет оти било утврдено дека е дивоградба односно нема решение за негово поставување. Откако беше тргнат, споменикот беше однесен во магацин на „Металски завод-Тито“ во Скопје. На неговото место беше засадено дрво гинко, посветено на човековите права со изгравирана плочка донирана од збратимениот град Нирнберг, на која е испишан текстот од членот 10 од Декларацијата за човекови права на Обединетите нации. Тој член гласи: „Секој има потполно еднакво право на праведно и јавно судење пред независен и непристрасен суд, при одредувањето на неговите права и обврски и во услови на какво и да е кривично обвинение против него“.

https://sdk.mk/index.php/dopisna-mrezha/sovetnitsite-na-levitsa-i-vmro-dpmne-baraat-spomenikot-na-koseto-da-se-postavi-vo-opshtina-aerodrom-ke-podnesat-initsijativa-do-sobranieto/

Контролирај се малце што пишуваш. Кога веќе не ти ги тргаат овие навредливи постови, еве ти нешто за размислување.

Оттука, скоро еден месец по говорот на Колишевски на 9 јуни 1948 година, Андон Ќосето испрати поздравна телеграма до Лазар Колишевски:

„Јас како воен другар на Гоце Делчев и Јане Сандански го поздравувам Вашиот историски говор на Вториот конгрес на Народниот фронт, во којшто ние гледаме надеж дека наскоро ќе се исполнат идеалите на нашиот македонски народ, да живее - еднаш засекогаш, под еден покрив. Андон Ќосето“

Originally posted by <Fresno> Контролирај се малце што пишуваш. Кога веќе не ти ги тргаат овие навредливи постови, еве ти нешто за размислување. Оттука, скоро еден месец по говорот на Колишевски на 9 јуни 1948 година, Андон Ќосето испрати поздравна телеграма до Лазар Колишевски: „Јас како воен другар на Гоце Делчев и Јане Сандански го поздравувам Вашиот историски говор на Вториот конгрес на Народниот фронт, во којшто ние гледаме надеж дека наскоро ќе се исполнат идеалите на нашиот македонски народ, да живее - еднаш засекогаш, под еден покрив. Андон Ќосето“

Навредливо е тоа што не мал број на вмровци се преселиле во Бугарија и живееле таму до смртта? Не сфаќам зошто е толку навредлив фактот што многу луѓе се преселиле во Бугарија после 1945 оти се осеќале како Бугари. Со главата в песок испаѓаме поглупави од источните соседи кои исто така не сакаат да ја прифатат реалноста, ама изгледа не се само тие... Еден бонус - знаеш зошто Никола Карев и Димитар Влахов ги нема во химната (иако биле во оригиналната верзија на „Денес над Македонија“)?

Бидејќи темата е за споменици — народот еднаш треба да си расчисти со минатото за да сме начисто кому треба да подигнеме споменик, а кому не, ама очигледно е дека мнозинството не е подготвено за раскрстување со сенките на едно друго време.

Edited by гитардемон - 06-Apr-2023 at 15:58