Ново Лисиче

А уствари која е поентата да се гради населба позади водно од ранг на Ново Лисече кога веќе на неколку километри од центарот имаме бришани простори кои се створени за такви локации. Не викам дека не треба, но да биде кога ќе му дојде време. Населба не се прави поради скеч туку поради потреба. Пресудниот фактор е економичноста, а тука не е задоволена. Кога ќе биде рентабилно ќе се направи сигурно.

Многу политика, многу маалски муабети, ич аргументи. Ако не го запалеше Пиколомини Скопје сеа ќе беше поголемо од Лондон и поубаво од Лондон работава.

Истиве прикаски се вртат со децении наназад но никој не става прст на глава да помисли дали работите се навистина такви. Дали навистина постои некако фамозен закон за Љубљана или едноставно се работи за паметна децентрализирачка политика (и изразито висока свест за колективно добро и за квалитетен живот кај луѓето во Словенија). Дали се работи за некакви си 1.3 милијарди ЕУР или се работи за донации во материјали, инженерска експертиза итн со кои овој наш град е изграден после земјотресот. Дали се работи за УДБАшка конспирација која му дава предност на Нов Белград или Нов Загреб пред Скопје или за наша неспособност да реализираме правилно урбанистички планови и да правиме кардинални грешки во нашиот однос со околината во која живееме (нешто што BTW денес го потврдуваме како една наша висока специјалност). Дали се работи навистина за тонење на згради или е тоа маалски муабет. И доколку навистина има тонење на зградите дали се работи за грешки во инженерингот или навистина се соочуваме со изградба на "најтешкото земјиште на светот". Нешто што искрено е смешно да се каже во доба кога луѓе градат цели вештачки острови и градат структури кои се вон паметот на секакви локации.

Сума сумарум, форумов не ја носи ултимативната вистина за тоа "како треба да биде" но за 2 и кусур години колку што постои мислам дека се натрупа завидно количество на материјали и аргументи за барем сите да си го дигнеме резонирањето и критичката мисла на едно повисоко ниво. Би ти препорачал како имаш време и интерес да ги листаш нишкиве верувам дека ќе најдеш многу корисни информации.


Edited by pbanks - 04-Oct-2009 at 14:26

   

за да не бара душан по нишките еве една информација која оди во негов прилог http://www.build.com.mk/forum/forum_posts.asp?TID=114&PID=33705#33705 и јас се сложувам дека сме биле ограбени но тоа ти е кога делиш иста куќа со десет браќа, некој мора да се кити како главен заради преставителност, иста е ситуацијата и во МКД денес во однос на останатите градови, но со една разлика што тогаш не ограбиле од милостината која светот ја испратил за нашата мака... но ова не треба да ни биде денес оправдување за тоа што немаме ни усул ни осет околу оправање на ситуацијата...

малку офтопик, но кога веќе ја разврзавте, да ја надополнам дигресијата, што е до зградите во ново лисиче, да, таму луѓе навистина тонат неколку згради, втората од дуплексот сивиот дом друга на ќошот сега кај новата последна петка, трета е кај стадионче тоа комплексот, исто и новата кај детскиот парк спроти реонски... но за тоа никој не е крив, геолозите убаво сугерирале што и како е ситуацијата, но тогаш се затерал проектот за НЛ наволеј па и некои работи биле заборавени. колку што знам само овие згради што тоанат не се врзани со заедничките скривници помеѓу останатите згради кои формираат солидна мрежа во НЛ, може најуникатна во цела МКД од станбените населби, затоа и другите згради се стабилни а овие ги голта песокот доле, за сиви дом колку што се сеќавам пристап до скривница имаат во отворената шахта во паркчето.

во основа на овој план цело скопје е во аут посебно што е полно со подземни води кои не се резултат само на вардар туку и на остатоците од некогашното море на овие простори кое подоцна се задржува како катланосвко езеро а потоа и блато, кое денес е вештачки пресушено. а на најголем удар на овие подземни води се неврзани објекти кои се најкритични во карпош, кај скопјанка и кај ново лисиче... 2. http://www.build.com.mk/forum/forum_posts.asp?TID=562&PID=34129#34129 1. http://www.build.com.mk/forum/forum_posts.asp?TID=209&PID=34068#34068  

статистика тешко и дека ќе најдеш, но постоењето на подземни води во НЛ го потврдува стадиончето кое е на другиот крај од населбата, а сепак е преплавено, јасно ова е најдлабоко вкопан објект во НЛ но геолошките проби сигурно дале негативна оцена за евентуални подземни води... но вода е вода и таа нормално е да се движи, па денес ја имаш тука утре не, затоа и ваков калабалак од вториот линк погоре. 

а она за скривниците го извлекувам како дополнителен заклучок според фактот дека ова потонатите згради колку што знам се единечни со по еден влез и без пристап до централните скривници до кои се стигнува директно подрумски преку останатите згради т.е. врзани се во еден систем, а и може закачиле и некоја екстра водна жила, па и тоа да е основен фактор, но без поконкретни испитувања на овие претпоставки и ќе останеме. инаку факт е дека врзани ламели т.е. поголема зграда со неколку влеза 2 или 4 како што е во случајот со останатите непотонати згради во НЛ гарантира стабилност, ете и стадионче тоне но заради тоа платформата помеѓу ниските згради таму истите се ок, освен што плочниците им се испукани или скалите подраздвоени

Edited by Max - 04-Oct-2009 at 16:27

панкс тоа со коските на лсл е пуштање вода, додека она што велам јас дека некој од единечните згради во стариот дел на НЛ навистина тонат подржувајќи ја размислата на душан тоа е точно! впрочем за скривниците и статиката само претпоставувам на што може тоа тонење да се должи и зошто тоа не е случај со останатите згради кои сепак факт е дека се блокови и дека се меѓусебно изврзани, ова зборам за 3 до 9 катните згради во НЛ, додека кулите мислам дека немаат воопшто гајле иако се единечни... 

патем ова тонење не оди во метри туку во сантиметри и е забележливо само по поголеми испукувања на приземните скали од влезовите евентуално...

инаку мислам дека нелогично и неправилно се имаат префрлено ваквите јасни факти за зградите кои тонат во стариот дел со озборувањата за новите зградите во реонски центар т.е.новиот дел на НЛ, за тоа еве и еден демант од самите инвеститори, но и од општината, иако грчев алудира на тоа и дека можно е да постојат и заврзлами...

ЗГРАДИТЕ ВО НОВО ЛИСИЧЕ НЕМА ДА ПОТОНАТ Во населбата „Ново Лисиче” на булеварот „Видео Смилевски Бато” има околу 10 нови згради. Некои од нив се на четири ката, а некои на осум. Изградени се пред шест години, а некои од нив пред три. Зградата во која неодамна се всели министерката за внатрешни работи Гордана Јанкуловска, е изградена на стабилно тло, вели инжинерот Владо Трајановски, вработен во ТИМ инженеринг, една од фирмите кои ги граделе зградите. Зградата во која се вселила министерката е само една од комплексот згради кои се наоѓаат во Ново Лисиче и за кои неодамна во медиумите беше напишано дека тонат и дека не се безбедни. Владо Трајановски тоа го негира и вели дека ги направиле сите испитувања пред да ги градат зградите. - Извадивме 18 илјади кубика шут и потоа дупките ги пополнивме со песок. Потоа направивме статичка анализа за безбедноста на земјиштето, сеизмичка издржливост и еколошка одржливост на идните станбени градби. Испитувањата покажаа дека местото е адекватно и ги исполнува сите услови за изградба. Местото каде што се наоѓаат зградите порано било мочуриште. Во медиумите беше напишано дека пред да почне изградбата на станбените објекти дупките биле исполнети со шут, за да се израмни теренот и да може да почне изградбата. Поради тоа се појавија шпекулации дека земјата е многу мека, новите згради не се безбедни и можат да потонат. Од општина Аеродром велат пред издавање на одобрение се следат сите чекори предвидени со Законот за општа управна постапка и дека се почитува целата процедура за добивање дозвола за градење. -Општина Аеродром апелира да не се крева паника дека зградите во Ново Лисиче, односно реонскиот центар „Аеродром” тонат, бидејќи за тоа во Општината не постојат официјални информации од граѓаните, ниту пак има докази кои потврдуваат дека земјиштето на таа локација тоне - вели Димитар Крстевски, од одделот за односи со јавност. Жителите на Ново Лисиче велат дека тоа се само шпекулации и дека биле информирани само од весниците. - Да, имам прочитано за тоа, но тоа се само шпекулации, мислам дека некој сака само да профитира од тоа. Еве до мојата зграда моментално се гради нова, прашајте и ќе видите дека таков проблем нема.- вели Миле Јуруковски, еден од станарите. Живко Милчевски кој пред четири години се вселил во новоизградените згради вели дека најпрвин се информирал и се уверил дека зградите се стабилни па потоа се вселил. - Не верувам во такво нешто, мислам дека дупките ги пополнија со песок. Тоа се само празни муабети. Да не беа стабилни зградите, немаше министерката за внатрешни работи да се всели тука - вели Милчевски. До самите згради има и куќи. Постарите жители од куќите не веруваат дека може да се случи такво нешто, бидејќи теренот го испитувале веќе подолго време. -Точно е дека тука имаше мочуриште и децата порано фаќаа риби, но околу две години доаѓаа екипи кои го истражуваа и го чистеа теренот, па затоа мислам дека нема никаква опасност земјата да потоне - вели еден од жителите од соседните куќи. Според Законот за градење, барателот треба да приложи задолжителни прилози на проектна документација до изведувачот. Обврска на секој изведувач пред да почне со изградбата, е да ги провери сите геомеханични својства на земјиштето на кое се гради станбениот објект. Архитектот Мирослав Грчев вели дека составот и носивоста на земјиштето се испитува со посебни сонди, а се утврдува и дали има подземни води. Тој рече дека ако одговорите на овие барања ги нема во проектот тогаш станува збор за фалсификуван проект, кој се темели на претпоставени параметри. Стојан Митевски вели дека позади неговата зграда има дел во кој има вода и сеуште не е исчистен. -Прочитав за тој проблем, но не верувам дека може да се случи такво нешто, еве може и самите да видите дека во оваа населба сеуште се гради. Ќе видиме останува времето да покаже - вели Митевски. Филип Нацоски http://www.vs.edu.mk/attachments/344_Зградите%20во%20Ново%20Лисиче%20нема%20да%20потонат.doc

Edited by Max - 04-Oct-2009 at 16:46

@Макс не викам дека можеби не е така, нити повикувам да не дискутираме околу ова, но да не се сведе сепак се на нагодувања па и на изјави на жители (кои најчесто се исто така маалски експерти и лупаат на памет).

Значи целта на статиката е да донесе конструктивна стабилност каде сите товари (статички и динамички, хоризонтални и вертикални) ги држи во еден баланс. Изборот на конструктивни елементи, споевите меѓу нив, димензионирањето на истите доаѓаат како резултат на овие статички пресметки. Секако во предвид се зима и интегритетот на подлогата, водите итн. Целата комбинаторика е далеку покомплексна од тоа дали зградите се поврзани меѓу себе со заеднички скривници.

Еве еден прост пример каде медо, како стручњак на ова поле детектира проблем на место каде што повеќето од нас не би ни ни помислиле дека би можело/требало да има проблем. (од нишката за МИДА)

Originally posted by medo Сликано на 14.9.2009. Сакам да истакнам еден проблем за кој се надевам дека проектантот на објектов обрнал внимание, а ревидентот го верификувал решението. Се работи за столбовите кои се гледаат на сликава, а го обиколуваат постоечкиот објект. Тие се слободни, не се поврзани со никакви греди меѓусебе (ако не ме лаже видот). Ваквите столбови, со оваа височина (некаде над 10 m), се особени чувствителни на извивање. Се надевам дека во проектот тие се анализирани и димензионирани на извивање. Во спротивно може да видиме како по одредено време од изградба на објектот ќе се извијат како што се витка свеќа при покачена температура.

Зборуваме за прилично прост конструктивен систем во примеров погоре, замисли колку покомплексен е еден станбен блок во НЛ исповрзан со големо подземје одоздола.

Значи не викам дека не треба да се дискутира за ова, ниту пак дека тврдењава од погоре не се точни. Интересно би било доколку се точни да дознаеме што поточно се случува и каде е направен превидот.

Сепак не гледам ништо спектакуларно во тоа дека наслебата се наоѓа на песочно тло или врз подземни води. Како што реков на планетава има такви грандиозни градежни примери градени во услови многу потешки од оние што ги нуди теренот во НЛ да тој дел од дискусијата би бил дури и безпредметен.


Edited by pbanks - 04-Oct-2009 at 17:16

Јас прашањево го поставив воден од една слична ситуација кај мене во близина што ја имаше. Во близина на фабриката за цемент Усје има едно маало со куќи. И тука жителите имаа долгогодишен проблем со едно мочуриште. Потрупувано, па каналчиња, свашта, па и подругми ваљда им се полнеле и знам дека сега прен некое време скоро е решен проблемот од кога е изградена атмосферската канализација што ја пуштаа прошлата недела. А за водата се сборешен дека порано имало некое мочуриште, па нешто наводно имало некои езера кај Усје порано (не овие сега што се) и слични муабети. Така да сигурно постои начин и за НЛ да се реши проблемот.

Градечниот шут не само што не е лошо решение, туку е може би и најдоброто решение за атрупување вакви мочуришта. Се работи за барут сува материја што може доста да упие, а и после тоа нема голем период на стабилизација што апсолутно го прави погоден и да се гради врз него.

Дека има подземни води има да ја напоиш цела Африка. Не знам дали сте биле порано уште пред да се направи игралиштето кај сивите кули??? Тука порано беше мочуриште и тоа големо. Ај ќе ставам слика на фото букет кје ви покажам. А зошо толку мочуришта има се должи на фактот што порнао овој дел се користел за ископување песок у време на ЈНА. И не сум Душан, Душко сум

http://s822.photobucket.com/albums/zz145/Dule_04/?action=edit&current=n1364110756_107919_4065.jpg