Општинската комисијата за избор на најдобро идејно решение за спомен-обележје на револуционерот Јане Сандански, кој треба да се подигне на територијата на Аеродром, ги избра петте најдобри трудови, од вкупно шеснаесет, колку пристигнаа на конкурсот. Првата награда, во износ од 300.000 денари му припадна на авторот Гоце Давидов, втората награда од 150.000 денари на Богоја Анѓелоски, а авторот Слободан Милошески, пак, ја освои третата награда, која изнесува 100.000 денари. - Покрај наградените, жирито избра и откупи уште две идејни решенија, по 50.000 денари, велат од Одделението за односи со јавност на Општина Аеродром. Парите за најуспешните трудови се обезбедени од страна на Општина Аеродром, а изградбата на споменикот ќе се реализира во соработка со Владата. Изградбата на овој споменик е дел од предлог-програмата за одбележување значајни настани и истакнати личности на подрачјето на Аеродром. - Коњаничката скулптура на Јане Сандански ќе се постави на локација што ќе ја утврди тим од стручни и компетентни лица. Споменикот ќе достигне максимална височина до 8,5 метри, поточно до 3,5 метри ќе изнесува постаментот, додека скулптурата на Сандански качен на коњ ќе изнесува до 5 метри - додаваат од Аеродром. Конкурсот за изработка на идејно решение за подигнување спомен-обележје на Јане Сандански и партерно уредување на околината беше јавен и анонимен, а право на учество имаа сите заинтересирани домашни и странски, физички и правни лица.

http://www.vreme.com.mk/DesktopDefault.aspx?tabindex=0&tabid=1&ArticleID=128432&EditionID=1886

ВЕСТ ОТКРИВА колку се ХОНОРАРИТЕ НА ОДБОРОТ ЗА ИЗБОР НА СПОМЕНИЦИ ВО ОПШТИНА ЦЕНТАР

Деветмина поделија 40.000 евра

Членовите на Одборот за споменици во Општина Центар во времето на градоначалничката Виолета Аларова се речиси истите за сите спомен - обележја. Тие земале надомест за нивната работа во Одборот, а за работата околу спомениците хонорирана била и секретарката на Одборот, вработена во Општината. Според документите на Општина Центар, потпишани од градоначалничката Аларова, во Одборот за споменици биле Димитар Богески, претседател, и членовите Зоран Тодоровски, директор на Архивот на Македонија, Паско Кузман, директор на Управата за заштита на културното наследство, Гоце Наневски, скулптор, Васил Василев, скулптор, Гоце Грујоски, раководител на одделението за нормативно-правни работи на Општина Центар, Владо Петровски, раководител на сектор за правни и организациони работи на Општина Центар, Соња Шумкова, раководител на сектор за урбанизам, комунални работи и заштита на животната средина на Општина Центар, Никола Георгиевски, член на Совет на Општина Центар, и секретарката Верка Индовска. За еден споменик, во Одборот, наместо Никола Георгиевски и Васил Василев, во документите од Општината е наведено името на скулпторот Илија Аџиевски.

За некои споменици двапати се земал хонорар

Во документите од Општина Центар за оваа група споменици и спомен -обележја е наведено дека на членовите на Одборот за неколку споменици двапати им е исплатен хонорар. За спомен-обележјето на АСНОМ има две решенија, потпишани од Аларова, за одредување на висината на надомест за работата на членовите на Одборот. Првото решение е од 28.11 2008 година во износ од по 12. 000 денари, а второто од 28.012009 година со износ од по 20.000 денари.
За спомен-обележјето на цар Јустинијан Први, првото решение за хонорирање на Одборот е од 12 август, а второто од 7 ноември мината година. Истиот принцип е применет и во исплатата на надоместокот за работата на членовите на Одборот и по конкурсот за идеен проект за спомен-обележја на Гоце Делчев и Даме Груев, како и на Никола Карев. Сумите се исплаќани на почетокот и на крајот на минатата година.

За авторите околу 100.000 евра

Во документите на Општина Центар каде што решенијата за сумите на хонорари ги потпишувала градоначалничката Виолета Аларова, а одлуките претседателот на Одборот Димитар Богески, наведени се и сумите кои се предвидени за награди, како и имињата на наградените автори, потоа сумите и имињата на уметниците чии дела се откупени, а постапката предвидува и фонд за обесштетување на сите уметници што конкурирале на секој од конкурсите.

Св. Климент и Наум Охридски

Втора награда 250.000 денари
Трета награда 150.000 денари
Откупна награда е доделена една, во износ од 60.000 денари
Обесштетување од по 10.000 денари добиле 8 уметници што конкурирале, а не се наградени

Македонскиот ајдутски водач Карпош

Прва награда 400.000 денари
Втора награда 250.000 денари
Трета награда 150.000 денари
Две откупни награди од по 60.000 денари
Обесштетени со по 10.000 денари се 9 автори

Цар Јустинијан Први

Прва награда 200.000 денари
Втора награда 100.000 денари
Трета награда 50.000 денари
Откупна награда 50.000
Обесштетувањето е по 7.000 денари