Враќање на коцката на Плоштад Македонија

Коцката на плоштад по споменикот на Александар

Сашка Цветковска	Коментари (1)

Коце Трајановски

Ќе се враќа коцката на плоштадот, но предност ќе има Александар Македонски. Градоначалникот на Скопје Коце Трајановски вели дека прво ќе се местела фонтаната и споменикот на Александар, а дури потоа калдрмата на плоштадот.

„Плоштадот и така и така ќе се раскопува, значи враќањето на коцката нема да биде веднаш туку откако ќе завршат сите предвидени работи на плоштадот, како што е фонтаната, споменикот“, изјави Коце Трајановски, градоначалник на Скопје.

Иако не сакаше да каже кога ќе се мести споменикот, најави дека за коцката малку ќе се почека. Можеби и две години. Но сепак, од идејата не се откажувал.

На оваа замисла на градоначалникот реагираа граѓаните кои иако со симпатии зборуваа за некогашниот изглед на плоштадот, во голем дел сметаат дека не е време за нови трошоци.

Не остана должна ниту опозицијата.

„Во предизборната кампања имаше една идеја со часовникот на Старата железничка станица којшто требаше да пее по една народна песна на секој саат, така што со секоја наредна идеја на Владата на Груевски и на градоначалникот на Скопје, се понови и понови бисери ќе ни понудуваат“, вели Томе Чинговски, СДСМ.

Градоначалникот Трајановски идејата за враќање на коцката ја добил шетајќи по европските метрополи. Конкретна инспирација му бил Париз.

Коцката на скопскиот плоштад во 2003 ја извади тогашниот градоначалник Ристо Пенов и ја замени со гранитни плочи поради тоа што била оштетена, но и тешка за одржување.

Потфатот на Пенов чинеше околу три милиони евра. Трајановски допрва ќе ја разработува идејата, но тврди дека немало да чини многу зашто ќе ја ставал старата коцка.

кога сме веќе кај копањето, да почнеа со тунелот барем нема за што да жалиме, ама...

лсл а што е клоака максима