Мал Ринг

Го немав приметено она што го посочи G.I.Joe - дека маркичката за мостот на цвеќето е поместена:

http://www.build.com.mk/forum/forum_posts.asp?TID=362&PID=49204#49204

Навистина е тешко да се забележат сите дебилности во целава оваа поплава од ненормални работи во Малиот Ринг...

Не треба нешто многу да се анализира за да се сфати колку е дебилно и ова што се направи со пешачките мостови.
Пред да се почне со глупостите, помеѓу Камени и мостот кај Холидеј Ин (не знам како се вика) беше зацртан еден пешачки мост - сосема доволно. Тоа беше „оргиналниот“ Мост на Цвеќето, сместен идеално на средина помеѓу спомнатите мостови и поставен на логична пешачка оска. Од десната страна на Вардар се надоврзуваше на пролазот од средината на ГТЦ, а на левата страна ги поврзуваше најотсечените објекти (МОБ и блокот кај Комерцијална банка) и се надоврзуваше на комуникацијата кон факултетот за музичка уметност и идната филхармонија.

А сега имаат вцртано два моста (едниот веќе се гради), кои двата заедно нема да бидат корисни колку оргиналниот мост на цвеќето 
Мостот око е преблиску до Камени Мост не само естетски туку и во поглед на потребата. Кога на тоа ќе се додаде дека на десната страна на Вардар мостот Око не се надоврзува на некоја пешачка оска, а на левата страна завршува баш како слепо црево во објектот за уставниот суд, приказната е јасна.
Не толку катастрофална, но сепак прилично лоша е ситуацијата и со „новиот“ Мост на Цвеќето. Со поместувањето е создадена „дупка“ токму на сегментот каде што мост е најпотребен. Дополнително, мостот се надоврзува на пешачка комуникација која е послаба и понеатрактивна од оргиналната, а како капак, новата кружна маркица ја имаат зацртано челно, токму на самиот излез од мостот на левата страна на Вардар.

Браво господа „планери“, на ваше конто оди уште еден урбанистички бисер во малиот ринг... 

Со зелена боја е вцртан оргиналниот Мост на Цвеќето кој веќе не фигурира во планот. Со црвена боја се вцртани новиот Мост на Цвеќето (десно), мостот Око (лево), како и нововцртаните маркички за згради.





Edited by Cloverstack - 29-Jan-2010 at 00:02

ИЗМЕНИ НА ДУП „МАЛ РИНГ“ Кејот ќе се закити со столбови Уште една зграда за државни институции е сместена на просторот меѓу Уставниот суд и планираните отворен амфитеатар и кружна зграда за Јавното обвинителство на кејот на Вардар, покажуваат новите измени на деталниот план „Мал ринг“. Новиот државен објект ќе биде на површина од 387 квадратни метри, со приземје, седум ката и поткровје и ќе треба да обезбеди 87 места за паркирање. Планот, кој вчера имаше јавна презентација, содржи и две нови маркички со намена „култура“, за кои подготвувачите од планерската куќа „Инпума“ не знаеја точно да прецизираат дали се објекти или скулптури. - Зад амфитеатарот на просторот кај МОБ има колонада од столбови поврзани во венец. Толку ми е кажано, повеќе не знам - вели презентерката на планот Силвана Вановска. Колонадата ќе биде висока осум метри. Новина е уште еден објект, кој, според маркичката, повеќе личи на скулптура, а во „Инпума“ велат дека е декоративен објект, сместен на зеленилото пред зградата на „Македонски телеком“, во близина на местото каде што треба да се гради комплексот од хотел и градска куќа. Според планерката Вановска, планот во 90 проценти нема никакви измени, а повторно е ставен на јавна презентација за да се усогласи со новите законски прописи. „Мал ринг“ и овојпат ќе се носи како приоритетен по програмата од Владата, односно ќе ја помине само фазата на предлог-план. http://vreme.com.mk/DesktopDefault.aspx?tabindex=1&tabid=1&EditionID=1901&ArticleID=129891

добро како да се дојде до деталниот план ? нели е изложен негде? да видиме како би изгледал тој зид од бурлески

Дечки успеав да дознаам кај го кријат, изложен е во Урбана Заедница Мирче Ацев:

41°59'51.78"N  21°25'44.43"E

Не вреди да се коментира нивното однесување... А веќе не вреди да се коментираат ни измените во планот. Накратко, би го издвоил спомнатиот новозацртан објект помеѓу уставниот суд и амфитеатарот. Точна била информацијата, пациентиве таму збутале нова маркица - 7.13
Она 7.14 ваљда им е „колонадата“ од столбови.
Би ви обратил внимание уште на Булеварите 11 Октомври и Димитрија Чуповски. Пак е нејасно што сакаат и што им се сонило, ама е различно од тоа што беше зацртано во претходната верзија... можеби пак се предомислиле нешто. Битно триумфалната капија кај „Пела“ е константа и е оставена да виси над влезот во тунелот.

За оваа помија од урбанистички план не сакам да трошам повеќе зборови.

Можете да кликнете на сликите за да ги видите во поголема резолуција. Ако некого го интересира некој детал што не се познава нека каже, ќе пуштам извадок во уште поголема резолуција.

1


2


3



Edited by Cloverstack - 31-Dec-2009 at 01:26

Не прави логика таа математика, ама како и да е, не една празна ливада сме посрале. Ене и на Плоштад Македонија од едната страна е празна ливада па еве што осмислија:
http://www.build.com.mk/forum/forum_posts.asp?TID=607&PID=50273#50273


Така да суштинскиот проблем лежи на сосема друго место... а овие новиве објекти што се предвидуваат се далеку „понеподобни“ од старите „неподобни“ кои ете морало да се „скријат“.


Edited by Cloverstack - 31-Dec-2009 at 02:17

Мене уште не ми се верува дека има катна гаража залепена до Холидеј Ин, и дека сеуште стои нацртана таму. А и гаражата на платото пред Пошта е утка.

А пешачкиве мостови -машала! три комада, сите пошироки од камени мост... Среќа имаме многу туристи па мостовиве нема да останат неискористени.

Originally posted by mitatos A ova markickata so br. 6.7 pisuva deka e predviden parking, znam deka tuka ima eden mal parking, ali ne se sovpaga so tocnata lokacija od ova sto se gleda, mozebi i tuka ke izbubvne nesto.

6.7 е маркичка за предвидена катна гаража со висина од 21 метар

Веднаш до оваа зграда (од десна страна гледано од кај ГТЦ), ќе се градат неколку нови објекти според измените во Малиот ринг. Подолу ја имате веста за тоа...

Мене ми личи дека сепак, како што и велев, кејот ќе добие еден сосема друг лик и една логична целина со објекти со сличен стил. МНТ, една од најодвратните градби на сите времиња, ќе биде сосема затворена и нема да се гледа.

И ѕид од столбови ќе се гради на кејот

На Кејот на реката Вардар, во делот пред Македонската опера и балет (МОБ) ќе се гради полукружен ѕид од столбови, високи по осум метри, а до него нова зграда за државни институции. Ова се најновите измени и дополнувања на детаљниот урбанистички план за Малиот ринг, односно за строгиот центар на градот, што ги донесе Општина Центар. Планот е на јавна анкета, а потоа треба да биде усвоен од Советот на Општината.

Планерите од проектанската куќа „Инпума“ велат дека овие измени во планот ги вметнале на барање на Општината Центар и додаваат дека тие се совпаѓаат со решенијата во Генералниот урбанистички план. Силвана Вановска, која е еден од потписниците на планот, не сакаше многу да објаснува за новите решенија. Само рече дека двете нови маркички се со намена за култура, а тие иако го подготвувале планот не знаеја што точно ќе претставуваат и каква ќе им биде намената.

- На просторот пред Македонската опера и балет беше предвиден амфитеатар, а зад него со последните измени предвидовме една колонада од столбови, поврзани во венец. Овие столбови ќе бидат високи околу осум метри, а нивната должина може да се прочита во техничките услови. Знам дека не станува збор за објект, а како ќе се поставуваат и што ќе претставуваат тие столбови не знам - изјави Вановска.

Ниту од Општина Центар не беа расположени да ги објаснат новите урбанистички решенија и намената на ѕидот од столбови.

- Со оглед дека се' уште не е завршена постапката, не сме во можност да ви дадеме прецизен одговор. Ќе одговориме прецизно кога планот ќе биде донесен и дефиниран со одлука на Советот - велат од Општината.

Во последните две години планот за Малиот ринг претрпе пет до шест измени и дополнувања. Една по една беа вцртувани маркички за споменици, фонтани, за објекти на државни институции и нови мостови.

Со најновите измени, веднаш до Уставниот суд ќе се гради нова зграда за државни институции, најверојатно за Кривичниот суд. Овој објект ќе биде граден на површина од 387 квадратни метри, ќе има приземје и седум ката со потпокрив и 87 места за паркирање. Нејасно е како планерите успеаја буквално да го напикаат овој објект веднаш до Уставниот суд, затоа што таму реално нема место, односно новата зграда дефинитивно ќе го задуши просторот.

Со последниве измени во планот, односно со изградбата на зградата за Кривичен суд и ѕидот од столбови буквално ќе бидат покриени објектите на МОБ и на банките што се наоѓаат во тој дел. Дел од архитектите предупредуваа дека местоположбата на новите објекти не ги исполнува основите градежни правила и дека се наоѓаат преблиску до реката.

Според Вановска, во планот нема никакви други поголеми измени, а тој е ставен на јавна презентација за да се усогласи со новите законски прописи. Планот за Мал ринг и овој пат ќе се носи како приоритетен план од програмата на Владата, односно ќе ја помине само фазата на предлог-план.

Марија Тасев

http://www.dnevnik.com.mk/default.asp?ItemID=136F0A762C1B0B44B44C62ABED53D9B5


Edited by Cloverstack - 08-Jan-2010 at 01:37

Originally posted by lslcrew Сепак се оформи ѕид од објекти што треба да го прикријат тој дел од мал ринг. Може би исто ќе кошташе, ако не и поефтино, да се експропреираат "неподобните" згради и да се срушат одколку со истите средства да се гради завесата.Барем така "целта" ќе беше постигната, а ќе добиевме празна ливада што ќе можеме од темел да ја осмислуваме. А подобро празна ливада одколку ова што малку потсеќа на задња фиока од биро каде што све е така на куп.

Па еден ден може и ќе го направат тоа.....нив очигледно планот им е да се гради што повеќе без да се обрне внимание на постоечките објекти, што може да значи дека може да се очекува некое рушење на дел од нив во иднина.

Originally posted by krale Него, знае ли некој што ќе биде со паркинг овде? Се градат три (поточно сосе музејот на холокаустот 4) јавни институции, а веќе сега паркингот е преполн (со тоа што Уставниот одзема еден дел од сегашниот паркинг).

Денес го дознав и одговорот... превземено од ВЕСТ


ЗА ДА СЕ РЕ­ШИ ХА­О­СОТ СО ПАР­КИ­РА­ЊЕ­ТО

Ќе се гра­дат др­жав­ни кат­ни га­ра­жи

ЈП "Град­ски пар­кинг" нај­а­ву­ва де­ка кат­на га­ра­жа ќе гра­ди на бу­ле­ва­рот Го­це Дел­чев, вед­наш до Ме­мо­ри­јал­ни­от цен­тар на жрт­ви­те на хо­ло­ка­ус­тот, а ЈПССДП е за­ин­те­ре­си­ра­но за прос­то­рот кај згра­да­та на Ло­та­ри­ја на Ма­ке­до­ни­ја и кај МЕП­СО

Во Скоп­је ќе се гра­дат др­жав­ни кат­ни га­ра­жи. Со ре­а­ли­за­ци­ја на про­ек­тот пр­ви ќе поч­нат град­ски­те влас­ти, од­нос­но ЈП "Град­ски пар­кинг", кое ќе гра­ди кат­на га­ра­жа на бу­ле­ва­рот Го­це Дел­чев, вед­наш до Ме­мо­ри­јал­ни­от цен­тар на жрт­ви­те на хо­ло­ка­ус­тот. Ова зем­јиш­те е во др­жав­на сопс­тве­ност и во мо­мен­тов се во­дат пре­го­во­ри Јав­но­то прет­при­ја­тие да го до­бие прос­то­рот, без да го от­ку­пу­ва или да учес­тву­ва на јав­ни ли­ци­та­ции.
"До­се­га зем­јиш­та­та на кои се пред­ви­ду­ва из­град­ба на кат­ни га­ра­жи се да­ваа на ли­ци­та­ции и ги до­би­ваа при­ват­ни фир­ми. На по­ве­ќе­то ло­ка­ции, на­мес­то кат­ни га­ра­жи, ник­наа де­лов­ни об­јек­ти. Ние не­ма­ме фи­нан­си­ска моќ да се нат­пре­ва­ру­ва­ме со при­ват­ни фир­ми на ли­ци­та­ции. За­тоа по­ба­рав­ме од Ми­нис­терс­тво­то за тран­спорт и вр­ски да ни би­де от­ста­пе­но зем­јиш­те­то, и да нап­ра­ви­ме вис­тин­ска кат­на га­ра­жа", ве­лат од ЈП "Град­ски пар­кинг".
Од та­му об­јас­ну­ва­ат де­ка со гра­деж­ни­те ра­бо­ти ќе поч­нат нап­ро­лет, а кат­на­та га­ра­жа ќе би­де од зат­во­рен тип и на шест ни­воа. Ве­лат де­ка има­ат сред­ства за неј­зи­на из­град­ба, а до­кол­ку ин­вес­ти­ци­ја­та ги чи­ни по­ве­ќе од пред­ви­де­но­то, ќе зе­мат кре­дит.
"На овој прос­тор под ит­но е пот­реб­но да се нап­ра­ви кат­на га­ра­жа би­деј­ќи нас­ко­ро ќе би­дат го­то­ви но­ви­от те­а­тар и згра­да­та на Ус­тав­ни­от суд, Др­жав­ни­от ар­хив и Ар­хе­о­лош­ки­от му­зеј. Ако не се нап­ра­ви кат­на га­ра­жа, не­ма да има мес­то ка­де да се пар­ки­ра­ат вра­бо­те­ни­те во овие ин­сти­ту­ции и гра­ѓа­ни­те што ќе го по­се­ту­ва­ат те­а­та­рот", до­да­ва­ат од "Град­ски пар­кинг".
Пок­рај ЈП "Град­ски пар­кинг", за­ин­те­ре­си­ра­ни за до­би­ва­ње гра­деж­но зем­јиш­те за из­град­ба на кат­ни га­ра­жи е и Јав­но­то прет­при­ја­тие за сто­па­ни­су­ва­ње со стан­бен и де­ло­вен прос­тор. Тие не­о­фи­ци­јал­но ги по­ба­ра­ле од Ми­нис­терс­тво­то за тран­спорт и вр­ски ло­ка­ци­и­те кај МЕП­СО и кај Ло­та­ри­ја на Ма­ке­до­ни­ја.
Од Ми­нис­терс­тво­то за тран­спорт и вр­ски ве­лат де­ка нај­важ­но им би­ло во Скоп­је да се из­гра­дат пред­ви­де­ни­те кат­ни га­ра­жи и за­тоа од­лу­чи­ле гра­деж­но­то зем­јиш­те да го да­ва­ат под за­куп. (А.А.)

http://www.vest.com.mk/?ItemID=290E83B53BA7EB42BD74BA8E8E1A194F


Edited by Cloverstack - 08-Jan-2010 at 01:38