Originally posted by Max може налетал на некој упатен хаусмајстор, па го прошетал малку појќе пешки а скајбој за сцена како од тоа фотките погоре малку ќе причекаме, ние за археологија немаме вакви поставки, та за зоологија, но се во свое време, не е лошо да му го отстапат како содржина во склоп со детско кино на некој приватник а тој за сметка на тоа да да го направи профи, или пак некој да запне да направи притисок до институциите бар да го закрпат музејот како што треба, доволно е квалитетно осветлување и по некоја рака од молер или тапетар та местото да светне ко што треба!

 

Студенти проектираат аквариум и терариум за ЗОО

 

Објектот во кој порано беа сместени змиите и дивите мачки ќе се реконструира и во него ќе се изградат аквариум, терариум и кафуле

Студенти од трета година на Факултетот за архитектура и дизајн при Американскиот колеџ ќе и' донираат на Зоолошката градина проект за реконструкција на старото живеалиште на дивите ѕверови, во кое ќе се изградат терариум, аквариум и кафуле. Овој проект, како што објасни архитект Ивана Костовска, која е надворешен соработник во Зоолошката градина, ќе се вметне во редовна студентска програма на студентите и ќе биде признаен како нивен завршен испит.

Од денеска во едукативниот центар во Зоолошката градина ќе почне работилница која ќе трае до крајот на неделата, во чии рамки ќе се изработува проектот.

Според студентката Катерина Цветковска, при реконструкцијата на живеалиштето на дивите ѕверови ќе се внимава да се задржи дел од постојната архитектура и ќе се внесат нови елементи кои ќе го направат помодерно и поприродно.

- Нашата примарна цел е да се среди живеалиштето екстериерно и ентерирено. Секундарна задача ќе ни биде тоа да изгледа убаво и природно - вели Цветковска.

На проектирањето на аквариумот работи студентот Кристијан Јорданов. Тој објаснува дека аквариумот ќе биде полуспоен со живеалиштето на дивите мачки, во вид на подводен тунел за да може посетителите да се чувствуваат како да се во некој подводен свет. Ќе има слатководен и морски аквариум.

Директорот на Зоолошката градина, Дане Кузмановски, истакна дека почнуваат со ваков начин на изработка на проектите за живеалиштата бидејќи досегашната практика се покажала неуспешна.

- Досега проектите ги правеле лица што не го познаваат животот во Градината, без да имаат контакт со животни и без консултација со наши претставници. Со сегашниот начин на изработка, кога ќе може на лице место да се утврдат потребите на животните, проектите ќе бидат пофункционални - рече Кузмановски.

По изработката на проектот ќе се направат пресметки колку пари ќе чини изведбата, а парите ќе се собираат со донации.

- Проектот ќе се направи во 3Д-анимација, па студентите ќе го презентираат пред потенцијалните донатори, а потоа ќе се организира и аукција на која ќе се прибираат средства. Ќе побараме помош и од Градот и од Владата - рече Кузмановски.

Проектот на старото живеалиште е од архитектот Трајко Димитров, изработен во 1962 година, а живеалиштето е изградено во 70-тите. Ова живеалиште пред три месеци е затворено, а животните од него се префрлени во новите живеалишта.

Зоолошката комплетно ќе светне

На 29 јуни ќе се отворат тендерите за реализација на два проекта - комплетна промена на електрична инсталација во Зоолошката градина и изградба на живеалишта за морските лавови и фламинго.

Во рамките на проектот за електричната инсталација, која не е менувана 30 години, ќе бидат поставени и канделабри по патеките во Градината, како и комплетен видеонадзор. За живеалишта на морските лавови и на фламинго ќе се искористи поранешното живеалиште на поларната мечка, како и на морскиот лав. Директорот Дане Кузамановски неофицијално најави дека загрепската Зоолошката градина ветила дека ќе ни донира морски лавови.

Мини-хиподром во Зоолошка На патеката, која ќе биде кружна и ќе се наоѓа лево од влезот во Градината, ќе шетаат две до три пони коњчиња кои ако се јавнат, ќе треба да се доплаќа Се гради мини-хиподром во Зоолошката градина во Скопје. Деновиве се трасира патеката која ќе биде кружна и ќе се наоѓа лево од влезот во градината. На неа ќе шетаат две до три пони коњчиња и секој што ќе сака да се качи на нив, ќе треба да доплати неколку денари, оти услугата нема да биде вклучена во цената на влезницата. Плус пари ќе чини и една фотографија на коњчето. "За еден месец ќе го изградиме хиподромот за посетителите во Зоолошката. Тоа е нова содржина која ќе ја разубави Градината и ќе биде посебно интересна за децата", најави директорот на Зоо Дане Кузмановски. Освен хиподром, во Зоолошката, истовремено, се уредува и игротеката која се наоѓа спроти него, а наскоро се очекува и да се постави шанк за освежување на гостите со кафе, чај и со пица. Покрај нови содржини, во Скопската гтрадина викендов се очекува да пристигнат и нови животни. Се работи за пар зебри и триесет птици кои директорот, како замена за два белоглави орла од кај нас, ќе ги земе од Зоолошката градина од Белград. Според првичните најави, птиците се очекува да пристигнат утре, но поради процедури при транспорт, не е исклучена можноста да дојдат в сабота. http://vest.com.mk/?ItemID=ECDF9B52EDD59B4B9817CFDBF5192C08

Навистина е добро што се прават напори за нашата зоолошка градина,за разлика од тоа што било и тоа што сега се  прави во нашата зоолошка е позитивно но тоа што се вели дека ке биде една од најубавите во балканот тешко...  јас истражував низ интернет ја разгледав зоолошката во софија која не е далеку подобра од нашата , но зоолошката градина  во белград ( http://www.beozoovrt.izlog.org ) која навистина е многу понапредна , подобра од нашата е дури и зоолошката градина од Јагодина http://www.zoovrtjagodina.rs/ , белградската е навистина топ само што нема доволно простор ,и тука ние можеме да искористиме за да прескокнеме еден чекор понапред од белградската..
Во балканот нашата зоолошка градина  ја би рекол дека е подобра од таа во Софија,Тирана ( ако воопшто има и Косово) .
Далеку сме од Грција, Србија ,Црна Гора ,Хрватска, Словенија.

Работата што може да ја развие нашата Зоолошка градина е во неколку главни точки.
Ке набројам неколку:
1.Треба да се доизградат нови живеалишта кои како што знаеме се во тек на градење,изработка итн.
2.Рекреација, во некои зоолошки градини на пример во Белград приметив дека има еден мал амфитеатар каде се одржуваат разни манифестации културни,едукативни,и др емисии снимени во градината, успеав да видам и некои манифестации за деца ,, трки за деца,, кои се одржува годишно ,и неколку манифестации од Џудо и Карате , значи треба неколку манифестации да се одржуваат во годишно ниво за да лугето навикнат на тие, и во тој период да не се остави во заборав градината.
3.Успеав да видам во неколку градини дека во внатрешноста постои Кафич ,Ресторан за ( прославување на родендени и др манифестации ) ,Фастфуд, Хотел , Сувенирница ,Бутик , според мене паметна идеја за да може градината со тие пари да се финансира  и да не дојдеме пак до едно такво исто ниво во кое до сега бевме.
4.Сите главни фаци што присуствувале во градината на белград беа до детал пренесени ,секое ново животно во градината , секое новороденче е објавено за да лугето покажат поголем интерес за градината ,за разлика од кај нас ни сајтот нивен не е така добро одржуван ,повеке ние збориме за градината од колку они за самите себе.

5.Ветеринарна станица: која кај нас требаше тоа на прво место да се изгради а не после сите тие живеалишта, во другите градови постојат специјализирани луге ,што навистина умеат со животните, се надевам дека и кај нас ке најдат такви луге кои навистина имаат голема лубов кон животните.
6.Кај нас почна да се промовираат разни производи во самиот влез на градината ,тоа е позитивно ,но треба многу поголема рекреација, добра е идејата за пони коњите за јавање ,но сепак треба повеке напор.
7.Навистина тие малите базени и езерца треба да се возобноват и таа водата да се исфилтрира навистина грдо изгледа калива вода со никаква боја.
8.За чистотата имаме зборувано и за бекатон плочките .
9.Навистина фали служба која ке се грижи за посетителите ,иако мислам дека некои живеалиштата се супер изградени што лугето не ни можат да дојдат во допир со животните.

За сега толку но да не се сфатиме погрешно ,јас сакам нашата зоолошка градина да биде една од најубавите затоа ги дадов овие идеи и примери.

Во врска со бекатон плочките мммм  , ја мислам дека треба да биде некоја комбинација од тие старите коцки од плоштадот што останаа ,и со камења ,бекатон плочките ми се малку ефтини и не знам дали ке траат многу и како што посочи за тие тревите што искачаат од процепите...

Гастарбајтерот Коко ужива во Холандија

Иако шимпанзото Коко, кој повеќе од една година е на ресоцијализација во Холандија и се' уште нема женска, сепак, ужива. Вчера стаса вест од тамошната Зоолошка дека тој почнува да се дружи, а најмногу засега и' се радувал на храната. Воопшто не му било здодевно. Од Холандија се убедени оти на Коко, кој беше едно од најатрактивните животни во нашата ЗОО, наскоро ќе му биде најдена и девојка. Мора да бидеме уште малку трпеливи, велат Холанѓаните, кои зедоа обврска да го социјализираат шимпанзото Коко. (Дс.Т.)

http://www.utrinski.com.mk/?ItemID=412A026B3512A848A26DAD9620F6DDDE

Ренесанса на Зоолошката градина

Една од најстарите градини на Балканот конечно заличува на хуман простор за живот на сé побројните егзотични животни што ги привлекуваат посетителите, за кои пак ќе се организираат дури и натпревари на соколи и орли
Доколку деновиве прошетате низ Зоолошката градина, ќе забележите голема раздвиженост како од посетители, така и од градежните зафати со кои се подобруваат условите за живот на животните. Покрај изградбата на новите живеалишта, се поправаат постојните, но од ден на ден се зголемува и бројот на животните. Од раководството на градината дознаваме дека во наредниве неколку месеци се очекува зголемување на животинскиот фонд, како по бројност, така и по разновидност. Директорот на ЗОО–градината, Дане Кузмановски, нé информира дека деновиве завршува постапката за увоз на крокодил, неколку други видови влекачи и змии, меѓу кои можеби ќе ги има и егзотичните анаконда и боа. Тој вели дека нашата Зоолошка градина, која со Битолската се вбројува во најстарите на Балканот, наскоро ќе доживее вистинска ренесанса. - Во моментов се работи на добивање дозволи за увоз на повеќе влекачи, десетина антилопи, на два тигри, како и на три кенгури кои ги купуваме од Чешка за 2.500 евра. Крокодилот ќе пристигне од зоолошката градина во Софија, антилопите од Загреб, додека за набавката на тигрите од Чешка ќе помогне поранешниот градоначалник на Скопје, Трифун Костовски, кој донираше средства за изградба на нивното живеалиште. Костовски, исто така, ќе го плати и превозот на тигрите од бугарско-македонската граница до нивниот нов дом во Скопје, што ќе чини околу 6.000 евра - изјави Кузмановски. Според најавите, овие новитети се очекува да се остварат наредниве четириесетина дена. Покрај ова, во Зоолошката ќе се прават шанк и минихиподром, на голема радост на децата, кои тука ќе може да ги јаваат коњите пони. За поголема анимација на посетителите ќе се организираат и натпревари на соколи и орли, со цел публиката да се запознае во живо со умешноста и ловните вештини на овие птици-грабливки. - Соколите и орлите ќе поминат посебна обука и дресура. Ова ќе биде доста атрактивна содржина, за што помош ни вети нашиот специјалист во оваа област, Огнен Поленак – вели директорот Кузмановски. Што се однесува до градежните работи, во тек е изградбата на два нови волиери во кои ќе живеат орлите, соколите, јастребите и другите видови мршојадци. Забрзано се подготвува и новото пошироко и поубаво живеалиште за нилските коњи, кои одвај чекаат да се релаксираат во најавениот комфор. Нилските коњи ќе добијат поголем базен од постојниот, поплочен со камени плочи, како и поголем простор за прошетка. Деновиве завршија тендерите за избор на изведувач на живеалишта за морските лавови и фламингосите, како и огласот за обнова на електричната инсталација, поставување видеонадзор и нови светилки низ градината. Иако сега за сега нема најави за набавка на слон и жирафа, директорот Кузмановски најави распишување тендер за изградба на живеалишта и за овие животни. Кон крајот на оваа или во почетокот на идната година комплетно ќе се смени и партерното уредување. А за подобра евиденција на постојните и на новите станари, животните ќе добијат микрочипови кои ќе ги содржат сите биометриски податоци за нив. Со помош на овие своевидни пасоши за животните, ќе може полесно и побрзо да се разменуваат животни со зоолошките градини од светот. Тигарчето прво кај Трифун на гости Кога тигрите ќе добијат принови, раководството на Зоолошката едно тигарче ќе му даде на чување на семејството на Трифун Костовски, кое за него ќе се грижи една недела, според инструкциите од ветеринарот. - Моето семејство донираше 150.000 евра за изградба на живеалиштето на тигрите. Со нетрпение ги чекаме новите животни, но нема да запреме тука и планираме и понатаму да ја помагаме Зоолошката градина. Секако, со нетрпение очекуваме на свет да дојде и тигарчето, кое со задоволство ќе го чуваме - ни изјави бизнисменот Трифун Костовски.

http://www.novamakedonija.com.mk/NewsDetal.asp?vest=78101012219&id=14&setIzdanie=22028

за што всушност станува збор..

Другиот пикап кој моментално го користат (мислам дека е FIAT), е излепен со натписи TOBACCO. Дали им е од нив донација, или тоа е само реклама не знам, но добро е штом има заинтересирани.

Мислам дека е добра идеја секоја улица во зоолошката да добие име по некој спонзор на зоолошката, нормално и во зависност кој колку донира(л) Кој не донира подолго време, нема улица

нешто постар клип за состојбата во Битола http://vimeo.com/7391646

~

туку кога Скопската Золошка би ја споиле со Луна Паркот, а во меѓувреме закачат и по некој приврзок од ботаничка градина кај Паркови и зеленило а во контекст и тоа Бонсаи градината на Флораскоп, и' ето би се отворил простор за скопски-фериленд во Градскиот Парк, иако нешто ситно има [1] сепак за милионски град треба нешто и далеку помонументално [2] бар по теркот на балканските ако не на европските ботанички градини, бар автохтоната флора да е целосно покриена а за што малку ќе биде и целиот градски парк и со се сите ботаничари пардон цвеќари од земјоделски ...

а може проширувањава да спотераат и потака таман некогаш имаше и мјузик гарден у околина, а ко таков утре би можеле да го спојат тематски и со Калето односно лизгалиштето, од спротива пак фали еден подземен коридор кон спортскиот комплекс во Карпош 3, вака Скопје во овој дел веројатно ќе добие и' навистина пријатна атмосфера, не дека и сега не е, но цело е кога има се, ем кога сето е споено ...

но најнапред луна паркот да го кренат [1] а потем за едно деценија две и градска ботаничка градина - токму неопходен вакум за да се испегла секоја недоумица [2] туку без ова реформистиве може тек за пола век скопјани ќе дочекаа на нешто подобно а весело ...

Edited by Max - 17-Dec-2015 at 11:22