Плоштад Маршал Тито - Кавадарци

Започна изградбата на новиот плоштад. Со градежните активности од првата фаза од овој проект вредна 450 илјади евра се очекува целосно изградбата да заврши до 15 јули кога Кавадарци е домаќин на европското кошаркарско првенство за девојки до 20 години. Изведувачи на работите се повеќе кавадаречки градежнии фирми а како носител на работата е „Градба промет“. Најголем дел од парите за првата фаза ги донира компанијата „Фени индустри“ која ги обезбеди парите за гранитните плочи  со кои ќе биде покриен плоштадот. Како донатори ќе се појават и фирми во  сопственост на бизнисмени од Скопје со потекло  од Кавадарци, а со свои донации се вклучени и други фирми од кавадаречката бизнис заедница како и фирми на истакнати бизнисмени од Скопје што имаат  објекти во Кавадарци Втората фаза, која вклучува и подземен коридор ќе се реализира откако ќе се обезбедат пари.







http://www.kavadarci.gov.mk

Овдека брзо се работи 

Во полн ек е изградбата на нов плоштад во Кавадарци Речиси два месеци од започнувањето на градежните работи, веќе се наѕираат контурите на новиот градски плоштад во Кавадарци. Покрај поплочување со гранитни плочи проектот опфаќа изградба на фонтана на Дионис, фонтани на црвено и вело вино, обелиск висок 12 метри кој на дното ќе има буре, а на врвот гроздови, како и амфитеатар каде што ќе се одржуваат културни манифестации. Моментално се бетонира подлогата и фонтаните и се прават подготовки за поставување на гранитните плочи. При извршување на работите завчера случајно е пронајден еден од артериските бунари преку кои до 1952 година градот се снабдувал со вода и решено е тој да се обнови и да се вклопи во плоштадот. До 15 јули кога во Кавадарци почнува Европското кошаркарско првенство за девојки до 20 години, централното градско подрачје треба да го добие новиот лик. Вредноста на инвестицијата е околу 450.000 евра, а локалната самоуправа финансиите ги обезбеди преку донации од кавадаречката бизнис заедница. Најголем дел покрива „Фени индустри“ – околу 200.000 евра. Носител на проектот е инженер Ванчо Колевски, а главен изведувач на градежните работи е „ДГТ Градба Промет“ од Кавадарци. Ова е прва фаза од сеопфатниот проект кој предвидува низ следните две фази да се направи уште поголем плоштад и голема пешачка зона, како и подземни сообраќајници во центарот на градот. За втората и третата фаза се потребни значителни финансиски средства и засега нема најава за нивно скоро отпочнување.

http://www.build.com.mk/?p=3856

1


2


3

Inaku društvo šo stanuva rabota so slikite? Se poveke sliki ne se dostapni?

ДА ПОТСЕТУВА НА ЕДНО МИНАТО ВРЕМЕ

Околу бунарот се плетат најразлични злобни и добронамерми приказни. Но ова е вистината.При изведувањето на подготвителните земјани градежни работи на градскиот плоштад, оперативата на „Градба промет“ откри бунар. Станува збор за стара градба која е исвонредно сочувана. Веднаш по откривањето на бунарот на лице место излегоа стручните тимови на Музеј-Галерија Кавадарци. Тие констатираа дека бунарот е добро сочуван, а на самото место веднаш беше и градоначалникот Александар Панов.

Деновиве под надзор на надлежните Општината ангажира искусен мајстор кој треба да го доѕида бунарот над нивото на плоштадот. Идеата на Локалната самоуправа околу вклопувањето на бунарот во амбиентот на новиот градски плоштад е благородна и со соодветна порака до сите кавадарчани.

Во целата своја историја градот со вода за пиење се снабдувал токму преку бунари со градба и структура како овој на плоштадот. Според историските сознанија вакви бунари имало на повеќе места. Постарите кавадарчани се сеќаваат дека овој лоциран на „Пладништето“ односно сегашниот плоштад, во најголем дел од своето постоење имал јавна функција иако во различни периоди го менувал титуларот на сопственост, но сепак од него граѓаните полнеле вода. Нема податок кога бунарот е покриен со импровизиран бетонски поклопец. Ианку функцијата на градските бунари престанува неколку години по ослободувањето кога во градот е изградена првата водоводна мрежа. Сега стари бунари има само во неколку дворови, а нивните сопственици се гордеат со богатството кое го поседуваат.

Поаѓајќи од фактот што бунарите за сегашните генерации се непознаница, Локалната Самоуправа реши да го зачува овој на плоштадот како споменик на едно време. Затоа се превземени активности за негова реконструкција. Идејата е  бунарот да потсетува на едно минато време, младите да видат што е тоа бунар, а сите заедно тој да не потсетува дека благодетот што го поседуваме преку системот „Лукар“ а кој безразборно го трошиме мора повеќе да го цениме. Според стручњаците многу е близу времето кога водата за пиење се помалку ќе ја има. Затоа Бунарот на плоштадот ќе стои  да не потсетува на минатите времиња , а воедно и да не опоменува на нашиот неодговорен однос кон богатството од „Лукар“ како и на егоизмот на оние кои водата за пиење ја користат ненаменски не мислејќи на соседите и сограѓаните. Пораката од општината е благородна и добронамерна: Кој ќе ја разбере добро, а за другите...

http://www.kavadarci.gov.mk

Добри слики стрела  

Но според тоа што се гледа, рокот (задутре кога почнува Европското кошаркарско првенство за девојки до 20 години) ќе биде значително пробиен 

Дали е веќе завршен плоштадот и ако е дали ке може некој да постира слики

pa ne e nisto poslebno noviot plostad vo kavadarci nema sodrzini sto ke ti go zadrzat vnimanieto ali sepak e podobro odkolko stariot

Ќе доцни гранитот за градскиот плоштад

Пролонгирањето на завршните работи околу новиот изглед на градскиот плоштад во Кавадарци предизвикува полемики емоции и чаршиски муабети.

Локалната самоуправа  и градоначалникот Александар Панов секојдневно ја следат сосотојбата и се во постојана комуникација со фирмата КРИН Производство од Прилеп која на интерниот тендер за набавка на гранит од страна на донаторот Фени индустри е изведувач на завршните работи на плоштадот во Кавадарци. Општината од своја страна заедно со донаторите во проектот градски плоштад “Машино Кооп„, “Метал инвест“ ги испочитуваа  сите рокови  и навремено ја обезбедија подлогата  за поставување на гранитот. Фени индустри  како донатор на гранитот однапред изврши плаќање на порачката кон фирмата Крин Производство од Прилеп.

И покрај сето ова работите на плоштадот сеуште стојат.

Градоначалникот Александар Панов е сосема свесен за моменталната одговорност, но исто така е свасен за фактичката состојба  како и придобивката за градот и неговите жители која ќе произлезе по изградбата на плоштадот. Но, очигледно проблемот не е во фирмите донатори и изведувачи од Кавадарци, најмалку кај градоначалникот и Локалната самоуправа.

Заради транспарентност во работењето и целосно запознавање на јавноста со доцнењето на завршните работи општината го става на увид на граѓаните официјалниот допис од добавувачот на гранитот - прилепската фирма Крин Производство. - се вели на крајот во информацијата од службата за односи со јавноста при Локална самоуправа Кавадарци.


http://www.ktv41.com.mk

Плоштадот ќе биде пуштен на 7-ми септември

Во периодот што следи општина Кавадарци продолжува со реализација на активностите од програмата за комунална изградба. Ќе се финишира изградбата на плоштадот, а ќе се постави и камен темелник на новата црква во Кавадарци.

Градежните работи на градскиот плоштад се извршуваат со несмален интензитет. До 10 ти септември ќе биде финиширана изградбата. Свечената лента ќе се сечи на 7 ми септември- денот на ослободувањето на Кавадарци.

http://kavadar4e.com

Edited by Makedonij - 27-Aug-2010 at 20:59