ФОТО: Дрво падна на автомобил во Скопје Север

АКТУЕЛНО, ОД ТЕРЕН | 14.06.2013, 19:10

Силниот ветер турна дрво во скопската населба Скопје Север на улицата Тале Христов и падна врз автомобил Форд Ка на гостин во блиското кафуле. Ветерот кој вчера дуваше во главниот град на повеќе места направи сериозна материјална штета.

Се доуредува паркот кај Цветен пазар



Просторот спроти Цветен пазар во Капиштец, кој во периодот меѓу двата изборна круга преку ноќ од планиран паркинг беше претворен во парк, се чини конечно ќе заличи во зелена оаза, како што најавуваше тогашниот градоначалник Владимир Тодоровиќ. Но, оазата тогаш осамна само со неколку дрвца и урбана опрема. Тодоровиќ замина и го остави паркот недоуреден.

Просторот дури деновиве почнува да го добива замислениот лик. Веќе трет ден по ред таму се садат зимзелени дрвца, цвеќиња и други видови украсни растенија. Работите на терен ги изведува фирма ангажирана уште од времето на претходната општинска власт.

http://www.utrinski.com.mk/?ItemID=86C98139E2A9F34F9350BD402FFC3C42

Originally posted by kire85 Имам чувство дека овој парк ќе биде привремено замачкување очи, се додека не дојде на дневен ред парцелава каде на крај ќе никне некое административно/деловно чудовиште.

Нема, ќе остане вака со сигурност подолго време.

Инаку на овој потег, покрај бул. Теодосиј Гологанов, има само привремени објекти, т.е. не смее да се гради поради плановите за изградба/доизградба на јужниот булевар.

Многу се оригинални, браво!

Нова дрвосеча спроти „Кјуби“



Продолжува сечењето на децениските дрвја во централното градско подрачје. Пилите и механизацијата на ЈП „Паркови и зеленило“ утринава го срамнија со земја дрворедот на улицата „11 Октомври“, во непосредна близина на зградата на „Кјуби“.

Минувачите немо гледаа на уште едно зацрнување на скопските бели дробови, а дел од станарите бараа причина за уништувањето на зеленилото пред нивните тераси. Претпријатието работело по налог, но граѓаните немале ниту време ниту можност да спроведат петиција и да ја спречат дрвосечата.

„Додека да собереш 30 потписи, отиде возот... Откога знам за себе постои дрвото пред зграда. Сега трупците уредно ги утоварија и заминаа. Не дека нема да пораснат новите дрвца, но, здравје, моите деца ќе се радуваат на нив. А, не беа прастари да паѓаат гранки и да се опасни за минувачите. Кажаа барем зошто ги сечат - смрдливо било дрвото. Под прозорец ми е дрвото, преку две децении немам почувствувано ’смрдеа’ од дрво. Камо да смрдеше на дрво, ќе бев среќен“, рече еден граѓанин, кој отвори дебата за дрвосечата на социјалните мрежи.

Од „Паркови и зеленило“, пак, велат дека на барање на локалната месна заедница, а потоа и по решение на Град Скопје се исечени четири дрвја на улицата „11 Октомври“ број 38.

„Исечени се три кисели дрвја и една цреша. Барањето од станарите е поднесено на 15 март годинава, а градскиот Сектор за комунални беше на терен и ја утврди ситуацијата. Претпријатието постапува само врз основа на претходно изготвени решенија“, вели Елизабета Георгиевска, задолжена за односи со јавност во ЈП „Паркови и зеленило“. (Б.Ш.)

http://www.utrinski.com.mk/default.asp?ItemID=3F8C1875FCECEF45B1002CD656CC196B

Тука има и видео

http://www.radiomof.mk/video-prodolzhuva-secheneto-na-drvjata-vo-skopje-padna-drvoredot-kaj-zoil/

А доколку ги повикам „Паркови и зеленило“ да ми посадат дрвја кај мене пред зграда, дали ќе дојдат? Претпоставувам дека се толку ажурни и при садењето на дрвја, а не само во оние случаи кога треба тие да се исечат. Воедно, се надевам дека Град Скопје ќе биде доблесен да насади нови дрвца на тоа место.

ФОТО: Со полиција соголен паркот кај „Бристол“

Очевидци тврдат дека сечата се случила во 3 часот по полноќ. На парцелата е предвидена изградба на административна барокна зграда

ФОТО: Петр Стојановски

Во паркчето и скверот кај „Бристол“ не остана ниту едно дрво. И малкуте зеленило од вчера е уништено откако со полициска асистенција околу 3 часот по полноќ се изврши планираната сеча. Очевидци тврдат дека стотина полицајци и специјалци рано утрината насилно ги отстраниле граѓаните кои кампуваа во паркчето бранејќи го зеленилото од уништување за потребите на барокна административна зграда.

„Дојдоа како фурија, 70 сигурно ги имаше. Рака на срце и тие како да беа збунети, но дел од нив со наведнати глави ни рекоа дека тоа им е работа. Не' замолија да се тргнеме од паркот за да се изврши сечењето на дрвјата. Имаше и такви кои насилнички ги одземаа телефоните и апаратите од некои кои сакаа да го снимаат моментот на сечењето. Се обидов да се спротивставам, но беше залудно. Животот ми е мил, верувајте. Ова што се случи беше чист вандализам и кукавичлак. За време на продолжен викенд, во 3 часот ноќе насилно да се сече зеленило кажува во какво општество живееме“, коментираше денеска претпладне една средовечна жена која била дел од „камперите“ во паркот „Бристол“, кои симболично го бранеа зеленилото од планираната сеча. Таа тврдеше дека дел од полицијата употребила и сила кога на некои од присутните им биле одземани телефоните и фотоапаратите за да не го снимаат настанот.

Инаку, оваа госпоѓа беше една од стотината граѓани кои на истото место пред месец и пол одржаа протест во знак на револт од најавената изградба на административната зграда на едно од последните зелени катчиња во Центар.

Токму оваа парцела и уште три други во Центар, општинарите планираа да ги „спасат“ со ставање надвор од сила на предметните урбанистички планови. Но, и по неколку одржани седници, расправата за ДУП-овите никако да стаса на ред.

http://www.utrinski.com.mk/default.asp?ItemID=EAA70E36784A85429E6943B75380C800

Како не им е срам. После сите глупости и идиотизми кои ни ги направија не се откажуваат.
Кој ставил потпис на оваа акција?

А тоа што го избраа денот во кој има најмалку луѓе во Скопје кажува се, кажува дека се свесни за она што го прават!

Originally posted by kiriOK Оној Жерновски е само чиста појава,јас незнам какви ингеренции има...

Му звонат два телефони тој се јавува само на владиниот телефон.

инаку, ќе го разберам полициското чистење на толпата која протестирала, ама сечење на дрвата пред нивни очи на лице место во три саат отсабајле, кажува дека кај нас многу ствари се прават од инает и од „ми се може“ его...
и тоа останува да биде главен двигател на акциите на секој оној кој има моќ во земјава...