Меѓуградски автобуски превоз

Message Topic Search Topic Options Post Reply Create New Topic Printable Version

Originally posted by Џоле

Автобуски билети ќе може да се купуваат преку Интернет

Со оваа новина на патниците во автобускиот сообраќај им се овозможува на едноставен начин, преку Интернет, користејќи го својот компјутер, лаптоп, таблет-уред или мобилен телефон, да извршат пребарување, резервација и плаќање автобуски билети за меѓуградски и за меѓународни линии

Билетите за автобуски превоз од 22 февруари годинава ќе може да се купат и преку Интернет. 

Едноставно, билетите ќе може да се резервираат и да се платат онлајн, без да се губи време за одење до автобуска станица. Ваквата обврска за електронска наплата на билетите за сите автобуски станици минатата година ја пропиша Министерството за транспорт и врски во измените на Законот за патен сообраќај, по што пред крајот на годината беше промовирана и новата корисна електронска алатка „е-автобуска“. Со неа на патниците во автобускиот сообраќај им се овозможува на едноставен начин, преку Интернет, користејќи го својот компјутер, лаптоп, таблет-уред или мобилен телефон, да извршат пребарување, резервација и плаќање автобуски билети за меѓуградски и за меѓународни линии. Се очекува најголеми корисници на оваа електронска новина во патниот сообраќај да бидат помладите генерации, кои почесто прифаќаат промени со развојот на информатичко-комуникациската технологија, а веќе се најавува и дека по примерот на автобускиот превоз, наскоро ваква алатка ќе се воведе и за железничкиот превоз. 

Ќе се избира и место за седење

- Како што можеме, доколку патуваме со авион до одредена дестинација, онлајн да резервираме авионски билет, со воведувањето на „е-автобуска“ исто така му се овозможува на корисникот при купувањето на својот билет да има графички увид на слободните места во самиот автобус и да го избере саканото седиште. Покрај распоредот на линиите, патникот ќе има увид и кој превозник во кој период за бараната линија врши превоз, така што во согласност со своите потреби и претходното искуство при користењето на услугите на компаниите ќе може да избере со кој превозник сака да патува до одредена дестинација - вели Миле Јанакиески, министерот за транспорт и врски.

Предноста на овој електронски систем е тоа што патникот може од кое било место и во секој момент да го види распоредот на автобуските линии, временскиот период на поаѓање, а со самото тоа и веднаш, во согласност со своите потреби, да го купи својот билет, без да губи време и да оди до шалтерите на автобуската станица. По успешното електронско плаќање со кредитна или со дебитна картичка за избраното патување, патникот ќе добие електронски билет со еднозначен баркод, кој може да го испечати или да го зачува на својот паметен телефон или таблет-уред. 

- Предвидено е да се воведе и трет начин на плаќање, а тоа е преку сметката за мобилен телефон. Истиот билет на самите автобуски станици ќе се валидира со помош на баркод-читачи, со што ќе се олесни и ќе се зголеми протокот на патниците, а со самото тоа автоматски постојните билетарници ќе се растоварат и ќе се заштеди во време - вели Јанакиески.

Тој додава дека автобуските станици мора да го имплементираат новиот систем, бидејќи во спротивно државниот инспектор за патен сообраќај ќе поднесе предлог за одземање на категоризацијата.

повеќе на http://novamakedonija.com.mk/NewsDetal.asp?vest=1914738447&id=10&prilog=0&setIzdanie=23070

после денешниот состано можам да заклучам дека целиот овој проект ке доживее огромен неуспех  