Авиокомпании и линии

Originally posted by FlytheSky Чех Ерлајнс го смени А319 за АТР72 Турбопропелер за од и до Скопје со оглед на тоа дека летаат скоро празни од август навака. Така ќе биде до 31 октомври за кога ќе се врати А319 но преку Загреб ќе собира и спушта патници.

Земи „испразни“ си го умот од паушалите кои ги фрлаш овде.....

Компанијата „ТАВ аеродроми“ од Истанбул, преку својот оддел за маркетинг, викендов донесе неколку големи француски тур-оператори со цел да ги запознае со убавините на Македонија, на Охрид и на неговиот регион.
Претставници на шест туристички друштва, меѓу кои се и TUI France и Mondial Tourisme, следниве денови ќе се запознаат со убавините на Охрид и со туристичките потенцијали на градот и неговата околина. Целта е тие да се заинтересираат и да ја вклучат Македонија во нивните балкански тури, преку воспоставување редовни чартер-летови од Охридскиот аеродром.

Кога сме веќе кај Охрид, нека видат со Варшава и Москва или таа околина.Првите веќе неколку години се почести гости најчесто со автобуски превоз и дел со сопствени возила, а вториве последниве две и особено ова лето (исто и Украинци и Молдавци ).Еден добар дел од нив стигнувале преку Белград, дел и со сопствени возила или комбинација со Јадранско/Егејско...ама нормално немаа ништо против за директно поврзување во лето.
Патем, Холанѓаните уште се тука, а одат и на плажа

Edited by Тркало - 25-Sep-2016 at 17:45

Originally posted by Navigator Originally posted by avijacijamk Се утепаа носејќи гости и само што ќе им ги кажат условите бегаат. Слично со,Рајанер Што тоа беше слично со Рајанер?

Да речеме дека ТАВ има обичај богато да пречекува потенцјални муштерии ама се се распаѓа кога се нефлексибилни со услови и затоа сме слепо црево. Сите тие деловни вечери кои малкумина ги знаат кога се крчкаше Скопје и Ниш за Рајанер but it all ended in tears

Originally posted by Denko Od vcerasnoto poletuvanje od Skopje https://www.youtube.com/watch?v=nAQi83MXJyI&feature=youtu.be

Ми се допаѓаат вакви снимки од полетување и слетување, има доста по ЈуТјуб. Браво за тебе сними и на враќање.

Денес на Скопски Бугарија Ер, Ембраер на лет BEG-SKP.

Бројот на патници на македонските аеродроми продолжува да расте! Во првите девет месеци годинава на ,,Александар Велики'' и ,,Св. Апостол Павле'' се превезени 1.382.714 патници што е зголемување за 17% во однос на истиот период лани.
Повеќе информации од соопштението за медиуми:
Скопје, 7. Октомври 2016
ТАВ Македонија: Пораст од 17% на бројот на патници на двата аеродроми во првите девет месеци
Дополнително, ТАВ информира дека во текот на месец октомври компанијата ќе биде домаќин на два големи полски тур-оператори при нивната посета на Македонија, со цел да ги убеди да почнат со летови од охридскиот аеродром
Во првите девет месеци од 2016 година, 17% повеќе патници се превезени преку македонските аеродроми, скопскиот Александар Велики и охридскиот Свети Апостол Павле, споредено со истиот период минатата година. Вкупниот број на патници достигна 1.382.714, соопштија од ТАВ Македонија, компанијата аеродромски оператор.
Во истиот период, од јануари до септември 2016 година, вкупниот број на полетувања и слетувања на двата македонски аеродроми исто така се зголеми за 11%, на вкупно 13.009 летови.
-Порастот од 17% на вкупниот број на патници во првите девет месеци од годинава покажува дека стратегијата за ширење на мрежата на рути до повеќе и различни дестинации се покажа како успешен мотор за зголемување на патувањата до и од македонските аеродроми. Оттука, нашите главни заложби како менаџмент, силно поддржани од Маркетинг Одделот на ТАВ Аеродроми, како и од Владата како наш партнер, ќе останат фокусирани на привлекување нови авиокомпании, отворање нови дестинации и зголемување на бројот на фрекфенции на постоечките рути, со цел да генерираме поголем сообраќај. Со новите дестинации кои ќе бидат отворени од скопскиот аеродром – Хановер на крајот на овој месец, и Доха на почетокот од 2017 година, очекуваме натамошен пораст на авиосообраќајот, што ќе ги направи нашите аеродроми поатрактивни и повидливи на регионално ниво за глобалните авиокомпании и тур-оператори, изјави Зоран Крстевски, генерален директор на ТАВ Македонија.
Како дел од овие маркетинг активности кои постојано се преземаат од страна на аеродромскиот оператор, ТАВ информира дека во текот на овој месец ќе бидат домаќини на полски тур-оператори, при нивната посета на Македонија.
-На покана на ТАВ Аеродроми, два големи полски тур-оператори познати по нивните пакет-аранжмани за цела Европа, ќе ја посетат Македонија и Охрид и ќе се сретнат со високи владини функционери и надлежните локални власти. Целта е да ги убедиме да ја воспостават првата авио-врска меѓу Полска и Македонија, со чартер-летови до охридскиот аеродром Свети Апостол Павле од Варшава и од Катовице во текот на летната сезона во 2017 година, објаснуваат од ТАВ Македонија, компанијата што управува со скопскиот и охридскиот аеродром.
Неодамна, француски тур-оператори ја посетија Македонија и Охрид, со цел да ги искусат убавините и туристичкиот потенцијал на Охридското езеро и да воспостават чартер-летови до охридскиот аеродром. ТАВ Аеродроми е во комуникација и со други тур-оператори од Германија, Израел, Грција, Русија и Скандинавските земји, со истата цел – да го зголеми бројот на летови и вкупниот сообраќај на Свети Апостол Павле.
Статистиката на ТАВ Македонија покажува дека во периодот јануари-септември, најфрекфентна дестинација од скопскиот аеродром е Истанбул (до двата аеродроми Ататурк и Сабиха Гокчен), а потоа следуваат Цирих, Виена, Базел (Мулхаус), Малме и Лондон (Лутон).
Во однос на учеството на авиокомпаниите во вкупниот патнички сообраќај, Визер го превезол најголемиот број на патници во првите девет месеци со 53,5% пазарен удел, а потоа следуваат Туркиш ерлајнс со 8,7%, Аустриан ерлајнс со 6,4%, Германија флуг си 5,9% и Пегасус ерлајнс со 4,5% пазарен удел.
И карго-сообраќајот на скопскиот аеродром во првите девет месеци годинава забележа значителен пораст од 16,6%, достигнувајќи 2.345 тони, што најмногу се должи на зголемените карго-летови за превоз на стоки на извозните компании.


Од Фејсбук профилот на Скопскиот аеродром. Во принцип живи глупости .

Oва со Полјациве и не е баш глупост.Слично дел од нас размислувас за Лутон и Охрид (почнувам од мене),па еве тргна на добро.

И денес се едни од најбројните турисит. Многу ги има на лето во Охрид, верувај. После Турците и Холанѓаните најбројни странци се во летните месеци. Само што голем дел од нив идат и индивидуално, не во организирани тури.

Па и не само на лето, мислам дека редно е да има редовна целогодишна врска. Од екскомунистичкиве е најмоќна, има најголемо искористување на европските фондови и има одлични универзитети (споредено со македонските). Словенска земја од која можеме да добиеме многу доколку врските на сите полиња се интензивираат. А за тоа, прво потребна е редовна линија.
Башка Визер низ самата Полска има многу линии, така да до една поголема дестинација да се стигне, потоа е лесно.

Edited by hcitrS - 08-Oct-2016 at 22:43