Објекти од културата (општо)

„култури“ на страна, барем ми е мило шт објектот ќе се реновира и ќе го задржи оригиналниот изглед (ова кај нас стана жива радост, објект да задржи изглед), солиден, пристоен објект (иако сметам дека утната му е локација, не толку поради изгледот, туку поради збутаноста во чаршијата и близината до џамии, искрено, некои луѓе не ни знаат дека постои театаров)

Originally posted by daci92 Некој како мене на пример

ти што не кажеш, одма со координати ќе се распалиме

42° 0'15.67"N
 21°26'18.23"E

Штип добива музеј на знаменити личности

Музејот ќе биде сместен во веќе откупената, позната куќа на Андови во Ново Село

Иван Бојаџиски


Штип наскоро ќе го добие својот музеј на знаменити штипјани и тоа не каде било, туку во урбаната заедница Ново Село, за кое се тврди дека има најмногу историја по квадратен сантиметар од значење за Македонија. За реализација на овој потфат, Управата за заштита на културното наследство ја откупи куќата на Андови (се говори за сума од 90.000 евра), која важи за најголема инспирација на уметниците-сликари и која е најмногу фотографирана куќа кога станува збор за Штип, Ново Село и за неговата бурна историска димензија.

„Заводот за заштита на спомениците на културата и музеј Штип ги спроведува своите активности (и) во Ново Село согласно до Годишната програмата, која е усвоена и од Министерството за култура. Еден од приоритетите на Програмата за 2014 година е етаблирањето музеј на знаменити штипјани за што откупивме една зграда од старата македонска архитектура, позната како куќата на Андови. Планираме музејот на познати штипјани, кои во најголем дел потекнуваат токму од Ново Село, да биде готов во текот на оваа година“, вели Зоран Читкушев, директор на Заводот за заштита на спомениците на култура и музеј во Штип.

Иако не е обелоденет фактот врз кои принципи ќе се определува листата на знаменити штипјани, познат е фактот дека во Ново Село се родени Киро Глигоров, првиот претседател на независна Македонија, Михајло Апостолски, Михаил Гогов, првиот поглавар на МПЦ, Јосиф Ковачев, Тодор Александров, Ванчо Михајлов, Благородна Бурева, првата оперска певица во Македонија која настапи во операта „Палјачи“ на Сергеј Михајлов, прва изведена опера во Македонија, потоа Натка Пенушлиска, првата македонска балерина, а тука се и некои други ликови, како што е Никола Кљусев, првиот премиер на самостојна и независна Македонија. Во овој музеј ќе бидат поместени портрети, но и восочни фигури на знаменитите штипјани.

Но, ова не е се' кога е во прашање Ново Село, кое дише во старата прекрасна македонска архитектура и каде што шеснаесет куќи се ставени под заштита на државата како ретко наследство на старата македонска архитектура. Според Читкушев, годинава, согласно со Програмата на музејот, ќе се изврши санација на фасадата на куќата на Делипетрови (други ја знаат како куќа на Личкови), која е на истата (главна) новоселска улица на која е и куќата на Андови. На оваа улица Управата за заштита на културното наследство одбра уште две куќи кои се под заштита на законот, а кои годинава ќе бидат реконструирани и конзервирани, при што едната од нив веќе е во фаза на конзервација. Досега целосна реконструкција и конзервација е извршена на четири новоселски куќи познати по својата единствена стара македонска архитектура. Кога се говори за Ново Село како своевиден паметник на нашите историски премрежиња, треба да се одбележи и тоа дека семејството Мијалкови на местото на старата куќа изгради нова која во се' го задржа својот првобитен архитектонски облик.

Ново Село и преку други градби и реконструкции го менува својот лик на подобро. Универзитетот „Гоце Делчев“ од темел го реконструира училиштето во кое на времето учителствувал и каде што својата револуционерна дејност ја спроведувал Гоце Делчев. До крајот на февруари во оваа зграда ќе биде сместен Ректоратот на Универзитетот. Во Ново Село пред крај е и изградбата на црквата „Покровита Богородица“, чиј ктитор е семејството на бизнисменот Сашко Миладинов, а кај месноста Јавор мала црквичка со мал плоштад околу неа гради и семејството Мијалкови.

http://utrinski.mk/?ItemID=8BBF2739C3A0F147AD209FC994F14618

Реконструираниот Музеј на современа уметност во Скопје ги отвори вратите за посетители



Со вчерашното отворање на постојаната поставка „Солидарноста – недовршен проект“, заврши процесот на реконструкција на Музејот на современа уметност во Скопје. Во изминатите неколку месеци се работеше на санација на простории со површина од 1.500 метри квадратни, и тоа првенствено застаклената сала „Пикасо“ и горниот кат од музејот. Со зафатот се замени старата стаклена фасада со специјални сигурносни стакла со заштитна фолија, променет е дел од фасадата, додека на стаклениот покрив е поставена специјална фолија со УВ заштита. Интервенции се извршени и во ентериерот на галерискиот простор за да се обезбеди соодветна температура, влажност и осветлување за соодветен третман на делата што ќе бидат изложени во музејот. Во објектот е поставен нов систем за противпожарна заштита и 40 инфрацрвени камери за обезбедување на врвните уметнички творби.



Реконструкцијата на Музејот на современа уметност чинеше околу 24 милиони денари, финансиски средства обезбедени од буџетот на Министерството за култура. Овој зафат претставува прва поголема интервенција во целиот објект од неговото отворање во 1970 година. Градежните работи ги изведуваше компанијата „Бортас“ од Скопје. Музејот на современа уметност во претстојниот период ќе работи на осмислување и уредување на впечатливиот партерен простор на зданието, а дополнителни финансиски средства е неопходно да се вложат и во реконструкција на скалишниот простор, кој составен дел на самиот објект. Санацијата на Музејот на современа уметност започна на крајот од мај минатата година.



Објектот на оваа музејска установа е една од најпрепознатливите градби во македонската метропола. По скопскиот земјотрес од 1963 година, тогашните власти го поканиле славниот архитект Ле Корбизје да биде автор на зградата на Музејот на современа уметност, но тој го одбил овој предлог. По сугестија на полскиот архитект и урбанист Адолф Циборовски, одбрана е локацијата, а Владата на Народна Република Полска го донира ова здание за жителите на Скопје, претходно распишувајќи конкурс за избор на идејно решение. Од пристигнатите 89 трудови, одбрана е визијата на Јержи Мокшински, Евгениуш Вјежбицки и Вацлав Клишевски. Од корисната површина од 5.428 метри квадратни, дури 3.000 метри квадратни претставуваат изложбен простор за организирање постојани и привремени изложби.



Музејот на современа уметност во Скопје е на самиот врв во целиот регион според бројот на уметнички дела од модерната што ги поседува, неговата збирка во моментов е заокружена на 3.128 дела. Покрај квантумот, од исклучително значење е нивната извонредна вредност бидејќи во колекцијата на музејот се наоѓаат творби на познатите Пикасо, Хокни, Петар Лубарда, Џаспер Џоунс, Фернан Леже, Бернар Бифе, Пјер Алешински, уметнички форми и инсталации на Калдер, Јанис Гаитис, како и дела на основоположниците на македонската модерна како Лазар Личеноски, Димо Тодоровски, Димитар Кондовски и други. Од сите нив, љубителите на современата уметност во претстојниот период ќе можат да се запознаат со 330 уметнички дела од 248 домашни и странски автори.

http://www.build.mk/?p=33042

Започна возобнувањето на стариот Струмички театар

Сме го спомнале и тоа пред повеќе од 5 години кога ни најавија дека ќе биде готов во 2010 година. Потоа се пофалија дека е во тек спроведувањето пред 3 години, а ќе биде завршен во 2013 година. Оваа година повторно е во тек спроведувањето. Разликата е во тоа што немаат веќе храброст да дадат претпоставка дали и кога ќе биде завршен. Тоа не ги спречува да се фалат со нешто што не постои.

Отчет - Писмен или устен извештај за извршена дејност.

Еве неколку фотки и од лице место...

Министерството за култура одвои средства за реконструкција на првото училиште на македонски јазик




Со средства од Годишната програма на Министерството за култура, годинава се планира да се реконструира првото училиште со настава на македонски јазик во село Подвис во Кичевско.

Овој објект почна со работа на 23 септември 1943 година, шест дена по ослободувањето на Кичево. Василко Лазарески го одржа првиот час на македонски јазик на слободната територија на Македонија.

- Овој објект се наоѓа во незавидна и руинирана состојба. Од тие причини и заради зачување и соодветен третман на ова значајно спомен-обележје за македонската историја, култура и образование, стручните екипи на Националниот конзерваторски центар интензивно работат на проектот за негова целосна санација и реконструкција која ќе се спроведува во неколку фази, соопшти Министерството за култура.

Реализацијата на проектот за реконструкција и санација на овој значаен споменик на културата е дел од заложбите на Владата на Република Македонија и на Министерството за култура за соодветен третман и достојна презентација на објектот во кој пред 70 години за првпат се одржала настава на македонски јазик.



Македонија
01.05.2014 - 15:01

линк

Edited by gjoko - 01-May-2014 at 21:49

Општина Пробиштип ја изработи потребната техничка документација за изградба на минеролошка збирка која ќе биде лоцирана во централното градско подрачје. Вака ќе изгледа зградата.





Изградба на современ музеј за ретка минеролошка збирка. Во тек е изградба на Музеј за ретки минерали во централното градско подрачје кој ќе биде единствен од ваков тип на Балканот. Вредноста на проектот е 11 милиони денари.

(За жал, само тоа може да се најде како информација на официјалната интернет страница на Општина Пробиштип).

Да се потсетиме како изгледа целиот комплекс...

Originally posted by Џоле Меморијалниот музеј на Мустафа Кемал Ататурк во село Коџаџик, општина Центар Жупа