Плоштад Маршал Тито - Кавадарци

Стрела експресно Си ја пропуштил само уште високата зграда до Макси Д.

Улицата на последнава слика ја паметам како поубава. Дали пред новиве дрвца имаше стари поголеми дрвја па сега и се случил синдромот Илинденска во Скопје каде кога ги тргнаа дрвата дојдоа до израз грдите запуштени фасади на улицата која теоретски важеше за една од најубавите?

Не ми се верува дека ги исекле сите дрвја на плоштадот.
Не се нормални.

Факт е дека ги исекоа дрвјата на плоштадот,за кои сум сигурен дека барем 3 од нив беа со ендемска вредност,но што е,тука е. И претходниот Градоначалник ги исече дрвјата на Илинденска,со што го нагрди изгледот на улицата,за која не врзуваат убави спомени од младоста,за Корзото итн.
Се потрошија 250.000 евра за поплочување со скап гранит,кој патем речено е уништен од масло од возилата што паркираат по тротоарите,а башка и неквалитетно беа наредени плочите,така да уште од првиот момент овој „зафат“на екс-градоначалникот стана сомнителен.како впрочем и други матни зделки за време на неговиот мандат.
Очигледно е дека секој што е на власт во државата може да прави што сака,без притоа да одговара за последиците,па така ќе биде и овојпат.Ние ќе бидеме само неми сведоци на деструкција на и она малку што остана од споменот на нашиот град.

прва слика на ваков начин ај да видиме шо ке биде ,ова е корзото

Ако сакаш да вметнеш слика од фејсбук, десен клик на сликата, избери Copy Image URL и тој постирај го со тагови [ img ] [ /img ] без празно место. И би те замолил да пишуваш во еден пост наместо во повеќе. Добронамерен совет тоа. Кога ќе ти текне нешто плус, само стисни EDIT на претходниот пост наместо да пишуваш нов.

----

Инаку што се однесува до дрвјата, генерално сум против сечење на шуми, но кога некој ќе се фати за 3-4 дрвја бидејќи биле ендемски (кои се тие дрвја ендемични во Кавадарци?) и од неверојатно еколошко значење, или евоцирале спомени од минатото (како Маџир Маало), навистина нема смисла.
Која е поентата да сака некој да закочи цел проект врз основа на тоа дека ќе се сечеле 2 дрва? Па патишта низ планини како се градат? Не се сечат цели шуми?

Е сега ако сметате дека не требало да се менува ликот па тоа ги вклучува и дрвјата, тоа е друго, нели?

За дрвјата пред собранието ОК. Беа точно пред зградата и во некоја нова концепција на плоштадот, поширок, поотворен, има логика да се исечат.
Но, зошто и тие пред хотел Балкан. Тие си беа на страна и можеа да се вклопат и во проектот за новиот плоштад без никаков проблем.
Не знам што направија со тие пред МаксиД, со Јаворот?. Според мене и тие може да останат бидејќи се на страна.
Инаку ја поздравувам идејата за обновување на плоштадот, иако проектот баш и не ми се допаѓа – ќе се добие еден голем бришан простор без никаква содржина. И ако се почнува да се прави треба да се направи комплет, а не сега само плочки, па по две години ќе раскопуваме за подземни премини.
Во меѓувреме ќе имаме колективно печење од сите страни на +40 со години.

Премногу стерилно изгледа овој концепт,Едноставно,нема ДУША!!!
Ми наликува на плоштадите во Бугарските градови од времето на Социјализмот.
Не секогаш со новите урбанистички проекти се постигнува саканиот изглед на градот.
Која е симболиката на обелискот?Како да тотем во индијанско село!Не разбирам што сакал авторот на проектот да каже,а можеби и самиот не знае.Ова не е Барселона каде доаѓаат милиони туристи,па да имаме што да прикажеме пред светот.Во нашиот град нема интересни архитектонски зданија од минатото кои би му дале белег на центарот на градот,но сепак би требало да се задржи дел од традицијата.
Кавадарци пред се е на Кавадарчани,а после на другите кои доаѓаат службено или на гости 2-3 пати во годината.Некој ќе рече дека превладува носталгијата на Кавадарци од нашата младост,и дека сме премногу емотивни во врска со исечените дрвја од плоштадот.Можеби е така,и не сме против промени во изгледот на центарот на градот,но нели ќе беше поарно ако почекавме да помине економската рецесија,и да дојдеа подобри времиња за да можеше во целост да се реализира проектот со подземни сообраќајници,па дел од улицата Илинденска да станеше пешачка зона,и да не се повторуваме со истите констатации од типот „што би било кога би било“,сакам само за крај да ја пренесам желбата на многумина наши сограѓани-ако може барем јаворите од страната на Макси-Д и седумкатницата да останат така,зашто кога ќе “пекне“ +40 ќе нема каде глава да скриеме од сонцето.

Edited by concit60 - 16-Apr-2010 at 23:52

Активно се работи на изградбата на новиот плоштад               
Сабота, 17 Април 2010 13:39
Во континуитет се извршуваат активностите за изградба на новиот градски плоштад воКавадарци. И денес се продолжи со расчистување на плоштадот како подготовка за градежните зафати кои ќе следуваат.

Машинокооп – фирма од Кавадарци беше влучена во денешните активности на плоштадот. Нивната 60 тонска машина за 5 минути ја “здроби“ поранешната фонтана на плоштадот. Активирањето на овој голем ѕвер и работите кои ги заврши се донација од Машинокооп.

Од локална велат дека се благодарни за подршката што ја добиваат од кавадаречките бизнисмени, бидејќи со заеднички сили се гради новиот плоштад во Кавадарци. Активностите на плоштадот и денес ги привлекуваа погледите на кавадарчани.



И додека се расчистува плоштадот сепак се внимава да се искористи тоа што може. Фонтаната која беше на плоштадот ќе се дислоцира во паркот “Полана“. Павер елементите кои беа поставени до споменикот лани пред тиквешкиот гроздобер, се донирани на моклишкиот манастир, а исечените дрвја од плоштадот се однесени во Кабран амбалажа каде од истите ќе се подготви материјал за изработка на клупи – објаснувааат од локална.

Како што беше најавено до 15 јули плоштадот со новиот лик ќе биде целосно изграден.

текст и фото:   АНГЕЛ ДАНОВ

http://ktv41.com.mk/index.php?option=com_content&view=article&id=1352:2010-04-17-12-45-58&catid=48:2009-09-21-13-08-16&Itemid=73


Edited by La Linea - 19-Apr-2010 at 21:14

Edited by Cloverstack - 29-Apr-2010 at 20:37