Заборавив малку повеќе да објаснам околу моторните возила и сообраќајот.

Морам да кажам дека одлуката со која се овозможи увоз на половни возила од Европа со ниски еколошки стандарди на моторот беше катастрофална грешка, огромна грешка. Просто, им го собравме ѓубрето на Европејците. Со исклучок на возилата за јавен превоз и оние со повисоки еколошки стандарди. За мене се‘ под Еуро 4 е низок еколошки стандард...

Друга работа.... техничкиот и регистрација... дај нека донесат некој закон да не се регистрираат возила со пониски еколошки стандарди, еве граница нека е и Еуро 3, нека не е Еуро 4, ама со тек на време нека се качува... Европа почна со Еуро 6ка, а ние уште неможеме да обезбедиме целосна Еуро 4ка, ма каква 4ка, тројка дали имаме...

Потоа околу сообраќајот... аман веќе, до кога ќе се полни центарот со возила, па и не само центарот... Скопје треба да се подели на зони.... Пешачки центар, Ограничен со наплата за влез поширок центар, и за пошироката околина, регулирано со данок на загадување вклучен во регистрацијата... или немора да е вака.... како било нека е ама нека се регулира... Пример во Италија имаат некој вид на градарина, кога влегуваш во град си плаќаш одредена сума за одреден период. Рим е одличен пример... иако така е и по другите градови... 

Во секој случај, центарот треба да ни биде пешачки.... нека се шири пешачката површина, немора веднаш, ама нека се шири...

Потоа околу самиот сообраќај... подобро регулирани раскрсници, аман веќе, нека го пуштат тој долго зборуван центар за регулирање на сообраќајот... испоставија камери, и така си стојат... потоа воведување на нови видови раскрсници, подземни, надземни, какви сакаат... клучки, на две нивоа, на три нивоа... само нека се реши застојот во сообраќајот во градот...

подземни сообраќајници.... ама ја згрешија со онаа КЈ Питу - Илинденска, ама ај ќе видиме, може ќе ја биде.... во секој случај што повеќе подземни сообраќајници, толку подобро, секако добро испланирани, не кај ќе ни стигне да градиме, ако воопшто и можеме

И јавниот превоз, грешат со трамвајот, ама ај.... поголем процент од јавниот превоз на струја... толку подобро... нека земат и тролејбуси ако е потребно... некои нови изуми... што сакаат нека прават.... нека биде на струја.... дали ЛРТ, дали Метро, тролејбус, обичен трамвај.... нека биде... ама да функционира... а не да прави само полошо во сообраќајот а со тоа и во екологијата, односно на клавитетот на воздухот во градот... 

Или пак нека одат со гасифицирање на автобусите и/или повисоки стандарди (Еуро 5), добро ај со новиве... па некако подобро е... ама кога тогаш пак ќе треба да се инвестира...

И многу многу инвестиции во велосипедската инфраструктура... ама озбилно... мора... 

И дајте луѓе користете велосипеди.... Не е Скопје којзнае колку голем град, Аеродром Карпош се стига за 30-40 минути, со подобрa инфраструктура може и побрзо.... исто, дури и побрзо можеби од 15ката  И притоа, возејќи по кеј, кој е вртење лево десно... Еден прав и функционален велосипедски коридор од Ново Лисиче до Ѓорче по права линија, и Аеродром - Карпош за 20 минути ќе се стига.... Не загадуваш, почист град, плус раздвижување наместо седење, и подобро здравје секако.... а и поефтини и поекономични се за користење и одржување.

И набака на повеќе градски велосипеди... а и во индивидулна сопственост...

И така, за друго понатаму....

Edited by FoSsiL - 24-Nov-2011 at 18:27

Фосил многу филозофираш

Да тоа е точно. Дека во градска вожња се испуштаат повеќе издувни гасови отколку на мерење на технички, но кога мерат, мерат тоа што го покажува таму, и во секој случај потоа соодветно количината на издувни гасови се зголемува. Што сакам да кажам. Да, ќе покаже помалку. Но кога мерат пример Еуро 3 и Еуро 4, Еуро 3 повеќе ќе покаже на технички од Еуро 4, но истото ќе биде и кога овие две возила ќе се најдат во градска вожња. Така да сакам да кажам дека дали на технички, дали во градска вожња многу е неверојатно Еуро 4 да покаже повеќе од Еуро 3.

Но кога веќе би се поставиле граници на Еуро 3, во тој случај ниту Голф 3, ниту Југо-то не би се нашле на македонските патишта. 

Увозот на автомобили, не само поради ниските Еуро стандарди (што и немора да е дефинитивно, најверојатно се увезле и автобмобили и со над Еуро 3), туку многу повеќе поради увезената количина, бројот на возила, е голема грешка. Можноста да се купи автомобил по ниска цена, го зголеми бројот на луѓе кои поседуваат автомобил, а со тоа и воопшто бројот на автомобили на македонските, или во случајов, скопските патишта. Со тоа секако се зголеми и загадувањето на воздухот, и тоа од два извора, директно од самото генерирање повеќе издувни гасови поради поголемиот број на возила во сообраќајот, и индиректно поради поголемиот застој, кој дополнително ја зголемува потрошувачката на гориво, а со тоа и создавањето на издувни гасови.

Од економски и социјален аспект увозот е најверојатно потполно оправдан, но се паѓа на сметка на екологијата на градот.

А околу стандардите. Ги спомна спортските автомобили, и тоа е точно. Но исто како во случајот со Еуро 3 и Еуро 4. Не важен изгледот на возилото, може и Југо и Фичо да е, но ако има мотор кој задоволува параметри на Еуро 3, тогаш би можело да се најде во сообраќај. Истото и за спортски, иако не верувам дека тоа така би било. Во тој случај истото важи и како и тоа сега, поголема кубикажа, поскапа регистрација. Но и дополнителна такса, како данок на загадување. Кој има пари за спортски автомобили би имал и за ова.

Не се разбирам многу во ова... но во секој случај треба да се направи нешто... околу автомобилите и сообраќајот...

Пс. Мислам дека околу ова стандардите, најмногу се работи околу катализаторот... па еден катализатор да неможат да сменат.. 

Па, да најверојатно си во право. Немој да ми замеруваш, јас немам големо познавање како се поставени прописите за регистрација и стандардите, но нудам начини како би можело да се реши проблемот со големиот број на автомобили и загадувањето на воздухот.

И се согласувам околу еколошките такси, многу паметна работа е тоа.

А околу кравата Па добро, за глобално ниво, да (иако не го знам соодносот на крави и автомобили во Светот), како и да е... во центар на Скопје најголем проблем се автомобилите.... и тие имаат голема улога во загадувањето на воздухот... крави... па немаме крави во центар, или имаме? ... иначе кога сме кај кравите, сум видел крави на Средно Водно

Edited by FoSsiL - 24-Nov-2011 at 21:25

Но ѓоко, јас не спомнав ни електромобили ни био-горива, и не сум екологист.

Јас само кажувам дека загадениот воздух ми пречи. И давам примери како може да се реши, ако има подбри решенија, јас немам ништо против, само нека биде почисто.

Сум читал дека за изработка на батериите се ископувал Неодиум кој пред обработка или што и да е, е радиоактивен и дека неговото ископување е еколошки неоправдано.

А воедно суми некако против био-горивата. Баш од тие причини ти што ги спомна.

Но сум за едно нешто сигурно, велосипедот.

Северен ветер ќе не' спаси од аерозагадувањето



Во Скопје, конечно, ќе се дише полесно по неколкудневните алармантно високи вредности на прашина

Сања Наумовска


Расчистување на маглата со продор на северен ветер во текот на викендов ќе го намали загадувањето на воздухот во Скопје. Во градот, конечно, ќе се дише полесно, по периодов кога вредностите на прав се алармантно високи, особено во централното градско подрачје.

Како што информираат од Управата за хидрометеоролошки работи, облачноста и маглата ќе почнат да се намалуваат уште попладнево, а од утре изутрина многу повеќе ќе се почувствува расчистувањето на небото. Свежиот воздух, очекуваат метеоролозите, ќе продре и во приземните слоеви и ќе ја расчисти маглата, за која деновиве се залепија сиот смог и градската прав. До крајот на идната недела не се очекуваат магливи денови, велат во УХМР.

Според податоците од мерната локација во Центар, вредностите на најопасните загадувачи, јаглеродниот моноксид, сулфурниот диоксид и азотните оксиди и вчера беа во дозволените граници, а загадувањето со прав и натаму е близу максималните вредности, но, сепак, за 200 единици помало од пред два дена.

Иако ветерот е тој што овојпат ќе не' спаси од аерозагадувањето, скопјани, сепак, ќе мора да менуваат некои свои навики, предупредуваат експертите. Факт е дека живееме во град со местоположба погодна за магливи зими, поради што мора самите да внимаваме на квалитетот на воздухот. Аерозагадувањето не е новина во Скопје, но граѓаните и понатаму, по поставувањето на мерната станица со која постојано има увид во вредностите на загадувањето на воздухот, не се откажуваат од навиката сами да се возат во автомобил. Иако е познато дека индустријата и густиот сообраќај се најголемите причинители на аерозагадувањето, во секој втор автомобил на скопските улици се вози само возачот.

„Скопје до некаде веќе се ослободи од еден голем загадувач, старите автобуси на ЈСП, со купувањето на новите возила што се поеколошки. Но, сепак, евидентно е дека и граѓаните мораат да внимаваат, за секоја ситница да не палат автомобил, бидејќи истиот воздух самите го дишат“, препорачуваат експертите.

Препорака да се избегнува излегување, особено за најмладите, за чувствителните и за хронично болните вчера даде и градоначалникот Коце Трајановски. Тој ги посоветува што помалку да излегуваат од дома и физички да работат на отворено, се' додека не се намали загадувањето.

„Во постојан контакт сме со Министерството за животна средина и со УХМР. Ги следиме податоците и препораките што најавуваат скоро расчистување на времето и подобрување на состојбата со загадувањето на воздухот во Скопје“, изјави Трајановски.
http://www.time.mk/read/57e152518a/00d3515ca9/index.html

Сегашен квалитет на воздух 25 Ноември 2011 15:20 часот

Квалитет на воздух

Умерен

Сегашно ниво:
92
Вредност на Индексот
 » 51 - 100 
Ниво за здравје
 » Умерен 
Мерки за претпазливост
 » Премногу осетливите лица треба да го намалат изложувањето и престојот надвор

PM10 (прашина) [µg/m³] 24 час. просек ---> 133,24 

SO2 [µg/m³] 1 час. просек ---> 39,55 

NO2 [µg/m³] 1 час. просек ---> 23,14 

CO [mg/m³] 8 час. просек ---> 2,18

Вредности од изминатите 12 часа

Има едно и единствено решение кое ги опфаќа овие точки:
1. Фабриките во Скопје да се дислоцираат подалеку од градот
2. Да се постават пунктови за напојување со електрична енергија за електричните автомобили како што неодамна поставија во Загреб (а тоа е веќе одамна практика во Европските земји).
3. Да се форсира велосипедизмот и да се направат повеќе патеки за велосипеди. (идејата ми е велосипедите да ги заменат автомобилите)

Знам дека ниедно од горенаведениве кај нас не се изводливи но сепак тоа е решението.

Edited by Macedonicus - 30-Nov-2011 at 23:54

ШОКАНТНО: Скопје е најзагаден град на светот!

• 
• 

http://www.plusinfo.mk/vest/25105/ShOKANTNO-Skopje-e-najzagaden-grad-na-svetot

http://www.who.int/entity/phe/health_topics/outdoorair/databases/OAP_database_8_11.xls Чисто заради објективност, еве го списокот, за Скопје има податок од 2008 за ниво 80 на годишно ниво.

А еве и некои матерјали за Европа.
http://www.eea.europa.eu/themes/air/airbase
http://www.eea.europa.eu/themes/air/airbase/map-statistics

Е ова е веќе непријатна слика.





Edited by lslcrew - 04-Dec-2011 at 10:53