Скопје 2014

Originally posted by maks Би сакал да ти реплицирам на уште една,,фамозна,, парола која толку злорадо ја употребувате  (убер-модернистите-истите тие кои толку здушно се сликате пред фонтана ди треви или пулската арена-а знам дека кога ќе се реконструира скупскиот амфитеатар ќе го плукате и него.) Значи:Form follows function или ти Формата ја следи содржината(функцијата) на објектот. Ако модерната архитектура останеше така слепо залепена за неколку маскими зарем ќе го имавме Бурж Дубаи(кое асоцира на едро за пловење) или можеби еден од лендмарк-овите на Лондон. Административната зграда на Фостер инспирирана од формата на краставичка! Да не се навраќаме на сите објекти од олимпијадата во Пекинг. Затоа пак ќе те замолам, прошири си ги видиците и размислувај надвор од рамката! Во контекст на сето она што го кажав да заклучам. Овде скоро сите ќе се сложат дека на овој проект(Ск14) таков каков што е,  ќе му се најдат дузина замерки и маани, веројатно е и тие да излезат на површина и самите многу наскоро, но она што стои за мене(како активен надбљудувач на урбаниот простор) е дека престанавме да се плашиме во обликувањето на нашиот простор. Конечно започна градбата на нашиот светоглед. Тоа е еден европски дискурс, кој заради бројните воени премрежија и ропства било невозможно да се создаде по природен пат (а него ќе го најдеме во сакралната архитектура на Мк - фрескоживопис-св.Пантелејмон-12 век--Скопје, Св. Никола Прилеп и Мариово-13-14век, барокни иконостаси-19век. и дел во профаната архитектура-левантски(османлиски барок) во форма на завиени еркери и тимпанони (охридска куќа)20- век.. Не велам дека овој(Ск14) е единствениот пристап, но е оној кој е одлучено да се создава,(вака набрзина и на моменти брзоплето пред се поради отпорот на заслепени и апстрактно индоктринирани модернисти какви што ги читам со години и на форумот) но од другата страна, луѓето(пред се поради експресивноста- изнудува емоции и сензации)се повеќе го препознаваат  како,, свој простор,,. Затоа само аргументирано и со отворен ум. Ова е процес кој не сме го минале пред век и повеќе, а чувстуваме неодолива потреба да го вкусиме и доживееме оти едноставно  со својата приказна како земја, припаѓаме на историјата на стариот континент.

еве и ако толку сакате да зборите за стилови, морам да истакнам дека сето ова болдираново е погрешно како факт, а после е ставено во контекст кој за џабе се спомнува
1. не го мешајте модернизмот и фразата „формата ја следи функцијата“ во било кој контекст, за било кој објект, не се однесува на што ќе ви текне, туку за се си има дефиниција
модернизмот, односно интернационалниот стил и неколку други стилови од средината на 20-ти век...  и самата фраза е повеќе филозофија и движење, отколку нешто што е преточено во буквален стил... тоа значи дека објектот може да ја менува формата, наспроти старите стилови кои имаат строги правила и геометрија без никаков карактер на посебните објекти... токму таа фраза е основа за се што постои во современата аритектура, без разлика во кој стил е, вклучувајќи и објекти како тие што ги наброја
2. значи не мешајте стилови, со движења, школи и филозофии
3. во Македонија, примерите за барок, ренесанса, или било кој голем класицистички стил од Западна Европа, се mnogu ретки... никогаш не постоеле во Византиската, ниту пак во Османлиската архитектура во Македонија... доаѓа до забуни затоа што кај нас се измисли еден термин „Византиска ренесанса“ кој се кажува во контекст на преродба во тукашната уметност, а не се збори за подоцниот стил во европа... а ако сакаш да видиш примери за Османлиски барок, нив можеш да ги најдеш во Истамбул, во Ортакој, Долмабахче сарај и неколку други објекти
а дури и да требаше да се навратиме на некакви „македонски бароци“, во кој момент точно Ск2014 го има испочитувано тоа? во ниеден објект од Ск2014 досега не видов ни еден од тие стилови... гледам само директно лепење на пластика на објекти со современа основа, и тоа во уметноста се нарекува кич
4. Едно е да градиш одреден стил, а друго е да позајмуваш од одреден стил... столбови, тимпанони и орнаментација, се само елементи кои можеш да ги преинтерпретираш и инкопорираш во било кој стил... na primer, Охридската куќа си е стил сам по себе, уникатен... ама ништо не значи дали тој стил има позајмено од друг, или пак фактот дека „охридската куќа“ може да се примени во друг стил...
5. Од тоа што луѓето Ск2014 премногу го познаваат како свој простор, кејот каде што е ѕидот од објекти е пуст и празен, исто како што беше, а на плоштадите, освен туристи и фејсбукаши кои се сликаат со се и сешто, ништо друго не се задржува
6. тоа што физички припаѓаме на „стариот континент“ не значи дека и културно мора да припаѓаме... Еве, во Шпанија и Португалија можеби Маврите оставиле повеќе отколку што Турците оставиле тука, ама никој не се буни нели?
Не постои такво нешто како „Европска култура“ секоја земја во Европа има можеби милијарда стилови во нејзе, секоја со посебна историја, иновација и еволуција, па не знам зошто тоа би било проблем кај нас? ние сме нешто посебни?

7. да, заборавив „краставичката“ во Лондон не е инспирирана од краставичка, туку така иронично ја нарекоа поради формата откако беше изградена... објектот е познат по својата екологичност и енергетска ефикасност, како и по триаголната/ромбовидна тубуларна структура која овозможува искористување на многу помалце материјал (и тоа ти е совршена имплементација на фразата „формата ја следи структурата“)... всушност, фактот дека сите се фасцинирани од тоа што ја нарекол некој краставичка, докажува колку несериозни согледувања има обичниот народ за архитектурата


само аргументирано и смирено, да ги прошириме видиците, нели?


Edited by zabegan - 08-Sep-2014 at 02:23

Страшна е состојбата со Вардар и комплетно со сите реки во Републиката. За плажата мислам дека се е кажано. Само го чекам денот кога ќе најдат храброст да ја соберат и да признаат дека плажа која изгледа како тезга, на оваа локација е промашување. Незнам зошто е толкав проблем човек да згрешил, лошо проценил , што и да е.
И да кога ќе ја собират плажата, обавезно да не го заборават тој несреќниот карусел од кој немаме актуелни фотографии но се сомневам дека воопшто функционира и дека некој ја користи таа невидена „атракција„

Модерната, се разбира, не е само архитектонско движење, но дури и да е тогаш секако би морала да води сметка за квалитетот на животот заради тоа што нели архитектурата е функционална уметност.
Инсистирањето на модерната на истоветноста, едноставноста и минијатурноста на приватниот простор во монолитните зданија за сметка на јавниот простор (и сето тоа во име на функционалноста) подразбира еден концепт на човекот не само како општествено туку исклучиво како општествено суштество (да не ја отвараме премногу дискусијата мислам дека импликациите од ваквиот концепт лесно можат да се изведат). Архитектурата на ваквите поставки и претпоставки доживеа спектакуларен пораз во Марсеј и Сент Луис (мислам дека јасно е на што алудирам).
 Загадувањето произлезено од ваквите концепти мислам дека се јасни и произегуваат од самите нив (имено визуелно загадување, звучно загадување - секој што престојувал во Центар добро го познава, воздушно загадување - иако ако добро се сеќавам во мастер планот на Скопје има студија за струењето на воздухот во централното градско подрачје и.т.н, и.т.н.). Што се однесува до специфичноста на загадувањето на Минск, Киев па и Скопје тесно е поврзана со сфаќањето на економијата како економија заснована врз тешка индустрија и на човекот како пролетер. (повторно за да не бидам премногу опширен следствијата лесно можат да се изведат)
Во таа смисла архитектурата и урбаното планирање се (не виновни туку) одговорни за загадувањето сфатено во најширока смисла, впрочем така било секогаш, затоа што нели архитектурата не е остров сам за себе туку е и израз и одраз.
Од друга страна можеби и токму поради тоа ова што сега му се случува на Скопје не треба да се разгледува како архитектура или како било каква разумна дејност. Најсмешно од се е кога на тие „градители“ ќе им се припише епитетот барокни што е врвна уметничка форма која суштински постои до денес.

проблемот е огромната доза на фрустрации и комплекси на народов тука, дека треба нешто да се докажуваме и да правиме архитектонски чуда, затоа што не знаат да ценат објект, ако пред него не се сликаат барем стотина туристи дневно... .
-архитектурата не е само за дузина избрани и учени луѓе од фелата, кои ќе ракоплескаат на самобендисаниот и нереален архитект-колега. 
Архитектурата е и уметност. А луѓето на уметноста реагираат едноставно. Или им се допаѓа и сакаат да ја гледаат повеќе и почесто, или сметаат дека им е одбивна и им создава лоши чувства и сакаат да не ја гледаат повеќе во нивниот простор.

Originally posted by Denko Po se izgleda fasadata na vladata na lugeto im bila odbivna i im sozdavala losi cuvstva, pa glasaa za barokot!?

glassa li? ti svesen si deka anketata bese namestena u 5 za 12? vidi ubavo nanazad na forumot bas ima detalno sledenje na anketata i opis na "presvrtot" sto se sluci denta pred istekot. anketata bese demek: eve go slusame narodot. kolku pateticno...

Originally posted by maks Можете да лаете колку сакате пријатели. Фактичката вистина е таа. Имавте време и можност да се докажете да го обликувате просторот,,според најсовремените стандарди,,но завршувате на маргините на фелата поради вашата претенциозност на ,,сезнајковци,,. И наместо одговорно и свесно да влезете во овој процес, препознавајќи ги потенцијалите за трансформација на вашиот град(СК) вие седите од страна и како наапани стрини блуете само гнев.  Ако внимателно прочиташ никаде не го поддржав проектот во детали, говорев за неговата психолошка димензија која е присутна во сите вакви големи урбанистички промени. Пак ќе кажам, имате нешто да кажете(бидејќи сте очигледно архитекти) па докажете го тоа. Не со демагогија туку со проекти. Ваши идеи. Ваши концепти. Соочете ја оваа ваша ,,ноќна мора,, со вашите идеи и талент. Тоа што бараташ со неколку термини не те прави објективен и непристрасен надбљудувач. Конечно големите промени секогаш се случувале со промена на правилата на игра. А во овој ,тоа го кажувам цело време. Потребна беше промена за концептот -урбан простор во Скопје.

и пак !!!

Originally posted by maks проблемот е огромната доза на фрустрации и комплекси на народов тука, дека треба нешто да се докажуваме и да правиме архитектонски чуда, затоа што не знаат да ценат објект, ако пред него не се сликаат барем стотина туристи дневно... . -архитектурата не е само за дузина избрани и учени луѓе од фелата, кои ќе ракоплескаат на самобендисаниот и нереален архитект-колега.  Архитектурата е и уметност. А луѓето на уметноста реагираат едноставно. Или им се допаѓа и сакаат да ја гледаат повеќе и почесто, или сметаат дека им е одбивна и им создава лоши чувства и сакаат да не ја гледаат повеќе во нивниот простор.

само ќе ти реплицирам на ова

ако архитектурата е народна нели... како тогаш за толку голем проект, одлучува група луѓе, на кои им ракоплескаат колеги, и тоа во голема тајност? дали некогаш некој се консултирал за нешто со некого?
знаеш ли на каков начин кај нас се донесуваат урбанистички планови? кои „архитекти“ ги прават и со какво искуство? реално гледано, контрадикторен си сам на себе... за да избегаме од лошата саморакоплескачка фела на архитекти, градов потполно му го препуштивме на друга фела саморакоплескачки архитекти?
зашто воопшто дискутирате, кога не сфаќате дека се е исто, ништо не се сменило... дали една фасада ќе биде стаклена или класицистичка, исто ви е...

ете прво увиди го тоа, па после збори за архитектонска демократија и тоа како на народот нешто му се допаѓало или не


Edited by zabegan - 05-Sep-2014 at 17:02

Оф, мори мајко, целото интервју е полно со небулози, спинови, лаги и будалаштини. Овој човек не е архитект, овој човек е опортунист - си виде шанса за брзо збогатување преку исполнувањето хирови на властодржецот. Се тешам со тоа дека еден ден историјата ќе им пресуди (нему и на другите архитекти што се нафатија да го унаказат Скопје, како и на властодршците) како на злосторници.

Еден цитат: „Зградата на ЈП Водовод, само ќе ја посочи староста и убавината на Кале“.

Како е можно зграда која со својот габарит го покрива Калето да ја нагласи неговата убавина? Што си мисли овој лудак, дека сме идиоти?!

Уште еден цитат: „ГТЦ со отвореноста не е конкурентен и убаво за Градот Скопје е да дојде до негова реконструкција во затворен мол. Доколку се реконструира во затворен мол, имотот на сопствениците, а со тоа и на државата, ќе порасне.“

За ова немам коментар.

И за ова немам коментар:

„Во Балканската култура не постои почит кон човекот како најважна творба. Затоа е многу тешко да се создаде систем на почит кон градителското наследство – како нечие авторство.“

Архитект кој бесрамно менува фасади на други архитекти се жали дека на Балканот немало почит кон авторстовото.

За вакви ликови има само едено решение - бесилка. На барокен столб. Или гилотина. За да се долови духот на времето што ни го наметнуваат. ММЕ.

Edited by Џоле - 05-Sep-2014 at 08:39

Дури и мало дете може да увиди дека од горенаведеното „интервју“ нема ниту И! Не е возможно да одите со прашања кон некоја личност, а притоа другата страна да ви одговара со линкови од некои портали и со цитати од книги. НЕВОЗМОЖНО Е! Интервјуто е нарачано, а прашањата на неговиот автор се смешни и не допираат во сржта на она што треба да го одговори Чаушевски. Се бламираат и новинарот и архитектот. СРАМОТА!

“Моите објекти се препознатливи и во согласност со тајните и финесите на стилската архитектура. Така проектираат и најголемите архитектонски компании”.

би сакал ова да ми го докаже со примери и со архиектонски факти... не намеравам да слушам некој што очигледно позајмува од дрогите на Вангел, барем според тоа што го збори
баш ме интересира кои се тие најголеми компании кои така проектираат


Edited by zabegan - 06-Sep-2014 at 01:19