Плоштад Скендербег

Сите зборувате за плоштад, ама ја на сликиве не гледам ништо слично!
????

Originally posted by zabegan не ми е јасно според која дефиниција ова е плоштад?како прво, од каде и да дојдеш треба да се качиш и да се симнеш по скали, самиот плоштад е значително повисок од било кое друго ниво на просторот, блокира буквално се... и смешно е што му ставиле лифтови и ескалатори, дури и Влајко не им раменкако второ, на секој втор квадратен метар има окна, огради, решетки и скали, и згора на тоа, на единствениот слободен простор дизајнирале некоја конструкција која нема никаква функција, а премногу е масивна за да биде декоративна... единствена светла точка за око е фонтаната-водопад која и онака морале принудно да ја дизајнираат за да не испадне цел плоштад во скали, а да нема ѕидтрето и најбитно, не ми се верува дека тотално го отсекле и функционално и визуелно пристапот од МОБ и Филхармонијата... сега го изгубија и единствениот беден аргумент дека ова премостување имало некаква голема пешачка важностќе останеме со едно огромно бетонско г*мно кое ја блокира целата визура кон чаршијата, стоковната куќа, амамот, МОБ или Филхармонијата. а ќе остане пусто и најверојатно ќе се запушти од неодржување, затоа покрај тоа што немаше некоја пешачка важност, сега е и тотално дисфункционалноова е полошо и од Ск2014, ако збориме за урбан простор

Ова беше навистина единствената можност плоштадот да служи за нешто па дури и на некој начин ќе ги оправдаше двата нови мостови на Вардар, се надевам дека ова е визуализација на некоја идеја а не на решението.

Originally posted by daci92 Јас колку што знам проектот беше предвиден да се гради во неколку фази, првата фаза беше завршена пред 1-2 години ,втората е оваа од овие рендери ,а третата фаза би требало да биде продолжувањето до филхармонија ,проблемот е што филхармонијата и околината не се завршени сеуште за да може да се гради плоштадот до таму. Исто така незнам дали плоштадов влезе во ГУП на Скопје и ДУП на центар за да може да заврши кај филхармонија.

а која е потребата од фази? сега и при поставување на урбана опрема ли ќе слушаме за фази?
а и да го средат поврзувањео од таа страна на плоштадот, мислењето ќе ми биде исто, само можеби за некој процент помалце негативно... плоштадов е погрешен уште како идеја, а не па за изведба да збориме, едноставно не треба да постои

а ова е поголем проект? се работи за бетонска платформа која само треба да ес поплочи, нема никаква комплексност на изградбата, нити пак се работи за голема површина... покомплексните декорации као фонтаната и металната конструкција не верувам дека ќе се остварат, барем не онака како што се планирани
кај нас веќе 20 години „голем проект“ е буквално се, од поставување на урбана опрема, до изградба на автопат
а овој проект секако треба да се изгради што е можно побрзо затоа што се наоѓа во прометна зона

Наскоро започнува изградбата на плоштадот Скендербег

Општина Чаир деновиве ќе распише тендер за избор на фирма изведувач, кој треба да заврши за месец и половина, па кон крајот на октомври да стартуваат со реализација на втората фаза од проектот, објави Вест.



Во октомври ќе почне изградбата на плоштадот Скендер бег, над булеварот Гоце Делчев. Општина Чаир распиша тендер за избор на фирма изведувач. Општинарите очекуваат за месец и половина изборот да заврши, па кон крајот на октомври да стартуваат со реализација на втората фаза од проектот. Оваа фаза, според проценките, треба да чини околу 9 милиони евра.
"Малку подолго од предвиденото траеше изработката на основниот проект кој се правеше врз основа на идејното решение. Проектот сега е готов и за неколку дена ќе распишеме оглас за изведувач. Исто така, во тек е и постапката за добивање дозвола од Општина Центар. За колку време ќе биде готов овој дел, не можеме да кажеме, бидејќи станува збор за најсложениот дел од проектот", велат од Општина Чаир.
Од таму додаваат дека од Владата добиле 2,5 милиони евра за реализација на втората фаза.
По завршување на втората фаза ќе се почне со уредување во плоштад на просторот што сега е паркинг. Ќе се гради подземен паркинг на две нивоа, со капацитет за 400 возила, а сегашниот паркинг ќе стане пешачка зона.
Општина Чаир почна со реализација на проектот плоштад Скендер бег, во јули 2012 година. Лани во март беше готов првиот дел од плоштадот, односно уредување на просторот околу споменикот на Скендер бег и претворање на просторот над дуќаните од Чаршијата во пешачка зона. За овој зафат беа потрошени 2,5 милиони евра, исто така обезбедени од Владата.

http://skopjeinfo.mk/gradot/316384341/naskoro-zapocnuva-izgradbata-na-plostadot-skenderbeg

ЗА 10 МИЛИОНИ ЕВРА ЌЕ СЕ ПОКРИЕ БУЛЕВАРОТ ГОЦЕ ДЕЛЧЕВ



За десетина дена Општина Чаир очекува да почне изградбата на втората фаза од плоштадот Скендер-бег. Од Општината велат дека на тендерот за избор на најповолен изведувач победила скопската фирма „Бауер БГ“, и дека деновиве ќе го склучат договорот.

Во оваа фаза од изградбата на „Скендер-бег“ булеварот Гоце Делчев треба да биде покриен со плато, кое ќе биде идниот плоштад, и тоа на потегот од стоковната куќа „Мост“ до раскрсницата со улицата Стив Наумов, односно до позицијата пред раскрсницата каде што возилата одоздола нормално ќе излегуваат.

Посебен сообраќаен режим

Раководителот на Секторот за урбанизам во Чаир, Џенгис Хани, не сакаше да ја открие точната сума што ја понудила „Бауер БГ“ за премостувањето на булеварот, со образложение дека таа ќе биде обелоденета кога ќе се склучи договорот и кога ќе се објави во Бирото за јавни набавки. Во распишаниот оглас за изведувач, Општината оваа градежна инвестиција ја процени на 9 милиони евра без ДДВ, а според изјавата на Хани, договорот со „Бауер БГ“ ќе биде на сума од околу 10 милиони евра. Парите ќе бидат обезбедени од Владата. Фирмата „Бауер БГ“ ќе има рок од 16 месеци да ги заврши работите.

Додека трае изградбата на булеварот, ќе има посебен режим на сообраќај.

- Општината Чаир има посебен проект за привремен режим на одвивање на сообраќајот додека се одвиваат градежните активности. Го изработија сообраќајни инженери. Проектот е поднесен до Град Скопје, а Градот по службена должност треба да го достави до МВР од каде што треба да добие согласност, која потоа градските власти ни ја даваат нам. Барањето за давање согласност е поднесено, сега го очекуваме одговорот - изјави Хани.

Општина Чаир огласот за изведувач за премостувањето преку булеварот Гоце Делчев го распиша на средината на август.

Во третата фаза подземен паркинг

Платото што ќе се гради ќе биде пешачка врска меѓу Старата чаршија и објектот на Македонската опера и балет.

- Целиот булевар ќе биде во вид на тунел бидејќи плочникот одозгора ќе почнува од крајот на Чаршијата, а ќе завршува кај платото на новата Филхармонија и зградата на МОБ - објасни Хани.

По завршувањето на втората фаза, ќе биде распишан тендер за изведба на третата фаза. Во неа е предвидено да биде изграден подземен паркинг на две нивоа со капацитет за 400 возила на местото на постојниот паркинг кај стоковната куќа „Илинден“. Просторот над паркингот ќе биде пешачка зона, односно дел од идниот плоштад.

Првата фаза од плоштадот Скендер-бег е завршена во март 2013 година и го опфаќаше просторот помеѓу булеварот Гоце Делчев и улиците Kазанџиска и Битпазарска во Чаршијата. Тогаш беа покриени постојните дуќани со масивни плочи за движење на граѓаните и амфитеатар. Станува збор за површина од 3.000 квадратни метри, а изведувач беше австриската фирма „Алпине“, заедно со „Интернејшнл инвестмент груп“. Изградбата на првата фаза чинеше околу 2,7 милиона евра.

Kамен темелникот за изградба на плоштадот,кој ќе има вкупна површина од 26.000 квадратни метри, беше поставен на 17 јануари 2012 година. Идејното решение е на проектантската куќа „Архинг груп“ од Тетово.

Анела Петрова

#
http://dnevnik.mk/?ItemID=2D05AA245218044A95D67FA856B61013

Многу розово ќе изгледа овој плоштад. Прво, поради плоштадот Карпошово востание, кој со своите споменици и предмети во златна боја е целосно различен на изглед со Скендербег, а всушност се припоени еден до друг. Второто е што се планира изградба на објекти (барокни де) од страна на Македонска опера и балет. Ниту на сон не можам да помислам како ќе изгледа сето ова.

Народна Банка на Република Македонија и уште една зграда на некоја институција. Во веќе изгласаниот стил .

Уште нема.

Значи, класично проширување на општина Чаир преку булеварот до Вардар. Нема што да се дискутира.