УСТАВНИОТ СУД ГО ЗАПРЕ БАРОКОТ НА ГТЦ

Уставниот суд засега го запре преслекувањето во барок на ГТЦ, Македонската опера и барок (МОБ) и Националната универзитетска библиотека „Св. Климент Охридски“ (НУБ), откако Владата лани во јули ги прогласи за објекти од посебен интерес и и' ги одзема ингеренциите на Општината Центар за нив. Уставниот суд на вчерашната седница со мнозинство гласови одлучи да поведе постапка за испитување на уставноста на член 50 од Законот за просторно и урбанистичко планирање, според кој овие објекти се прогласуваат за објекти од посебен интерес заради изработка на планско урбанистичка документација за нив. Истовремено Судот донесе и привремена мерка запирање на сите активности на Владата за каква било активност додека не биде донесена одлука за член 50, кој е оспорен во целост.

Според овој член, Владата може без никакви критериуми и по своја волја да донесе одлука да прогласи објект од посебен интерес и да го видоизменува, доградува, преправа. За овие објекти, Општината нема никакви ингеренции, а плановите за нив ги прави државната Агенција за планирање на просторот, документацијата ја изготвува Министерството за транспорт и врски, а одобренијата за градење не ги дава Општината, туку Градот Скопје.

Иницијативата пред Уставен суд ја поднесе граѓанската асоцијација „Го сакам ГТЦ“ предводена од Даница Павловска–Циги со поддршка на уште најмалку девет невладини организации.

„Оваа убава вест е само навестување на конечните одлуки што допрва треба да ги чекаме од Уставен суд. Иницијативата за ГТЦ е прифатена, тоа значи дека постапката е отворена. Но, она што е важно, е изречената привремена мерка, а тоа е она што го спасува ГТЦ. Привремената мерка не дозволува од овој момент натаму да се применува тој член – прогласување ‘објекти од посебен интерес’“, вели Павловска.

Според неа, до овој момент, во однос на катастарските парцели и планот Владата има донесено одлука дека тоа е простор од посебен интерес.

„Конкретно за објектот нема донесено ништо, така што верувам дека ’го фативме последниот воз‘. Очекувам идната влада, која и да е, дека нема да се однесува така, бидејќи тоа е крајно непрофесионално, оти политичарите не можат да одлучуваат за такви работи. Мојот аргумент во иницијативата е многу силен и мило ми е што Уставниот суд што тоа го препозна“, вели Павловска, поранешна претседателка на Асоцијацијата на архитекти на Македонија.

Проектот за барокот за ГТЦ е на Жарко Чаушевски и Филип Богатинов, едни од главните архитекти на барокните фасади на зградите во центарот на Скопје, но и на голем дел објекти од „Скопје 2014“. Според нивниот проект, ГТЦ треба да добие уште еден кат, да се затвори од сите страни, да има влезови со антички столбови и скулптури, а на покривот се предвидени три куполи како оние на Собранието.

За МОБ и за НУБ се' уште нема проекти, но и за нив беше донесена одлука да се прогласат за објекти од посебен интерес заради изработка на урбанистичко-планска документација, што значи преслекување во барок.

Инаку, уште во 2014 година и градоначалникот на Општина Центар, Андреј Жерновски се обиде да ја спречи барокизацијата на ГТЦ. Тој поднесе иницијатива до Уставниот суд за преиспитување на уставноста на измената на Законот за градба, за членовите со кои и' се одземаат ингеренциите на Општината за објектите од посебен интерес и одобренијата за градење наместо Општината ги издава Град Скопје. Една година подоцна, во 2015 година, Уставниот суд ја отфрли инцијативата. (Б.А.)

http://www.utrinski.mk/?ItemID=6C0CFF73F2592A4EB11D23539A541B21

Додека кај нас се форсира кичерај, од другата страна на Атлантскиот Океан се практикува слободоумна интелектуална, уметничка и архитектонска свест, која вообичаено резултира со вистински современи ремек дела, а очигледно овој објект не е исклучок.
 
http://off.net.mk/zhivot-i-zabava/urban/njujork-gi-gradi-skalite-kon-nikade
 

Њујорк ги гради Скалите кон никаде

 

21 Април 2017 - 16:33   Кога Хедервик студио минатата година ја претставија уметничката инсталација Vessel, впечатоците беа - одличен концепт, а очекувањата беа - ќе остане само концепт. Наспроти ова второво, Њујорк започна со изградба на скалилата кои не водат никаде, и догодина ќе бидат готови.     Уметничката инсталација ќе биде централното дело на новиот плоштад во Менхетен (Хадсон јард), а целиот проект ќе се простира на површина од околу 2 хектара.   Цената за ова јавно уметничко дело ќе изнесува 150 милиони долари. За тие пари, тоа ќе биде високо 45 метри, ќе има вкупно 2.500 скали и 80 делови за одмор.   Скалите се произведуваат во Италија, па од таму на делови со брод се испорачуваат во Њујорк. Патот трае 15 дена, по што се префрлаат на помал брод и по реката Хадсон се испорачуваат до местото за монтажа, каде што се местат со помош на кран.   До сега се испорачани 10 од вкупно 75 секции, а преостанатите треба да пристигнат во следните месеци.   Хедервик веројатно подобро ќе пројдат во Њујорк, отколку што пројдоа во Лондон со мостот Градина чија изградба се очекува дека ќе биде откажана заради поплаки околу неговата цена (повеќе од 240 милиони евра).

 
Не бе, ќе гледаме како им ги осветлуваат и мијат подножјето на Ацета, Букефал и војниците под нив, и како им свири класична музика, и сето тоа платено со народни пари.
 
Поволшебно, почудесно и помагично - здравје.


Edited by Dexter26 - 23-Apr-2017 at 18:47

 
Рецесијата и самоубиствените нагони се нивни проблеми.
 
Концептот на скалестата структура од друга страна, е светлосни години пред идиотизмот што се случува во Скопје.


Edited by Dexter26 - 24-Apr-2017 at 17:12

Originally posted by Dexter26  Не бе, ќе гледаме како им ги осветлуваат и мијат подножјето на Ацета, Букефал и војниците под нив, и како им свири класична музика, и сето тоа платено со народни пари.  Поволшебно, почудесно и помагично - здравје.

Демек ако ми се безвезе скаливе тогаш автоматски ми е ок шизнилендов? Помеѓу црното и белото има мнооогу нијанси.

УСТАВНИОТ СУД ПРЕГЛАСА ОДЛУКА И ДОЗВОЛИ СПАСУВАЊЕ НА МИЛИОНСКИ БИЗНИСИ НА ВМРО-ДПМНЕ СО КОИ ГРУЕВСКИ ЌЕ СЕ ФАЛИ ЗА ЛОКАЛНИТЕ ИЗБОРИ

Се премислил петтиот уставен судија, со чиј глас Уставниот суд за влакно успеа да го запре преслекувањето во барок на ГТЦ, Македонската опера и балет и Националната универзитетска библиотека, но и градбата на стотина станбени згради, приватни хотели и други комерцијални објекти кои поранешната влада на Никола Груевски и ВМРО-ДПМНЕ ги прогласила за објекти од посебен интерес за државата. Еднаш веќе донесената одлука за времена забрана за градежни активности на објектите од посебен интерес додека Уставниот суд не се изјасни за оспорениот член на законот е прегласана, и забраната е тргната. Со тргањето на мораториумот за градба ќе се спасат милионските бизнис интереси на ВМРО-ДПМНЕ за стотина локации низ цела Македонија, а партијата ќе има проекти кои лидерот Груевски ќе ги промовира за престојните локалните избори. Преседанот еднаш веќе донесена одлука да се прегласа и смени, е официјално објавен на веб страната на Уставниот суд. Во решението постои одлуката со која на 5 април Судот донел одлука да биде поведена постапка против членот 50 од Законот за просторно и урбанистичко планирање, според кој владата може да си прогласи кој било објект од Македонија што ќе го пикира за објект од посебен интерес за државата, да ѝ го одземе на општината, да си изработи планско-урбанистичка документација за него и да си го пренамени во хотел, станбена зграда, тениско игралиште, спортска сала…

http://sdk.mk/index.php/naslovna/ustavniot-sud-preglasa-odluka-dozvoli-spasuvane-na-milionski-biznisi-na-vmro-dpmne-koi-gruevski-ke-se-fali-za-lokalnite-izbori/

 
Тоа ќе ги прашаш зајко кукурајко и плавите жолтици, тие се сега на власт, а како што е општо познато, ГТЦ Скопје е во сопственост на државата, па кај нив е сега топката за сегашниот и идниот развој на ГТЦ Скопје, како и останатите инвестиции на државата.
 
Единствено остана град Скопје, каде што градоначалник е Коце Трајановски, но во изборна година не знам колку е легално градот да фрла народни пари за нагрдување на веќе постоечки објекти со идиотски нови фасади и останати идиотизми.
 
Лично мислам дека барем до октомври 2017 ќе видиме по некој бел ден бидејќи зајко кукурајко и плавите жолтици најавија дека веднаш ќе престанат со идиотизмот наречен проект Скопје 2014 откако ќе формираат влада. Се надевам дека експресно ќе престанат и со оној идиотизам од телекомуникациска кула на Водно.


Edited by Dexter26 - 02-Jun-2017 at 17:19

A што впрочем во проектот треба да треба да се запре, а не е во интерес на градот и на сите да биде завршено?

Проектот е речиси завршен, единствено нешто што остана е Офицерски и хотелот до него кој се веќе подигнати и во завршна фаза, Офицерскиот е речиси готов. Нив ли ќе ги стопира идиотот и ќе мисли дека направил којзнае што? Ниски страсти од ниско интелегенти исфрустрирани идиоти.

Реваншизам и политика, ништо повеќе.

Edited by HugoGoulding - 02-Jun-2017 at 20:04

Дали правдата е еднаква на реваншизмот? Не е!
Украле стотици милиони евра, прикривале убиства, нарачувале уривања на објекти на политички неистомисленици, ги лечеле комплексите преку нарачувања згради, нарачувале физичко насилство врз политичари од другиот табор, и уште многу други злодела, и кога за тоа треба да одговараат тоа е реваншизам?!
Го уништија градот со згради кои се косат со сите урбанистички и архитектонски норми, чијашто изградба истовремено ги крши законот и (непишаните) правила, и кога тоа треба да се исправи претставува реваншизам?!

Што имате против дебата во која би биле вклучени сите засегнати страни (централна и локална власт, архитекти и урбанисти, економисти и правници, граѓани)?