Лоши слики од битолската.

Страната што гледа кон перонот е готова околу самата зграда веќе подолго време, ама сепак карти се продаваа (до Октомври барем, можда се уште е така) во една шупа во распаѓање, залепена за железничката. Тоа што е завршено изгледа многу убаво.

Страната што гледа кон улицата, кон градот, е убаво средена до таму до кај што морало, но на 70 см од зградата „тревник“ од раскопана земја, кабли, ѓубре... стварно не знам што треба да се превземи, дали Хан лично со камшик да дојди па да го допази реновирањето до детал... Џабе бомбона зградата ако во гној лежи.

Кон перонот:


Кон улицата:


(не знам како да ги ротирам)


Патем, не се ли стандардите за боите на таблите на железниците меѓународни? До кај што се имам возено низ Европа, имињата на станиците се бели букви на сина позадина, а кај нас гледам сите табли се со црни букви на бела позадина.

Edited by hcitrS - 09-Dec-2017 at 22:16

Студентски проект за ревитализација на железничката станица во Скопје

http://www.design.mk/talenti/nikolovski-revitalizacija-na-zeleznicka-so-murali/

i vo Bitola ne e pustena vo upotreba, a e gotova

Со 120.000 евра се реконструира ЖЕЛЕЗНИЧКАТА СТАНИЦА ВО ТЕТОВО



Железничката станица во Тетово со реконструкцијата која е во тек, треба да добие комплетно нов изглед и инфраструктура.

Јавното претријатие за железничка инфраструктура „Железници на Република Северна Македонија“ согласно Договорот за јавна набавка на работи објавен на Бирото за јавни набавки на фирма со седиште во Мала Речица за реконструкцијата треба да плати 7.306.558 денари (околу 120 илјади евра) и 1.315.180 денари за данок на додадена вредност (над 21 илјади евра). Предвидени се градежни работи (како и рушење и демонтажна), електричарски работи, термотехнички работи и водоинсталатерски работи.

Договорот е потпишан на 20 мај и според обврските, економскиот оператор има 90 дена за извршување на градежните работи и реконструкцијата.

Железничката станица во Тетово е изградена 1952 година заедно со тогашното поставување на нова железничка пруга од Скопје преку Тетово и Гостивар до Кичево.

– Поврзувањето на Тетово со Скопје и Гостивар преку денешната пруга почнало во 1951 и е завршено наредната година, со тоа што е изграден објектот на железничката станица. Новата пруга е замена на старата теснолинејка (градена уште од 1916) со нова стандарна поширока железничка пруга, наведува Дарко Гавроски, на својот портал за историјата на Тетово.

Од Тетово со воз засега има две линии, една кон Скопје и една кон Кичево.

https://vecer.mk

Железничките станици во Тетово, Гевгелија и Скопје се реконструираат, патници на станиците нема

Трите железнички станици во Тетово, Гевгелија и Скопје годинава е предвидено да се санираат со финансиски средства обезбедени од Јавното претпријатие за железничка инфраструктура Железници на РСМ. Во Тетово во тек е темелна реконструкција на станичната зграда, со која ќе се обноват чекалната, билетарата, санитарните јазли и останатите простории во рамките на железничката станица, а предвидена е и санација на фасадата, прозорците и вратите, со што надворешноста на објектот ќе добие нов лик.

Од јавното претпријатие во моментов работат и на хидроизолацијата во рамките на главната железничка станица во Скопје, така што конечно треба да се реши проблемот со протекувањето на вода и влагата што се појавуваат во просториите во рамките на Транспортниот центар-Скопје. За изведувач на реконструкцијата на тетовската железничка станица е избрана фирмата „АННРА-ЦЕНТРУМ“ од Мала Речица, додека во Скопје работите ги изведува „Дрво-пром“ од село Мородвис.

За изведба на двата реконструктивни зафати се издвоени финансиски средства од околу 430.000 евра. Дополнителни финансии се планирани и за доградба на објектот на железничката станица Гевгелија, која е влезена во годинешната програма за работа на Јавното претпријатие, но за овој градежен зафат неодамна пропадна распишаниот тендер за избор на изведувач. Градежните работи на гевгелиската железничка станица ќе отпочнат штом се избере изведувач.

Во меѓувреме, Јавното претпријатие за железничка инфраструктура склучи договор за чистење на главната железничка станица во Скопје, како и на железничките станици во Велес, Тетово и Скопје-Товарна. Со склучениот договор со фирмата „Стед-комерц“ од околу 11.500 евра треба да се стави крај на нечистите тоалети, чекални, билетари и останати простории на овие железнички станици, за кои патниците голем број пати реагираа во минатото.

И додека од ова јавно претпријатие работат на создавање на минимум услови за нормално патување на граѓаните со воз, на железничките станици во земјава има сè помалку патници. Од железничките станици во Тетово лани отпатувале само 3.000 патници, додека гевгелиската станица во 2019 година имала 21.000 патници, покажуваат податоците на Државниот завод за статистика. Во Скопје со воз во текот на 12-те месеци лани патувале само 245.000 патници. Причина за ова е малиот број на возови што сообраќаат во земјава, па така на релацијата Скопје-Кичево-Скопје годинава сообраќа само еден пар возови дневно, додека меѓу Скопје и Гевгелија има два пара патнички возови во едно деноноќие.

https://meta.mk/zheleznichkite-staniczi-vo-tetovo-gevgelija-i-skopje-se-rekonstruiraat-patniczi-na-staniczite-nema/

ЖЕЛЕЗНИЧКАТА СТАНИЦА ВО ТЕТОВО ОБНОВЕНА ЗА ПРВПАТ ОТКАКО БЕШЕ ИЗГРАДЕНА ПРЕД СЕДУМ ДЕЦЕНИИ



По речиси седум децении откако е изградена, железничката станица во Тетово доби ново руво. Таа е целосно надворешно и внатрешно реконструирана, а обновени се и пероните на станицата.

„Откако е изградена, на железничката станица само еднаш е интервенирано и тоа за поправка на покривот. Сега со реновирањето е решен долгогодишниот проблем со атмосферската канализација, целиот паркинг простор околу станицата е асфалтиран, направен е пристап за лица со посебни потреби, променет е покривот, обновени се чекалната и билетарницата и поставена е енергетски ефикасна фасада. Обновени се и станичните колосеци, а променети се и дотраените железнички прагови“, изјави Фестим Халили, директорот на ЈП за железничка инфраструктура при Железници на Република Северна Македонија.



Сега треба да се работи на зголемувањето на бројот на возови кои поминуваат низ станицата. Според сегашниот возен ред, возовите на релација Скопје-Кичево сообраќаат само двапати на ден, еднаш наутро и еднаш навечер.

Железничката станица во Тетово е пуштена во употреба на 25 мај 1952 година. На нејзината предна фасада стоеше спомен-плоча која објаснуваше дека станицата е изградена со доброволна работа на 52.000 жители од тетовскиот крај и со помош на припадниците на тогашна ЈНА. За изградбата биле дадени 996.832 работни часови, во вредност од тогашни 139.570.480 динари. Со денешната реконструкција, спомен-плочата ја снема од фасадата и не се знае каде е. Халили вели дека не знаел за ова и дека ќе испита кој ја тргнал плочата и каде завршила.

https://sdk.mk/index.php/dopisna-mrezha/zheleznichkata-stanitsa-vo-tetovo-obnovena-za-prvpat-otkako-beshe-izgradena-pred-sedum-detsenii/

Спомен плочата е тргната од пред неколку години кога имаше претходна реконструкција.

Ништо навредливо немало во тоа ословување. Побарајте извадоци од радио и телевизија од пред 60-70 години, нарекувањето "Шиптари" било нормално и произлегувало од тоа што самите луѓе се така нарекувале, со една буква плус де. Исто како што некаде фигурираат како Арнаути, Арбанаси итн. Но дојдоа модерни времиња, јбг.

Originally posted by Marxentric Ништо навредливо немало во тоа ословување. Побарајте извадоци од радио и телевизија од пред 60-70 години, нарекувањето "Шиптари" било нормално и произлегувало од тоа што самите луѓе се така нарекувале, со една буква плус де. Исто како што некаде фигурираат како Арнаути, Арбанаси итн. Но дојдоа модерни времиња, јбг.

Чекај чекај една буква? Би било за тебе ок да те нарекувам Макдонец? Или славомакедонец? Колку што знам на македонски се нарекува Албанец а не Шиптар, ако сакаш да почитуваш тогаш и точно а тоа е Shqiptar. Faleminderit

Реконструирана железничката станица во Тетово – возовите се од 80-те, граѓаните малку знаат за нивното функционирање



https://mk.tv21.tv/rekonstruirana-zheleznichkata-stanitsa-vo-tetovo-vozovite-se-od-80-te-graganite-malku-znaat-za-nivnoto-funktsionirane/