Струга

фото: studio rinora (фејсбук)

Мост на реката Црни Дрим. На него до 26.11.1915 година имало 17 дуќани,бил познат како Чаршиски мост.

Извор

По повеќе од три години пауза, денеска бев во Струга. Морам да кажам дека е поприлично разубавена во однос на мојата последна посета. Дрвениот мост на Нина е повторно на своето место, Кејот на Дрим е реконструиран, хотелот Дрим е целосно саниран, плоштадот кај општинската зграда е реконструиран, мостот кај хотелот „Београд“ е реконструиран. И сето ова е доста вкусно направено за македонски прилики. Останува уште да се среди Паркот на поезијата, каде што клупите, светилките и потсетниците за посадените дрвца на книжевниците се ископани. Министерството за економија ја вклучи и струшката чаршија во групата на чаршии чии дуќани ќе се обновуваат (излози, натписи, настрешници итн).

Ако вака се продолжи и ако се завршат гореспоменатите проекти, јас очекувам Струга за две-три години барем делумно да го добие својот некогашен сјај. Има многу неубави нешта изградени по плажите и околу центарот, ама барем централното подрачје да биде спастрено. Држам палци само да не го кандидираат Мерко за градоначалник, неговото враќање би било кошмар. Многу луѓе лошо зборуваа за Села, но јас денеска пријатно се изненадив од тоа како го водел градот.

За жал, односите меѓу самите жители на Струга не се како што треба. Тоа што го чувствувам во Струга во воздухот е идентично на Мостар, на ниту едно друго место не сум го почувствувал. Како на игли да газиш додека шеташ низ градот. Морам да го пишам некаде, ми тежи.

 
Малку оф-топик, но за бурек ќе одиш 15 километри јужно во Охрид, во Лихнида, односно поранешна Арома 3 во трговски центар Амам, поточно на самиот крај од трговскиот центар накај езерото од страната која излегува накај булевар Македонски Просветители, или во Феникс кај Крст џамија.
 
Во Феникс и кроасаните со еурокрем се за прстите да си ги излижиш.


Edited by Dexter26 - 05-Sep-2017 at 17:14

Ако си на поминување, вреди за неколкучасовна прошетка, главно покрај кејот на Дрим и плажите. Уште не е сезона, па не верувам дека ќе има гужви по кафулиња и слично, има добри места за јадење (кафеани покрај кејот), за сообраќајот не знам, знае некогаш да биде хаотично, ама не е толку страшно. Имаш една пешачка улица низ градот која е фина за прошетка, но тоа е тоа, Струга е мал град и малку може да ти понуди од гледна точка на турист кој не дошол да се капе во езерото.

ИМа една убава пешачко-велосипедска патека долж брегот на езерото, почнува од последната плажа во Струга (мислам дека се викаше Версус) па накај Калишта. Патеката минува низ доста живописни местенца. Еве неколку фотки од 2020 година:















Се разбира, манастирот во Калишта вреди да се посети, Радожда е блиску, а ако си со кола, и Вевчани и изворите во селото се препорака.