Прво да кажам дека анкетиве губат секаква смисла кога се лупаат оценки кои немаат врска со никакви објективни критериуми. Над една четвртина од учесниците во анкетава дале десетка. Да бидеме реални, спомеников ниту е совршен ниту е врвно светско достигнување. Можам само да се сложам со fichot дека се работи за „патриотски“ десетки. Брееј што лесно било да се биде патриот, мајката. Се чудам како покрај толку патриотизам, државава ни е таква каква што ни е.


-------------------------------------------------

Од мене оценка 7

Споменикот има проблем на релација димензии - околина, но големината носи уникатност која барем во одредена мерка може да биде и позитивно толкувана, па ете нема тоа да му го земам како минус.

Ако ја исклучам замислата, за самата изведбата речиси без исклучок имам пофални зборови, би дал 9.
Ми пречи е чинијата. Сметам дека е лошо обмислено вклопувањето на фонтаната со таква чинија... кога се стои блиску до споменикот доминирачки елемент е самата чинија која го скрива споменикот. А плочките околу чинијата не одговараат на остатокот од зданието и дополнително бодат очи.

Но она што најмногу ми пречи се сите оние дречливи бои од светлосните ефекти, проследени со музичко шоу. Збунет сум... Кој е резонот на грандиозен споменик кој ете се наметна и како национален симбол од прв ред, да му се импутира нешто вакво. На обмислувачот на зданиево очигледно му се помешале лончињата, очигледно имал желба да постигне повеќе ефекти, ама за жал искомбинирал ептен некомпатибилни работи. Со лајт шоу во сите бои од виножитото, споменикот делува прилично несериозно, а со оглед на се, не би требало така да делува. Поназад во нишкава се даваа примери и предлози од фонтани во Атлантик Сити и од Лас Вегас, а јас не можев да се изначудам, зарем зданиево треба да личи на нешто од такви градови?!? За жал со шаренава фонтана, токму така личи.
Нели можеше фонтаната под спомеников да биде поприбрана, а забавна фонтана да се направи на друго место? Малку ли има локации и малку ли е буџетот за Ск2014?

Edited by Cloverstack - 13-Oct-2011 at 02:22

Originally posted by HugoGoulding Инаку мислам дека е добра идеја да има вакво анкетно оценување на сите објекти што ги разработува форумов, особено тие што се и ќе бидат завршени во централното градско подрачје на Скопје. Така секој објект ќе си има своја оцена од членовите на форумот.

Па генерално има, можеби на некој проект сме пропуштиле да поставиме анкета, но слободно потестувајте не и ќе поставиме. Идејат ае токму тоа, секој објект да има некаква оценка која после ќе може и компаративно да се разгледува.

Еве како тоа го имаме замислено. 

http://www.build.mk/forum/forum_posts.asp?TID=564

Затоа Кловер и реагира на мноштвото 10ки. Не дека објектот не заслужува високи оценки од оние на кои им се допаѓа туку бидејќи можеби не ја разбираат добро јачината на оценката 10, а ги потценуваат 9 и 8 кои се исклучително високи оценки (објаснито во линкот погоре).

Секако и во други гласања до сега, особено во првите некои објекти добија неоправдано високи оценки, бидејќи се немаше изградено сенс за скалата.

На овој линк може да се види и топ 10 листата според гласањата од овој тип.

http://www.build.mk/forum/charts.asp

Јас мислам дека и немора до толку паника да се дига за 10-ките, ако не па да ги тргнеме од листа. Оваа метода на оценување што ние ја спроведуваме е http://en.wikipedia.org/wiki/Mean_opinion_score и е збир од субјективни оценки за кои се очекува да дадт некаква едвај објективна оцена. Перцептивна метода е и нека си гласа кој како сака. Може би да имаше единици (кои ќе беа од истите мотиви од кои што се и 10-ките) нема да се разглабаме околу вакви процедурални работи кој како гласал. Ако ништо друго, се работи за анкета на форум, никаков референдум што да остане што да рушиме. Лабаво!

Три вреќи парички се извадени од фонтаната на воинот Вработени од фирмата „Флуид проект“ во нуркачка облека ги собираа паричките во вреќи и веднаш ги спуштаа во тунелот под фонтаната. Два часа беа потребни за да се извади поголем дел од парите, но не се извадени сите Од фонтаната под воинот се извадени 150 килограми железни парички Околу 150 килограми железни парички се извадени од фонтаната на плоштадот „Македонија“. Вработени од фирмата „Флуид проект“, облечени во нуркачка облека, паричките ги вадеа два часа. - Имаше денари, евра, фунти, уште какви не монети. Фонтаната беше полна. Рачно ги вадевме, со лопатки и наполнивме три вреќи со парички, кои тежат околу 150 килограми - изјави вработен на „Флуид проект“. Паричките во вреќи потоа се спуштени во тунелот под фонтаната, каде што чекаат натамошна одлука што ќе биде со нив. - Луѓето нé фотографираа, прашуваа зошто ги вадиме паричките и каде ќе ги носиме, некои дури и беа лути зошто го правиме тоа - објаснуваа нуркачите. Од „Флуид проект“ велат дека паричките се извадени за да не настанат компликации во фонтаната и да не предизвикаат нејзино затнување. - Паричките не смеат да останат во фонтаната, зашто може да предизвикаат проблеми. Во неа се фрлани и хартиени пари. Може да се расипе целата механизација, целиот систем на фонтаната. Згора, и водата се загадува. А таа е беспрекорно чиста, постојано циркулира, се чисти, се оксидира - изјави Периклија Бешка, директор на „Флуид проект“. Оваа фирма е подизведувач на градежната фирма „Бетон“, ја одржува, врши технички контроли и тестирања на фонтаната, но сé уште не е нејзин официјален одржувач. Многу скопјани го проследија ноќното вадење на паричките од фонтаната. - Интересна беше глетката - нуркач во фонтаната. Ама, измрзна човекот додека ги вадеше паричките. Имаше многу работа. Не знам зошто луѓето фрлаат парички, ако тие потоа се вадат - изјави скопјанецот Драган Митевски, кој се затекол на плоштадот за време на чистењето на фонтаната. Надлежните од општината Центар велат дека парите извадени од фонтаната се наменети за хуманитарни цели. - Паричките се извадени од фонтаната и се чуваат на безбедно место. Дополнително ќе се одлучи каде ќе бидат донирани. Моментно немаме точна евиденција за вкупната вредност на парите што се извадени од фонтаната - изјави Јовица Ацковски, портпарол на општината Центар. http://novamakedonija.com.mk/NewsDetal.asp?vest=10131191944&id=14&prilog=0&setIzdanie=22404

Originally posted by lslcrew Јас мислам дека и немора до толку паника да се дига за 10-ките, ако не па да ги тргнеме од листа. Оваа метода на оценување што ние ја спроведуваме е http://en.wikipedia.org/wiki/Mean_opinion_score и е збир од субјективни оценки за кои се очекува да дадт некаква едвај објективна оцена. Перцептивна метода е и нека си гласа кој како сака. Може би да имаше единици (кои ќе беа од истите мотиви од кои што се и 10-ките) нема да се разглабаме околу вакви процедурални работи кој како гласал. Ако ништо друго, се работи за анкета на форум, никаков референдум што да остане што да рушиме. Лабаво!

Воопшто не сум изненаден од твојов став, нормално...кога се работи за високите оценки, може, keep them coming...од тие 12 до сега кои ги гледам еден нема дадено некое какво-такво објаснување...

Јас сум во голем дел против проектов во оваа форма како е, па нема да дадам 1...додуша уште немам дадено глас и ќе размислам дали воопшто ќе дадам, ич не се потресувам - мислев пред некој ден да го направам тоа, ама кога е во најголем процент гласањето тајно, т.е без некакво сумирање, нема никаков резон...немаме увид во гласовите, ама гарантирам дека има членови со скоро никакво учество во форумов од кого се 10ките, ако не се и специјално отворени user-и за гласање...

Originally posted by pbanks лсл, лабаво и е, гласовите се такви какви што се, сугестиите се секогаш повеќе за во иднина отколку за сега. Бидејќи поради неизградени критериуми или нивно непошитување, објекти како СП Ѓорче или Гема 2 се ненормално високо на листата...

Нели треба да се размисли баш заради тоа кои се' проекти треба воопшто да се оценуваат!? Во иста група со СП и Гема 2 е и Инвест банка и тоа како најистакната - заборавам да коментирам на тоа прашање, а често ја приметувам линијата доле на главната страна...

Една забелешка, мислам дека нумеричкото оценување треба да е од 5 до 10 а не од 1 до 10. Мислам така би се добила многу посоодветни оценки за проектите

Originally posted by Cloverstack Originally posted by lslcrew Може би да имаше единици (кои ќе беа од истите мотиви од кои што се и 10-ките) нема да се разглабаме околу вакви процедурални работи кој како гласал. Мислам дека и сам си свесен дека не е така како што викаш. Да имаше наплив на единици, ќе беа сосема неприкладни и исто ќе реагирав. Всушност токму пристрасно гласање, надгласување и докажување, може да резултира со масовно контрирање во обратен правец. Ете fichot иако не единица, за жал сепак дал пониска оценка отколку што мислел, баш со таква мотивација, што е постапка која исто така заслужува секаква критика. И во што ќе се претворат на крај анкетиве, доколку ваквите „критериуми“ станат стандард? Ајде да кажеше дека сме немоќни којзнае колку многу да влијаеме, ама да кажеш дека се е океј вака како што затерало, тоа навистина нема смисла.

Абе јас незнам зашто така ме свативте како да кажав нешто контра било кого. Да имаше и 1-ци со 10-ките ќе се порамнеа и немаше да забележиме дека брзо ќе рипне средната оценка, односно ќе имаше едно тешко сидро кон 5.5 кое немаше така да го приметиме како што сега приметивме дека рипа. Едно време ако ти текнува дури и предлагав најгорните и најдолните оценки да ги множиме со некој редундантен коефициен бап заради заштита од вакви појави.

Таман работа да сега нешто јас се ложам на 10-ките, и се ситам не нервозата на другите кои се осеќаат фрустрирани од 10-ките, како што се осеќа намера да тоа биде така интерпретирано.

Јас уште не сум гласал и кога ќе гласам ќе биде тоа моето мислење за фонтаната изразено преку бројка, немора никакви заднински емоции да се бараат. Ако ми беше за така ќе ја штракнев уште првиот ден од анкетата. Зашто?! Ниту имам причина, ниту намера, ниту желба да се замарам со логистичка, ниту морална, ниту вербална поддршка за фризирање интернет анкети. Тоа веќе ни на кајгана, бадијала и каде се не, не го прават. Не е ни интерено веќе, ниту па намера и желба да се сега нешто "правдам" и објаснувам зашто сум бил погрешно разбран.

Прееска и Дејв пиша за ова, со намера да не ја трујам дискусијата не одговорив, а за по пораки не ми ни паѓа да памет да се објаснувам и така остана. Само изгледа секој воден од своите мотиви па Дејв си ги покажа роговите, толкувајќи ме мене со неговиот вредносен систем, па се издаде дека очекува некаков наплив на единици како полноќна програма да може мирно да си легне. И нели ако не се реплицира, ќе ескалира зашто на форум "важечка вистина" е последната реплика, во случајов на Дејв.

Дури и глупо ми е што дебатираме за ова. И јас сум нашол во 4 сабајле да давам автентично толкување на прошли постови. Сега мора вака пошироко да реагирам, зашто не сакам вакви импутирања тези и мислеља никогаш не кажано.


Edited by lslcrew - 14-Oct-2011 at 03:14

ОК луѓе ајде смирете топка... назад на споменикот...

Токму претходните коментари, претежно од постари членови и модератори, покажуваат колку се ни е низ призма на есапење, математика, кој чив е и зошто е, а треба пример да давате на другите. И едните и другите сте различна страна од иста паричка, немам коментари понатаму....
А за потемнетите скалила и останати работи, најверојатно треба да сватиме дека ако нешто е вредно и си решил да го направиш, најверојатно си должен и да го одржуваш, како што е и со останати работи во животот.

Edited by Gradinarot - 14-Oct-2011 at 16:08

Originally posted by HugoGoulding 5 до 10 е реално оценување, тогаш нема да има вакви проблеми, но предоцна е сега, бар нека се направи така за идни оценувања. Премногу голем спектар е од 1 до 10, нема логика.

нема никаква разлика, дали ќе биде пет или десет, пак ќе има најниска и највисока оцена
баш поголема скала дава поголем избор да се одлучиш за оцена гледајќи ги сите аспекти на еден проект
еве ти пример јас ако за еден аспект дадам 2, а за друг 8, од тоа вадам коефициент и давам финална според мои ставови најреално склопена оценка... едноставно е
исто така поголема скала дава подобра слика за поголем број на објекти, додека со помала скала, објектите би биле со скоро ист ранг иако се светлосни години разлика
плус, поарно да прочитаат сите зошто анкетите се поставени вака и на кој начин треба да се гласа, одколку да развиваме дискусија на 100 страни за тоа каква требало да биде и како да се одвива анкетата...


Edited by zabegan - 14-Oct-2011 at 19:05