Булевар АСНОМ / АВНОЈ (+изградба на нов мост) |
Post Reply | Page <1 678910 30> |
Author | |
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #141 Posted: 22-Jan-2020 at 16:41 |
Сега забележав, баш кај спојката на сервисната улица со булеварот, некој одобрил да има и излез од подземен паркинг. Каква неписмена стока! |
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #142 Posted: 14-Feb-2020 at 13:27 |
Згради потонати во облаци прав
Повеќе од половина година некои од аеродромци што живеат во близината на булеварот АСНОМ се задушуваат во прашината што ја создаваат градежниците, кои работат на оваа сообраќајница. Граѓаните се жалат дека покрај загадениот воздух цела зима голтаат и прашина. Камионите што разнесуваат градежен материјал, постојано истураат, а од фирмите никој ниту чисти ниту мие по нив. Од правот што се крева често не се гледаат станбените згради, како што е близу последната автобуската станица на линијата со бројот 5, а станарите не можат да отворат прозорец за да ги проветрат своите домови. Со секој ветер се разнесува насобраната прашина по уличките, паркинзите и тротоарите по целата должина на изведбените работи од хотелот „Русија“ до последната станица на автобуската линија со бројот 5 и завршува на терасите на зградите близу булеварот. На целиот тој потег со месеци се копа и никако да завршат започнатите градежни работи. Облаци прав се креваат по секое возило што ќе помине на тој дел од населбата Аеродром, а полни со прав се и нивните автомобили оставени на блиските паркиралишта. Никој ниту ги чисти ниту ги мие улиците кога се изведуваат вакви градежни активности. Поради градежните зафати на булеварот АСНОМ, по изменети траси возат и автобусите на ЈСП на линиите со броевите 3 и 23, а тоа им прави дополнителна нервоза на сите што користат јавен градски транспорт. Револтирани аеродромци прашуваат каде се комуналните инспектори да излезат на терен или, пак, чекаат граѓаните да им пратат дојава за ваквите состојби. На прашањето дали улиците на кои има градилишта треба почесто да се мијат или, пак, тоа треба да го побараат граѓаните, од градот се децидни дека граѓаните што ќе забележат ваква појава можат да ја пријават во Инспекторатот на градот Скопје. – Ова е навистина нехумано, се наголтавме прашина, па барем комуналците да дојдат со цистерни да ги измијат јавните површини. Голтаме прашина од дома до паркиралиштата, а на нив си ги наоѓаме полни со прав и автомобилите. Попусто даваме пари по пералници. Зошто фирмите што инвестираат немаат обврска да внимаваат на хигиената, да прскаат, да не истураат градежен материјал. Ги контролира ли некој воопшто овие состојби, каде се комуналните инспектори, инспекциските служби да ги опоменат, да ги казнат за ваквото неодговорно однесување – изјавува револтирана жителка на Аеродром. Од градот топ не ги бие, го даваат стандардниот одговор и образложение дека во однос на условите што треба да се испочитуваат во градилиштата, тие се повеќе опфатени во Законот за градење и за нивна контрола се задолжени градежните инспекции на општините. – Градот Скопје, преку ЈП „Комунална хигиена“, во континуитет работи на миење на улиците, кое го врши со девет специјални возила, во согласност со динамиката и приоритетите што се утврдени од страна на претпријатието. „Комунална хигиена“ има надлежност машинското миење со автоцистерни да го извршува само на главните сообраќајници и булевари. За другите улици се надлежни општините. Од аспект за хигиената и работата на градилиштата, Инспекторатот на градот Скопје има надлежност да ги контролира градилиштата во однос на излегување камиони и други градежни машини од градилиштата на улица со валкани тркала и непокриени со поклопец – церада (во согласност со Законот за јавна чистота). Овие контроли се вршат секојдневно и против сите прекршители се поднесува соодветна пријава – тврдат од градот Скопје. Се поставува прашање, ако се казнуваат прекршителите, зошто тогаш и понатаму не ги почитуваат правилата, дали казните се благи или можеби не се реализираат. Од ЈП „Комунална хигиена“ акцентираат дека не е нивна обврска да ги посетуваат и мијат сите улици каде што има градилишта. На терен треба да бидат инспекциските служби. Во овој период не го прават тоа ниту на улиците за кои се задолжени поради мрзнење. – Секоја фирма што гради треба да си обезбеди своја цистерна и со неа да прска, да ја одржува хигиената, да не дозволи да се создаваат облаци од прав, тоа е нивна законска обврска. Според програмата за работа, ЈП „Комунална хигиена“ – Скопје стандардно спроведува машинско миење со автоцистерни само во периодот од април до октомври. Се случувало да чистиме или миеме улици по налог на градот или општината, но главно градилиштата треба да ја одржуваат хигиената. Исто така, по налог на градот сме подигале отпад што го оставила некоја градежна фирма и ние сме го носеле на „Дрисла“, што е обврска на фирмите. Оние градежни фирми, кои создаваат прашина на улиците или истураат песок, земја што и да е, го прекршиле Законот за животна средина, Законот за јавна чистота, комуналните инспектори можат да ги казнат – велат од ЈП „Комунална хигиена“. А граѓаните не бараат ништо повеќе, туку секој да си ја заврши својата работа за да имаат почиста животна околина. Општината Аеродром имала инспекциски контроли на терен Од општината Аеродром потврдија дека граѓаните се пожалиле и кај нив на прашината од градежните активности на булеварот АСНОМ, за што надлежните тврдат дека интервенирале на терен. – Станува збор за обемни градежни активности на потегот од хотелот „Русија“ до последната станица на линијата со бројот 5 во Ново Лисиче. На тој дел се гради булеварот АСНОМ, како и нова пешачка и велосипедска патека, како и пречистителна станица во близината на последната автобуска постојка. Досега имало повеќе жалби од граѓани во однос на ова прашање, поради што инспекциските служби на општината Аеродром редовно интервенираат на терен и им наложуваат на изведувачите да ги мијат тркалата од возилата за да се намали разнесувањето на прашината – велат од општината Аеродром. https://www.novamakedonija.com.mk/makedonija/skopje/згради-потонати-во-облаци-прав/ |
|
Џоле
Moderator Group Joined: 23-Apr-2013 Location: Скопје Online Status: Offline Posts: 15197 |
Quote Reply #143 Posted: 18-Feb-2020 at 19:52 |
Сликав додека возев точак, така што ќе ми простите за квалитетот
|
|
За сè има вторпат
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #144 Posted: 25-Feb-2020 at 16:34 |
Гранит“ ќе го гради пробивањето на булеварот АСНОМ и мостот кон Керамидница
Градот Скопје ја избра компанијата „Гранит“ за пробивањето на булеварот АСНОМ кон населбата Керамидница и за изградба на новиот мост на реката Вардар. Станува збор за втора фаза од изградбата на булеварот АСНОМ, со која се предвидува изведба на трасата во должина од 400 метри, вклучувајќи го и мостот што ќе биде долг 120 метри. Идниот мост ќе има по три коловозни ленти во секој правец, со велосипедски и пешачки патеки. Капиталниот зафат опфаќа и изведба на јавното осветлување, водоводната и канализационата мрежа. Градежната оператива ќе има рок од 550 дена за да ја изгради трасата на потегот од улицата „Васко Карангелески“ во Аеродром до улицата „Индустриска 1“ во Керамидница. Изведбата на втората фаза на проектот ќе чини над 5,9 милиони евра, се наведува во договорот објавен на Електронскиот систем за јавни набавки. Градските власти треба допрва да го официјализираат почетокот на изградбата на новиот мост на реката Вардар. Во меѓувреме, на терен привршуваат активностите за реконструкција и проширување на булеварот АСНОМ од крстосницата со булевар „Србија“ до крстосницата со улица „Васко Карангелески“ во населбата Аеродром. Проширената сообраќајница во должина од 850 метри ќе има три коловозни ленти во секој правец. Со изведбата на сите три фази, булеварот АСНОМ треба да се пробие како нова траса низ населбата Керамидница, со која ќе се изврши спојување на раскрсницата кај некогашниот Скопски саем со булеварот АСНОМ кај хотел „Русија“. Последната фаза од овој проект вклучува експропријација на земјиште и уривање на 180 објекти во населбата Керамидница за да се изгради самиот булевар. https://meta.mk/granit-ќe-go-gradi-probivaњeto-na-bulevarot-asnom-i-mostot-kon-keramidnicza/?utm_source=rss&utm_medium=rss&utm_campaign=granit-%25d1%259ce-go-gradi-probiva%25d1%259aeto-na-bulevarot-asnom-i-mostot-kon-keramidnicza |
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #145 Posted: 25-Feb-2020 at 21:58 |
Рок од година и пол, а тече од?
Ајде со среќа нека ни е! Да се запомни само "по 3 ленти во секој правец" + велосипедска и пешачка патека. |
|
Јас Скопје никогаш не сум го замислувал вака.
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #146 Posted: 25-Feb-2020 at 22:10 |
Moment koj najmnogu me plaši se 180-te objekti koi ke treba da se urnat za izvedba na drugiot del potočno tretata faza,da ne ispadne na kraj da dobieme most koj nema da vodi nigde...iskreno bi bil iznenaden dokolku nema nitu eden sporen imot vo site tie 180(kako što beše so peralnata na 3-ta Makedonska Brigada)
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #147 Posted: 02-Mar-2020 at 15:01 |
утре почнуваат...
------------------------------------------------------------------------------- Почнува изградбата на мостот кај Паркот на езерата во Аеродром Работите на изградба на 120-метарскиот мост и пробивањето на булеварот АСНОМ од улицата „Васко Карангелевски“ во Аеродром до улицата „Индустриска 1“ низ населбата Керамидница во должина од 400 метри, му се доверени на скопски „Гранит“, кој треба да ги заврши за 1,5 година. Втората фаза од овој проект ќе чини 5,9 милиони евра. Велосипедистите се радуваат што на овој мост е предвидено да има велопатеки По 15 години ќе почне изградба на нов мост преку Вардар во Скопје. Станува збор за мостот на булевар АСНОМ кај Паркот на езерата во Аеродром и, како што информираа од Град Скопје, утре ќе биде означен почетокот на градежните работи. – Прв мост во мојот мандат. После повеќе од 15 години, се гради нов мост во градот. Мостот ќе ги спојува Аеродром, Гази Баба и Центар и ќе има нови автобуски линии, велосипедски и пешачки патеки, покрај шесте коловозни ленти во два правци. Градиме по план. За нови коридори во Скопје. За модерно Скопје –напиша на Фејсбук градоначалникот Петре Шилегов. Ова практично претставува реализација на втората фаза од овој проект кој пред две години го најави Шилегов како капитален, кој ќе даде сериозна развојна компонента на градот. Работите на изградба на 120-метарскиот мост и пробивањето на булеварот АСНОМ од улицата „Васко Карангелевски“ во Аеродром до улицата „Индустриска 1“ низ населбата Керамидница во должина од 400 метри, му се доверени на скопски „Гранит“, кој треба да ги заврши за 1,5 година. Втората фаза од овој проект ќе чини 5,9 милиони евра. Идниот мост ќе има по три коловозни ленти во секој правец, со велосипедски и пешачки патеки, а на булеварот ќе се постави нова водоводна и канализациона мрежа, јавно осветлување и три дрвореди. Шилегов тогаш пресмета дека со реализација на проектот од Ново Лисиче до саем или од Автокоманда до Бисер ќе се стигнува со возила за 5 минути, односно за 10 минути со велосипед. На оваа делница ќе бидат пуштени и нови автобуски линии. Од град Скопје велат дека при крај е проширувањето на булеварот АСНОМ од крстосницата со булевар „Србија“ до крстосницата со улица „Васко Карангелески“. Проширената сообраќајница во должина од 850 метри е со три коловозни ленти во секој правец. Од групата ентузијасти „На точак“ ја поздравуваат изградбата на новиот мост кој ќе има велосипедски патеки. – Од сите скопски мостови преку Вардар, само три (8 Септември, Гоце Делчев и Близнаци) се коректно поврзани со велопатеки во двете насоки. Сите други мостови, или имаат патеки кои се губат (Железничкиот мост) или имаат само од една страна (мост Обединети нации) или воопшто немаат велосипедски патеки. Град Скопје треба да се залага да биде велосипедски град во идните инвестиции за мостови, како овој планираниот преку Вардар кај Влада и овој на „Љубљанска“ во Карпош. Тие ќе бидат наследство за наредните неколку генерации. Покрај врска за автомобили, тие треба да ги поврзат и луѓето од двете страни на Вардар кои се движат пеш или со велосипед – сметаат од „На точак“. Сузана Симовска предлага да се направи еден пешачки мост преку Вардар кај вливот на Серава кај новите згради на кејот. – Со тоа да биде и овој дел поврзан со паркот би било супер, а воедно и би било покорисно бидејќи нема да има потреба да се оди со автомобил накај Центар бидејќи ќе биде полесно да се помине преку паркот и веќе сме во Дебар Маало – вели Симовски. (С.Бл.) https://www.vecer.press/почнува-изградбата-на-мостот-кај-парк/ |
|
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #148 Posted: 02-Mar-2020 at 23:49 |
Конечно нешто добро што е од суштинско значење. Од ова исто така речиси извесно е дека се отфрлени сите плукни-залепи варијанти за трасата низ Ќерамидница и произлегува дека и таму булеварот ќе има адекватен профил. Штета што градските власти не се потранспарентни на ова поле. Сепак, после сите лоши импровизации што го снајдоа градов, речиси без исклучок во секој поголем проект од Водњанска па навака, овој пат сум навистина пријатно изненаден. Edited by Cloverstack - 02-Mar-2020 at 23:49 |
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #149 Posted: 03-Mar-2020 at 15:16 |
ПОЧНА ДА СЕ ГРАДИ НОВИОТ МОСТ НА БУЛЕВАРОТ АСНОМ
Градоначалникот Шилегов, придружуван од градоначалниците на општините Аеродром, Гази Баба и Центар, денеска изврши увид во градежните работи за проширување на булеварот АСНОМ и за изградба на нов мост на реката Вардар. На кејот на Вардар, Шилегов ги посочи деталите за новиот мост што ќе ги поврзува овие три скопски општини и ќе го олесни одвивањето на сообраќајот во градот. Остваруваме уште едно мое ветување, уште еден капитален проект што ќе го обележи мојот прв мандат како градоначалник на Скопје. Општините Аеродром, Гази Баба и Центар за помалку од две години, односно за голина и пол, ќе бидат поврзани со нов мост и модерно булеварско решение што ќе го релаксира сообраќајот во овој дел од Скопје. Денеска вршиме увид во градежните работи, досега работевме на проширувањето на булеварот АСНОМ, а од утре продолжуваме со изградба на нов мост на Вардар кој ќе ги поврзува улицата Васко Карангелевски во Аеродром со улицата Индустриска во населбата Ќерамидница, во Гази Баба. Вкупната должина на трасата изнесува 400 метри. Самиот мост ќе биде долг 150 метри, со 6 коловозни ленти, како и велосипедски и пешачки патеки од двете страни. Вредноста на договорот за изведба на оваа фаза изнесува 365,6 милиони денари со вклучен ДДВ, а се предвидува да се заврши во рок од 550 дена – рече денеска градоначалникот Шилегов. Тој најави дека по овој мост ќе сообраќаат и нови автобуски линии кои дополнително ќе го намалат сообраќајниот метеж.🚌 - По изградбата на овој мост и пробивањето на новиот коридор, од Ново Лисиче до Судската палата со автомобил ќе се стигнува за 5 минути, со автобус за 10 минути, со велосипед за 18 минути, а со пешачење за 35 минути. Со тоа, граѓаните на овие три општини можат да заштедат и до 20 минути од времето поминато во сообраќај доколку ја изберат оваа рута. Изградбата на овој мост во планската документација на Скопје постои уште од 1965 година, но за жал, заради отсуство на визија за развој на градот и немање чувство за вистинските приоритети неговата изградба била одложувана за некои подобри времиња. Од тие причини, за мене недозволиво беше Аеродром како најнаселена општина и Гази Баба како општина со најголема економска активност да бидат поврзани со само еден мост наменет за моторен сообраќај, постојниот мост „Близнак“ – нагласи Шилегов. Градот Скопје, дополни тој, продолжува да гради по план изнаоѓајќи сообраќајни решенија кои ќе обезбедат одржлива урбана мобилност за граѓаните, а тоа ќе значи побрз, поефикасен, побезбеден и поеколошки сообраќај во Скопје https://www.facebook.com/CityofSkopje/ |
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #150 Posted: 04-Mar-2020 at 07:53 |
ПОЧНА ИЗГРАДБАТА НА МОСТОТ КОН КЕРАМИДНИЦА, ШИЛЕГОВ ЌЕ ПОДНЕСЕ КРИВИЧНА ПРИЈАВА ПРОТИВ КОНЕВСКИ ОТИ ГРАДЕЛ НА ТРАСАТА
Град Скопје денеска почна со изградба на мостот на булеварот АСНОМ, со кој општина Аеродром ќе се поврзе со општина Гази Баба. Вкупната должина на трасата изнесува 400 метри. Мостот ќе биде долг 150 метри, со 6 коловозни ленти, како и велосипедски и пешачки патеки од двете страни. Изградбата на мостот и овој дел од трасата ќе чини 6 милиони евра, а како што кажа Шилегов очекува да биде готов за година и половина. „По изградбата на овој мост и пробивањето на новиот коридор, од Ново Лисиче до Судската палата со автомобил ќе се стигнува за 5 минути, со автобус за 10 минути, со велосипед за 18 минути, а со пешачење за 35 минути. Со тоа, граѓаните на овие три општини можат да заштедат и до 20 минути од времето поминато во сообраќај доколку ја изберат оваа рута. Изградбата на овој мост во планската документација на Скопје постои уште од 1965 година, но за жал, заради отсуство на визија за развој на градот и немање чувство за вистинските приоритети неговата изградба била одложувана за некои подобри времиња. Од тие причини, за мене недозволиво беше Аеродром како најнаселена општина и Гази Баба како општина со најголема економска активност да бидат поврзани со само еден мост“ – нагласи Шилегов. Шилегов кажа дека за изградба на булеварот и мостот ќе треба да се отстранат дел од реквизитите кои се поставени во паркот на езерата кој го градеше ексградоначалникот на Општина Аеродром Ивица Коневски. „Размислувам да поднесам кривична пријава бидејќи Коневски градел на местото каде што се наоѓа трасата на булеварот кој е предвиден со Генералниот урбанистички план. Вложени се средства иако знаел дека тука е коридорот на булеварот за поврзување со мостот“, рече Шилегов. Во моментов се работи и на експропријација на куќите кои се наоѓаат на трасата во делот кај Керамидница, каде треба да минува булеварот. На трасата се наоѓаат околу 150 куќи, а досега постигнат е договор со 60 сопственици. Како што кажа Шилегов со обесштетувањето на граѓаните ќе се продолжи после изборите. А. АНТЕВСКА https://sdk.mk/index.php/dopisna-mrezha/pochna-izgradbata-na-mostot-kon-keramidnitsa-shilegov-ke-podnese-krivichna-prijava-protiv-konevski-oti-gradel-na-trasata/ |
|
<Fresno>
Senior Member Joined: 13-Jun-2010 Online Status: Offline Posts: 1137 |
Quote Reply #151 Posted: 04-Mar-2020 at 13:02 |
Многу негативни коментари за проектов на ФБ. Штета што свеста за крупни сообраќајни проекти е на ова ниво, само како алиби за неработење може да се искористи.
|
|
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #152 Posted: 04-Mar-2020 at 17:21 |
Ги читав сега коментарите - сурово потсетување на реалноста. Лавина од дебилизам и затуцаност, 99% од коментарите и „аргументите“ се такви. Буквално мозочен гној! Можеби мизеријата што ја живееме сепак сеуште е подобра од она што го заслужуваме и кон што се стремиме. |
|
гитардемон
Senior Member Joined: 19-Feb-2008 Online Status: Offline Posts: 5422 |
Quote Reply #153 Posted: 04-Mar-2020 at 20:46 |
Линк некој? |
|
Arguing on the internet is like running at the special olympics. Even if you win, you're still retarded.
|
|
skopskodete
Senior Member Joined: 17-Feb-2017 Online Status: Offline Posts: 926 |
Quote Reply #154 Posted: 04-Mar-2020 at 21:01 |
Оди кај Шилегов на фб-страната. |
|
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #155 Posted: 04-Mar-2020 at 21:09 |
Јас читав на официјалниот ФБ профил на Град Скопје, еве линк до тој пост: https://www.facebook.com/CityofSkopje/posts/2933924949987031 Edited by Cloverstack - 04-Mar-2020 at 21:09 |
|
Zelenikovo
Senior Member Joined: 19-Oct-2017 Online Status: Offline Posts: 1631 |
Quote Reply #156 Posted: 04-Mar-2020 at 21:31 |
незнам што очекувате на ФБ можеби експертски премер а дека секој си е во право, во право си е! па дури и Градо кога си верва дека на војаерска мрежа му е тамам да си промовира проекти! не им текна да направат Блог ако не еФорум на својта официјална страна па сега Народ е крив, иако вака на ФБ од прва може да чуе и локален сеир! а од она на прва што читнав од коментари грото може да се релативизираат лесно, пр. доколку паркот се компензира, доколку вело-патеките се премостат со привремени монтажни мостови по насипите, а за тајмингот дефинитивно чаре ет сите позиции да се на ачик за изведбено-пенолошки не ја главиме во недоглед, но и тоа како абер ако го пуштаат на ФБ, освен денгуба ништо друго нема да видиме од чешлање резонирање тревожење! мене ме чуди како не му текна на ЗлаткоМ, и така ветуваше предизборно дека маркичката за парцелата кај Мајчин Дом ќе ја избрише, да го кандиса Инвеститор да му трампаат старата за нова тука некаде од спроти Хотел Русија та и одма до Кеј, чинам каде каде поатрактивна ќе му беше таква локација него сега она упадот кај Мајчин Дом, иако веројатно ќе мораа да одат и со тејк ит ор ливит по цена и на тужба, арно ама кој ни е крив кога и старата и новата локална гарнитура во ОА си заклучиле одаи и’ за Граѓански Надзор а не пак меѓусебен Јавен Партиски Чешел, просто околност налик самобендисан арестед девелопмент на кој сега му фали уште ко во случајот на Куќата кај Транспортен некој да го стопира бул.АСНОМ во Керамидница уште десетина години потоа, евентуално да ги заобиколуваат штопните со слалом додека не се испазарат натака ... инаку поентата со инвестициите кај Саем му држи на Народ како акција-реакција, само заборава дека се’ поголеми гужви ќе има во иднина доколку најитно оваа траса не се комплетира! за мене единствено дискутабилно е зошто Шилегов да не остави тро поширок Мост за евентуално утре да се пушти в среде понего BRT или LRT траса та дури и еднонасочно ако не поинаку [1] Edited by Zelenikovo - 04-Mar-2020 at 21:51 |
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #157 Posted: 04-Mar-2020 at 21:54 |
Samo me interesira zošto seušte nema ni renderi nitu negde podetalno e prikažan proektot ima samo vizuelen prikaz kade treba da minuva trasata i ništo poveke. Patem ova ke bide vtora faza a klučniot moment za funkcionalnosta na celiot proekt ke bide tretata faza koja predviduva rušenje na 150 objekti,spored napisite dosega se rešeni 50 objekti se nadevam nema da zaglavat so ostatokot...
|
|
hcitrS
Senior Member Joined: 27-Nov-2015 Online Status: Offline Posts: 876 |
Quote Reply #158 Posted: 06-Mar-2020 at 00:19 |
Дека парк се уништува - не се уништува. Грда ливада е просторот по кој плачат некои. Аарно ама, не можам да го разберам ни фетишот по асфалт. Зошто толку радост за секоја лента плус. Трета лента во населено место треба да се забрани со закон.
Можеби Кензо проектирал градски автопати, ама тоа било пред 60 години. Денес живееме во држава во која имаме 4 дизели од ‘97ма по глава на жител. Транспортните навики во едно тупо општество не можат за се сменат освен на сила и радикално. Движењето со автомобил низ град треба да се направи максимално непријатно искуство, тоа е најефикасен начин да се дестимулира неговата употреба (се разбира во комбинација со нудење адекватна алтернатива). |
|
Zelenikovo
Senior Member Joined: 19-Oct-2017 Online Status: Offline Posts: 1631 |
Quote Reply #159 Posted: 06-Mar-2020 at 02:08 |
од секогаш Прва Лента била само за Автобуси и принудно запирање, а кога ја обележаа и како Жолта си доби чинам таквиот стандард и хоризонтална сигнализација, незнам колку истиот урбано како еу регулатива е во сила [1] треба некој сега да тарашка но веројатно се подразбира и за во и за вон урбано место ... инаку урбаните автопати не се толкав проблем колку екологијата, а таа има начини како да се стимулира, можеби ко што велам со покачени давачки за регистрација за секое второ возило [1][1][1] но ова без алтернатива како Бесплатен Јавен или бар таков засебен BRT транспорт ем секојдневно LRT од Транспортен Центар до ТИРЗ и Аеродром нема да заживее и Народ попрво би плаќал дупло него да си мачи глава која му е алтернатива ... впрочем ако движењето е непријатно и Економија и Квалитет на Живеење ќе бидат непријатни ... а дека Парк ќе се уништува ќе се уништува, ако знаеш колку време и средства се одвоени (1 мил. евра) посекако тоа е зијан иако во случајов неопходен и не толку проблематичен како компензацијата за Легалните Објекти кои се наоѓаат попатно по трасата денес во нас.Керамидница, се на се арестед девелопмент парексаланс како си функционира двопартискиов затворен систем и како мува не ги лази постојните удбалитичарски мастадонти да се реформираат, бреј структурни реформи биле норма за поуспешен развој во општеството, но во нивниот случај тоа ќе да не важи/важело, во спротивно постојано ќе си прочешлуваа партиски то проектната ефикасност и структурната агилност, ама не се ни тие криви што имаме Научна Фела која само на пуш’д’батн реагира и тоа стрикно по вертикален притисок од власта, па ако не самите некој поумен да ги засрами, за жал сега тоа го чинат најчесто Нелиценцирани Граѓани, веројатно оние ко мене кои нема со што зачаурените да ги уценат освен да ги сеират онака чопорски! |
|
skopskodete
Senior Member Joined: 17-Feb-2017 Online Status: Offline Posts: 926 |
Quote Reply #160 Posted: 06-Mar-2020 at 03:00 |
Па во конкретниов случај е добро што се има лента плус. Ќе се добие целина со останатиот дел од булеварот, а не, три ленти, па на мостот две, па пак три. Плус ова ќе биде на некој начин една од три главни влез-излез булевари на Аеродром кон Центар, така што и те како е потребна уште една лента. Според мене, проблемот лежи во големата ширина на лентите. Енормно широки се сообраќајните ленти насекаде низ градот. Ако се намалат ќе се добие дополнителен простор на вистински начин да се развива велосипедската инфраструктура. |
|
Post Reply | Page <1 678910 30> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |