Возен парк (ЈСП - двокатни автобуси)

Еден doubledecker од Лондон,предниот дел ужас.Од страна кога го гледаш ми е посимпатичен од нашиве.Овој ако не се лажам им е најнов и пуштен пред година дена во сообраќај.



Edited by jyvation - 19-Dec-2014 at 20:12

како ги возат ова двокатниве добро е ако издржат и една година вака, и настрана зицерите сепак како и кај секоја кинеска направија што под тезга односно на тендер се пазари - како концепт двокатниве автобуси ме изненадија целосно, прво што воочив е колку лесно маневрираат сред шпицови и кај тесни грла, а воедно како лесно а брзо фаќаат кривини па и се поткачуваат на тротоари - случај со 9ка кај зоил пред Јасен

ко минус уште еднаш би ги посочил ситните прозори но кои се фора зошто се отвораат, идеално и за високи стрит-левел кадри, добро за горен ракурс и на спомениите што се попатно... друга негативна работа што ја воочив деновиве е никаквото одржување на каросеријата после првиот снег односно кал, ко да не чуле во јсп за компресор

У Охрид изгледа само за декор и реклама служат.

Дали ќе дочекаме за неколку години вакви и во Скопје

Електрични double-decker автобуси во Лондон



Градоначалникот на Лондон Boris Johnson најави дека од октомври низ улиците на Лондон ќе се појават првите електрични double-decker автобуси. Тој истакна дека ова ќе бидат првите електрични double-decker автобуси во светот. Според неговите зборови, производител е кинеската компанија BYD која соработува со јавниот сервис „Transport for London“. Кинеската компанија развила доволно моќни батерии така што во иднина сите постоечки класични автобуси од овој тип ќе добијат електрични батерии.



Инаку, во Лондон уште во 2012-та се воведени хибридни double-decker автобуси, а во 2013-та електрични еднокатни автобуси. Лондончаните и понатаму верни на традицијата, но и на енергетската ефикасност и новите технологии. Извонреден спој.

http://www.porta3.mk/elektrichni-double-decker-avtobusi-vo-london/

со колку голема брзина требало да се движи автобусот на ЈСП за да предизвика волкава штета?
баш ме интересира која била причината за сообраќајкава... инаку имам приметено дека често премногу брзо се возат двокатните автобуси

Сигурно не станува за тркање бидејќи сударот е на коловозот во насока кон Аеродром, кога 3-ката, а и општо сите автобуси што возат натаму се празнат а не полнат.

Кога Мишко импровизира со користење на делови од постари автобуси како резервни делови за сегашните автобуси, ни Дизниленд не му е рамен.
 



Edited by Dexter26 - 26-Dec-2015 at 18:03

ВАДАТ ДЕЛОВИ ОД ПАНОРАМСКИТЕ АВТОБУСИ ЗА ДА ГИ ПОПРАВАТ ДВОКАТНИТЕ ВО СКОПЈЕ



Од едни автобуси се вадат делови за да се стават на други на двокатните кинески автобуси и нископодните украински, кои ги набави Владата на експремиерот Никола Груевски пред 6 години.

Секој ден се расипуваат по неколку автобуси, а ЈСП„Скопје“ нема на лагер резервни делови. Додека се распише тендер да се набавaт нови, потребно е најмалку еден месец, па за да има доволно автобуси на улиците се вадат делови од други.

Во ваква состојба го наследи ЈСП„Скопје“ новиот директор Кристијан Чушков, кого во петокот градоначалникот Петре Шилегов го назначи на оваа функција на местото на Игор Јанушев.

Панорамските двокатни атвобуси не се пуштаат во сообраќај. Тие се размонтирани и се користат да се поправат други автобуси. Од нив се извадени речиси сите делови и тргнати се настрана во гаражата на ЈСП„Скопје“ во Автокоманда. Извадени се мотори, менувачи, прозорци, шофершајбни, делови од командната табла, кочници, па дури и електрика и столчиња. За повторно да се вратат во функција панорамските автобуси, потребно е да се набават сите извадени и заменети делови.

„За волку скапи возила, квалитетот им е многу слаб. Секој ден ни се расипуваат по неколку автобуси, се одлепуваат стакла на украинските, а нашите мајстори мака мачат да најдат што е проблемот. Кај нас во базата во Автокоманда имаме 7 панорамски автобуси од кои 5 целосно не е се во функција, извадивме сè да оспособиме двокатни автобуси. Мораме да ги пуштаме старите автобуси оти немаме доволно исправни кинески и украински“, велат вработените во базата во Автокоманда.

Од вкупно 200 автобуси, 148 секое утро излегуваат на улиците. Во базата остануваат 52 автобуси како замена ако некој се расипе во текот на денот, од кои 40 се веќе расипани и се чекаат да се поправат.

„Не можеме да имаме резервни делови на легер оти се скапи. Луѓето се чудат зошто ги пуштаме во сообраќај старите автобуси, но мораме оти двокатните се расипани. Старите помалку се расипуваат од новите. Поправката оди тешко бидејќи немаме софтвер за да го откриеме дефектот“, раскажуваат вработените во сервисот на ЈСП„Скопје“.

Во 2011 година беа купени 202 кинески двокатни и 80 украинските нископодни автобуси кои чинеа 57 милиони евра. Беа набавени во времето на премирот Никола Груевски преку Министерството за транспорт и врски кога министер беше Миле Јанакиевски. Груевски тогаш ги рекламираше како подарок за граѓаните на Скопје од Владата. Првите двокатни автобуси од кинеската Компанија „Јутонг“ стигнаа во Скопје во 2011 година, втората тура во 2012 година а набавката беше комплетирана во 2013 година.

https://sdk.mk/index.php/magazin/vadat-delovi-od-panoramskite-avtobusi-za-da-gi-popravat-dvokatnite-vo-skopje/

Се запали автобус на ЈСП во Ѓорче Петров-нема повредени патници



Двокатен автобус на ЈСП Скопје што сообраќал на линијата со број 5 утрово се запали на улицата Ѓорче Петров, во близина на општинската зграда. Меѓу патниците во автобусот нема повредени.

Како што соопштија од Град Скопје, шест пожарникари од Противпожарната бригада на Град Скопје веднаш пристигнаа кај запалениот автобус, со две возила, а нивната брза интервенција овозможи огнот да биде изгаснат и да не се предизвикува дополнителна штета.

Според сведоштвото на возачот, еден од патниците што се возел на горниот кат, алармирал дека се појавил чад. Возачот веднаш го застанал автобусот, ги симнал патниците и се обидел сам да го изгасне пожарот со противпожарен апарат, но не успеал, па ги повикал пожарникарите кои веднаш дошле на местото на настанот и проширениот пожар го ставиле под контрола и го изгаснале. Екипите на Министерството за внатрешни работи вршат увид на местото на настанот и ќе утврдуваат причините за пожарот.

https://novatv.mk/se-zapali-avtobus-na-jsp-vo-gorche-petrov-nema-povredeni-patnitsi/?fbclid=IwAR3_ja2SKfAzEXHJDrL2qOHmO1gvfsPOPUVsFXfHtGWle1qMXwyrQ1bsRCQ