Една забелешка за сајтот,наместо "тражи" би требало да стои "барај" 

Originally posted by ovaj_stariov Една забелешка за сајтот,наместо "тражи" би требало да стои "барај"

Благодарам за сугестијата, се надеван дека ќе има уште.

Originally posted by lslcrew А што е со рампата за утовар во кисела вода во депото, кај што се пристапува од кај табак зградата?!

Еве во каква состојба е самата рампа, а да не зборувам за целиот прилаз.

Само напред со сугестии, тоа не боли само може да направи подобро.

Морам да признам дека бегав од часови нарочно македонски и француски и трчав во паркот на возење со пионерскиот воз или мување во ложилница околу возовите

корегирано tomo441


Edited by Vladimir P - 01-Sep-2009 at 17:50

Originally posted by tomo441 Pocetokot na rabota na NZS e nekade vo avgust '80 ili'81god.

И јас памтам дека имам прочитано ваков податок некаде

Неверојатно! Страшно! Поразително!
Еве како надлежните се однесуваат спрема врвните државни приоритети и стратешки интереси - во прва линија коридорот 8, но и железницата воопшто.

Дури и помпезно најавуваните, а всушност мизерни 14 милиони евра од почетокот на годината, се стопиле на 3,7
3,7 милиони евра за цела редица трошоци и проекти... Многу невкусна шега на надлежните!

       

Догодина веројатно повторно бесрамно ќе бидат рециклирани истите ветувања дека ќе го градиме коридорот 8, дека ќе ја модернизираме инфраструктурата, дека ќе го подновиме возниот парк...

Тројно повеќе пари за балет отколку за железницата   За инвестиции во железничката инфраструктура во буџетот за 2009 година се одвоени едвај 3,7 милиони евра, а за дејности од областа на културата има 45,5 милиони евра, од кои само за музичко-сценска дејност има околу 10 милиони евра       Со последниот ребаланс на буџетот Владата реши да ги намали средствата за инвестиции во железничката инфраструктура, од 14 милиони евра предвидени во почетокот на 2009 година, на едвај 3,7 милиони евра. Истовремено, сумата за финансирање на дејностите од областа на културата се зголемени од 44,7 на 45,5 милиони евра. Од нив, само ставката за музичко-сценска уметничка дејност е зголемена од 8,7 на околу 10 милиони евра. Неизбежен е заклучокот дека годинава во Македонија ќе има повеќе пари за балет и опера отколку за железничката инфраструктура. Интересно е што Владата со годинешните инвестиции во железничката инфраструктура од околу 3,7 милиони евра планира редовно и тековно одржување во постојната железничка инфраструктура, изградба на новиот Коридор 8, изработката на инвестиционо-техничката документација, како и надоместување на услугите од јавниот интерес во железничкиот превоз на патници. Во образложението на оваа буџетска ставка, Владата признава дека железничката инфраструктура се карактеризира со застареност и додава дека со планираното вложување во инфраструктурата се очекува обезбедување сигурен и безбеден сообраќај и привлекување оператори (превозници) на територијата на Македонија, како предуслов за зголемување на конкурентноста на железничкиот транспорт на пазарот за транспортни услуги. Меѓутоа, познавачите велат дека доделените 3,7 милиони евра тешко дека ќе стигнат за одржување на железницата, а камоли за изградба на пругата кон Бугарија, која треба да биде дел од популарниот Коридор 8. Тешко е да се поверува дека Владата очекува со оваа сума да се извршат градежни зафати и модификации на пругите за по нив да може да се вози со барем 120 километри на час, колку што изнесува нормалната брзина во Европа. Поради тоа, определбата да се привлечат оператори-превозници што ќе ја зголемат конкурентноста паѓа во вода. Историјата на „Македонски железници“ покажува дека последните поголеми инвестиции во изградба на железницата датираат уште од времето на Отоманската Империја, кога европски големци ги убедиле Османлиите да дадат пари за изградба на околу 50 отсто од вкупната железничка инфраструктура во Македонија. Во тој период, поточно во 1873 година, била изградена и пругата Скопје-Солун. Ако се земе предвид и Националната програма за железничка инфраструктура за периодот 2008, актуелната власт до 2012 година воопшто не планира посериозни инвестиции во железницата. Имено, во програмата се предвидени два периоди, и тоа од 2008 до 2012 и по 2012 година. Во првиот се планира подобрување на сегашната состојба на инфраструктурата, во кој ќе се подобри нивото на одржување на инфраструктурата, а со одредени вложувања и целокупната состојба на инфраструктурата - обезбедување брзина на возење од 120 километри на час. Во вториот период, по 2012 година, се планира таканаречена развојна компонента. „Со значителни инвестициони вложувања во Коридор 10 и завршување на изградбата на Коридорот 8, „Македонски железници“, а со тоа и Република Македонија, нема да дозволат да бидат заобиколени од паневропските железнички коридори и во поглед на железничкиот транспорт“, се вели во програмата усвоена од Собранието. Соседите вложуваат стотици милиони евра во железницата Без разлика дали се работи за пари од буџетот, од заеми или пари обезбедени со јавноприватни партнерства, земјите од соседството и од Југоисточна Европа не жалат пари кога станува збор за вложување во инфраструктурата и особено во железницата. Добар пример за тоа е Турција, во која до 2012 година треба да биде пуштен во употреба железнички тунел што поврзува Европа и Азија, поточно европскиот и азискиот дел на Истанбул. Тунелот е долг околу 1,5 километар и првиот дел од него е на длабочина од 40 метри под морското ниво. Вториот дел на тунелот е подлабок и е лоциран на длабочина од 60 метри под морското дно. Ако ваквите градежни потфати и вложувања изгледаат светлосни години подалеку од состојбата во Македонија, доволно е да се угледаме на некои од соседните земји каде што со забревтано темпо се вложува во железницата или барем се разгледуваат различни варијанти за подобрување на железничката инфраструктура. Така, српската министерка за финансии Дијана Драгутиновиќ и директорот за инфраструктурни проекти на Европската банка за обнова и развој (ЕБОР), Томас Маер, пред три дена во Белград потпишаа договор за кредит во висина од 150 милиони евра, за изградба на две делници од Коридорот 10. Ова е втор кредит од ЕБОР за Србија доделен оваа година, по оној од почетокот на 2009 во висина од 100 милиони евра, наменет за „Железниците на Србија“. Властите кај нашиот северен сосед соопштија дека Србија досега од странство обезбедила 1,2 милијарда долари за реализација на Коридорот 10. Во Бугарија трансформација на железницата имаше во 2006 година, а веднаш потоа е донесен план за стандардизација според европски терк. Во следните неколку години од сопствени средства и од средства од европските фондови Бугарија ќе вложи околу 500 милиони евра во обнова на железницата. Во оваа земја со комерцијален железнички превоз веќе се занимаваат осум приватни железнички оператори. Добар пример за реформа на железницата е и Чешка. Уште од 2002 година со транспорт на стока на чешките пруги се занимавале 13 железнички оператори. Реформите на железницата во Хрватска почнаа во 1999 година. Во соработка со ЕБРД „Хрватски железници“ го прифатија проектот за преструктурирање на железницата. Тие ги отфрлија несуштинските делови на компанијата и формираа 17 нови компании, од кои една е во државна сопственост. Во 2004 година хрватската влада издвои 500 милиони евра за преструктурирање на железницата, што изнесуваше околу 2 отсто од буџетот. Словенците за трансформација на железницата пред неколку години одлучуваа на референдум на кој народот одлучи трансформацијата да не биде преку ноќ. По тоа, претпријатието се подели на два дела, кои се државна сопственост, а услужните дејности и транспортот допрва ќе се приватизираат. Неодамна, германската „Дојче бан“ искажа заинтересираност за влез во словенечката железница. Тоа не ја спречува Словенија да планира инвестиции од 8,8 милијарди евра во модернизацијата на својата железничка мрежа во периодот од 2008 до 2020 година. Според пишувањата на тамошните медиуми, модернизирањето на железничката инфраструктура е најскап државен развоен проект во историјата на Словенија. Тој ќе однесе две третини од вкупно 12,2 милијарди евра, наменети за четири сообраќајни проекти. Половина од парите за железничкиот проект, односно 4,27 милијарди евра, треба да бидат обезбедени со здружување јавни и приватни средства. Околу 350 милиони евра ќе бидат добиени од фондовите на Европската Унија, додека преостанатиот дел ќе биде покриен од буџетот на Словенија. Иако Албанија заостанува во развојот на железничката инфраструктура можеби и повеќе од нас, со оглед на тоа што единствена врска со надворешниот свет е преку Црногорската железница, лесно може да се случи оваа земја да ја надмине Македонија и на овој план. Имено, во Албанија веќе се водеа преговори со кинеската „Чајна рејлвеј констракшн компани“ за изградба и инвестирање во албанскиот железнички систем, вредна 500 милиони евра. Кога станува збор за реформи во железницата, Македонија застана на поделбата на ЈП „Македонски железници“ на два дела „МЖ транспорт“ и „МЖ-инфраструктура“. За жал, овие примери покажуваат дека Македонија со инвестиции во железницата од 3,7 милиони евра за 2009 година урива неславни рекорди во однос на развој на железницата и железничката инфраструктура.  Години на изградба на македонската железничка инфраструктура  пруга  година на изградба  километри        Скопје-Велес  1873  48,7  Велес-Гевгелија  1873  113,9  Скопје-Волково  1874  31,6  Табановци-Скопје  1888  49,8  Битола-Кременица  1894  16,7  Велес-Кочани  1925  85,5  Велес-Битола  1931/36  128  Ѓорче Петров- Кичево  1952/69  103  Б.Гумно-Сапотница  1957  29,4  Зајас-Тајмиште  1969  6,6  Скопски јазол  1971  37,3  Градско -Шивец  1983  16,3 Кратење на буџетските средства за инвестиции во железницата во 2009 година во милиони евра        буџет  ребаланс 1  ребаланс 2  14,8  6  3,7                  Автор: Владимир Николоски

http://www.novamakedonija.com.mk/NewsDetal.asp?vest=9289106159&id=9&setIzdanie=21798


Edited by Cloverstack - 28-Sep-2009 at 17:55

Првин се уништуваат, а после замислете правеле загуби 

МЖ транспорт - бунар без дно Наташа Стојановска Коментари (0)    13.10.2009 17:43 17 милиони евра железницата и должи на државата   МЖ транспорт - бунар без дно, од каде се влечат буџетските пари. 17 милиони евра железницата и должи на државата. Дел се претворени во траен влог. Дел се уште не се наплатени. Ревизорите констатирале дека токму отсуството на мерки за наплата на побарувањата - влијае на одлевање на пари од буџетот. Понатаму државата платила уште 56 милиони евра во име на железницата, но не се презентирани акти за начинот на враќање на парите, што повторно влијае на одлевање на средства од буџетот. Ревизорите не се увериле дека МЖ транспорт наменски и законски потрошило 4,5 милиони евра за извршени набавки. Понатаму - спротивно на законите се давале повластени цени за превоз - на домашни и странски фирми, но без пропишани критериуми. Регистрирана е и можноста за злоупотреба на нафтата за лични потреби. Компанијата искажувала загуба, но добила и дозвола за вработувања. Ревизорите препорачуваат да се преиспитаат одредбите за вработувања во јавни претпријатија што имаат загуби. Во конечниот извештај на ревизорите кој се уште не е официјално објавен, стои дека лани МЖ транспорт направило загуба од 9 милиони евра.

http://www.a1.com.mk/vesti/default.aspx?VestID=114921

СЕ СКРАТИ БУЏЕТОТ ЗА ЖЕЛЕЗНИЧКА ИНФРАСТРУКТУРА
Возовите ќе останат на слеп колосек

Мизерно, валкано и страшно чувство ме облева секогаш кога се возам со воз. Тогаш ти се чини дека времето застанало во 1949 година. Пред да седнеш гледаш да си постелеш некое платно од дома за да не си го извалкаш фустанот со кој треба да одиш на работа тој ден. Но, не е толку проблемот во тоа како се чистат возовите, туку какви навики имаме додека се возиме. Многумина си ги качуваат нозете на седишта сосе чевли. Не поминуваат ни пет минути од тргнувањето на возот, па се вадат буреци, јогурти или некое домашно подготвено јадење, а храната се рони по подот. Вака го доживува секојдневното патување од Куманово до Скопје нашата соговорничка Маја. Додека во светот луѓето патуваат со воз бидејќи тоа е најбрз, најконфорен и најдобар начин за да стигнеш до саканата дестинација, кај нас со воз се патува само затоа што е најевтино.
Годинава од буџетот на Македонија требаше да бидат издвоени шест милиони евра за инвестиции во железничката инфраструктура, но со вториот ребаланс за оваа намена беа одобрени само 3,7 милиони евра.
Во 2010 и во 2011 година, пак, за инвестиции во инфраструктурата се планирани да се обезбедат по 12 милиони евра во секоја година.
Возовите се стари уште од 1963 година, а има локомотиви и од 1960 година.
Благоја Крстески, директор на железничкиот транспорт, вели дека прават се за да се смени лошата слика за железничкиот сообраќај. - Со пари од Светска банка се направи модернизација на две локомотиви, кои веќе се ставени во функција, а чекаме уште во четири локомотиви да се вградат екомотори. Локомотивите сега се климатизирани. Во тек е и реконструирањето на два воза. Овие возови ќе имаат нови дизел-мотори, нови седишта за патниците и нов под. Извршена е и поправка на 10 вагони, каде што, исто така, се сменети седиштата, направена е ревитализација на системот за сопирање, е се реновирани тоалетите. Ова се прави во фабриката „Колска“ во Велес - вели Крстески. Тој објаснува дека ревизијата на возовите редовно се прави и кога ќе дојде време се менуваат делови. - Имаше план да се купат два нови воза. Одлуката за нови возови помина и на седница на Владата, но финансиската криза си го направи своето - објаснува Крстески.
Овие возови кога ќе се набават ќе се приспособат за да возат до 100 километри на час.
- Брзината на овие возови е повеќе од 200 километри на час, но нашите пруги не се приспособени за оваа брзина - ни изјави Крстески.

Вагоните ќе одат на генералка

Вагоните во кои се возат граѓаните ќе се носат на генералка, не информира директорот на „Железници и транспорт“, Благоја Крстески.
- Ќе ги носиме на генералка во „Колска“, па потоа ние само да ги одржуваме. Настојуваме и да ја засилиме контролата за да ставиме ред на однесувањето на граѓаните што пушат и ги валкаат возовите, но менталитетот на граѓаните нема да може да го смениме. Порано, во минатото, помнам дека качуваа дури и кози во возовите - вели Крстески.

На дното од регионот

Македонија има 699 километри железничка инфраструктура од кои 223 километри е електрична. Во Косово има 430 километри, а во Албанија 896 километри. Во однос на другите земји од регионот сме многу полоши. Во Словенија, која има слична површина со Македонија, има 1.228 железничка инфраструктура. Во Србија, која е 3,5 пати поголема по површина од нас, железничката инфраструктура е петпати поголема, односно изнесува 3.379 километри, а во Бугарија со петпати поголема површина има 4.295 километри железничка мрежа.

Денешно ВРЕМЕ за состојбата со македонските возови:
http://www.vreme.com.mk/DesktopDefault.aspx?tabindex=3&tabid=1&EditionID=1842&ArticleID=124296

И пајтон побрз од возовите Повеќе стотини патници од Велес, Гевгелија, Демир Капија, Неготино, Градско, како и од Кочани, Штип и други градови вчера не стигнаа на време на работа, в училиште, на факултет или на преглед во Скопје, бидејќи двата воза доцнеа по неколку часа Побрзо во Скопје ќе стигнеме со „на Аџи Пешо пајтонот“ отколку со воз, револтирано коментираа вчераутро патниците на железничката станица во Велес, каде што возовите доцнеа неколку часа. Поради доцнењето неколку стотини велешани, но и патници од Гевгелиско и Кочанско вчера не стигнаа навреме на работа, в училиште или на факултет, бидејќи утринските возови кон Скопје поради дефекти доцнеа со часови. Возот од Гевгелија, кој во Скопје требаше да стигне во 6.30 часот, во Велес дојде во 8, а тој од Кочани, кој на железничката требаше да биде во 7.15 стигна во 8.40 часот. Ваквата ситуација создаде револт кај патниците, кои требаше да стигнат на работното место, учениците и студентите на настава, трети на закажан лекарски преглед итн. - Ова е срамота што го прават Македонски железници. Откако не' навикнаа на доцнење од 10-15 минути, што стана практика, сега ја претераа. Да се чека возот со саати на релација од стотина километри е апсурд. Оправдување нема. Може да се организираат и да реагираат брзо, да ни обезбедат превоз, а не вака на студот да чекаме на отворено - коментираа гневните патници. Околу 600 корисници од Велес секојдневно со месечен билет за 1.600 денари патуваат до Скопје и назад. Велешани се лути што и чекалницата на железничката станица не ги исполнува стандардите за толкав број патници. Откако дознале дека возовите доцнат на неодредено време, заминале на автобуската станица во Велес. А таму слична глетка. Приливот на голем број патници не бил во можност да го примат автобусите кои сообраќаат до Скопје. - Имаше само по 2-3 слободни места во автобус, ние многу, па се создаде нервоза и редици, кој прв да влезе, а сите брзаме. И тука моравме да чекаме да се качиме за Скопје. Како ќе им објаснам на моите претпоставени дека не бев во можност да дојдам на работа. Во ова време на брза технологија со ваков возен парк и возови и автобуси, ние сме во одамна минато заборавено време - велат патниците. Единствено корист од доцнењето на возовите имаат таксистите што ги превезуваа патниците од железничка до автобуска, а некои и до Скопје за 150 денари во еден правец. Патниците од правецот на Гевгелија, Демир Капија, Неготино, Градско или Кочани и Штип, кои се затекнале во возовите немале избор, па морале да чекаат тие да стартуваат, уживајќи во погледот од возот на отворена пруга. Некои од нив поради тоа што возот доцнел го пропуштиле терминот за закажан лекарски преглед. - Требаше на Клиника да бидам во 9,30. Терминот ми беше закажан уште пред два месеца, сега оставам на докторот да се смилува и дали ќе ме прими или пак ќе чекам уште некој месец за нов преглед - објаснува патник од Кочани, кој беспомошно ги собираше рамениците. Од ЈП Македонски железници - Транспорт им се извинуваат на патниците за настанатите проблеми и одговорија дека причината за доцнењето на возот од Кочани бил дефект на отворена пруга на машината, а за тој од Гевгелија било немањето струја на далноводот Велес - Дуброво. http://www.dnevnik.com.mk/?ItemID=D4BF835CC0EB4C4DABBBB383AE5110D3

епа ако нешто најмногу ме изнервира е што се потрошија пари на милиони непродуктивни глупости, а на крај ја оставија инфраструктурата (вклучувајќи ја и железницата) со изговор дека била светска криза

Незаконски трошења во МЖ Транспорт

Ревизорите со нови извештаи за незаконски трошења - надлежните се уште бараат докази за старите објавени пред неколку месеци.

Во денешните извештаи констатирани се недоследности во МЖ Транспорт. Во „Македонија пат“ се проблематизираат тендерите, намалено производство на асфалтна маса што влијае на приходите.

Лани имало загуба од 3,3 милиони евра. За сите извештаи јавниот обвинител побарал докази од МВР. Одговор чека.

„МВР се труди во најкус можен рок да ги собере сите неопходни информации коишто би му помогнале на јавниот обвинител“, рече Иво Котевски, портпарол на МВР.

„Откако ги добиваме тие одговори, тогаш ние одлучуваме дали против некое лице ќе водиме постапка или не“, изјави Љупчо Шврговски, државен јавен обвинител.

Експертите сметаат дека ова остава комодитет на функционерите и никој не се плаши од ревизијата.

„Доста нашите обвинители се чекачи, ќе пратат писмо и чекаат, малку поголема иницијатива. Тој треба да раководи со одредена постапка, изговорот дека пратил писмо, но не добил одговор не држи“, вели Слаѓана Тасева, универзитетски професор.

Некои порачуваат зголемени ингеренции на државниот ревизор.

„Да се измени или дополни законот за државна ревизија, така што да им се даде поголемо овластување во насока на однесување на кривична пријава. се разбира дека тоа би значело одземање на обврските на институции коишто се веќе надлежни за таа работа, меѓутоа сметам дека нема да биде на одмет доколку Државниот завод за ревизија констатира неправилност, ако таа неправилност е со таков обем, и со таков квалитет, значи е злоупотреба и во таков случај за незаконско и ненаменско трошење да се поднесе кривична пријава до надлежниот орган“, рече Никола Тупанчевски, универзитетски професор.

За извештаите речиси и да не се расправа. Собраниската комисија каде тема беа извештаите, пратениците од владејачката партија ја напуштија, оспорувајќи го начинот на закажување.

http://www.a1.com.mk/vesti/default.aspx?VestID=115313

I dodeka vo stranstvo intenzivno se raboti na ova pole, Makedonija se karakterizira so skandali!