Св. Климентов Универзитет на Плаошник

тоа веќе го има во црквата на `Плаошник` каде над старите зидини се ставаше оловна лента и врз неа се наставува новиот ѕид.јасна е разликата до каде е старата градба а од каде започнува новата

Edited by gjoko - 26-Apr-2014 at 00:03

фото: Роберт Алаѓозовски

Неофицијално, од страна на УНЕСКО на Владата и се дадени 2 опции. Првата е да ги руши овие монструми. Оваа опција ќе значи поставување на Охрид на листата Светско наследство во опасност. Втората е да продолжи градењето со што Охрид ќе го изгуби статусот на светско наследство.

Владата го крие извештајот на УНЕСКО кој според нивните внатрешни правила бил изготвен и ни бил испратен најдоцна во март 2014 година. УНЕСКО нема да го објави се додека Владата не се изјасни. Рокот е 6 месеци. Според тоа, а имајќи ги предвид тековните градежни активности, извесно е дека ќе останеме без претставник на УНЕСКО листата.

Пред една седмица бев на Плаошник со поголема група странци. Никој не можеше да разбере која е потребата од сквернавење на историјата и затворање на еден од најубавите погледи во Европа.

Ако изградбата на овој монструозен комплекс продолжи, ајде да бидеме објективни, Македонија апсолутно заслужува да го изгуби статусот на Охрид како дел од светското културно наследство. Како што спомна ehrlich, Охридското езеро е на листата на природно наследство и во секој случај ќе ни служи како утеха дека ни останал барем еден ентитет на листите на УНЕСКО, барем додека не го упропастиме и самото езеро до таа мерка да биде избришано и тоа, достигнување за кое сме на добар курс.


@ OCB
Значи работата е или во листата на загрозено светско наследство или комплетно во аут? Сегашниот статус секако ќе се менува?

Ме буни што точно повлекува таа листа на загрозено светско наследство. Некакви негативни последици, или можеби некаква помош?

Единствено објаснување во врска со таа листа што го пронајдов е следниов член на конвенцијата:

Article 11.4 The Committee shall establish, keep up to date and publish, whenever circumstances shall so require, under the title of "List of World Heritage in Danger", a list of the property appearing in the World Heritage List for the conservation of which major operations are necessary and for which assistance has been requested under this Convention. This list shall contain an estimate of the cost of such operations. The list may include only such property forming part of the cultural and natural heritage as is threatened by serious and specific dangers, such as the threat of disappearance caused by accelerated deterioration, large- scale public or private projects or rapid urban or tourist development projects; destruction caused by changes in the use or ownership of the land; major alterations due to unknown causes; abandonment for any reason whatsoever; the outbreak or the threat of an armed conflict; calamities and cataclysms; serious fires, earthquakes, landslides; volcanic eruptions; changes in water level, floods and tidal waves. The Committee may at any time, in case of urgent need, make a new entry in the List of World Heritage in Danger and publicize such entry immediately.

Океј еве да речеме преовлада разумот...
Се расчистат тие глупостите на Плаошник и го стават Охрид на листата на загрозено светско наследство. Што би значел тој статус ин риал лајф?


Edited by Cloverstack - 11-May-2014 at 21:35

Originally posted by ehrlich Можеби си во право, но доколку се следи примерот на Дрезден, таму УНЕСКО уште при плановите за градба реагираше многу остро и јавно, а воедно при самото започнување со градба на новиот мост, Дрезденската долина на Елба беше тргната од списокот на културно наследство, така да ова ми е чудно. Плус, Охрид е заштитен и како природно и како културно наследство, а самите објекти реално може да прават штета само на градот Охрид како културно наследство, додека Охридското Езеро не гледам со што е загрозено.

Живеев во Дрезден во 2005-06 па имав можност да ги следам настаните од таму. За разлика од кај нас, граѓани и невладини го известија УНЕСКО за планот на градот да гради мост преку Елба. По поплаките и кога се дозна дека е усвоен план за изградба на мостот, во 2006 долината беше ставена на листата на загрозено наследство, во 2007 започна да се гради мостот, а кога во 2009 беше извесно дека проектот нема да биде стопиран, статусот беше одземен. На телевизија и во весниците можеа да се видат безброј дебати и анкети во врска со градежниот план и можноста да се изгуби статусот. Таму беше јавно затоа што јавноста и медиумите го направија такво, а градот и државата не ги криеја деталите поврзани со средбите со УНЕСКО. Останува да се види дали градбите на Плаошник го засегаат само градот или и природата. Всушност заштитен е голем дел од Охридскиот регион и дел од езерото. Еден цел рид е пополнет со градби и тоа нормално дека ја нарушува и природата.

Originally posted by Cloverstack @ OCB Значи работата е или во листата на загрозено светско наследство или комплетно во аут? Сегашниот статус секако ќе се менува? Ме буни што точно повлекува таа листа на загрозено светско наследство. Некакви негативни последици, или можеби некаква помош? Океј еве да речеме преовлада разумот... Се расчистат тие глупостите на Плаошник и го стават Охрид на листата на загрозено светско наследство. Што би значел тој статус ин риал лајф?

Неофицијално, сегашниот статус ќе се промени. Листата на загрозено светско наследство може да повлече и негативни и позитивни последици. Во нашиот случај би била користена како закана дека ако не постапиме по препораките на УНЕСКО ќе ни биде одземен статусот (случајот на Дрезден). Ова е механизам на УНЕСКО да ја подигне свеста на локално и меѓународно ниво со цел да предизвика мерки што ќе придонесат да биде вратен претходниот статус. Позитивни последици би имало кога на пример некое наследство е оштетено од природна непогода па да се биде на листата значи и можност да се добијат средства од УНЕСКО за санирање на оштетувањата.

Да не заборавиме дека целта на посетата на УНЕСКО не беше само Плаошник. Се проверуваше цел заштитен регион во кој знаеме дека има засилени градежни активности, дел од кои и многу близу до крајбрежјето на езерото. Дополнително, квалитетот на неколку реки што се влеваат во езерото е од трета категорија. Наскоро на виделина ќе излезат и други проблеми што ние како општество или не ги сметаме за такви или некој не сакал да допрат до нас...

Преспанско-охридскиот регион ќе биде прогласен за прекуграничен биосферен резерват

Одлуката за ова се очекува да биде донесена на 10/11 јуни на состанок на УНЕСКО во Шведска, како што и пишува во статијата, па ќе видиме дали е вистина заканата за одземање на статусот.

Исто така, годишниот состанок на Одборот на светското наследство на УНЕСКО ќе се одржи од 15 до 25 јуни во Катар, каде се донесуваат крупните одлуки за одземање/додавање на статус на некое наследство, така да ќе видиме што ќе се случи.

И уште еден прилог на АЛФА каде што на видеото можат да се види до каде е изградбата. Меѓу другото објаснето е и моето прашање од погоре во врска со старите темели.

Плаошник - спој на духовното и световното, проект кој го враќа она што го зело времето

Проектот треба да ги спои духовното и световното, да ги премости вековите и милениумите, да го надгради пејзажот обединувајќи ги во една визура Самоиловата тврдина, црквите Св. Климент и Пантелејмон, Св. Јован Канео...
Охрид дефинитивно е македонскиот духовен центар, а Плаошник неговото најсвето место. На овој мал простор има најмалку две ранохристијански базилики изградени од 4. до 6. век и најпознатата Св. Климентова црква која етапно се градела од 9. до 14. век.

Овој храм со доаѓањето на Османлиите бил урнат, а на неговото место се издигнала Имарет-џамијата. По повеќе од 5 векови, црквата која првично ја направил самиот Св. Климент беше повторно изградена во 2002-та. Оттогаш нејзината духовна големина привлекува и Македонци и странци. Успешниот пример на враќање на она што го зело времето треба да се преслика и на дополнителните содржини на кои интензивно се работи.

При изградбата на новите објекти особено се внимава на археолошкото наследство. Оваа римска цистерна за вода беше неодамна откриена и целосно конзервирана, а ќе се вклопи во новиот комплекс.

Од римскиот период пронајдени се и бањи, како и делумно сочуван храм посветен на Дионис. Но, овој рид пулсирал со живот и многу порано. Има гробници од 8. век пред новата ера односно од железното доба, остатоци и мозаици од македонската антика. Ништо од ова нема да биде урнато, се ќе биде вклопено во новите објекти.

Најважен дел од овој проект се археолошките истражувања – конзервацијата и реставрацијата на историското наследство кое овде се таложело со векови.

Археолозите со години откриваа слој по слој. Пронајдоа ретки и вредни фигури, накит, монети. Сите овие артефакти ќе бидат изложени во новиот Музеј, каде ќе биде преместена и галеријата со највредните икони од охридскиот крај, како и библиотеката со најретките ракописи.

На ова место во 886 година била формирана Охридската книжевна школа – првиот словенски и еден од најстарите европски универзитети. Новите објекти треба да ја возбноват традицијата подолга од еден миленум.

Проектот треба да ги спои духовното и световното, да ги премости вековите и милениумите, да го надгради пејзажот обединувајќи ги во една визура Самоиловата тврдина, црквите Св. Климент и Пантелејмон, Св. Јован Канео и околната традиционална архитектура. Овој простор во некогашниот Лихнидос, сегашниот Охрид треба да го рефлектира времето во кое се создавале глаголицата и кирилицата, во кое твореле просветителите.

Никола Крстиќ
http://www.alfa.mk/News.aspx?ID=77848#.U5V-D_l_v9U

Морам да кажам дека вака редефинираниот и корегиран проект ми се допаѓа многу повеќе од првичната замисла.

Сликава е од 6 јуни.

Lake Ohrid - Ohrid, Macedonia by meckleychina, on Flickr

Edited by Џоле - 11-Jun-2014 at 15:26

_MG_4599__MG_4603-5 images by livinganomadlife.wordpress.com, on Flickr

_MG_4617a by livinganomadlife.wordpress.com, on Flickr